ഗീതം 43
നന്ദി അർപ്പിക്കുന്ന ഒരു പ്രാർഥന
1. വാത്സല്യവാനാം യഹോവേ സർവേശാ,
വാഴ്‌ത്തുന്നു നിന്നെ ഈ പ്രാർഥനയിൽ.
അൻപോടെ എന്നെന്നും കാത്തരുളും നിൻ
കാരുണ്യം ഞങ്ങൾക്കെന്നും ആശ്രയം.
പാപത്തിൽ വീണോരാം ദോഷികൾ ഞങ്ങൾ;
പാപങ്ങൾ മാപ്പേകി മായ്‌ക്കേണമേ.
യേശുവിൻ യാഗത്താൽ രക്ഷ നൽകി നീ.
ആർദ്രമാം നിൻ സ്‌നേഹം വാഴ്‌ത്തും ഞങ്ങൾ.
2. നന്ദി യഹോവേ, നിൻ സ്‌നേഹദയയ്‌ക്കായ്‌,
നിന്നുള്ളിൽ തന്നൊരിടം ഞങ്ങൾക്കായ്‌.
സൗമ്യർക്കായ്‌ നീയേകും നൻമകൾക്കെല്ലാം
നന്ദി നൽകി നിന്നെ സ്‌തുതിക്കുന്നു.
ആത്മധൈര്യം ഞങ്ങൾ നേടീടാനായ്‌ നിൻ
ആത്മാവിൻ ശക്തി പകർന്നല്ലോ നീ.
നാഥാ നിന്നിഷ്ടംപോൽ എന്നെന്നും നിന്നെ
സേവിപ്പാനായ്‌ സഹായിക്കേണമേ.
(സങ്കീ. 65:2, 4, 11; ഫിലി. 4:6 കൂടെ കാണുക.)