ജീവിത-സേവന യോഗ​ത്തി​നുള്ള പഠനസ​ഹാ​യി—പരാമർശ​ങ്ങൾ

സെപ്‌റ്റംബർ 7-13

ദൈവ​വ​ച​ന​ത്തി​ലെ നിധികൾ | പുറപ്പാട്‌ 23–24

“ബഹുജ​ന​ത്തി​നു പിന്നാലെ പോക​രുത്‌”

it-1-E 11 ¶3

അഹരോൻ

അഹരോ​നു തെറ്റു പറ്റിയ മൂന്നു സന്ദർഭ​ങ്ങ​ളി​ലും തെറ്റു ചെയ്യാൻ അഹരോൻ മുന്നി​ട്ടി​റ​ങ്ങു​ക​യാ​യി​രു​ന്നില്ല എന്നു വേണം മനസ്സി​ലാ​ക്കാൻ. പകരം, സാഹച​ര്യ​ങ്ങ​ളു​ടെ സമ്മർദ​മോ മറ്റുള്ള​വ​രു​ടെ സ്വാധീ​ന​മോ കാരണം അദ്ദേഹം ശരിയായ പാതയിൽനിന്ന്‌ വ്യതി​ച​ലി​ച്ചു​പോ​കു​ക​യാ​യി​രു​ന്നു. ആദ്യത്തെ തെറ്റ്‌ ചെയ്‌ത സന്ദർഭ​ത്തി​ലെ​ങ്കി​ലും, അതായത്‌ കാളക്കു​ട്ടി​യെ ഉണ്ടാക്കി​യ​പ്പോ​ഴെ​ങ്കി​ലും, “ബഹുജ​ന​ത്തി​നു പിന്നാലെ പോയി തിന്മ ചെയ്യരുത്‌” എന്ന കല്‌പ​ന​യ്‌ക്കു പിന്നിലെ തത്ത്വം അഹരോ​നു ബാധക​മാ​ക്കാ​മാ​യി​രു​ന്നു. (പുറ 23:2) എങ്കിലും തിരു​വെ​ഴു​ത്തു​ക​ളിൽ അഹരോ​ന്റെ പേര്‌ ആദരണീ​യ​മായ ഒരു രീതി​യി​ലാണ്‌ ഉപയോ​ഗി​ച്ചി​രി​ക്കു​ന്നത്‌, പിന്നീട്‌ ദൈവ​പു​ത്രൻ ഭൂമി​യി​ലാ​യി​രുന്ന സമയത്തും അഹരോ​ന്യ​പൗ​രോ​ഹി​ത്യം മോശ​യു​ടെ നിയമം ഏർപ്പെ​ടു​ത്തി​യ​താ​ണെന്നു മനസ്സി​ലാ​ക്കി പ്രവർത്തി​ച്ചു.​—സങ്ക 115:10, 12; 118:3; 133:1, 2; 135:19; മത്ത 5:17-19; 8:4.

it-1-E 343 ¶5

അന്ധത

കൈക്കൂ​ലി​യും പാരി​തോ​ഷി​ക​ങ്ങ​ളും അല്ലെങ്കിൽ മുൻവി​ധി​യും ഒരു ന്യായാ​ധി​പനെ അന്ധനാ​ക്കാൻ സാധ്യ​ത​യു​ണ്ടാ​യി​രു​ന്നു. പക്ഷപാ​ത​മി​ല്ലാ​തെ ന്യായ​ത്തീർപ്പു കൽപ്പി​ക്കാൻ ന്യായാ​ധി​പന്‌ അതൊരു തടസ്സമാ​കു​മാ​യി​രു​ന്നു. അതു​കൊണ്ട്‌ മോശ​യു​ടെ നിയമം അത്തരം കാര്യ​ങ്ങൾക്ക്‌ എതിരെ മുന്നറി​യി​പ്പു കൊടു​ത്തു. ഉദാഹ​ര​ണ​ത്തിന്‌, പുറപ്പാട്‌ 23:8 ഇങ്ങനെ പറയുന്നു: ‘കൈക്കൂ​ലി സൂക്ഷ്‌മ​ദൃ​ഷ്ടി​യു​ള്ള​വരെ അന്ധരാ​ക്കു​ന്നു.’ അതു​പോ​ലെ, ആവർത്തനം 16:19, ‘കൈക്കൂ​ലി ജ്ഞാനിയെ അന്ധനാ​ക്കു​ന്നു’ എന്നും പറയുന്നു. ഒരു ന്യായാ​ധി​പൻ നേരു​ള്ള​വ​നും കാര്യ​ങ്ങളെ വേണ്ട വിധത്തിൽ തൂക്കി​നോ​ക്കാൻ കഴിവു​ള്ള​യാ​ളും ആയിരി​ക്കാം, പക്ഷേ ഒരു കേസിലെ വാദി​യോ പ്രതി​യോ എന്തെങ്കി​ലും സമ്മാനം കൊടു​ത്താൽ അറിയാ​തെ​യെ​ങ്കി​ലും അദ്ദേഹം അതിനാൽ സ്വാധീ​നി​ക്ക​പ്പെ​ടാൻ സാധ്യ​ത​യുണ്ട്‌. സമ്മാന​ങ്ങൾക്കു മാത്രമല്ല വികാ​ര​ങ്ങൾക്കും ഒരാളെ അന്ധനാ​ക്കാൻ കഴിയും. ഇങ്ങനെ പറഞ്ഞു​കൊണ്ട്‌ ദൈവ​ത്തി​ന്റെ നിയമം അതിന്‌ എതി​രെ​യും മുന്നറി​യി​പ്പു കൊടു​ത്തി​രു​ന്നു: “ദരി​ദ്ര​നോ​ടു പക്ഷപാ​ത​മോ സമ്പന്ന​നോ​ടു പ്രത്യേ​ക​പ​രി​ഗ​ണ​ന​യോ കാണി​ക്ക​രുത്‌.” (ലേവ 19:15) അതു​കൊണ്ട്‌ സഹതാ​പ​ത്തി​ന്റെ പേരി​ലോ, ആളുക​ളു​ടെ പ്രീതി നേടു​ന്ന​തി​നു​വേ​ണ്ടി​യോ മാത്രം ഒരു ന്യായാ​ധി​പൻ സമ്പന്നനായ ഒരാൾക്ക്‌ എതിരെ വിധി​ക്കാൻ പാടി​ല്ലാ​യി​രു​ന്നു.​—പുറ 23:2, 3.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-2-E 393

മീഖാ​യേൽ

ഗബ്രി​യേ​ലി​നെ കൂടാതെ ബൈബി​ളിൽ പേര്‌ വെളി​പ്പെ​ടു​ത്തി​യി​ട്ടുള്ള ഒരേ ഒരു ദൂതനാണ്‌ മീഖാ​യേൽ. ‘മുഖ്യ​ദൂ​തൻ’ എന്നു വിളി​ച്ചി​രി​ക്കു​ന്നതു മീഖാ​യേ​ലി​നെ മാത്ര​മാണ്‌. (യൂദ 9) ദാനി​യേൽ 10-ാം അധ്യാ​യ​ത്തി​ലാണ്‌ മീഖാ​യേൽ എന്ന പേര്‌ ആദ്യം കാണു​ന്നത്‌. അവിടെ ‘പ്രധാ​ന​പ്ര​ഭു​ക്ക​ന്മാ​രിൽ ഒരാൾ’ എന്നു മീഖാ​യേ​ലി​നെ വിളി​ച്ചി​രി​ക്കു​ന്നു. മീഖാ​യേ​ലി​നെ​ക്കാൾ താഴ്‌ന്ന ഒരു ദൂതനെ “പേർഷ്യൻ സാമ്രാ​ജ്യ​ത്തി​ന്റെ പ്രഭു” എതിർത്തു​നി​ന്ന​പ്പോൾ മീഖാ​യേൽ ആ ദൂതന്റെ സഹായ​ത്തിന്‌ എത്തി. മീഖാ​യേ​ലി​നെ “നിങ്ങളു​ടെ (ദാനി​യേ​ലി​ന്റെ ജനത്തിന്റെ) പ്രഭു” എന്നും “നിന്റെ (ദാനി​യേ​ലി​ന്റെ) ജനത്തി​നു​വേണ്ടി നിൽക്കുന്ന മഹാ​പ്രഭു” എന്നും വിളി​ച്ചി​ട്ടുണ്ട്‌. (ദാനി 10:13, 20, 21; 12:1) ഇസ്രാ​യേ​ല്യ​രെ വിജന​ഭൂ​മി​യിൽക്കൂ​ടി വഴിന​യിച്ച ദൂതൻ മീഖാ​യേ​ലാ​ണെന്ന്‌ ഇതെല്ലാം സൂചി​പ്പി​ക്കു​ന്നു. (പുറ 23:20, 21, 23; 32:34; 33:2) ‘മുഖ്യ​ദൂ​ത​നായ മീഖാ​യേൽപോ​ലും മോശ​യു​ടെ ശരീര​ത്തെ​ക്കു​റിച്ച്‌ പിശാ​ചു​മാ​യി വിയോ​ജി​പ്പു​ണ്ടാ​യിട്ട്‌ പിശാ​ചി​നോ​ടു വാദിച്ചു’ എന്ന വസ്‌തുത അതിനു കൂടുതൽ തെളിവ്‌ നൽകുന്നു.​—യൂദ 9.

സെപ്‌റ്റംബർ 14-20

ദൈവ​വ​ച​ന​ത്തി​ലെ നിധികൾ | പുറപ്പാട്‌ 25–26

“വിശു​ദ്ധ​കൂ​ടാ​ര​ത്തി​ലെ ഏറ്റവും പ്രധാ​ന​പ്പെട്ട കാര്യം”

it-1-E 165

ഉടമ്പടി​പ്പെ​ട്ട​കം

മാതൃ​ക​യും രൂപ​രേ​ഖ​യും. വിശു​ദ്ധ​കൂ​ടാ​രം നിർമി​ക്കാൻ മോശ​യോട്‌ ആവശ്യ​പ്പെ​ട്ട​പ്പോൾ യഹോവ ആദ്യം​തന്നെ കൊടു​ത്തത്‌ പെട്ടക​ത്തി​ന്റെ മാതൃ​ക​യും രൂപ​രേ​ഖ​യും ആയിരു​ന്നു. വിശു​ദ്ധ​കൂ​ടാ​ര​ത്തി​ലും ഇസ്രാ​യേ​ല്യ​രു​ടെ പാളയ​ത്തി​ലും ഏറ്റവും പ്രധാനം ആ പെട്ടക​മാ​യി​രു​ന്നു. അതിന്റെ ചട്ടക്കൂ​ടി​നു രണ്ടര മുഴം നീളവും ഒന്നര മുഴം വീതി​യും ഒന്നര മുഴം ഉയരവും (ഏകദേശം 111 സെ.മീ. നീളവും 67 സെ.മീ. വീതി​യും 67 സെ.മീ. ഉയരവും) ഉണ്ടായി​രു​ന്നു. കരു​വേ​ല​ത്ത​ടി​കൊണ്ട്‌ ഉണ്ടാക്കിയ അതിന്റെ അകവും പുറവും തനി തങ്കം​കൊണ്ട്‌ പൊതി​ഞ്ഞി​രു​ന്നു. ‘ചുറ്റോ​ടു​ചു​റ്റും സ്വർണം​കൊണ്ട്‌’ അലങ്കാ​ര​പ്പ​ണി​യുള്ള ഒരു ‘വക്കുണ്ടാ​യി​രു​ന്നു.’ പെട്ടക​ത്തി​ന്റെ രണ്ടാം ഭാഗം അതിന്റെ മൂടി​യാ​യി​രു​ന്നു. അതു തനിത്ത​ങ്കം​കൊ​ണ്ടാണ്‌ ഉണ്ടാക്കി​യത്‌, അല്ലാതെ തടി​കൊണ്ട്‌ ഉണ്ടാക്കി​യിട്ട്‌ സ്വർണം​കൊണ്ട്‌ പൊതി​യു​ക​യാ​യി​രു​ന്നില്ല. പെട്ടക​ത്തി​ന്റെ അതേ നീളവും വീതി​യും ആണ്‌ മൂടി​ക്കും ഉണ്ടായി​രു​ന്നത്‌. മൂടി​യു​ടെ മുകളിൽ, രണ്ട്‌ അറ്റത്തും ചുറ്റി​ക​കൊണ്ട്‌ അടിച്ച്‌ ഉണ്ടാക്കിയ രണ്ടു സ്വർണ കെരൂ​ബു​കൾ ഉണ്ടായി​രു​ന്നു. രണ്ടു കെരൂ​ബു​ക​ളും മുഖ​ത്തോ​ടു​മു​ഖ​മാ​യി​രു​ന്നു. രണ്ടു ചിറകു​ക​ളും മുകളി​ലേക്ക്‌ ഉയർത്തി പെട്ടകത്തെ മൂടുന്ന വിധത്തി​ലും തല കുമ്പി​ട്ടു​നിൽക്കുന്ന രീതി​യി​ലും ആയിരു​ന്നു കെരൂ​ബു​കൾ നിന്നി​രു​ന്നത്‌. (പുറ 25:10, 11, 17-22; 37:6-9) ഈ മൂടി “പാപപ​രി​ഹാ​ര​ത്തി​ന്റെ സ്ഥലം” എന്നും “അനുര​ഞ്‌ജ​ന​മൂ​ടി” എന്നും അറിയ​പ്പെ​ടു​ന്നു.​—എബ്ര 9:5, അടിക്കു​റിപ്പ്‌.

it-1-E 166 ¶2

ഉടമ്പടി​പ്പെ​ട്ട​കം

സാക്ഷ്യം, അതായത്‌ വിശു​ദ്ധ​മായ ഓർമി​പ്പി​ക്ക​ലു​കൾ സൂക്ഷി​ക്കാ​നുള്ള ഒരു വിശു​ദ്ധ​സ്ഥ​ല​മാ​യി​രു​ന്നു ഉടമ്പടി​പ്പെ​ട്ടകം. അങ്ങനെ പറയു​ന്ന​തി​ന്റെ കാരണം, അതിൽ സൂക്ഷി​ച്ചി​രുന്ന ഏറ്റവും പ്രധാ​ന​പ്പെട്ട കാര്യം പത്തു കല്‌പ​നകൾ എഴുതിയ സാക്ഷ്യ​ത്തി​ന്റെ രണ്ടു കൽപ്പല​ക​ക​ളാ​യി​രു​ന്നു എന്നതാണ്‌. (പുറ 25:16) പിന്നീട്‌ “മന്ന വെച്ചി​രുന്ന (ഒരു) സ്വർണ​ഭ​ര​ണി​യും അഹരോ​ന്റെ തളിർത്ത വടിയും” പെട്ടക​ത്തിൽ സൂക്ഷി​ക്കാൻ തുടങ്ങി​യെ​ങ്കി​ലും ശലോ​മോ​ന്റെ ആലയം പണിയു​ന്ന​തി​നു കുറച്ച്‌ കാലം മുമ്പ്‌ അതു പെട്ടക​ത്തിൽനിന്ന്‌ നീക്കി. (എബ്ര 9:4; പുറ 16:32-34; സംഖ 17:10; 1രാജ 8:9; 2ദിന 5:10) മരിക്കു​ന്ന​തി​നു മുമ്പ്‌ മോശ ലേവ്യ​പു​രോ​ഹി​ത​ന്മാർക്ക്‌ ‘നിയമ​പു​സ്‌തകം’ കൊടു​ത്തു, അതു ‘നിങ്ങൾക്കെ​തി​രെ ഒരു സാക്ഷി​യാ​യി’ ‘നിങ്ങളു​ടെ ദൈവ​മായ യഹോ​വ​യു​ടെ ഉടമ്പടി​പ്പെ​ട്ട​ക​ത്തിന്‌ അടുത്ത്‌ വെക്കാൻ’ നിർദേ​ശ​വും നൽകി. വ്യക്തമാ​യും പെട്ടക​ത്തിന്‌ ഉള്ളിൽ അല്ലായി​രു​ന്നു അതിന്റെ സ്ഥാനം.​—ആവ 31:24-26.

it-1-E 166 ¶3

ഉടമ്പടി​പ്പെ​ട്ട​കം

ദൈവ​ത്തി​ന്റെ സാന്നി​ധ്യ​വു​മാ​യി ബന്ധപ്പെ​ട്ടി​രി​ക്കു​ന്നു. പെട്ടകം നിലവി​ലു​ണ്ടാ​യി​രുന്ന കാല​ത്തെ​ല്ലാം ദൈവ​ത്തി​ന്റെ സാന്നി​ധ്യ​വു​മാ​യി അതിന്‌ അടുത്ത ബന്ധമു​ണ്ടാ​യി​രു​ന്നു. യഹോവ ഇങ്ങനെ ഉറപ്പു കൊടു​ത്തി​രു​ന്നു: “ഞാൻ അവിടെ നിന്റെ അടുത്ത്‌ സന്നിഹി​ത​നാ​യി മൂടി​യു​ടെ മുകളിൽനിന്ന്‌ നിന്നോ​ടു സംസാ​രി​ക്കും. . . . സാക്ഷ്യ​പ്പെ​ട്ട​ക​ത്തി​ന്റെ മുകളി​ലുള്ള രണ്ടു കെരൂ​ബു​ക​ളു​ടെ നടുവിൽനിന്ന്‌ ഞാൻ നിന്നെ അറിയി​ക്കും.” ‘ആ മൂടി​യു​ടെ മുകളിൽ ഞാൻ മേഘത്തിൽ പ്രത്യ​ക്ഷ​നാ​കും.’ (പുറ 25:22; ലേവ 16:2) യഹോവ ‘കെരൂ​ബു​കൾക്കു മീതെ സിംഹാ​സ​ന​ത്തിൽ ഇരിക്കു​ന്നു’ എന്നു ശമുവേൽ എഴുതി. (1ശമു 4:4) അതു​കൊണ്ട്‌ യഹോ​വ​യു​ടെ ‘രഥത്തിന്റെ പ്രതീ​ക​മാ​യി​രു​ന്നു’ ആ കെരൂ​ബു​കൾ എന്നു പറയാം. (1ദിന 28:18) “ദൈവ​ത്തോ​ടു സംസാ​രി​ക്കാൻ മോശ സാന്നി​ധ്യ​കൂ​ടാ​ര​ത്തിൽ ചെല്ലു​മ്പോ​ഴെ​ല്ലാം തന്നോടു സംസാ​രി​ക്കുന്ന തിരു​ശബ്ദം സാക്ഷ്യ​പെ​ട്ട​ക​ത്തി​ന്റെ മൂടി​യു​ടെ മുകളിൽനിന്ന്‌, രണ്ടു കെരൂ​ബു​ക​ളു​ടെ നടുവിൽനിന്ന്‌, വരുന്ന​താ​യാ​ണു മോശ കേട്ടി​രു​ന്നത്‌. അവി​ടെ​നിന്ന്‌ ദൈവം മോശ​യോ​ടു സംസാ​രി​ക്കു​മാ​യി​രു​ന്നു” എന്നു പറഞ്ഞി​രി​ക്കു​ന്ന​തി​ന്റെ കാരണം വ്യക്തമല്ലേ? (സംഖ 7:89) പിൽക്കാ​ലത്ത്‌ യോശു​വ​യും മഹാപു​രോ​ഹി​ത​നായ ഫിനെ​ഹാ​സും പെട്ടക​ത്തി​നു മുന്നിൽ യഹോ​വ​യു​ടെ മാർഗ​നിർദേശം തേടി. (യോശ 7:6-10; ന്യായ 20:27, 28) എങ്കിലും മഹാപു​രോ​ഹി​തൻ മാത്രമേ അതിവി​ശു​ദ്ധ​ത്തിൽ പ്രവേ​ശിച്ച്‌ പെട്ടകം കണ്ടിരു​ന്നു​ള്ളൂ, അതും വർഷത്തിൽ ഒരു പ്രാവ​ശ്യം. അത്‌ യഹോ​വ​യോ​ടു സംസാ​രി​ക്കാ​ന​ല്ലാ​യി​രു​ന്നു, മറിച്ച്‌ പാപപ​രി​ഹാ​ര​ദി​വ​സ​ത്തി​ലെ ചടങ്ങുകൾ ചെയ്യു​ന്ന​തി​നാ​യി​രു​ന്നു.​—ലേവ 16:2, 3, 13, 15, 17; എബ്ര 9:7.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 432 ¶1

കെരൂബ്‌

വിജന​ഭൂ​മി​യിൽവെച്ച്‌ വിശു​ദ്ധ​കൂ​ടാ​രം നിർമി​ച്ച​പ്പോൾ അതിൽ കെരൂ​ബു​ക​ളു​ടെ രൂപമാ​തൃ​ക​യും ഉൾപ്പെ​ട്ടി​രു​ന്നു. മൂടി​യു​ടെ മുകളിൽ, രണ്ട്‌ അറ്റത്തും ഈ കെരൂ​ബു​കളെ ചുറ്റി​ക​കൊണ്ട്‌ അടിച്ച്‌ ഉണ്ടാക്കണം. രണ്ടു കെരൂ​ബു​ക​ളും മുഖ​ത്തോ​ടു​മു​ഖ​മാ​യി​രി​ക്കണം, അതു​പോ​ലെ കെരൂ​ബു​ക​ളു​ടെ മുഖം താഴോ​ട്ടു മൂടി​യു​ടെ നേർക്കു തിരി​ഞ്ഞി​രി​ക്കു​ക​യും വേണം. ഈ ശരീര​നില യഹോ​വ​യ്‌ക്കുള്ള ആരാധ​നയെ സൂചി​പ്പി​ച്ചു. കെരൂ​ബു​കൾ അവയുടെ രണ്ടു ചിറകു​ക​ളും മുകളി​ലേക്ക്‌ ഉയർത്തി, മൂടി​യിൽ നിഴൽ വീഴ്‌ത്തുന്ന രീതി​യിൽ, പെട്ടകത്തെ സംരക്ഷി​ക്കാ​നെ​ന്ന​പോ​ലെ വിരി​ച്ചു​പി​ടി​ച്ചി​രി​ക്കണം. (പുറ 25:10-21; 37:7-9) വിശു​ദ്ധ​കൂ​ടാ​ര​ത്തി​ന്റെ ഏറ്റവും ഉള്ളിലെ കൂടാ​ര​ത്തു​ണി​ക​ളി​ലും വിശു​ദ്ധ​ത്തെ​യും അതിവി​ശു​ദ്ധ​ത്തെ​യും തമ്മിൽ വേർതി​രി​ക്കുന്ന തിരശ്ശീ​ല​യി​ലും കെരൂ​ബു​ക​ളു​ടെ രൂപങ്ങൾ ചിത്ര​പ്പ​ണി​യാ​യി ഉണ്ടാക്കണം.​—പുറ 26:1, 31; 36:8, 35.

it-2-E 936

കാഴ്‌ച​യ​പ്പം

വിശു​ദ്ധ​കൂ​ടാ​ര​ത്തി​ലെ​യും പിന്നീട്‌ ആലയത്തി​ലെ​യും വിശു​ദ്ധ​ത്തി​ലെ മേശയിൽ വെച്ചി​രുന്ന പന്ത്രണ്ട്‌ അപ്പം. ഈ അപ്പം ഓരോ ശബത്തി​ലും മാറ്റി പുതിയവ വെച്ചി​രു​ന്നു. (പുറ 35:13; 39:36; 1രാജ 7:48; 2ദിന 13:11; നെഹ 10:32, 33) കാഴ്‌ച​യപ്പം എന്നതി​നുള്ള എബ്രാ​യ​പ​ദ​പ്ര​യോ​ഗ​ത്തി​ന്റെ അക്ഷരാർഥം “മുഖത്തി​ന്റെ അപ്പം” എന്നാണ്‌. “മുഖം” എന്ന പദം ചില​പ്പോ​ഴൊ​ക്കെ “മുന്നിൽ” എന്നതിനെ കുറി​ക്കു​ന്നു. (2രാജ 13:23) അതു​കൊണ്ട്‌ ഈ കാഴ്‌ച​യപ്പം ഒരു യാഗമാ​യി യഹോ​വ​യു​ടെ മുഖത്തി​നു മുമ്പാകെ എന്നും ഉണ്ടായി​രു​ന്നു. (പുറ 25:30) കാഴ്‌ച​യ​പ്പത്തെ “അടുക്കി​വെ​ച്ചി​രി​ക്കുന്ന കാഴ്‌ച​യപ്പം” എന്നും വിളി​ക്കാ​റുണ്ട്‌.​—2ദിന 2:4.

സെപ്‌റ്റംബർ 21-27

ദൈവ​വ​ച​ന​ത്തി​ലെ നിധികൾ | പുറപ്പാട്‌ 27–28

“പുരോ​ഹി​ത​ന്മാ​രു​ടെ വസ്‌ത്ര​ങ്ങ​ളിൽനിന്ന്‌ നമുക്ക്‌ എന്തു പഠിക്കാം?”

it-2-E 1143

ഊറീ​മും തുമ്മീ​മും

ഊറീ​മും തുമ്മീ​മും നറുക്കു​ക​ളാ​യി​രു​ന്നു എന്നു പല ബൈബിൾ പണ്ഡിത​ന്മാ​രും കരുതു​ന്നു. ജെയിംസ്‌ മൊഫാ​റ്റി​ന്റെ പരിഭാ​ഷ​യിൽ പുറപ്പാട്‌ 28:30-ൽ അവയെ “വിശു​ദ്ധ​മായ നറുക്കു​കൾ” എന്നു വിളി​ക്കു​ന്നു. ചിലർ കരുതു​ന്നത്‌, അതു മൂന്നെ​ണ്ണ​മു​ണ്ടാ​യി​രു​ന്നു എന്നാണ്‌, ഒന്നിൽ ‘അതെ,’ എന്നും രണ്ടാമ​ത്തേ​തിൽ ‘അല്ല,’ എന്നും എഴുതി​യി​രു​ന്നു, മൂന്നാ​മ​ത്തേ​തിൽ ഒന്നും എഴുതി​യി​ട്ടു​ണ്ടാ​യി​രു​ന്നില്ല. നറുക്കി​ടു​മ്പോൾ ഏതു നറുക്കാ​ണോ ലഭിക്കു​ന്നത്‌, അതായി​രി​ക്കും ഉന്നയി​ക്ക​പ്പെട്ട ചോദ്യ​ത്തി​നുള്ള ഉത്തരം, ഒന്നും എഴുതാത്ത നറുക്കാ​ണു ലഭിക്കു​ന്ന​തെ​ങ്കിൽ ഉത്തരമില്ല എന്ന്‌ അർഥം. മറ്റു ചിലർ കരുതു​ന്നത്‌, അവ പരന്ന രണ്ടു കല്ലുക​ളാണ്‌ എന്നാണ്‌, ഒരു വശം വെള്ള നിറവും മറ്റേ വശം കറുത്ത നിറവും ഉള്ള രണ്ടു കല്ലുകൾ. ഈ കല്ലുകൾ ഒരുമിച്ച്‌ താഴേ​ക്കി​ടു​മ്പോൾ രണ്ടി​ന്റെ​യും വെള്ള നിറമുള്ള വശമാണ്‌ മുകളി​ല്ലെ​ങ്കിൽ ‘അതെ’ എന്നാണ്‌ ഉത്തരം, കറുത്ത വശമാ​ണെ​ങ്കിൽ ‘അല്ല’ എന്നും. അതേസ​മയം ഒരു കല്ലിന്റെ വെള്ള വശവും മറ്റേ കല്ലിന്റെ കറുത്ത വശവും ആണ്‌ വീഴു​ന്ന​തെ​ങ്കിൽ ഉത്തരമില്ല എന്നാണ്‌ അർഥ​മെ​ന്നും കരുതു​മാ​യി​രു​ന്നു. ഒരിക്കൽ, ഫെലി​സ്‌ത്യർക്ക്‌ എതി​രെ​യുള്ള യുദ്ധം തുടര​ണോ എന്ന്‌ ശൗൽ രാജാവ്‌ ഒരു പുരോ​ഹി​ത​നി​ലൂ​ടെ യഹോ​വ​യോ​ടു ചോദി​ച്ച​പ്പോൾ ഉത്തര​മൊ​ന്നും കിട്ടി​യില്ല. തന്റെ കൂട്ടത്തിൽപ്പെട്ട ആരോ പാപം ചെയ്‌തി​ട്ടു​ണ്ടെന്നു തോന്നിയ ശൗൽ “ഇസ്രാ​യേ​ലി​ന്റെ ദൈവമേ, തുമ്മീ​മി​ലൂ​ടെ ഉത്തരം തന്നാലും” എന്ന്‌ യഹോ​വ​യോട്‌ അപേക്ഷി​ച്ചു. ആ അപേക്ഷ​യ്‌ക്ക്‌ ഉത്തരം കിട്ടി, അവി​ടെ​യു​ണ്ടാ​യി​രു​ന്ന​വ​രു​ടെ ഇടയിൽനിന്ന്‌ ശൗലും യോനാ​ഥാ​നും തിര​ഞ്ഞെ​ടു​ക്ക​പ്പെട്ടു. അതിനു ശേഷം അവർ രണ്ടു പേരിൽ ആരാണു തെറ്റു ചെയ്‌ത​തെന്ന്‌ അറിയാൻ നറുക്കി​ട്ടു. ഈ വിവര​ണ​ത്തിൽ, “തുമ്മീ​മി​ലൂ​ടെ ഉത്തരം തന്നാലും” എന്ന്‌ അപേക്ഷി​ക്കു​ക​യും തുടർന്ന്‌ നറുക്കി​ടു​ക​യും ചെയ്യു​ന്നു​ണ്ടെ​ങ്കി​ലും ഇവ രണ്ടും ഒരേ കാര്യ​ത്തെയല്ല സൂചി​പ്പി​ക്കു​ന്നത്‌ എന്നു തോന്നു​ന്നു. എങ്കിലും ഇവ തമ്മിൽ എന്തോ ബന്ധമു​ണ്ടാ​കാം എന്നും ഈ വിവരണം സൂചി​പ്പി​ക്കു​ന്നു.​—1ശമു 14:36-42.

it-1-E 849 ¶3

നെറ്റി

ഇസ്രാ​യേ​ലി​ന്റെ മഹാപു​രോ​ഹി​തൻ. ഇസ്രാ​യേ​ലി​ലെ മഹാപു​രോ​ഹി​തന്റെ തലപ്പാ​വിൽ, നെറ്റിക്കു മുകളി​ലാ​യി, “സമർപ്പ​ണ​ത്തി​ന്റെ വിശു​ദ്ധ​ചി​ഹ്നം” എന്ന്‌ വിളി​ച്ചി​രുന്ന ഒരു തങ്കത്തകി​ടു​ണ്ടാ​യി​രു​ന്നു. അതിൽ “വിശുദ്ധി യഹോ​വ​യു​ടേത്‌” എന്ന വാക്കുകൾ ‘മുദ്ര കൊത്തു​ന്ന​തു​പോ​ലെ കൊത്തി​യി​രു​ന്നു.’ (പുറ 28:36-38; 39:30) യഹോ​വയെ ആരാധി​ക്കു​ന്ന​തിൽ ഇസ്രാ​യേ​ല്യ​രെ പ്രതി​നി​ധാ​നം ചെയ്‌തി​രുന്ന മഹാപു​രോ​ഹി​തൻ, എപ്പോ​ഴും ആത്മീയ​മാ​യി ശുദ്ധനാ​യി നിൽക്ക​ണ​മാ​യി​രു​ന്നു. മഹാപു​രോ​ഹി​തന്റെ നെറ്റി​യി​ലെ തകിടിൽ ആലേഖനം ചെയ്‌ത വാക്കുകൾ, തങ്ങൾ എപ്പോ​ഴും ആത്മീയ​മാ​യി ശുദ്ധരാ​യി​രി​ക്കണം എന്ന കാര്യം എല്ലാ ഇസ്രാ​യേ​ല്യ​രെ​യും ഓർമി​പ്പി​ക്കു​ക​യും ചെയ്‌തു. വലിയ മഹാപു​രോ​ഹി​ത​നായ യേശു​ക്രി​സ്‌തു​വി​ന്റെ ചിത്രം അതു നമ്മുടെ മനസ്സി​ലേക്കു കൊണ്ടു​വ​രു​ന്നു, ദൈവ​ത്തി​ന്റെ വിശുദ്ധി ഉയർത്തി​പ്പി​ടി​ക്കുന്ന പൗരോ​ഹി​ത്യ​സേ​വ​ന​ത്തി​നു യേശു തന്നെത്തന്നെ ദൈവ​ത്തി​നു സമർപ്പി​ച്ച​തി​നെ​യും.​—എബ്ര 7:26.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

w12-E 8/1 26 ¶1-3

നിങ്ങൾക്ക്‌ അറിയാ​മോ?

ഇസ്രാ​യേ​ലി​ലെ മഹാപു​രോ​ഹി​തന്റെ മാർച്ച​ട്ട​യി​ലെ വിലപി​ടി​പ്പുള്ള രത്‌നങ്ങൾ ഇസ്രാ​യേ​ല്യർക്ക്‌ എവി​ടെ​നി​ന്നാ​യി​രി​ക്കാം കിട്ടി​യത്‌?

ഇസ്രാ​യേ​ല്യർ ഈജി​പ്‌ത്‌ വിട്ട്‌ വിജന​ഭൂ​മി​യിൽ എത്തിയ​പ്പോൾ ഒരു മാർച്ചട്ട ഉണ്ടാക്കാ​നുള്ള കല്‌പന ദൈവം കൊടു​ത്തു. (പുറപ്പാട്‌ 28:15-21) ആ മാർച്ച​ട്ട​യിൽ മാണി​ക്യം, ഗോ​മേ​ദകം, മരതകം, നീലഹ​രി​ത​ക്കല്ല്‌, ഇന്ദ്രനീ​ലം, സൂര്യ​കാ​ന്തം, ലഷം കല്ല്‌, അക്കിക്കല്ല്‌, അമദമണി, പീതര​ത്‌നം, നഖവർണി, പച്ചക്കല്ല്‌ എന്നിവ പതിച്ചി​രു​ന്നു. ഇസ്രാ​യേ​ല്യർക്ക്‌ ഇത്തരം കല്ലുകൾ ലഭ്യമാ​യി​രു​ന്നോ?

ബൈബിൾക്കാ​ല​ങ്ങ​ളിൽ ആളുകൾ ഇത്തരം രത്‌നങ്ങൾ വളരെ വില​പ്പെ​ട്ട​താ​യി കണ്ടിരു​ന്നു. അവ വാങ്ങു​ക​യും വിൽക്കു​ക​യും ചെയ്‌തി​രു​ന്നു. ഉദാഹ​ര​ണ​ത്തിന്‌, ഇന്നത്തെ ഇറാൻ, അഫ്‌ഗാ​നി​സ്ഥാൻ, ഇന്ത്യ എന്നീ ദൂര​ദേ​ശ​ങ്ങ​ളിൽ നിന്നു​പോ​ലും പുരാതന ഈജി​പ്‌തു​കാർ ഇത്തരം രത്‌നങ്ങൾ വാങ്ങി​യി​രു​ന്നു. ഈജി​പ്‌തി​ലെ ചക്രവർത്തി​മാർക്ക്‌ അവരുടെ നിയ​ന്ത്ര​ണ​ത്തി​ലുള്ള പ്രദേ​ശ​ങ്ങ​ളി​ലെ ഖനിക​ളു​ടെ മേൽ പൂർണ​മായ അധികാ​ര​മു​ണ്ടാ​യി​രു​ന്നു. ഗോ​ത്ര​പി​താ​വായ ഇയ്യോബ്‌ തന്റെ സമകാ​ലി​കർ നിധി കണ്ടെത്താൻ ഖനനം ചെയ്യു​ന്ന​തി​നെ​ക്കു​റിച്ച്‌ പറഞ്ഞി​ട്ടുണ്ട്‌. ഖനനം ചെയ്‌ത്‌ എടുത്തി​രു​ന്ന​വ​യു​ടെ കൂട്ടത്തിൽ ഗോ​മേ​ദ​ക​വും ഇന്ദ്രനീ​ല​വും ഉണ്ടായി​രു​ന്ന​താ​യി ഇയ്യോബ്‌ എടുത്തു​പ​റ​ഞ്ഞി​ട്ടുണ്ട്‌.​—ഇയ്യോബ്‌ 28:1-11, 19.

ഇസ്രാ​യേ​ല്യർ ഈജി​പ്‌ത്‌ വിട്ട്‌ പോന്ന​പ്പോൾ ‘ഈജി​പ്‌തു​കാ​രെ കൊള്ള​യ​ടി​ക്കു​ക​യും’ അവരുടെ വിലപ്പെട്ട സാധനങ്ങൾ ഇസ്രാ​യേ​ല്യർക്കു ലഭിക്കു​ക​യും ചെയ്‌തു എന്നു പുറപ്പാ​ടി​ലെ വിവരണം പറയുന്നു. (പുറപ്പാട്‌ 12:35, 36) അതു​കൊണ്ട്‌, മഹാപു​രോ​ഹി​തന്റെ മാർച്ച​ട്ട​യിൽ പതിപ്പി​ക്കാ​നുള്ള രത്‌നങ്ങൾ ഇസ്രാ​യേ​ല്യർക്ക്‌ ഈജി​പ്‌തിൽനിന്ന്‌ കിട്ടി​യ​താ​യി​രി​ക്കാം.

it-1-E 1130 ¶2

വിശുദ്ധി

മൃഗങ്ങ​ളും വിളവും. കാളക​ളു​ടെ​യും ആൺചെ​മ്മ​രി​യാ​ടു​ക​ളു​ടെ​യും കോലാ​ടു​ക​ളു​ടെ​യും കടിഞ്ഞൂ​ലു​കൾ യഹോ​വ​യ്‌ക്കു വിശു​ദ്ധ​മാ​യി കണക്കാ​ക്കി​യി​രു​ന്നു, അവയെ വീണ്ടെ​ടു​ക്കാൻ കഴിയി​ല്ലാ​യി​രു​ന്നു. അവയെ യാഗമാ​യി അർപ്പി​ക്കണം, അതിന്റെ ഒരു ഭാഗം ശുദ്ധീ​ക​രി​ക്ക​പ്പെട്ട പുരോ​ഹി​ത​ന്മാർക്കും ലഭിച്ചി​രു​ന്നു. (സംഖ 18:17-19) ദശാം​ശ​വും വിളവു​ക​ളു​ടെ​യും മൃഗങ്ങ​ളു​ടെ​യും ആദ്യഫ​ല​ങ്ങ​ളും വിശു​ദ്ധ​മാ​യി​രു​ന്നു, വിശു​ദ്ധ​കൂ​ടാ​ര​ത്തി​ലെ ആരാധ​ന​യ്‌ക്കു​വേണ്ടി വിശു​ദ്ധീ​ക​രി​ച്ചി​രുന്ന യാഗങ്ങ​ളു​ടെ​യും കാഴ്‌ച​ക​ളു​ടെ​യും കാര്യ​ത്തി​ലെ​ന്ന​പോ​ലെ​തന്നെ. (പുറ 28:38) യഹോ​വ​യ്‌ക്കാ​യി വേർതി​രിച്ച കാര്യങ്ങൾ വിശു​ദ്ധ​മാ​യി​രു​ന്നു, അതിനെ ലാഘവ​ത്തോ​ടെ വീക്ഷി​ക്കാ​നോ ഉപയോ​ഗി​ക്കാ​നോ ഒന്നും പാടി​ല്ലാ​യി​രു​ന്നു. ദശാം​ശ​ത്തി​ന്റെ കാര്യം​തന്നെ എടുക്കുക. ഒരു മനുഷ്യൻ തന്റെ ഗോതമ്പു വിളവി​ന്റെ പത്തി​ലൊന്ന്‌ യഹോ​വ​യ്‌ക്കു കൊടു​ക്കാൻ മാറ്റി​വെ​ക്കു​ന്നു, പക്ഷേ അദ്ദേഹ​മോ ഒരു കുടും​ബാം​ഗ​മോ അറിയാ​തെ അതിൽ കുറച്ച്‌ വീട്ടിലെ ഒരു ആവശ്യ​ത്തിന്‌, ഒരുപക്ഷേ പാചകം ചെയ്യു​ന്ന​തിന്‌, എടുക്കു​ന്നു. അങ്ങനെ​യെ​ങ്കിൽ വിശു​ദ്ധ​കാ​ര്യ​ങ്ങ​ളോ​ടുള്ള ബന്ധത്തിൽ ദൈവം കൊടു​ത്തി​രുന്ന നിയമം ആ വ്യക്തി ലംഘി​ക്കു​ക​യാണ്‌. പ്രായ​ശ്ചി​ത്ത​മാ​യി ആ വ്യക്തി അതിന്റെ തുകയും ഒപ്പം 20 ശതമാ​ന​വും വിശു​ദ്ധ​കൂ​ടാ​ര​ത്തി​ലേക്കു കൊടു​ക്ക​ണ​മാ​യി​രു​ന്നു, ഒപ്പം ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ടി​നെ യാഗമാ​യി അർപ്പി​ക്കു​ക​യും വേണമാ​യി​രു​ന്നു. ഇത്തരം നിയമങ്ങൾ യഹോ​വ​യ്‌ക്കുള്ള വിശു​ദ്ധ​വ​സ്‌തു​ക്ക​ളോട്‌ അങ്ങേയറ്റം ആദരവു​ള്ള​വ​രാ​യി​രി​ക്കാൻ ഇസ്രാ​യേ​ല്യ​രെ സഹായി​ച്ചു.​—ലേവ 5:14-16.

സെപ്‌റ്റംബർ 28–ഒക്‌ടോ​ബർ 4

ദൈവ​വ​ച​ന​ത്തി​ലെ നിധികൾ | പുറപ്പാട്‌ 29–30

“യഹോ​വ​യ്‌ക്കുള്ള സംഭാവന”

it-2-E 764-765

ജനസംഖ്യ കണക്കെ​ടുപ്പ്‌

സീനാ​യിൽ. ഇസ്രാ​യേ​ല്യർ ഈജി​പ്‌തിൽനിന്ന്‌ പുറ​പ്പെ​ട്ട​തി​ന്റെ രണ്ടാം വർഷം രണ്ടാം മാസം, സീനാ​യിൽ പാളയ​മ​ടി​ച്ച​പ്പോ​ഴാണ്‌ യഹോ​വ​യു​ടെ കല്‌പ​ന​പ്ര​കാ​രം ആദ്യമാ​യി ജനസം​ഖ്യ​യു​ടെ കണക്കെ​ടു​ത്തത്‌. ഇക്കാര്യ​ത്തിൽ മോശയെ സഹായി​ക്കു​ന്ന​തിന്‌, ഓരോ ഗോ​ത്ര​ത്തിൽനി​ന്നും ഓരോ തലവനെ തിര​ഞ്ഞെ​ടു​ത്തു, ആ തലവന്റെ മേൽനോ​ട്ട​ത്തി​ലാ​യി​രു​ന്നു ആ ഗോ​ത്ര​ത്തി​ന്റെ കണക്കെ​ടുപ്പ്‌. 20 വയസ്സു മുതൽ മേലോ​ട്ടുള്ള എല്ലാ പുരു​ഷ​ന്മാ​രു​ടെ​യും, അതായത്‌ സൈന്യ​ത്തിൽ ചേരാ​നുള്ള പ്രായ​മെ​ത്തി​യ​വ​രു​ടെ, എണ്ണമെ​ടു​ത്തു. മാത്രമല്ല, പേര്‌ രേഖ​പ്പെ​ടു​ത്തി​യവർ സാന്നി​ധ്യ​കൂ​ടാ​ര​ത്തി​ന്റെ സേവന​ത്തി​നാ​യി അര ശേക്കെൽ (1.10 ഡോളർ) കരം കൊടു​ക്കാ​നും നിയമം അനുശാ​സി​ച്ചു. (പുറ 30:11-16; സംഖ 1:1-16, 18, 19) മൊത്തം പേര്‌ രേഖ​പ്പെ​ടു​ത്തി​യവർ 6,03,550 ആയിരു​ന്നു. അതിൽ ലേവ്യർ ഉൾപ്പെ​ട്ടി​രു​ന്നില്ല. ലേവ്യർക്കു ദേശത്ത്‌ ഓഹരി​യി​ല്ലാ​യി​രു​ന്നു. അവർ സാന്നി​ധ്യ​കൂ​ടാ​ര​ത്തിൽ കരം കൊടു​ത്തി​രു​ന്നില്ല, അവർ സൈന്യ​ത്തിൽ ചേരേ​ണ്ട​തു​മി​ല്ലാ​യി​രു​ന്നു.​—സംഖ 1:44-47; 2:32, 33; 18:20, 24.

it-1-E 502

സംഭാവന

ചില സംഭാ​വ​നകൾ കൊടു​ക്ക​ണ​മെന്നു നിയമ​ത്തിൽ വ്യവസ്ഥ​യു​ണ്ടാ​യി​രു​ന്നു. മോശ ഇസ്രാ​യേ​ല്യ​രു​ടെ ജനസംഖ്യ കണക്കെ​ടു​ത്ത​പ്പോൾ, 20 വയസ്സു മുതൽ മേലോ​ട്ടുള്ള എല്ലാ പുരു​ഷ​ന്മാ​രും തന്റെ ജീവന്റെ മോച​ന​വി​ല​യാ​യി “വിശു​ദ്ധ​സ്ഥ​ലത്തെ ശേക്കെ​ലി​ന്റെ തൂക്കമ​നു​സ​രിച്ച്‌ അര ശേക്കെൽ” (സാധ്യ​ത​യ​നു​സ​രിച്ച്‌ 1.10 ഡോളർ) കൊടു​ക്ക​ണ​മാ​യി​രു​ന്നു. അവരുടെ ജീവനു പാപപ​രി​ഹാ​രം വരുത്താ​നും ‘സാന്നി​ധ്യ​കൂ​ടാ​ര​ത്തി​ലെ സേവന​ങ്ങൾക്കു​വേ​ണ്ടി​യും’ “യഹോ​വ​യ്‌ക്കുള്ള സംഭാവന” ആയിരു​ന്നു അത്‌. (പുറ 30:11-16) ജൂതച​രി​ത്ര​കാ​ര​നായ ജോസീ​ഫസ്‌ പറയു​ന്ന​ത​നു​സ​രിച്ച്‌, ഈ “വിശു​ദ്ധ​കരം” അതിനു ശേഷം എല്ലാ വർഷവും കൊടു​ത്തി​രു​ന്നു.​—2ദിന 24:6-10; മത്ത 17:24.

w11-E 11/1 12 ¶1-2

നിങ്ങൾക്ക്‌ അറിയാ​മോ?

യരുശ​ലേ​മി​ലെ യഹോ​വ​യു​ടെ ആലയത്തി​ലെ സേവന​ങ്ങൾക്കുള്ള പണം കണ്ടെത്തി​യി​രു​ന്നത്‌ എങ്ങനെ?

നിർബ​ന്ധ​മാ​യും കൊടു​ക്കേ​ണ്ടി​യി​രുന്ന ദശാംശം ഉപയോ​ഗി​ച്ചാണ്‌ ആലയത്തി​ലെ സേവനങ്ങൾ നടത്തി​യി​രു​ന്നത്‌. മറ്റു തരത്തി​ലുള്ള നികു​തി​ക​ളും അതിനാ​യി ഉപയോ​ഗി​ച്ചി​രു​ന്നു. ഉദാഹ​ര​ണ​ത്തിന്‌, വിശു​ദ്ധ​കൂ​ടാ​ര​ത്തി​ന്റെ നിർമാ​ണ​സ​മ​യത്ത്‌ ‘യഹോ​വ​യ്‌ക്കുള്ള സംഭാ​വ​ന​യാ​യി’ അര ശേക്കെൽ വീതം, പേര്‌ രേഖ​പ്പെ​ടു​ത്തി​യി​ട്ടുള്ള എല്ലാവ​രിൽനി​ന്നും ശേഖരി​ക്കാൻ യഹോവ മോശ​യോട്‌ ആവശ്യ​പ്പെട്ടു. ​—പുറപ്പാട്‌ 30:12-16.

സാധ്യ​ത​യ​നു​സ​രിച്ച്‌ എല്ലാ ജൂതന്മാ​രും ആ നിശ്ചി​ത​തുക വാർഷി​ക​നി​കു​തി​യാ​യി കൊടു​ക്കു​ന്നത്‌ ഒരു രീതി​യാ​യി മാറി. മീനിന്റെ വായിൽനിന്ന്‌ നാണയം എടുക്കാൻ യേശു പത്രോ​സി​നോട്‌ പറഞ്ഞത്‌ ഈ നികുതി അടയ്‌ക്കാ​നാ​യി​രു​ന്നു.​—മത്തായി 17:24-27.

ആത്മീയ​ര​ത്‌ന​ങ്ങൾക്കാ​യി കുഴി​ക്കു​ക

it-1-E 1029 ¶4

കൈ

തലയിൽ കൈ വെക്കു​ന്നത്‌. വ്യത്യസ്‌ത ലക്ഷ്യങ്ങൾക്കാ​യി ഒരു വ്യക്തി​യു​ടെ​യോ മൃഗത്തി​ന്റെ​യോ വസ്‌തു​വി​ന്റെ​യോ മേൽ കൈകൾ വെച്ചി​രു​ന്നു. ഒരു പ്രത്യേക ഉദ്ദേശ്യ​ത്തി​നാ​യി ആ വ്യക്തി​യെ​യോ വസ്‌തു​വി​നെ​യോ തിരി​ച്ച​റി​യി​ക്കു​ന്നു എന്നു കാണി​ക്കാ​നാണ്‌ പ്രധാ​ന​മാ​യും ഇങ്ങനെ ചെയ്‌തി​രു​ന്നത്‌. പൗരോ​ഹി​ത്യ​ശു​ശ്രൂഷ സ്ഥാപിച്ച സമയത്ത്‌ അഹരോ​നും പുത്ര​ന്മാ​രും ഒരു കാളയു​ടെ​യും രണ്ട്‌ ആൺചെ​മ്മ​രി​യാ​ടു​ക​ളു​ടെ​യും തലയിൽ കൈകൾ വെച്ചു. ദൈവ​മായ യഹോ​വ​യു​ടെ പുരോ​ഹി​ത​ന്മാ​രാ​കാ​നി​രുന്ന അവർക്കു​വേണ്ടി യാഗം അർപ്പി​ക്കാൻ ഈ മൃഗങ്ങളെ വേർതി​രി​ച്ചു എന്ന്‌ അതു കാണിച്ചു. (പുറ 29:10, 15, 19; ലേവ 8:14, 18, 22) ദൈവ​ത്തി​ന്റെ കല്‌പ​ന​പ്ര​കാ​രം യോശു​വയെ തന്റെ പിൻഗാ​മി​യാ​യി നിയമി​ച്ച​പ്പോൾ, മോശ യോശു​വ​യു​ടെ തലയിൽ കൈകൾ വെച്ചു. “അങ്ങനെ യോശുവ ജ്ഞാനത്തി​ന്റെ ആത്മാവ്‌ നിറഞ്ഞ​വ​നാ​യി,” ഇസ്രാ​യേ​ല്യ​രെ നന്നായി നയിക്കാൻ യോശു​വ​യ്‌ക്കു കഴിഞ്ഞു. (ആവ 34:9) അനു​ഗ്ര​ഹ​ത്തി​ന്റെ സൂചന​യാ​യും കൈകൾ തലയിൽ വെച്ചി​രു​ന്നു. (ഉൽ 48:14; മർ 10:16) യേശു​ക്രി​സ്‌തു ചിലരെ തൊട്ട്‌ സുഖ​പ്പെ​ടു​ത്തി, ചിലരു​ടെ മേൽ കൈകൾ വെച്ച്‌ സുഖ​പ്പെ​ടു​ത്തി എന്നും നമ്മൾ വായി​ക്കു​ന്നുണ്ട്‌. (മത്ത 8:3; മർ 6:5; ലൂക്ക 13:13) ഇനി, അപ്പോ​സ്‌ത​ല​ന്മാർ ചിലരു​ടെ മേൽ കൈകൾ വെച്ച​പ്പോൾ അവർക്കു പരിശു​ദ്ധാ​ത്മാവ്‌ ലഭിച്ചു.​—പ്രവൃ 8:14-20; 19:6.

it-1-E 114 ¶1

അഭിഷി​ക്തൻ, അഭി​ഷേകം ചെയ്യൽ

യഹോവ മോശ​യ്‌ക്കു കൊടുത്ത നിയമ​ത്തിൽ, അഭി​ഷേ​ക​തൈ​ല​ത്തി​നുള്ള ഒരു കൂട്ട്‌ യഹോവ നിർദേ​ശി​ച്ചു. മീറ, വാസന​യുള്ള കറുവാ​പ്പട്ട, സുഗന്ധ​മുള്ള വയമ്പ്‌, ഇലവങ്ങം എന്നീ വിശി​ഷ്ട​പ​രി​മ​ള​ദ്ര​വ്യ​ങ്ങ​ളും ഒലി​വെ​ണ്ണ​യും ചേർത്തുള്ള ഒരു മിശ്രി​ത​മാ​യി​രു​ന്നു അത്‌. (പുറ 30:22-25) ആരെങ്കി​ലും സ്വന്തമാ​യി ഈ തൈലം ഉണ്ടാക്കി, നിത്യോ​പ​യോ​ഗ​ത്തി​നോ അനുവാ​ദ​മി​ല്ലാത്ത മറ്റ്‌ എന്തെങ്കി​ലും കാര്യ​ത്തി​നോ ഉപയോ​ഗി​ക്കു​ന്നത്‌ മരണശിക്ഷ അർഹി​ക്കുന്ന തെറ്റാ​യി​രു​ന്നു. (പുറ 30:31-33) വിശു​ദ്ധ​തൈലം ഒഴിച്ച്‌ അഭി​ഷേകം ചെയ്യുന്ന ഒരാൾക്കു ലഭിക്കുന്ന നിയമ​ന​ത്തി​ന്റെ ഗൗരവ​വും പവി​ത്ര​ത​യും എത്ര​ത്തോ​ള​മു​ണ്ടെന്ന്‌ ഈ നിയമം ആലങ്കാ​രി​ക​മാ​യി കാണിച്ചു.