1-3. (എ) ഭർത്താ​വി​നെ കാണാൻ പോകു​ക​യെന്ന ചിന്തതന്നെ എസ്ഥേരി​നെ ഭയപ്പെ​ടു​ത്തി​യി​രി​ക്കാ​വു​ന്നത്‌ എന്തു​കൊണ്ട്‌? (ബി) എസ്ഥേരി​നെ സംബന്ധിച്ച്‌ ഏതെല്ലാം ചോദ്യ​ങ്ങൾ നമ്മൾ ചർച്ച ചെയ്യും?

എസ്ഥേർ നടക്കു​ക​യാണ്‌. അവളുടെ നെഞ്ചി​ടിപ്പ്‌ കൂടി. ഉള്ളിലെ ആധിയും പരി​ഭ്ര​മ​വും അടക്കാൻ അവൾ ആവുന്നത്ര ശ്രമി​ക്കു​ന്നുണ്ട്‌. പക്ഷേ, പറ്റുന്നില്ല. അവൾ നടന്നടു​ക്കു​ന്നത്‌ ശൂശൻ രാജധാ​നി​യു​ടെ അങ്കണത്തി​ലേ​ക്കാണ്‌. കാണു​ന്ന​വ​രിൽ വിസ്‌മ​യ​വും അമ്പരപ്പും ഒരു​പോ​ലെ നിറയ്‌ക്കുന്ന നിർമി​തി​യാണ്‌ ആ കൊട്ടാ​രം. ചുവരു​ക​ളിൽ വൈവി​ധ്യ​മാർന്ന ബഹുവർണ കൊത്തു​രൂ​പങ്ങൾ! ചിറകുള്ള കാളകൾ, വില്ലാ​ളി​വീ​ര​ന്മാർ, ഇഷ്ടിക​ഭി​ത്തി​യിൽ കൊത്തു​പണി ചെയ്‌ത്‌ മിനു​ക്കി​യെ​ടുത്ത മിഴി​വാർന്ന സിംഹ​രൂ​പങ്ങൾ, അങ്ങനെ​യെ​ന്തെ​ല്ലാം! ചിത്ര​പ്പണി ചെയ്‌ത കൂറ്റൻ കരിങ്കൽ സ്‌തം​ഭ​ങ്ങ​ളും ശില്‌പ​ക​ല​യു​ടെ അഴക​ത്ര​യും വിളങ്ങി​നിൽക്കുന്ന ശിലാ​രൂ​പ​ങ്ങ​ളും കൊണ്ട്‌ പ്രൗഢ​മായ അരമന! മഞ്ഞു​തൊ​പ്പി​യ​ണിഞ്ഞ സാ​ഗ്രോസ്‌ പർവത​നി​ര​യു​ടെ അരികു​പറ്റി കെട്ടി​യു​യർത്തിയ വിശാ​ല​മായ സമനി​ര​പ്പിൽ വിലസു​ക​യാണ്‌ ഈ കൊട്ടാ​രം. കോസ്‌പസ്‌ നദിയി​ലെ തെളി​നീ​രിൽ മുഖം നോക്കി​നിൽക്കുന്ന രാജധാ​നി! ‘മഹാനായ ചക്രവർത്തി’ എന്നു സ്വയം വിശേ​ഷി​പ്പിച്ച ആളുടെ വസതി​യാണ്‌ ഇത്‌! തന്റെ അപാര​മായ അധികാ​ര​വും പ്രതാ​പ​വും അവി​ടെ​യെ​ത്തുന്ന ഓരോ സന്ദർശ​ക​നെ​യും ബോധ്യ​പ്പെ​ടു​ത്താ​നാ​യി പണിതു​യർത്തി​യ​താണ്‌ ഇതത്ര​യും! എസ്ഥേർ കാണാൻ വന്നിരി​ക്കു​ന്നത്‌ അദ്ദേഹ​ത്തെ​യാണ്‌, അഹശ്വേ​രോ​ശി​നെ! അദ്ദേഹം മറ്റാരു​മല്ല, അവളുടെ ഭർത്താ​വാണ്‌!

² ഭർത്താ​വോ! അതെങ്ങനെ? ദൈവ​ഭ​ക്ത​യായ ഒരു യഹൂദ​പെൺകു​ട്ടിക്ക്‌ അഹശ്വേ​രോ​ശി​നെ​പ്പോ​ലെ ഒരാളെ ഭർത്താ​വാ​യി സങ്കല്‌പി​ക്കാ​നേ കഴിയില്ല!a ദൈവ​ദാ​സ​നാ​യി​രുന്ന അബ്രാ​ഹാ​മി​നെ​പ്പോ​ലെ​യൊ​ന്നു​മല്ല അദ്ദേഹം. അങ്ങനെ​യു​ള്ള​വരെ മാതൃ​ക​യാ​ക്കാൻ അദ്ദേഹം കൂട്ടാ​ക്കു​ക​യു​മില്ല. തന്റെ ഭാര്യ​യായ സാറാ​യു​ടെ വാക്ക്‌ കേൾക്കാൻ ദൈവം പറഞ്ഞ​പ്പോൾ താഴ്‌മ​യോ​ടെ അനുസ​രിച്ച ഭർത്താ​വാ​യി​രു​ന്നു അബ്രാ​ഹാം. (ഉല്‌പ. 21:12) എസ്ഥേരി​ന്റെ ദൈവ​മായ യഹോ​വ​യെ​ക്കു​റി​ച്ചോ അവന്റെ ശ്രേഷ്‌ഠ​മായ ന്യായ​പ്ര​മാ​ണ​സം​ഹി​ത​യെ​ക്കു​റി​ച്ചോ ഈ രാജാ​വിന്‌ ഒന്നും​തന്നെ അറിയി​ല്ലാ​യി​രു​ന്നു. അഹശ്വേ​രോ​ശിന്‌ അറിയാ​വു​ന്നത്‌ പേർഷ്യൻ നിയമ​സം​ഹി​ത​യാണ്‌. എസ്ഥേർ ഇപ്പോൾ ചെയ്യാൻ പോകുന്ന കാര്യം ആ നിയമ​സം​ഹി​തയ്‌ക്ക്‌ വിരു​ദ്ധ​മാണ്‌. എന്താണ്‌ അത്‌? പേർഷ്യൻ നിയമ​പ്ര​കാ​രം, ചക്രവർത്തി വിളി​ച്ചി​ട്ട​ല്ലാ​തെ ആരെങ്കി​ലും അദ്ദേഹ​ത്തി​ന്റെ മുന്നിൽ ചെന്നാൽ അയാൾക്ക്‌ മരണശി​ക്ഷ​യാണ്‌ ലഭിക്കുക! എസ്ഥേരിന്‌ ഇപ്പോൾ രാജാ​വി​ന്റെ ക്ഷണം ലഭിച്ചി​ട്ടില്ല. എന്നിട്ടും അവൾ രാജസ​ന്നി​ധി​യി​ലേക്ക്‌ പോകു​ക​യാണ്‌. അവൾ അകത്തള​ത്തി​ലേക്ക്‌ നടന്നടു​ത്തു. ഇപ്പോൾ രാജാ​വിന്‌ സിംഹാ​സ​ന​ത്തി​ലി​രു​ന്നാൽ അവളെ കാണാം. മരണത്തി​ലേ​ക്കാണ്‌ താൻ ചുവടു​കൾ വെക്കു​ന്ന​തെന്ന്‌ അവൾക്ക്‌ തോന്നി​യി​ട്ടു​ണ്ടാ​കും.—എസ്ഥേർ 4:11; 5:1 വായി​ക്കുക.

³ ഈ പെൺകു​ട്ടി അറിഞ്ഞു​കൊണ്ട്‌ എന്തിനാണ്‌ ആപത്തിൽ ചാടാൻ നോക്കു​ന്നത്‌? ഇവളുടെ ശ്രദ്ധേ​യ​മായ വിശ്വാ​സ​ത്തിൽനിന്ന്‌ നമുക്ക്‌ എന്തു പഠിക്കാം? ആദ്യം നമുക്ക്‌ എസ്ഥേർ, പേർഷ്യ​യു​ടെ രാജ്ഞി എന്ന അസാധാ​ര​ണ​പ​ദ​വി​യിൽ എത്താൻ ഇടയാ​യത്‌ എങ്ങനെ​യാ​ണെന്ന്‌ നോക്കാം.

എസ്ഥേരി​ന്റെ പശ്ചാത്തലം

4. എസ്ഥേരി​ന്റെ പശ്ചാത്തലം എന്തായി​രു​ന്നു, അവൾ തന്റെ ബന്ധുവായ മൊർദെ​ഖാ​യി​യു​ടെ വീട്ടിൽ വളരാൻ ഇടയാ​യത്‌ എങ്ങനെ?

⁴ ഒരു അനാഥ​ബാ​ലി​ക​യാ​യി​രു​ന്നു എസ്ഥേർ. അവളുടെ അച്ഛനമ്മ​മാർ അവൾക്ക്‌ ഹദസ്സ എന്നു പേരി​ട്ടി​രു​ന്നു. ഹദസ്സ എന്നത്‌ വെളുത്ത പൂക്കളുള്ള ഒരിനം സുഗന്ധ​ച്ചെ​ടി​യെ കുറി​ക്കാ​നുള്ള എബ്രാ​യ​പ​ദ​മാണ്‌. അവളുടെ അച്ഛനമ്മ​മാ​രെ​ക്കു​റിച്ച്‌ നമുക്ക്‌ അധിക​മൊ​ന്നും അറിയില്ല. അവർ മരിച്ച​പ്പോൾ അവളുടെ ബന്ധുവായ മൊർദെ​ഖാ​യി അവളെ ദത്തെടു​ത്തു. വളരെ മനസ്സലി​വുള്ള മനുഷ്യ​നാ​യി​രു​ന്നു അദ്ദേഹം. അവന്റെ ചിറ്റപ്പന്റെ മകളാ​യി​രു​ന്നു എസ്ഥേർ. എന്നാൽ മൊർദെ​ഖാ​യിക്ക്‌ അവളെ​ക്കാൾ വളരെ പ്രായ​മു​ണ്ടാ​യി​രു​ന്നു. അവൻ എസ്ഥേരി​നെ വീട്ടി​ലേക്ക്‌ കൂട്ടി​ക്കൊ​ണ്ടു​വന്ന്‌ സ്വന്തം മകളെ​പ്പോ​ലെ വളർത്തി.—എസ്ഥേ. 2:5-7, 15.

5, 6. (എ) മൊർദെ​ഖാ​യി എസ്ഥേരി​നെ വളർത്തി​യത്‌ എങ്ങനെ? (ബി) ശൂശനി​ലെ അവരുടെ ജീവിതം എങ്ങനെ​യാ​യി​രു​ന്നു?

⁵ മൊർദെ​ഖാ​യി​യും എസ്ഥേരും പേർഷ്യ​യു​ടെ തലസ്ഥാ​ന​ന​ഗ​രി​യിൽ യഹൂദ​പ്ര​വാ​സി​ക​ളാ​യി കഴിയു​ക​യാ​യി​രു​ന്നു. തങ്ങളുടെ മതത്തി​ന്റെ​യും ന്യായ​പ്ര​മാ​ണ​ത്തി​ന്റെ​യും പേരിൽ അവർക്ക്‌ കുറ​ച്ചൊ​ക്കെ മുൻവി​ധി​യും അവഗണ​ന​യും സഹി​ക്കേ​ണ്ടി​വ​ന്നി​രി​ക്കാം. എന്നാൽ മൊർദെ​ഖാ​യി തന്റെ ഈ മകളെ യഹോ​വ​യെ​ക്കു​റിച്ച്‌ പഠിപ്പി​ച്ചി​രു​ന്ന​തു​കൊണ്ട്‌ അവർ തമ്മിലുള്ള സ്‌നേ​ഹ​ബന്ധം ഏറിവന്നു. യഹോവ കരുണാ​മ​യ​നായ ദൈവ​മാ​ണെ​ന്നും മുൻകാ​ല​ങ്ങ​ളിൽ തന്റെ ജനം കുഴപ്പ​ത്തി​ലായ സമയങ്ങ​ളി​ലെ​ല്ലാം അവരെ രക്ഷിച്ചി​ട്ടു​ണ്ടെ​ന്നും ഇനിയും അങ്ങനെ ചെയ്യു​മെ​ന്നും അവൻ അവൾക്ക്‌ പറഞ്ഞു​കൊ​ടു​ക്കു​മാ​യി​രു​ന്നു. (ലേവ്യ. 26:44, 45) സ്‌നേ​ഹ​വാ​ത്സ​ല്യ​ങ്ങ​ളും വിശ്വാ​സ​വും അടുപ്പ​വും ആദരവും എല്ലാം ഉൾച്ചേർന്ന ഒരു ബന്ധമാ​യി​രു​ന്നു അവരു​ടേത്‌.

⁶ മൊർദെ​ഖാ​യി ശൂശൻ രാജധാ​നി​യിൽ ഏതോ ഒരു ഉദ്യോ​ഗം വഹിച്ചി​രു​ന്ന​താ​യി തോന്നു​ന്നു. അവൻ പതിവാ​യി രാജധാ​നി​യു​ടെ വാതിൽക്കൽ ഇരിക്കു​ന്ന​താ​യും, കൂടെ മറ്റ്‌ രാജഭൃ​ത്യ​ന്മാ​രു​ള്ള​താ​യും തിരു​വെ​ഴു​ത്തിൽ കാണാം. (എസ്ഥേ. 2:19, 21; 3:3) എസ്ഥേരെന്ന ബാലിക വളർന്നു​വ​ന്ന​പ്പോൾ സമയം ചെലവി​ട്ടി​രു​ന്നത്‌ എങ്ങനെ​യാണ്‌? ചില ഊഹങ്ങൾ നടത്താനേ നമുക്ക്‌ കഴിയൂ. പക്ഷേ, ഒരു കാര്യം അവൾ എന്തായാ​ലും ചെയ്‌തി​ട്ടുണ്ട്‌: അവൾ തന്റെ ഈ മൂത്ത ജ്യേഷ്‌ഠനെ നന്നായി പരിപാ​ലി​ച്ചി​ട്ടുണ്ട്‌. വീട്ടിലെ കാര്യ​ങ്ങ​ളൊ​ക്കെ ഓടി​ന​ടന്ന്‌ ചെയ്‌തി​ട്ടു​മു​ണ്ടാ​കും. രാജ​കൊ​ട്ടാ​ര​ത്തിന്‌ എതിർവ​ശത്ത്‌ നദിക്ക്‌ അക്കരെ​യുള്ള എളിയ ഭവനങ്ങ​ളിൽ ഒന്നിലാ​യി​രി​ക്കാം അവർ പാർത്തി​രു​ന്നത്‌. ശൂശനി​ലെ അങ്ങാടി​യിൽ പോയി സാധനങ്ങൾ വാങ്ങാ​നൊ​ക്കെ അവൾക്ക്‌ ഇഷ്ടമാ​യി​രു​ന്നി​രി​ക്കാം. സ്വർണ​പ്പ​ണി​ക്കാ​രും വെള്ളി​പ്പ​ണി​ക്കാ​രും മറ്റു വ്യാപാ​രി​ക​ളും ഒക്കെ പ്രദർശി​പ്പി​ച്ചി​രി​ക്കുന്ന വിലപി​ടി​പ്പുള്ള ആടയാ​ഭ​ര​ണ​ങ്ങ​ളും മറ്റും അവൾ കൗതു​ക​ത്തോ​ടെ നോക്കി നിന്നി​ട്ടു​ണ്ടാ​കി​ല്ലേ? ഈ ആഡംബ​ര​വസ്‌തു​ക്കൾ ഒരിക്കൽ തന്റെ നിത്യോ​പ​യോ​ഗ​വസ്‌തു​ക്ക​ളാ​യി മാറു​മെന്ന്‌ അവൾ സ്വപ്‌ന​ത്തിൽപോ​ലും വിചാ​രി​ച്ചു​കാ​ണില്ല! ഭാവി എന്തായി​ത്തീ​രു​മെന്ന്‌ ഈ എളിയ യഹൂദ​പ്പെൺകു​ട്ടി എങ്ങനെ അറിയാൻ!

അവൾ “രൂപവ​തി​യും സുമു​ഖി​യും ആയിരു​ന്നു”

7. വസ്ഥിയെ രാജ്ഞി​സ്ഥാ​ന​ത്തു​നിന്ന്‌ നീക്കി​യത്‌ എന്തു​കൊണ്ട്‌, തുടർന്ന്‌ എന്തുണ്ടാ​യി?

⁷ അങ്ങനെ​യൊ​രു ദിവസം ശൂശനിൽ ഒരു വാർത്ത പരന്നു. എല്ലാവ​രും അടക്കി​പ്പി​ടിച്ച സംസാ​ര​ത്തി​ലാണ്‌. അരമന​ര​ഹ​സ്യം അങ്ങാടി​പ്പാ​ട്ടാ​യി​രി​ക്കു​ന്നു! സംഭവം ഇതാണ്‌: അഹശ്വേ​രോശ്‌ രാജാവ്‌ തന്റെ പ്രഭു​ക്ക​ന്മാർക്കും കുലീ​ന​ന്മാർക്കും ആയി ഒരു വലിയ വിരുന്ന്‌ കഴിക്കു​ക​യാ​യി​രു​ന്നു. വീഞ്ഞും എല്ലാത്തരം വിഭവ​ങ്ങ​ളും ഒരുക്കി​യുള്ള ഒരു കെങ്കേമം വിരുന്ന്‌! അതേസ​മയം വസ്ഥി രാജ്ഞി തോഴി​മാ​രും അന്തഃപു​രസ്‌ത്രീ​ക​ളും ആയി അരമന​യിൽത്തന്നെ മറ്റൊരു വിരുന്ന്‌ നടത്തു​ന്നു​ണ്ടാ​യി​രു​ന്നു. സുന്ദരി​യാ​യി​രു​ന്നു വസ്ഥി രാജ്ഞി. വിശി​ഷ്ടാ​തി​ഥി​കൾക്ക്‌ അവളെ പരിച​യ​പ്പെ​ടു​ത്താൻ രാജാവ്‌ ആഗ്രഹി​ച്ചു. രാജസ​ന്നി​ധി​യിൽ വരാൻ അദ്ദേഹം അവൾക്ക്‌ ആളയച്ചു. പക്ഷേ, അവൾ വരാൻ കൂട്ടാ​ക്കി​യില്ല. അപമാ​നി​ത​നായ രാജാവ്‌ കോപം​കൊണ്ട്‌ ജ്വലിച്ചു. വസ്ഥിക്ക്‌ ഏത്‌ ശിക്ഷ വിധി​ക്ക​ണ​മെന്ന്‌ അദ്ദേഹം ഉപദേ​ശ​ക​രോട്‌ ആരാഞ്ഞു. വസ്ഥിയെ രാജ്ഞി​പ​ദ​ത്തിൽനിന്ന്‌ നീക്കം ചെയ്യാ​നും അവൾക്കു പകരം മറ്റൊ​രാ​ളെ രാജ്ഞി​സ്ഥാ​ന​ത്തേക്ക്‌ തിര​ഞ്ഞെ​ടു​ക്കാ​നും അവർ ഉപദേ​ശി​ച്ചു. അത്‌ രാജാ​വിന്‌ സമ്മതമാ​യി. രാജ​സേ​വ​ക​ന്മാർ നാടെ​ങ്ങും നടന്ന്‌ സുന്ദരി​ക​ളായ കന്യക​മാ​രെ തിരയാൻ തുടങ്ങി. അവരിൽനിന്ന്‌ രാജാ​വിന്‌ ബോധിച്ച ഒരാളെ പുതിയ രാജ്ഞി​യാ​യി തിര​ഞ്ഞെ​ടു​ക്കും.—എസ്ഥേ. 1:1–2:4.

8. (എ) എസ്ഥേർ വളർന്നു​വ​ന്ന​പ്പോൾ മൊർദെ​ഖാ​യിക്ക്‌ അവളെ​പ്പറ്റി കുറ​ച്ചൊ​രു ഉത്‌കണ്‌ഠ തോന്നി​യി​രി​ക്കാ​വു​ന്നത്‌ എന്തു​കൊണ്ട്‌? (ബി) ബാഹ്യ​സൗ​ന്ദ​ര്യ​ത്തെ​ക്കു​റി​ച്ചുള്ള ബൈബി​ളി​ന്റെ സമനി​ല​യുള്ള വീക്ഷണം എങ്ങനെ പിൻപ​റ്റാ​നാണ്‌ നിങ്ങൾ ആഗ്രഹി​ക്കു​ന്നത്‌? (സദൃശ​വാ​ക്യ​ങ്ങൾ 31:30-ഉം കാണുക.)

⁸ തന്റെ കുഞ്ഞു​പെ​ങ്ങളെ വാത്സല്യ​ത്തോ​ടെ നോക്കി​നിൽക്കുന്ന മൊർദെ​ഖാ​യി​യെ നിങ്ങൾക്ക്‌ കാണാ​നാ​കു​ന്നി​ല്ലേ? വർഷങ്ങൾ കടന്നു​പോ​യി. അവൾ വളർന്ന്‌ അതിസു​ന്ദ​രി​യായ ഒരു പെൺകി​ടാ​വാ​യി. “യുവതി രൂപവ​തി​യും സുമു​ഖി​യും ആയിരു​ന്നു” എന്നാണ്‌ വിവര​ണ​ത്തിൽ നമ്മൾ വായി​ക്കു​ന്നത്‌. (എസ്ഥേ. 2:7) മൊർദെ​ഖാ​യിക്ക്‌ അവളെ ഓർത്ത്‌ അഭിമാ​നം തോന്നി. ഒപ്പം ഒരു അച്ഛന്റെ സഹജമായ ആശങ്കയും ആ മനസ്സിൽ കൂടു​കെ​ട്ടു​ന്നു​ണ്ടാ​യി​രു​ന്നു. സൗന്ദര്യ​ത്തെ​ക്കു​റിച്ച്‌ സമനി​ല​യുള്ള കാഴ്‌ച​പ്പാ​ടാണ്‌ ബൈബി​ളി​ന്റേത്‌. അഴകും സൗന്ദര്യ​വും ആരെയും ആകർഷി​ക്കും. പക്ഷേ അതോ​ടൊ​പ്പം വിവേ​ക​വും വിനയ​വും ഉണ്ടായി​രി​ക്ക​ണ​മെന്നു മാത്രം. അല്ലാത്ത​പക്ഷം പൊങ്ങച്ചം, ദുരഭി​മാ​നം തുടങ്ങി മറ്റ്‌ പല ദുർഗു​ണ​ങ്ങ​ളും ഹൃദയ​ത്തിൽ ഇടംപി​ടി​ക്കും. (സദൃശ​വാ​ക്യ​ങ്ങൾ 11:22 വായി​ക്കുക.) ഇത്‌ ശരിയാ​ണെന്ന്‌ നിങ്ങൾക്ക്‌ പലപ്പോ​ഴും തോന്നി​യി​ട്ടി​ല്ലേ? എസ്ഥേരി​ന്റെ സൗന്ദര്യം അവൾക്ക്‌ നന്മയായി ഭവിക്കു​മോ അതോ വിനയാ​കു​മോ? അത്‌ ഉടൻതന്നെ തെളി​യാൻ പോകു​ക​യാ​യി​രു​ന്നു.

9. (എ) എസ്ഥേരി​നെ കാണാ​നി​ട​യായ രാജ​സേ​വ​ക​ന്മാർ എന്തു ചെയ്‌തു, മൊർദെ​ഖാ​യി​യെ പിരി​ഞ്ഞത്‌ അവൾക്ക്‌ സങ്കടമാ​യി​രു​ന്നോ, എന്തു​കൊണ്ട്‌? (ബി) വിജാ​തീ​യ​നായ ഒരാളെ വിവാഹം കഴിക്കാൻ മൊർദെ​ഖാ​യി സമ്മതി​ച്ചത്‌ എന്തു​കൊണ്ട്‌? (ചതുര​വും കാണുക.)

⁹ എസ്ഥേരി​നെ കണ്ട രാജഭൃ​ത്യ​ന്മാർക്ക്‌ അവളെ ബോധി​ച്ചു. കൊട്ടാ​ര​ത്തി​ലേ​ക്കുള്ള മറ്റ്‌ കന്യക​മാ​രു​ടെ കൂടെ അവർ അവളെ​യും കൂട്ടി. അവളെ ഇപ്പോൾ മൊർദെ​ഖാ​യി​യു​ടെ ചിറകിൻകീ​ഴിൽനിന്ന്‌ നദിക്ക്‌ അക്കരെ​യുള്ള ആ വലിയ കൊട്ടാ​ര​ക്കെ​ട്ടി​ലേക്ക്‌ കൊണ്ടു​പോ​കു​ക​യാണ്‌. (എസ്ഥേ. 2:8) ഈ വേർപാട്‌ രണ്ടു​പേർക്കും ഒരു​പോ​ലെ സങ്കടമു​ണ്ടാ​ക്കി​ക്കാ​ണും. കാരണം അച്ഛനും മകളും പോ​ലെ​യാ​യി​രു​ന്നു അവർ! തന്റെ വളർത്തു​മ​കളെ അവിശ്വാ​സി​യായ ഒരാൾ വിവാഹം കഴിക്കാൻ മൊർദെ​ഖാ​യി ഏതായാ​ലും ആഗ്രഹി​ക്കില്ല, അത്‌ രാജാ​വാ​യാൽപോ​ലും! പക്ഷേ, ഇവിടെ അവൻ നിസ്സഹാ​യ​നാ​യി​രു​ന്നു.b കൊട്ടാ​ര​ത്തി​ലേക്ക്‌ കൊണ്ടു​പോ​കു​ന്ന​തി​നു മുമ്പ്‌ മൊർദെ​ഖാ​യി അവൾക്ക്‌ പല ഉപദേ​ശ​ങ്ങ​ളും കൊടു​ത്തി​ട്ടു​ണ്ടാ​കി​ല്ലേ? അതെല്ലാം അവൾ ഒന്നും വിടാതെ മനസ്സിൽ സൂക്ഷി​ച്ചി​ട്ടു​മു​ണ്ടാ​കും! ശൂശൻ രാജധാ​നി​യി​ലേ​ക്കുള്ള യാത്രയ്‌ക്കി​ടെ അവളുടെ മനസ്സി​ലേക്ക്‌ നൂറാ​യി​രം ചോദ്യ​ങ്ങൾ വന്നുക​യറി. എങ്ങനെ​യുള്ള ഒരു ജീവി​ത​ത്തി​ലേ​ക്കാണ്‌ ഈ യാത്ര?

‘അവൾ എല്ലാവ​രു​ടെ​യും പ്രീതി നേടി’

10, 11. (എ) പുതിയ ചുറ്റു​പാ​ടു​കൾ അവളെ എളുപ്പ​ത്തിൽ സ്വാധീ​നി​ക്കാ​മാ​യി​രു​ന്നത്‌ എങ്ങനെ​യെ​ല്ലാം? (ബി) എസ്ഥേരി​ന്റെ ക്ഷേമത്തി​ലുള്ള താത്‌പ​ര്യം മൊർദെ​ഖാ​യി കാണി​ച്ചത്‌ എങ്ങനെ?

¹⁰ എസ്ഥേർ ഒരു അത്ഭുത​ലോ​ക​ത്തി​ലെത്തി! ഇതുവരെ കാണാത്ത കാഴ്‌ചകൾ! പുത്തൻ അനുഭ​വങ്ങൾ! വിചി​ത്ര​മായ ചുറ്റു​പാ​ടു​കൾ! പേർഷ്യൻ സാമ്രാ​ജ്യ​ത്തി​ലെ​മ്പാ​ടു​നി​ന്നും തിര​ഞ്ഞെ​ടുത്ത്‌ കൊണ്ടു​വന്ന “അനേകം യുവതി”കളിൽ ഒരാളാ​യി​രു​ന്നു അവൾ. ആ യുവതി​ക​ളു​ടെ ആചാരങ്ങൾ പലത്‌, ഭാഷകൾ പലത്‌! ഏറെ വ്യത്യസ്‌ത​മായ ചിന്തയും പെരു​മാ​റ്റ​വും! അന്തഃപു​ര​പാ​ല​ക​നായ ഹേഗായി എന്ന ഉദ്യോ​ഗ​സ്ഥന്റെ മേൽനോ​ട്ട​ത്തി​ലാ​യി​രു​ന്നു അവരെ​ല്ലാം. അവർക്ക്‌ ഒരു വർഷം നീളുന്ന വിപു​ല​മായ ഒരു സൗന്ദര്യ​വർധക ചികിത്സ ഏർപ്പെ​ടു​ത്തി​യി​രു​ന്നു. സുഗന്ധ​തൈ​ല​ങ്ങൾകൊ​ണ്ടുള്ള ഉഴിച്ചി​ലും മറ്റും ഉൾപ്പെട്ട ഒരു സൗന്ദര്യ​ചി​കിത്സ. (എസ്ഥേ. 2:8, 12) എങ്ങനെ​യും സൗന്ദര്യം വർധി​പ്പി​ക്ക​ണ​മെന്ന ഒരേ​യൊ​രു ചിന്തയിൽ മുഴുകി ജീവി​ക്കുന്ന കുറേ പെൺകു​ട്ടി​കൾ! ഊണി​ലും ഉറക്കത്തി​ലും അവരിൽ പലർക്കും ഇതുമാ​ത്ര​മാ​കാം ചിന്ത. പൊങ്ങ​ച്ച​വും അസൂയ​യും മത്സരവും ഒക്കെ വളർന്നു​മു​റ്റാൻ പറ്റിയ ചുറ്റു​പാട്‌. എസ്ഥേർ ജീവി​ക്കേ​ണ്ടത്‌ ഇവർക്കി​ട​യി​ലാണ്‌!

¹¹ മൊർദെ​ഖാ​യി​യെ​പ്പോ​ലെ എസ്ഥേരി​ന്റെ കാര്യ​ത്തിൽ ചിന്തയുള്ള മറ്റൊ​രാ​ളും ഈ ഭൂമി​യി​ലില്ല. അവളുടെ സുഖവർത്ത​മാ​നം അറിയാൻ എല്ലാ ദിവസ​വും അവൻ അന്തഃപു​ര​ത്തിന്‌ അരികി​ലോ​ളം ചെല്ലും. (എസ്ഥേ. 2:11) ഒരുപക്ഷേ, മൊർദെ​ഖാ​യി​യെ പരിച​യ​മുള്ള കൊട്ടാ​ര​സേ​വ​ക​രിൽ ആരെങ്കി​ലു​മൊ​ക്കെ എസ്ഥേരി​നെ​ക്കു​റി​ച്ചുള്ള എന്തെങ്കി​ലും വിശേ​ഷങ്ങൾ പറയും. അവ ഓരോന്ന്‌ കേൾക്കു​മ്പോ​ഴും ആ ‘പിതാ​വി​ന്റെ’ മുഖം അഭിമാ​നം​കൊണ്ട്‌ തിളങ്ങി​ക്കാ​ണി​ല്ലേ? ആകട്ടെ, എന്തൊ​ക്കെ​യാണ്‌ എസ്ഥേരി​ന്റെ വിശേ​ഷങ്ങൾ?

12, 13. (എ) കൊട്ടാ​ര​ത്തി​ലു​ള്ള​വർക്ക്‌ എസ്ഥേർ എങ്ങനെ​യാ​യി​രു​ന്നു? (ബി) എസ്ഥേർ തന്റെ യഹൂദ​പാ​ര​മ്പ​ര്യം വെളി​പ്പെ​ടു​ത്തി​യി​ല്ലെന്നു മനസ്സി​ലാ​യ​പ്പോൾ മൊർദെ​ഖാ​യിക്ക്‌ സന്തോഷം തോന്നി​യത്‌ എന്തു​കൊ​ണ്ടാ​യി​രി​ക്കാം?

¹² അന്തഃപു​ര​പാ​ല​ക​നായ ഹേഗാ​യിക്ക്‌ എസ്ഥേരി​നോട്‌ അത്രയ്‌ക്ക്‌ ഇഷ്ടം തോന്നി​യ​തു​കൊണ്ട്‌, അവളോട്‌ പ്രത്യേ​ക​പ​രി​ഗ​ണ​ന​യും വാത്സല്യ​വും കാണിച്ചു. അവൾക്ക്‌ ഏഴ്‌ തോഴി​മാ​രെ​യും അന്തഃപു​ര​ത്തി​ലെ ഏറ്റവും നല്ല സ്ഥലവും കൊടു​ത്തു. “എസ്ഥേരി​നെ കണ്ട എല്ലാവർക്കും അവളോ​ടു പ്രീതി തോന്നും” എന്ന്‌ ബൈബിൾ അവളെ​ക്കു​റിച്ച്‌ പറയുന്നു. (എസ്ഥേ. 2:9, 15) അവളുടെ സൗന്ദര്യം മാത്ര​മാ​ണോ അവളെ എല്ലാവർക്കും ഇത്ര പ്രിയ​ങ്ക​രി​യാ​ക്കി​യത്‌? അല്ല, അതു മാത്രമല്ല അവരെ ആകർഷി​ച്ചത്‌, മറ്റു കാര്യ​ങ്ങ​ളു​മുണ്ട്‌.

¹³ ഉദാഹ​ര​ണ​ത്തിന്‌, ഈ വിവരണം നോക്കുക: “എസ്ഥേർ തന്റെ ജാതി​യും കുലവും അറിയി​ച്ചില്ല; അതു അറിയി​ക്ക​രു​തു എന്നു മൊർദ്ദെ​ഖാ​യി അവളോ​ടു കല്‌പി​ച്ചി​രു​ന്നു.” (എസ്ഥേ. 2:10) താൻ യഹൂദ​വം​ശ​ജ​യാ​ണെന്ന്‌ ആരും അറിയാ​തെ നോക്ക​ണ​മെന്ന്‌ മൊർദെ​ഖാ​യി അവളോട്‌ പ്രത്യേ​കം പറഞ്ഞി​ട്ടു​ണ്ടാ​യി​രു​ന്നു. രാജകു​ടും​ബാം​ഗ​ങ്ങൾക്കി​ട​യിൽ യഹൂദ​രോട്‌ കടുത്ത മുൻവി​ധി​യു​ള്ള​താ​യി അവന്‌ അറിയാം. അതു​കൊ​ണ്ടാണ്‌ അവൻ അങ്ങനെ പറഞ്ഞത്‌. എസ്ഥേരി​നെ കാണാൻ കിട്ടു​ന്നി​ല്ലെ​ങ്കി​ലും അവളെ​ക്കു​റിച്ച്‌ കേൾക്കു​ന്ന​തെ​ല്ലാം നല്ല വർത്തമാ​ന​ങ്ങ​ളാണ്‌! താൻ കൂടെ​യി​ല്ലെ​ങ്കി​ലും അവൾ ഇപ്പോ​ഴും പറഞ്ഞ​തെ​ല്ലാം അനുസ​രിച്ച്‌ വിവേ​ക​ത്തോ​ടെ​യാണ്‌ അവിടെ കഴിയു​ന്നത്‌. അത്‌ അവന്റെ മനം കുളിർപ്പി​ച്ചു!

14. യുവ​പ്രാ​യ​ക്കാർക്ക്‌ ഇന്ന്‌ എസ്ഥേരി​നെ അനുക​രി​ക്കാൻ കഴിയു​ന്നത്‌ എങ്ങനെ?

¹⁴ ഇന്നത്തെ യുവ​പ്രാ​യ​ക്കാർക്ക്‌ ഇതിൽനിന്ന്‌ ചിലത്‌ പഠിക്കാ​നുണ്ട്‌. നിങ്ങളിൽ മിക്കവ​രും മാതാ​പി​താ​ക്ക​ളു​ടെ കൂടെ​യാണ്‌ വളരു​ന്നത്‌. എന്നാൽ, ചിലരെ പോറ്റി​വ​ളർത്തു​ന്നത്‌ ബന്ധുക്ക​ളോ മറ്റാ​രെ​ങ്കി​ലു​മോ ആയിരി​ക്കും. എന്തായി​രു​ന്നാ​ലും നിങ്ങളു​ടെ രക്ഷിതാ​ക്ക​ളു​ടെ ഹൃദയ​ത്തിന്‌ അഭിമാ​നം പകരാൻ നിങ്ങൾക്കു കഴിയും! എപ്പോ​ഴും നിങ്ങൾ അവരുടെ കൺവെ​ട്ട​ത്താ​യി​രി​ക്ക​ണ​മെ​ന്നില്ല. എന്തി​നെ​യും കളിയാ​യി​ട്ടെ​ടു​ക്കുന്ന, സദാചാ​ര​ബോ​ധ​മി​ല്ലാത്ത, ദ്രോ​ഹ​ബു​ദ്ധി​ക​ളായ ആളുകൾക്കി​ട​യിൽ നിങ്ങൾ പെട്ടു​പോ​യേ​ക്കാം. അപ്പോൾ ആ ദുഃസ്വാ​ധീ​ന​ങ്ങളെ ചെറുത്ത്‌, ശരി​യെന്ന്‌ നിങ്ങൾക്ക്‌ ബോധ്യം വന്നിട്ടുള്ള ക്രിസ്‌തീ​യ​നി​ല​വാ​ര​ങ്ങ​ളോട്‌ പറ്റിനിൽക്കുക. അങ്ങനെ ചെയ്യു​മ്പോൾ നിങ്ങൾ എസ്ഥേരി​നെ​പ്പോ​ലെ​യാ​കു​ക​യാണ്‌. അതു കണ്ട്‌ നിങ്ങളു​ടെ സ്വർഗീ​യ​പി​താ​വായ യഹോവ സന്തോ​ഷി​ക്കും!—സദൃശ​വാ​ക്യ​ങ്ങൾ 27:11 വായി​ക്കുക.

15, 16. (എ) എസ്ഥേർ എങ്ങനെ​യാണ്‌ രാജാ​വി​ന്റെ സ്‌നേ​ഹ​ഭാ​ജ​ന​മാ​യത്‌? (ബി) എസ്ഥേരിന്‌ ജീവി​ത​ത്തിൽ വന്ന മാറ്റങ്ങൾ വെല്ലു​വി​ളി​യാ​യി​ത്തീ​രാ​മാ​യിരു​ന്നത്‌ എന്തു​കൊണ്ട്‌?

¹⁵ അങ്ങനെ എസ്ഥേർ രാജസ​ന്നി​ധി​യിൽ ആനയി​ക്ക​പ്പെ​ടേണ്ട ദിവസ​മെത്തി. അണി​ഞ്ഞൊ​രു​ങ്ങു​മ്പോൾ സ്വന്തമാ​യി ഭംഗി വരുത്ത​ണ​മെന്നു തോന്നി​യാൽ അതിനു​വേണ്ട എന്തും എടുക്കാൻ അവൾക്ക്‌ സ്വാത​ന്ത്ര്യ​മു​ണ്ടാ​യി​രു​ന്നു. എന്നാൽ എളിമ​യു​ണ്ടാ​യി​രുന്ന എസ്ഥേർ ഹേഗായി പറഞ്ഞ സാധനങ്ങൾ മാത്രമേ എടുത്തു​ള്ളൂ. (എസ്ഥേ. 2:15) രാജാ​വി​ന്റെ ഹൃദയം കവരാൻ സൗന്ദര്യം മാത്രം പോ​രെന്ന്‌ അവൾക്ക്‌ മനസ്സി​ലാ​യി​ട്ടു​ണ്ടാ​കും. അവളുടെ താഴ്‌മ​യും വിനയ​വും ആ രാജസ​ദ​സ്സിൽ ഒരു അപൂർവ​കാഴ്‌ച​യാ​കാൻ പോകു​ക​യാ​യി​രു​ന്നു! അവൾക്ക്‌ തെറ്റി​പ്പോ​യോ?

¹⁶ വിവരണം പറയു​ന്നത്‌ എന്താ​ണെന്ന്‌ നോക്കാം: “രാജാവു എസ്ഥേരി​നെ സകലസ്‌ത്രീ​ക​ളെ​ക്കാ​ളും അധികം സ്‌നേ​ഹി​ച്ചു; സകലക​ന്യ​ക​മാ​രി​ലും അധികം കൃപയും പക്ഷവും അവളോ​ടു തോന്നീ​ട്ടു അവൻ രാജകി​രീ​ടം അവളുടെ തലയിൽ വെച്ചു അവളെ വസ്ഥിക്കു പകരം രാജ്ഞി​യാ​ക്കി.” (എസ്ഥേ. 2:17) ആ എളിയ യഹൂദ​പെൺകു​ട്ടി​യു​ടെ ജീവിതം പാടേ മാറി. അവളി​പ്പോൾ രാജ്ഞി​യാണ്‌! അന്ന്‌ ഭൂമി​യി​ലെ ഏറ്റവും ശക്തനായ ചക്രവർത്തി​യു​ടെ പട്ടമഹി​ഷി, മഹാറാ​ണി! ഈ വലിയ മാറ്റവു​മാ​യി പൊരു​ത്ത​പ്പെ​ട്ടു​പോ​കാൻ ആ എളിയ പെൺകു​ട്ടിക്ക്‌ അത്ര എളുപ്പ​മാ​യി​രു​ന്നെന്നു തോന്നു​ന്നില്ല. രാജ്ഞി​പദം തലയ്‌ക്ക്‌ പിടിച്ച്‌ അവൾ അഹങ്കാ​രി​യാ​യോ? ഹേയ്‌, അങ്ങനെ​യൊ​ന്നും സംഭവി​ച്ചില്ല!

17. (എ) എസ്ഥേർ വളർത്ത​ച്ഛനെ പിന്നെ​യും അനുസ​രി​ച്ചു​പോ​ന്നത്‌ എങ്ങനെ? (ബി) എസ്ഥേരി​ന്റെ മാതൃക നമുക്ക്‌ ഇന്നു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹⁷ പിന്നീ​ട​ങ്ങോ​ട്ടും എസ്ഥേർ വളർത്ത​ച്ഛ​നായ മൊർദെ​ഖാ​യി​യോ​ടുള്ള അനുസ​ര​ണ​ത്തിൽത്തന്നെ കഴിഞ്ഞു. യഹൂദ​ജ​ന​ത​യു​മാ​യി തനിക്കുള്ള ബന്ധം അവൾ രഹസ്യ​മാ​യി​ത്തന്നെ സൂക്ഷിച്ചു. അഹശ്വേ​രോ​ശി​നെ വധിക്കാ​നുള്ള ഒരു ഗൂഢാ​ലോ​ച​ന​യെ​പ്പറ്റി അറിയാ​നി​ട​യായ മൊർദെ​ഖാ​യി, അത്‌ എസ്ഥേരി​നെ അറിയി​ച്ചു. അവൾ മൊർദെ​ഖാ​യി​യു​ടെ നാമത്തിൽ അത്‌ രാജാ​വി​ന്റെ അടുക്ക​ലെ​ത്തി​ച്ചു. അങ്ങനെ ആ രാജ്യ​ദ്രോ​ഹി​ക​ളു​ടെ പദ്ധതി പൊളി​ഞ്ഞു. (എസ്ഥേ. 2:20-23) താഴ്‌മ​യും വിധേ​യ​ത്വ​വും പുലർത്തി​ക്കൊണ്ട്‌ തന്റെ ദൈവ​ത്തി​ലുള്ള വിശ്വാ​സം അപ്പോ​ഴും അവൾ തെളി​യി​ച്ചു. എസ്ഥേരി​ന്റേ​തു​പോ​ലുള്ള അനുസ​രണം ഇന്ന്‌ നമുക്ക്‌ വളരെ അനിവാ​ര്യ​മായ ഒരു ഗുണമാണ്‌. അനുസ​ര​ണ​ക്കേ​ടും മത്സരവും സ്വീകാ​ര്യ​മാ​യി കാണുന്ന കാലമാ​ണിത്‌. അങ്ങനെ​യാണ്‌ വേണ്ട​തെ​ന്നു​പോ​ലും ചിലർ കരുതു​ന്നു. അനുസ​ര​ണ​ത്തിന്‌ പുല്ലു​വില മാത്രം! എന്നാൽ, യഥാർഥ​വി​ശ്വാ​സ​മുള്ള ആളുകൾ അനുസ​ര​ണത്തെ നിധി​യാ​യി കാണും, എസ്ഥേരി​നെ​പ്പോ​ലെ!

എസ്ഥേരി​ന്റെ വിശ്വാ​സം പരീക്ഷി​ക്ക​പ്പെ​ടു​ന്നു

18. (എ) മൊർദെ​ഖാ​യി ഹാമാനെ കുമ്പി​ടാൻ വിസമ്മ​തി​ച്ചത്‌ എന്തു​കൊ​ണ്ടാ​യി​രി​ക്കാം? (അടിക്കു​റി​പ്പും കാണുക.) (ബി) ഇന്നുള്ള ദൈവ​ഭ​ക്ത​രായ സ്‌ത്രീ​പു​രു​ഷ​ന്മാർ മൊർദെ​ഖാ​യി​യു​ടെ മാതൃക അനുക​രി​ക്കു​ന്നത്‌ എങ്ങനെ?

¹⁸ അഹശ്വേ​രോ​ശി​ന്റെ കൊട്ടാ​ര​ത്തിൽ ഹാമാൻ എന്നു പേരുള്ള ഒരു മനുഷ്യ​നു​ണ്ടാ​യി​രു​ന്നു. അയാൾക്ക്‌ സ്ഥാനക്ക​യറ്റം കിട്ടി ഉയർന്ന പദവി​യി​ലെത്തി. രാജാവ്‌ അയാളെ മന്ത്രി​മാ​രിൽ പ്രധാ​നി​യാ​ക്കി. കൂടാതെ, രാജാ​വി​ന്റെ പ്രധാന ഉപദേ​ഷ്ടാ​വും സാമ്രാ​ജ്യ​ത്തി​ലെ രണ്ടാമൻ എന്ന പദവി​യും കല്‌പി​ച്ചു​നൽകി. അയാളെ കാണുന്ന ഏതൊ​രാ​ളും അയാളെ കുമ്പി​ട​ണ​മെന്ന ഒരു രാജകല്‌പ​ന​യും പുറ​പ്പെ​ടു​വി​ച്ചു. (എസ്ഥേ. 3:1-4) എന്നാൽ രാജാ​വി​ന്റെ ആ കല്‌പന മൊർദെ​ഖാ​യി​യെ കുഴപ്പ​ത്തി​ലാ​ക്കി. രാജാ​വി​നെ അനുസ​രി​ക്കാൻ മൊർദെ​ഖാ​യി തയ്യാറാ​യി​രു​ന്നു. എന്നാൽ ദൈവത്തെ അനാദ​രി​ച്ചു​കൊണ്ട്‌ ആ രാജകല്‌പന അനുസ​രി​ക്കാൻ അവന്‌ മനസ്സാ​യില്ല. ഹാമാൻ ആഗാഗ്യ​നാ​യി​രു​ന്നു എന്നത്‌ ശ്രദ്ധി​ക്കുക. ദൈവ​ത്തി​ന്റെ പ്രവാ​ച​ക​നായ ശമുവേൽ വധിച്ച അമാ​ലേ​ക്യ​രാ​ജാ​വായ ആഗാഗി​ന്റെ വംശപ​ര​മ്പ​ര​യിൽപ്പെട്ട ആളായി​രി​ക്കാം ഈ ഹാമാൻ. (1 ശമൂ. 15:33) യഹോ​വ​യോ​ടും ഇസ്രാ​യേ​ല്യ​രോ​ടും ശത്രുത വെച്ചു​പു​ലർത്തി​യി​രുന്ന ദുഷ്ടജ​ന​ത​യാ​യി​രു​ന്നു അമാ​ലേ​ക്യർ. ഒരു ജനതയെന്ന നിലയിൽ അവർ ദൈവ​മു​മ്പാ​കെ ശപിക്ക​പ്പെ​ട്ട​വ​രാ​യി​രു​ന്നു.c (ആവ. 25:19) കാര്യങ്ങൾ ഇങ്ങനെ​യാ​യി​രി​ക്കെ വിശ്വസ്‌ത​നായ ഒരു യഹൂദന്‌ എങ്ങനെ ഒരു അമാ​ലേ​ക്യ​നെ കുമ്പി​ടാൻ കഴിയും? കഴിയില്ല. അതു​കൊണ്ട്‌, ഹാമാനെ കുമ്പി​ടാൻ മൊർദെ​ഖാ​യി തയ്യാറാ​യില്ല! “ഞങ്ങൾ മനുഷ്യ​രെയല്ല, ദൈവ​ത്തെ​യ​ത്രേ അധിപ​തി​യാ​യി അനുസ​രി​ക്കേ​ണ്ടത്‌” എന്ന ബൈബിൾത​ത്ത്വം അനുസ​രി​ക്കുന്ന വിശ്വസ്‌ത​രായ സ്‌ത്രീ​പു​രു​ഷ​ന്മാർ ഇക്കാലം​വ​രെ​യും ഉണ്ടായി​ട്ടുണ്ട്‌. അതിനു​വേണ്ടി, അവർ ജീവൻപോ​ലും പണയ​പ്പെ​ടു​ത്തി​യി​ട്ടു​മുണ്ട്‌.—പ്രവൃ. 5:29.

19. യഹൂദ​ന്മാ​രെ എന്തു ചെയ്യാ​നാണ്‌ ഹാമാൻ തീരു​മാ​നി​ച്ചത്‌, അതിനു രാജാ​വി​നെ സമ്മതി​പ്പി​ക്കാൻ അവൻ എന്തെല്ലാം ചെയ്‌തു?

¹⁹ ഹാമാൻ ക്രുദ്ധ​നാ​യി. എന്നാൽ മൊർദെ​ഖാ​യി​യെ വകവരു​ത്താൻ അത്‌ മതിയായ കാരണ​മാ​യി​രു​ന്നില്ല. മൊർദെ​ഖാ​യി​യു​ടെ ജനത്തെ ഒന്നടങ്കം മുടി​ച്ചു​ക​ള​യാൻ ഹാമാൻ ഉറച്ചു. അവൻ യഹൂദ​ന്മാ​രെ വളരെ മോശ​ക്കാ​രാ​യി ചിത്രീ​ക​രിച്ച്‌ രാജസ​ന്നി​ധി​യിൽ അവതരി​പ്പി​ച്ചു. യഹൂദ​ന്മാർ എന്ന്‌ പേരെ​ടുത്ത്‌ പറയാതെ, നിന്റെ “രാജ്യ​ത്തി​ലെ സകല സംസ്ഥാ​ന​ങ്ങ​ളി​ലു​മുള്ള ജാതി​ക​ളു​ടെ ഇടയിൽ ഒരു ജാതി ചിന്നി​ച്ചി​ത​റി​ക്കി​ട​ക്കു​ന്നു” എന്നു പറഞ്ഞു​കൊണ്ട്‌, അവർ തീരെ നിസ്സാ​ര​രാ​ണെ​ന്നും സൂചി​പ്പി​ച്ചു. ഇതെല്ലാം പോരാഞ്ഞ്‌ അവർ രാജകല്‌പന അനുസ​രി​ക്കാ​ത്ത​വ​രാ​ണെ​ന്നും അപകട​കാ​രി​ക​ളായ മത്സരി​ക​ളാ​ണെ​ന്നും പറഞ്ഞു​വെച്ചു. സാമ്രാ​ജ്യ​മൊ​ട്ടാ​കെ​യുള്ള യഹൂദ​ന്മാ​രെ കൊ​ന്നൊ​ടു​ക്കാൻ വരുന്ന ചെലവു​കൾക്കാ​യി ഭീമമായ ഒരു തുക രാജഭ​ണ്ഡാ​ര​ത്തി​ലേക്ക്‌ താൻ സംഭാവന ചെയ്യാ​മെ​ന്നൊ​രു ആലോ​ച​ന​യും ഹാമാൻ ബോധി​പ്പി​ച്ചു.d ഹാമാന്റെ മനസ്സി​ലുള്ള ഏത്‌ ആലോ​ച​ന​യും നടപ്പാ​ക്കാൻ സർവാ​ധി​കാ​ര​വും കൊടു​ത്തു​കൊണ്ട്‌ രാജാവ്‌ തന്റെ മുദ്ര​മോ​തി​രം ഊരി ഹാമാനു നൽകി.—എസ്ഥേ. 3:5-10.

20, 21. (എ) പേർഷ്യൻ സാമ്രാ​ജ്യ​ത്തി​ലെ​ങ്ങു​മുള്ള യഹൂദ​ന്മാ​രെ ഹാമാന്റെ പ്രഖ്യാ​പനം എങ്ങനെ ബാധിച്ചു, അതു കേട്ട മൊർദെ​ഖാ​യി​യു​ടെ പ്രതി​ക​ര​ണ​മോ? (ബി) എസ്ഥേരി​നോട്‌ എന്തു ചെയ്യാ​നാണ്‌ മൊർദെ​ഖാ​യി ആവശ്യ​പ്പെ​ട്ടത്‌?

²⁰ വൈകാ​തെ, കൊട്ടാ​ര​ത്തിൽനിന്ന്‌ കുതി​ര​ക്കാർ നാടു​നീ​ളെ പാഞ്ഞു. യഹൂദ​ജ​ന​ത​യു​ടെ അന്ത്യം കുറി​ക്കുന്ന രാജകല്‌പ​ന​യു​മാ​യി ആ ദൂതന്മാർ വിശാ​ല​മായ സാമ്രാ​ജ്യ​ത്തി​ന്റെ മുക്കി​ലും മൂലയി​ലും എത്തി, കല്‌പന നാടെ​ങ്ങും വിളം​ബരം ചെയ്‌തു. രാജകല്‌പന അങ്ങുദൂ​രെ യെരു​ശ​ലേ​മി​ലും എത്തി. ബാബി​ലോ​ണി​ലെ പ്രവാ​സ​ത്തിൽനി​ന്നു മടങ്ങി​യെ​ത്തിയ യഹൂദ​ന്മാ​രു​ടെ ഒരു ശേഷിപ്പ്‌ നഗരം പുനർനിർമി​ക്കാൻ കഷ്ടപ്പെ​ടുന്ന സമയമാ​യി​രു​ന്നു അത്‌. നഗരത്തി​നാ​ണെ​ങ്കിൽ മതിൽപോ​ലു​മില്ല. ഈ കല്‌പന കേട്ട യെരു​ശ​ലേം നിവാ​സി​ക​ളു​ടെ അവസ്ഥ​യൊ​ന്നു ചിന്തി​ച്ചു​നോ​ക്കൂ? രക്തം ഉറഞ്ഞു​പോ​കുന്ന ഭീകര​വാർത്ത കേട്ട്‌ മൊർദെ​ഖാ​യി യെരു​ശ​ലേ​മി​നെ​യും ഇവിടെ ശൂശനി​ലുള്ള ബന്ധുക്ക​ളെ​യും സുഹൃ​ത്തു​ക്ക​ളെ​യും കുറി​ച്ചെ​ല്ലാം ചിന്തി​ച്ചു​കാ​ണും. ഹൃദയം തകർന്ന്‌, വസ്‌ത്രം കീറി, ചാക്കു​വസ്‌ത്രം ധരിച്ച്‌, തലയിൽ ചാരം വാരി​യിട്ട്‌ നഗരമ​ധ്യ​ത്തിൽ ചെന്ന്‌ അവൻ ഉറക്കെ നിലവി​ളി​ച്ചു. അതേസ​മയം, ശൂശനി​ലെ യഹൂദ​ന്മാർക്കും അവരുടെ ഉറ്റവർക്കും കൊല​ക്കയർ ഒരുക്കി​യിട്ട്‌ ഒന്നുമ​റി​യാ​ത്ത​വ​നെ​പ്പോ​ലെ രാജാ​വി​നൊ​പ്പം കുടിച്ച്‌ രസിച്ചി​രി​ക്കു​ക​യാണ്‌ ദ്രോ​ഹി​യായ ഹാമാൻ.—എസ്ഥേർ 3:12–4:1 വായി​ക്കുക.

²¹ സ്വജന​ത്തി​ന്റെ രക്ഷയ്‌ക്ക്‌ താൻ എന്തെങ്കി​ലും ചെയ്‌തേ മതിയാ​കൂ എന്ന്‌ മൊർദെ​ഖാ​യിക്ക്‌ തോന്നി. പക്ഷേ, അവന്‌ എന്തു ചെയ്യാ​നാ​കും? മൊർദെ​ഖാ​യി എന്തോ സങ്കടത്തി​ലാ​ണെന്ന്‌ കേട്ടറിഞ്ഞ എസ്ഥേർ അവന്‌ വസ്‌ത്രം കൊടു​ത്ത​യച്ചു. എന്നാൽ അവൻ അത്‌ സ്വീക​രി​ച്ചില്ല, ആശ്വാസം കൈ​ക്കൊ​ണ്ടു​മില്ല. പ്രിയ മകളെ തന്നിൽനിന്ന്‌ പറി​ച്ചെ​ടുത്ത്‌ ഒരു പുറജാ​തി​രാ​ജാ​വി​ന്റെ രാജ്ഞി​യാ​കാൻ തന്റെ ദൈവ​മായ യഹോവ അനുവ​ദി​ച്ചത്‌ എന്തു​കൊ​ണ്ടാണ്‌ എന്നത്‌, ഉത്തരം കിട്ടാത്ത ചോദ്യ​മാ​യി അവനെ ഇത്രകാ​ല​വും അലട്ടി​യി​രു​ന്നി​രി​ക്കാം. എന്നാൽ, ഇപ്പോൾ അവന്‌ കാര്യങ്ങൾ വ്യക്തമാ​യി​ത്തു​ട​ങ്ങി​യെന്നു തോന്നു​ന്നു. എസ്ഥേർ രാജ്ഞിക്ക്‌ മൊർദെ​ഖാ​യി ഒരു സന്ദേശ​മ​യച്ചു. ഈ പ്രശ്‌ന​ത്തിൽ, “തന്റെ ജനത്തിന്നു വേണ്ടി” തുണ നിന്ന്‌ രാജാ​വി​നോട്‌ അപേക്ഷി​ക്കാൻ അവൻ എസ്ഥേരി​നോട്‌ ആവശ്യ​പ്പെട്ടു.—എസ്ഥേ. 4:4-8.

22. എസ്ഥേരിന്‌ അവളുടെ ഭർത്താ​വായ രാജാ​വി​ന്റെ അടുക്കൽ മുഖം കാണി​ക്കാൻ ഭയം തോന്നി​യത്‌ എന്തു​കൊ​ണ്ടാണ്‌? (അടിക്കു​റി​പ്പും കാണുക.)

²² മൊർദെ​ഖാ​യി​യു​ടെ സന്ദേശം വായിച്ച എസ്ഥേരിന്‌ ഹൃദയം നിലച്ച​തു​പോ​ലെ​യാ​യി! ഇതാ, അവളുടെ വിശ്വാ​സ​ത്തി​ന്റെ ഏറ്റവും വലിയ പരി​ശോ​ധന! ഭയന്നു​പോയ അവൾ മൊർദെ​ഖാ​യി ആവശ്യ​പ്പെട്ട കാര്യ​ത്തി​ന്റെ ഗൗരവം തന്റെ മറുപ​ടി​യി​ലൂ​ടെ അവനെ അറിയി​ച്ചു. രാജധാ​നി​യി​ലെ കീഴ്‌വ​ഴക്കം അവൾ മൊർദെ​ഖാ​യി​യെ ഓർമി​പ്പി​ച്ചു: ക്ഷണിക്ക​പ്പെ​ടാ​തെ രാജസ​ന്നി​ധി​യിൽ ചെല്ലു​ന്നത്‌ മരണം വിളി​ച്ചു​വ​രു​ത്തും. അങ്ങനെ ചെല്ലുന്ന ആൾ ആരായാ​ലും അയാളു​ടെ നേരേ രാജാവ്‌ തന്റെ സ്വർണ​ചെ​ങ്കോൽ നീട്ടി​യെ​ങ്കിൽ മാത്രമേ അയാൾ ശിക്ഷയിൽനിന്ന്‌ ഒഴിവാ​ക്ക​പ്പെ​ടു​ക​യു​ള്ളൂ! എസ്ഥേരിന്‌ രാജാ​വിൽനിന്ന്‌ അത്തര​മൊ​രു ദയാദാ​ക്ഷി​ണ്യം പ്രതീ​ക്ഷി​ക്കാ​നാ​കു​മോ? ഹാജരാ​കാ​നുള്ള രാജകല്‌പന അനുസ​രി​ക്കാഞ്ഞ വസ്ഥിരാ​ജ്ഞി​ക്കു​ണ്ടായ അനുഭവം അവളുടെ കണ്മുന്നി​ലുണ്ട്‌. അടുത്ത 30 ദിവസ​ത്തേക്ക്‌, തന്നെ രാജാവ്‌ ക്ഷണിച്ചി​ട്ടി​ല്ലെന്ന്‌ എസ്ഥേർ മൊർദെ​ഖാ​യി​യോ​ടു പറഞ്ഞു. രാജാ​വി​ന്റെ സ്വഭാ​വ​മാ​ണെ​ങ്കിൽ പെട്ടെന്ന്‌ മാറു​ന്ന​താണ്‌. ചില​പ്പോൾ തന്നോ​ടുള്ള പ്രീതി നഷ്ടപ്പെ​ട്ടി​ട്ടാ​ണോ ഇത്ര ദീർഘ​മായ ഒരു കാല​ത്തേക്ക്‌ തന്നെ വിളി​ക്കാ​ത്തത്‌? എസ്ഥേരി​ന്റെ മനസ്സി​ലൂ​ടെ ഈ ചിന്തക​ളും കടന്നു​പോ​യി​രി​ക്കാം.e—എസ്ഥേ. 4:9-11.

23. (എ) എസ്ഥേരി​ന്റെ വിശ്വാ​സം ഉറപ്പി​ക്കാൻ മൊർദെ​ഖാ​യി എന്താണ്‌ ചെയ്‌തത്‌? (ബി) മൊർദെ​ഖാ​യി​യെ മാതൃ​ക​യാ​ക്കേ​ണ്ടത്‌ എന്തു​കൊണ്ട്‌?

²³ എസ്ഥേരി​ന്റെ വിശ്വാ​സം ബലപ്പെ​ടു​ത്താൻ പോന്ന ദൃഢമാ​യൊ​രു മറുപ​ടി​യാണ്‌ മൊർദെ​ഖാ​യി നൽകി​യത്‌. ഈ സാഹച​ര്യ​ത്തിൽ ചെയ്യേ​ണ്ടത്‌ അവൾക്ക്‌ ചെയ്യാൻ കഴിയാ​തെ​വ​ന്നാൽ, യഹൂദ​ന്മാർക്ക്‌ രക്ഷ വേറെ എവി​ടെ​നി​ന്നെ​ങ്കി​ലും വരും എന്ന്‌ അവൻ ബോധ്യ​ത്തോ​ടെ പറഞ്ഞു. രാജനി​യമം പ്രാബ​ല്യ​ത്തി​ലാ​യാൽ അവൾ അതിൽനിന്ന്‌ ഒഴിവാ​കു​മെന്ന്‌ ഉറപ്പൊ​ന്നു​മി​ല്ലെ​ന്നും എസ്ഥേരി​നോ​ടു പറഞ്ഞു. യഹോ​വ​യി​ലുള്ള തന്റെ ആഴമായ വിശ്വാ​സ​മാണ്‌ ഈ സന്ദർഭ​ത്തിൽ മൊർദെ​ഖാ​യി കാണി​ച്ചത്‌. തന്റെ ജനം ഉന്മൂലനം ചെയ്യ​പ്പെ​ടാൻ യഹോവ ഒരിക്ക​ലും അനുവ​ദി​ക്കി​ല്ലെ​ന്നും അവന്റെ വാഗ്‌ദാ​നങ്ങൾ നിറ​വേ​റാ​തെ പോകി​ല്ലെ​ന്നും മൊർദെ​ഖാ​യിക്ക്‌ ഉറപ്പാ​യി​രു​ന്നു. (യോശു. 23:14) പിന്നെ, മൊർദെ​ഖാ​യി എസ്ഥേരി​നോട്‌ ഇങ്ങനെ ചോദി​ച്ചു: “ഇങ്ങനെ​യു​ള്ളോ​രു കാലത്തി​ന്നാ​യി​ട്ട​ല്ല​യോ നീ രാജസ്ഥാ​നത്തു വന്നിരി​ക്കു​ന്നതു? ആർക്കു അറിയാം?” (എസ്ഥേ. 4:12-14) മൊർദെ​ഖാ​യി എന്ന മനുഷ്യ​ന്റെ വിശ്വാ​സം മാതൃ​ക​യാ​ക്കാൻ നിങ്ങൾക്കു തോന്നു​ന്നി​ല്ലേ? അവൻ തന്റെ ദൈവ​മായ യഹോ​വ​യിൽ പൂർണ​മാ​യി ആശ്രയി​ച്ചു. നമ്മൾ അങ്ങനെ ചെയ്യു​മോ?—സദൃ. 3:5, 6.

മരണഭയം തോൽക്കുന്ന ശക്തമായ വിശ്വാ​സം!

24. എസ്ഥേർ വിശ്വാ​സ​വും ധൈര്യ​വും കാണി​ച്ചത്‌ എങ്ങനെ?

²⁴ എസ്ഥേരിന്‌ ഇപ്പോൾ ഒരു തീരു​മാ​ന​മെ​ടു​ക്കേണ്ട സമയമാ​യി. അവൾ മൊർദെ​ഖാ​യിക്ക്‌ ഒരു മറുപടി കൊടു​ത്ത​യച്ചു: താൻ മൂന്നു ദിവസം ഉപവസി​ക്കാൻ പോകു​ക​യാണ്‌. അവി​ടെ​യുള്ള യഹൂദ​രെ​യെ​ല്ലാം വിളി​ച്ചു​കൂ​ട്ടി തന്നോ​ടൊ​പ്പം ഉപവസി​ക്കുക. പിന്നെ ആ സന്ദേശം അവസാ​നി​പ്പി​ക്കു​ന്നത്‌ ധീരത​യു​ടെ​യും വിശ്വാ​സ​ത്തി​ന്റെ​യും ഉജ്ജ്വല​മായ ഈ വാക്കു​ക​ളോ​ടെ​യാണ്‌: “ഞാൻ നശിക്കു​ന്നു എങ്കിൽ നശിക്കട്ടെ!” (എസ്ഥേ. 4:15-17) ആ വിശ്വാ​സം, ആ ധൈര്യം, കാലങ്ങൾക്കി​പ്പു​റം കടന്ന്‌ ഇന്നും പ്രതി​ധ്വ​നി​ക്കു​ന്നു! ആ മൂന്നു ദിവസം അവൾ ഉള്ളുരു​കി പ്രാർഥി​ച്ചു​കാ​ണും അല്ലേ? ജീവി​ത​ത്തിൽ ഒരിക്കൽപ്പോ​ലും അവൾ ഇത്ര തീവ്ര​മായ പ്രാർഥ​നകൾ നടത്തി​യി​ട്ടു​ണ്ടാ​വില്ല. ഒടുവിൽ, സമയം വന്നു. രാജസ​ന്നി​ധി​യി​ലേക്കു പോകാൻ അവൾ ഒരുങ്ങു​ക​യാണ്‌. രാജപത്‌നി​യു​ടെ പ്രൗഢി​യും പദവി​യും വിളി​ച്ചോ​തുന്ന അതിമ​നോ​ഹ​ര​മായ ഉടയാ​ട​ക​ളും ആഭരണ​ങ്ങ​ളും അലങ്കാ​ര​ങ്ങ​ളും അണിഞ്ഞു. അങ്ങനെ തന്നെ​ക്കൊ​ണ്ടാ​കു​ന്ന​തെ​ല്ലാം അവൾ ചെയ്‌തു. പിന്നെ രാജസ​ന്നി​ധി​യി​ലേക്കു പുറ​പ്പെട്ടു.

25. എസ്ഥേർ തന്റെ ഭർത്താ​വി​ന്റെ മുമ്പാകെ ചെന്ന​പ്പോ​ഴുള്ള സംഭവങ്ങൾ വിവരി​ക്കുക.

²⁵ ഈ അധ്യാ​യ​ത്തി​ന്റെ തുടക്ക​ത്തിൽ കണ്ടതു​പോ​ലെ എസ്ഥേർ രാജസ​ഭ​യി​ലേക്ക്‌ നടന്നു. ഇടതട​വി​ല്ലാ​തെ പ്രാർഥി​ച്ചു​കൊണ്ട്‌ നെഞ്ചി​ടി​പ്പോ​ടെ നടന്നു​നീ​ങ്ങുന്ന അവളുടെ അപ്പോ​ഴത്തെ ഭാവം നമുക്ക്‌ ഊഹി​ക്കാൻ മാത്രമേ കഴിയൂ. അവൾ അകത്തള​ത്തി​ലേക്കു പ്രവേ​ശി​ച്ചു. രാജാവ്‌ സിംഹാ​സ​ന​ത്തി​ലി​രി​ക്കു​ന്നത്‌ ഇപ്പോൾ അവൾക്കു കാണാം. ചീകി​യൊ​തു​ക്കിയ ചുരു​ണ്ട​മു​ടി. ചതുരാ​കൃ​തി​യിൽ വെട്ടി​യൊ​തു​ക്കി ഭംഗി​വ​രു​ത്തിയ താടി. അദ്ദേഹ​ത്തി​ന്റെ മുഖം ശാന്തമാ​ണോ? അതോ ദേഷ്യ​ത്തി​ലാ​ണോ? അതൊന്ന്‌ അറിയാൻ കഴി​ഞ്ഞെ​ങ്കിൽ എന്നോർത്ത്‌ അവൾ സൂക്ഷി​ച്ചു​നോ​ക്കി​ക്കാ​ണും. ഒരുപക്ഷേ, അവൾക്ക്‌ കുറ​ച്ചൊ​ന്നു കാത്തു​നിൽക്കേ​ണ്ടി​വ​ന്നി​രി​ക്കാം, ആ ഓരോ നിമി​ഷ​വും ഓരോ യുഗങ്ങൾപോ​ലെ അവൾക്ക്‌ തോന്നി​ക്കാ​ണും. അങ്ങനെ നിമി​ഷങ്ങൾ കഴിഞ്ഞു. അതാ, അവളുടെ ഭർത്താവ്‌ അവളെ കണ്ടു. അദ്ദേഹം ശരിക്കും അമ്പരന്നു​പോ​യി! പക്ഷേ ആ മുഖത്ത്‌ മെല്ലെ പ്രസാദം പരന്നു. അദ്ദേഹം തന്റെ പൊൻചെ​ങ്കോൽ അവൾക്കു നേരേ നീട്ടി!—എസ്ഥേ. 5:1, 2.

26. സത്യ​ക്രിസ്‌ത്യാ​നി​കൾക്ക്‌ എസ്ഥേരി​നെ​പ്പോ​ലെ ധൈര്യം ആവശ്യ​മു​ള്ളത്‌ എന്തു​കൊണ്ട്‌, എസ്ഥേരി​ന്റെ ദൗത്യം തുടങ്ങി​യതേ ഉള്ളൂ എന്നു പറയു​ന്നത്‌ എന്തു​കൊണ്ട്‌?

²⁶ ഹൊ, ആശ്വാ​സ​മാ​യി! അവൾക്ക്‌ പറയാ​നു​ള്ളതു കേൾക്കാൻ രാജാ​വി​നു തിരു​വു​ള്ള​മു​ണ്ടാ​യി! അവൾ തന്റെ ദൈവ​ത്തി​ന്റെ​യും തന്റെ ജനത്തി​ന്റെ​യും പക്ഷത്ത്‌ നിന്നു. ഇന്നോ​ള​മുള്ള സകല ദൈവ​ദാ​സർക്കും അവൾ വിശ്വാ​സ​ത്തി​ന്റെ തിളക്ക​മാർന്ന മാതൃ​ക​യാ​യി! ഇതു​പോ​ലുള്ള ജീവി​ത​മാ​തൃ​ക​കളെ പ്രിയ​ങ്ക​ര​മാ​യി കരുതു​ന്ന​വ​രാണ്‌ സത്യ​ക്രിസ്‌ത്യാ​നി​കൾ. സ്വയം പരിത്യ​ജി​ച്ചു​കൊ​ണ്ടുള്ള സ്‌നേഹം തന്റെ യഥാർഥ ശിഷ്യ​ന്മാ​രു​ടെ അടയാ​ള​മാ​ണെന്ന്‌ യേശു പറയു​ക​യു​ണ്ടാ​യി. (യോഹ​ന്നാൻ 13:34, 35 വായി​ക്കുക.) എസ്ഥേരി​നെ​പ്പോ​ലെ ധീരരാ​യ​വർക്കേ അത്തരത്തി​ലുള്ള സ്‌നേഹം കാണി​ക്കാ​നാ​കൂ. അന്ന്‌ ദൈവ​ജ​ന​ത്തി​നു​വേണ്ടി രാജാ​വി​നെ മുഖം കാണി​ച്ച​തോ​ടെ അവസാ​നി​ക്കു​ന്ന​താ​യി​രു​ന്നില്ല പ്രശ്‌നങ്ങൾ, വാസ്‌ത​വ​ത്തിൽ അതൊരു തുടക്കം മാത്ര​മാ​യി​രു​ന്നു. രാജാ​വി​ന്റെ പ്രിയ​പ്പെട്ട ഉപദേ​ശ​ക​നായ ഹാമാൻ ദ്രോ​ഹി​യായ ഒരു തന്ത്രശാ​ലി​യാ​ണെന്ന്‌ രാജാ​വി​നെ അവൾ എങ്ങനെ ബോധ്യ​പ്പെ​ടു​ത്തും? തന്റെ ജനത്തെ രക്ഷിക്കാ​നുള്ള ഒരു വഴി എങ്ങനെ കണ്ടുപി​ടി​ക്കും? അടുത്ത അധ്യാ​യ​ത്തിൽ നമ്മൾ അതാണ്‌ കാണാൻ പോകു​ന്നത്‌.

1-3. (എ) ഭർത്താ​വി​ന്റെ സിംഹാ​സ​ന​ത്തി​ന്റെ അടു​ത്തേക്കു പോയ എസ്ഥേരി​ന്റെ അവസ്ഥ വിവരി​ക്കുക. (ബി) എസ്ഥേരി​ന്റെ വരവിനെ രാജാവ്‌ എങ്ങനെ കണ്ടു?

എസ്ഥേർ സാവകാ​ശം സിംഹാ​സ​ന​ത്തിന്‌ അടു​ത്തേക്ക്‌ നടന്നു. അവളുടെ ഹൃദയ​മി​ടിപ്പ്‌ കൂടി​ക്കൂ​ടി​വന്നു. പേർഷ്യൻ സാമ്രാ​ജ്യ​ത്തി​ന്റെ രാജധാ​നി​യായ ശൂശനി​ലെ ആ രാജസ​ദസ്സ്‌ പൊടു​ന്നനെ നിശബ്ദ​മാ​യി! ആ കനത്ത നിശബ്ദ​ത​യിൽ അവളുടെ മൃദു​വായ കാൽവെ​പ്പു​ക​ളു​ടെ പതിഞ്ഞ ശബ്ദവും ഉടയാ​ടകൾ ഉലയു​ന്ന​തി​ന്റെ നേർത്ത മർമര​വും മാത്രമേ കേൾക്കാ​നു​ള്ളൂ. പ്രൗഢ​മായ രാജസ​ദസ്സ്‌! നിരനി​ര​യാ​യുള്ള പടുകൂ​റ്റൻ സ്‌തം​ഭങ്ങൾ! അങ്ങ്‌ ദൂരെ ലബാ​നോ​നിൽനി​ന്നു കൊണ്ടു​വന്ന ദേവദാ​രു​പ്പ​ല​കകൾ കടഞ്ഞെ​ടുത്ത മനോ​ഹ​ര​മായ മച്ചകങ്ങൾ! അവയിലെ എണ്ണിയാ​ലൊ​ടു​ങ്ങാത്ത ചിത്ര​പ്പ​ണി​കൾ! പക്ഷേ, അവയൊ​ന്നും അവൾ കാണു​ന്നു​ണ്ടാ​യി​രു​ന്നില്ല. അവളുടെ കണ്ണുകൾ സിംഹാ​സ​ന​ത്തി​ലി​രി​ക്കുന്ന ആ മനുഷ്യ​നി​ലാ​യി​രു​ന്നു. ആ കൈക​ളി​ലാണ്‌ ഇപ്പോൾ അവളുടെ ജീവൻ!

² മെല്ലെ നടന്നടു​ക്കുന്ന എസ്ഥേരി​നെ, തന്റെ പൊൻചെ​ങ്കോൽ നീട്ടി​പ്പി​ടിച്ച്‌, കണ്ണിമയ്‌ക്കാ​തെ നോക്കു​ക​യാണ്‌ രാജാവ്‌. ചെങ്കോൽ നീട്ടു​ക​യെ​ന്നത്‌ കാഴ്‌ചയ്‌ക്ക്‌ നിസ്സാ​ര​മാ​യി തോന്നാം. എന്നാൽ ഇവിടെ അതിന്‌ എസ്ഥേരി​ന്റെ ജീവന്റെ വില വരും. രാജാവ്‌ അവൾക്ക്‌ ജീവൻ തിരികെ കൊടു​ത്തി​രി​ക്കു​ന്നു! ക്ഷണിക്ക​പ്പെ​ടാ​തെ രാജസ​ന്നി​ധി​യിൽ കടന്നുവന്ന കുറ്റത്തിൽനിന്ന്‌ രാജാവ്‌ അവളെ ഒഴിവാ​ക്കി​യെന്ന്‌ കാണി​ക്കു​ന്ന​താ​യി​രു​ന്നു ആ പ്രവൃത്തി. സിംഹാ​സ​ന​ത്തിന്‌ അടു​ത്തെ​ത്തിയ അവൾ നിറഞ്ഞ ഹൃദയ​ത്തോ​ടെ, ആദര​വോ​ടെ ചെങ്കോ​ലി​ന്റെ അറ്റത്ത്‌ തൊട്ടു.—എസ്ഥേ. 5:1, 2.

³ അഹശ്വേ​രോ​ശി​ന്റെ അരമന​യി​ലുള്ള സകലതും, അദ്ദേഹ​ത്തി​ന്റെ അളവറ്റ സമ്പത്തും അധികാ​ര​വും വിളി​ച്ചോ​തു​ന്ന​താ​യി​രു​ന്നു. അക്കാലത്തെ പേർഷ്യൻ ചക്രവർത്തി​മാ​രു​ടെ രാജവസ്‌ത്ര​ത്തിന്‌ ഇന്നത്തെ മതിപ്പ​നു​സ​രിച്ച്‌ കോടി​ക്ക​ണ​ക്കിന്‌ രൂപ വില വരും. ഉഗ്ര​പ്ര​താ​പി​യായ സർവാ​ധി​കാ​രി! എന്നിട്ടും ആ കണ്ണുക​ളിൽ തന്നോ​ടുള്ള സ്‌നേ​ഹ​ത്തി​ന്റെ മിന്നലാ​ട്ടം അവൾ കണ്ടു. ഭർത്താ​വിന്‌ തന്നോ​ടുള്ള ഇഷ്ടം അവൾ വായി​ച്ചെ​ടു​ത്തു. അദ്ദേഹം ആരാഞ്ഞു: “എസ്ഥേർരാ​ജ്ഞി​യേ, എന്തു വേണം? എന്താകു​ന്നു നിന്റെ അപേക്ഷ? രാജ്യ​ത്തിൽ പാതി​യോ​ള​മാ​യാ​ലും നിനക്കു തരാം.”—എസ്ഥേ. 5:3.

4. എസ്ഥേരി​ന്റെ മുന്നി​ലുള്ള പ്രതി​ബ​ന്ധങ്ങൾ എന്തെല്ലാ​മാ​യി​രു​ന്നു?

⁴ എസ്ഥേർ ഇതി​നോ​ട​കം​തന്നെ വലിയ വിശ്വാ​സ​വും ധൈര്യ​വും കാണി​ച്ചു​ക​ഴി​ഞ്ഞി​രി​ക്കു​ന്നു! തന്റെ ജനത്തെ നിശ്ശേഷം മുടി​ച്ചു​ക​ള​യാ​നുള്ള ഒരു ഗൂഢത​ന്ത്ര​ത്തിൽനിന്ന്‌ അവരെ രക്ഷിക്കാ​നാ​യി രാജാ​വി​ന്റെ അടു​ത്തേക്കു വന്നിരി​ക്കു​ക​യാണ്‌ അവൾ! ഇതുവരെ ചെയ്‌ത​തെ​ല്ലാം വിജയി​ച്ചു. പ്രതി​ബ​ന്ധങ്ങൾ ഇനിയും കിടക്കു​ന്നതേ ഉള്ളൂ. രാജാ​വി​ന്റെ വിശ്വസ്‌ത​നായ മന്ത്രി ഒരു ദ്രോ​ഹി​യാ​ണെ​ന്നും എസ്ഥേരിന്റ ജനത്തെ കൂട്ട​ക്കൊല ചെയ്യാൻ അയാൾ രാജാ​വി​നെ കൂട്ടു​ചേർത്തി​രി​ക്കു​ക​യാ​ണെ​ന്നും രാജാ​വി​നെ ബോധ്യ​പ്പെ​ടു​ത്തണം. പ്രതാ​പ​ശാ​ലി​യും അഭിമാ​നി​യും ആയ അദ്ദേഹത്തെ അവൾ ഇത്‌ എങ്ങനെ പറഞ്ഞു ബോധ്യ​പ്പെ​ടു​ത്തും? അവളുടെ വിശ്വാ​സ​ത്തിൽനി​ന്നു നമുക്ക്‌ എന്തു പഠിക്കാ​നാ​കും?

“സംസാ​രി​പ്പാൻ ഒരു കാലം” അവൾ വിവേ​ക​ത്തോ​ടെ കണ്ടെത്തി

5, 6. (എ) സഭാ​പ്ര​സം​ഗി 3:1, 7-ലെ തത്ത്വം എസ്ഥേർ ബാധക​മാ​ക്കി​യത്‌ എങ്ങനെ? (ബി) ഭർത്താ​വി​നോട്‌ സംസാ​രി​ച്ച​പ്പോൾ അവൾ വിവേകം കാണി​ച്ചത്‌ എങ്ങനെ?

⁵ രാജസ​ദ​സ്സിൽ എല്ലാവ​രു​ടെ​യും മുമ്പാകെ എസ്ഥേർ കഥ മുഴുവൻ അവതരി​പ്പി​ച്ചി​രു​ന്നെ​ങ്കി​ലോ? അത്‌ രാജാ​വിന്‌ അപമാ​ന​മാ​കു​മാ​യി​രു​ന്നു. മാത്രമല്ല, അദ്ദേഹ​ത്തി​ന്റെ മന്ത്രി​പ്ര​മു​ഖ​നായ ഹാമാന്‌ അവളുടെ ആരോ​പണം ഖണ്ഡിക്കാ​നുള്ള അവസരം നൽകു​ക​യും ചെയ്യു​മാ​യി​രു​ന്നു. അതു​കൊണ്ട്‌ എസ്ഥേർ എന്താണ്‌ ചെയ്‌തത്‌? നൂറ്റാ​ണ്ടു​കൾക്കു മുമ്പ്‌ ജ്ഞാനി​യായ ശലോ​മോൻ നിശ്വസ്‌ത​നാ​യി ഇങ്ങനെ എഴുതി: “എല്ലാറ്റി​ന്നും ഒരു സമയമു​ണ്ടു; . . . മിണ്ടാ​തി​രി​പ്പാൻ ഒരു കാലം, സംസാ​രി​പ്പാൻ ഒരു കാലം.” (സഭാ. 3:1, 7) എസ്ഥേരി​ന്റെ വളർത്ത​ച്ഛ​നായ മൊർദെ​ഖാ​യി വിശ്വസ്‌ത​നായ ഒരു മനുഷ്യ​നാ​യി​രു​ന്നെന്ന്‌ നമ്മൾ കണ്ടല്ലോ. എസ്ഥേർ ബാലി​ക​യാ​യി​രു​ന്ന​പ്പോൾത്തന്നെ, ഇത്തരം തത്ത്വങ്ങൾ അവൻ അവളെ പഠിപ്പി​ച്ചി​ട്ടു​ണ്ടാ​കു​മെന്ന്‌ ഉറപ്പാണ്‌. ‘സംസാ​രി​ക്കാ​നുള്ള കാലം’ ശ്രദ്ധ​യോ​ടെ തിര​ഞ്ഞെ​ടു​ക്കേ​ണ്ടത്‌ എത്ര പ്രധാ​ന​മാ​ണെന്ന്‌ അങ്ങനെ എസ്ഥേർ നന്നായി മനസ്സി​ലാ​ക്കി​യി​രു​ന്നു.

⁶ എസ്ഥേർ പറഞ്ഞു: “രാജാ​വി​ന്നു തിരു​വു​ള്ളം ഉണ്ടായി​ട്ടു ഞാൻ ഒരുക്കി​യി​രി​ക്കുന്ന വിരു​ന്നി​ന്നു രാജാ​വും ഹാമാ​നും ഇന്നു വരേണം.” (എസ്ഥേ. 5:4) രാജാ​വിന്‌ സമ്മതമാ​യി. അദ്ദേഹം ഉടനെ ഹാമാനെ വിളി​ക്കാൻ ആളയയ്‌ക്കു​ക​യും ചെയ്‌തു. എസ്ഥേർ എത്ര വിവേ​ക​ത്തോ​ടെ​യാണ്‌ സംസാ​രി​ച്ച​തെന്ന്‌ നിങ്ങൾ കണ്ടോ? തന്റെ ഭർത്താ​വി​ന്റെ അന്തസ്സ്‌ അവൾ മാനിച്ചു. തന്റെ ആശങ്കകൾ വെളി​പ്പെ​ടു​ത്താൻ തികച്ചും അനു​യോ​ജ്യ​മായ ഒരു പശ്ചാത്ത​ല​മൊ​രു​ക്കു​ക​യും ചെയ്‌തു.—സദൃശ​വാ​ക്യ​ങ്ങൾ 10:19 വായി​ക്കുക.

7, 8. എസ്ഥേർ ഒരുക്കിയ ആദ്യത്തെ വിരുന്ന്‌ എങ്ങനെ​യു​ള്ള​താ​യി​രു​ന്നു, എന്നിട്ടും അവൾ രാജാ​വി​നോട്‌ തന്റെ ആവശ്യം ഉണർത്തി​ക്കാ​തി​രു​ന്നത്‌ എന്തു​കൊണ്ട്‌?

⁷ രാജാ​വി​നു​വേ​ണ്ടി​യുള്ള വിരു​ന്നൊ​രു​ക്കങ്ങൾ തകൃതി​യാ​യി നടക്കു​ക​യാണ്‌. ഓരോ​യി​ട​ത്തും എസ്ഥേരി​ന്റെ കണ്ണെത്തു​ന്നുണ്ട്‌. അവളുടെ ഭർത്താ​വി​ന്റെ ഇഷ്ടങ്ങൾ അറിഞ്ഞു​ത​ന്നെ​യാണ്‌ ഓരോ വിഭവ​ങ്ങ​ളും വെപ്പു​പു​ര​യിൽ ഒരുങ്ങു​ന്നത്‌. അതിഥി​ക​ളു​ടെ ഹൃദയത്തെ സന്തോ​ഷി​പ്പി​ക്കാ​നാ​യി വിരു​ന്നു​വി​ഭ​വ​ങ്ങ​ളിൽ മേത്തരം വീഞ്ഞും കരുതി​യി​ട്ടുണ്ട്‌. (സങ്കീ. 104:15) വിരു​ന്നി​നെ​ത്തിയ അഹശ്വേ​രോശ്‌ രാജാവ്‌ എല്ലാം മറന്ന്‌ സന്തോ​ഷി​ച്ചു. എസ്ഥേരി​ന്റെ അപേക്ഷ എന്താ​ണെന്ന്‌ അദ്ദേഹം വീണ്ടും താത്‌പ​ര്യ​ത്തോ​ടെ ആരാഞ്ഞു. ഇപ്പോൾ എല്ലാം പറയാൻ സമയമാ​യോ?

⁸ ‘ഇല്ല’ എന്നാണ്‌ എസ്ഥേരിന്‌ തോന്നി​യത്‌. അവൾ രാജാ​വി​നെ​യും ഹാമാ​നെ​യും അടുത്ത​ദി​വസം താൻ നടത്താ​നു​ദ്ദേ​ശി​ക്കുന്ന മറ്റൊരു വിരു​ന്നി​നാ​യി ക്ഷണിച്ചു. (എസ്ഥേ. 5:7, 8) തന്റെ അപേക്ഷ ഉണർത്തി​ക്കാൻ അവൾ താമസി​ക്കു​ന്നത്‌ എന്താണ്‌? അവളുടെ ജനം ഒന്നടങ്കം മരണഭീ​ഷ​ണി​യി​ലാ​ണെന്ന്‌ ഓർക്കണം. രാജാ​വാണ്‌ ആ മരണവി​ധി പുറ​പ്പെ​ടു​വി​ച്ചി​രി​ക്കു​ന്നത്‌. വളരെ നിർണാ​യ​ക​സ​മ​യ​മാ​ണിത്‌. ശ്രദ്ധി​ച്ചി​ല്ലെ​ങ്കിൽ അപകട​ത്തി​ലാ​കു​ന്നത്‌ ഒന്നും രണ്ടും പേരല്ല, ഒരു ജനത മുഴു​വ​നു​മാണ്‌. ഭർത്താ​വി​നെ താൻ അങ്ങേയറ്റം ആദരി​ക്കു​ക​യും മാനി​ക്കു​ക​യും ചെയ്യു​ന്നെന്നു കാണി​ക്കാൻ ഒരവസ​രം​കൂ​ടി ഒരുക്കി അവൾ കാത്തി​രു​ന്നു.

9. ക്ഷമയോ​ടെ​യുള്ള കാത്തി​രി​പ്പിന്‌ വിലയു​ണ്ടെന്ന്‌ പറയു​ന്നത്‌ എന്തു​കൊ​ണ്ടാണ്‌, ഇക്കാര്യ​ത്തിൽ എസ്ഥേരി​ന്റെ മാതൃക നമുക്ക്‌ എങ്ങനെ അനുക​രി​ക്കാം?

⁹ ക്ഷമയോ​ടെ​യുള്ള കാത്തി​രി​പ്പിന്‌ എത്ര വിലയു​ണ്ടെ​ന്നോ! ഇല്ലാതാ​യി​ക്കൊ​ണ്ടി​രി​ക്കുന്ന ഒരു സദ്‌ഗു​ണ​മാണ്‌ ഇത്‌. വരാൻ പോകുന്ന കാര്യ​ങ്ങ​ളോർത്ത്‌ വേവലാ​തി​പ്പെ​ട്ടി​രി​ക്കു​ക​യാ​യി​രു​ന്നു എസ്ഥേർ. എങ്ങനെ​യെ​ങ്കി​ലും ഉള്ളിലു​ള്ളതു മുഴുവൻ തുറന്ന്‌ പറയാൻ വെമ്പു​ക​യാ​യി​രു​ന്നു അവളുടെ ഹൃദയം. എന്നിട്ടും അവൾ തക്ക സമയം വരുന്ന​തു​വരെ കാത്തി​രു​ന്നു. അവളുടെ മാതൃ​ക​യിൽനിന്ന്‌ നമുക്ക്‌ പലതും പഠിക്കാ​നുണ്ട്‌. ശരിയ​ല്ലെ​ന്നും തിരു​ത്ത​പ്പെ​ടേ​ണ്ട​താ​ണെ​ന്നും നമുക്കു ബോധ്യ​മുള്ള പലതും പലയി​ട​ത്തും നമ്മൾ കാണാ​റുണ്ട്‌. അധികാ​ര​സ്ഥാ​ന​ത്തുള്ള ആരെ​യെ​ങ്കി​ലും അത്തര​മൊ​രു കാര്യം ബോധ്യ​പ്പെ​ടു​ത്താൻ ശ്രമി​ക്കു​മ്പോൾ എസ്ഥേരി​നെ അനുക​രി​ച്ചു​കൊണ്ട്‌ നമുക്ക്‌ ക്ഷമയോ​ടെ കാത്തി​രി​ക്കാം. സദൃശ​വാ​ക്യ​ങ്ങൾ 25:15 പറയുന്നു: “ദീർഘ​ക്ഷാ​ന്തി​കൊ​ണ്ടു ന്യായാ​ധി​പന്നു സമ്മതം വരുന്നു; മൃദു​വാ​യുള്ള നാവു അസ്ഥിയെ നുറു​ക്കു​ന്നു.” എസ്ഥേർ ചെയ്‌ത​തു​പോ​ലെ, കാര്യങ്ങൾ പറയാ​നുള്ള ശരിയായ സമയം വരുന്ന​തു​വരെ ക്ഷമയോ​ടെ കാത്തി​രി​ക്കു​ക​യും സൗമ്യ​ത​യോ​ടെ സംസാ​രി​ക്കു​ക​യും ആണെങ്കിൽ അസ്ഥി​പോ​ലെ കാഠി​ന്യ​മുള്ള എതിർപ്പി​നെ​യും ‘നുറു​ക്കി​ക്ക​ള​യാൻ’ നമുക്ക്‌ കഴിയും. എസ്ഥേരി​ന്റെ ദൈവ​മായ യഹോവ അവളുടെ ക്ഷമയെ​യും വിവേ​ക​ത്തെ​യും അനു​ഗ്ര​ഹി​ച്ചോ?

ക്ഷമാശീ​ലം നീതിക്ക്‌ വഴി​യൊ​രു​ക്കും

10, 11. ആദ്യത്തെ ദിവസത്തെ വിരുന്നു കഴിഞ്ഞ്‌ മടങ്ങു​മ്പോൾ ഹാമാന്റെ സന്തോഷം പെട്ടെന്ന്‌ മങ്ങി​പ്പോ​യത്‌ എന്തു​കൊണ്ട്‌, അവന്റെ ഭാര്യ​യും സുഹൃ​ത്തു​ക്ക​ളും അവന്‌ എന്തു പദ്ധതി​യാണ്‌ നിർദേ​ശി​ച്ചു കൊടു​ത്തത്‌?

¹⁰ എസ്ഥേരി​ന്റെ കാത്തി​രി​പ്പു​കൊണ്ട്‌ ഫലമു​ണ്ടാ​യോ? ശ്രദ്ധേ​യ​മായ സംഭവ​ങ്ങ​ളു​ടെ ഒരു പരമ്പര​ത​ന്നെ​യാണ്‌ തുടർന്നു​ണ്ടാ​യത്‌. ആദ്യദി​വ​സത്തെ വിരുന്നു കഴിഞ്ഞ്‌ ഹാമാൻ മടങ്ങി​യത്‌ അത്യാ​ഹ്ലാ​ദ​ത്തോ​ടെ​യാണ്‌. രാജാ​വും രാജ്ഞി​യും തന്നിൽ സംപ്രീ​ത​രാ​യി എന്നു കണ്ട്‌ അവൻ “സന്തോ​ഷ​വും ആനന്ദവു​മു​ള്ള​വ​നാ​യി.” അങ്ങനെ പോകു​മ്പോൾ, കൊട്ടാ​ര​വാ​തിൽക്കൽ ഇരിക്കുന്ന മൊർദെ​ഖാ​യി​യു​ടെ​മേൽ അവന്റെ കണ്ണുപ​തി​ഞ്ഞു. ആ യഹൂദൻ തന്നെ കുമ്പി​ടാൻ ഇനിയും കൂട്ടാ​ക്കു​ന്നില്ല! പക്ഷേ, മൊർദെ​ഖാ​യി ഇവിടെ ഹാമാ​നോട്‌ അനാദ​രവ്‌ കാണി​ക്കു​കയല്ല ചെയ്‌തത്‌. അതെക്കു​റിച്ച്‌ നമ്മൾ കഴിഞ്ഞ അധ്യാ​യ​ത്തിൽ കണ്ടതാണ്‌. ശുദ്ധമായ ഒരു മനഃസാ​ക്ഷി​യും യഹോ​വ​യു​മാ​യുള്ള ബന്ധവും കാത്തു​സൂ​ക്ഷി​ക്കാൻവേ​ണ്ടി​യാണ്‌ മൊർദെ​ഖാ​യി അങ്ങനെ ചെയ്യാ​ത്തത്‌. പക്ഷേ, ‘ഹാമാന്‌ മൊർദ്ദെ​ഖാ​യി​യു​ടെ നേരെ കോപം നിറഞ്ഞു!’—എസ്ഥേ. 5:9.

¹¹ ഹാമാൻ വീട്ടി​ലേ​ക്കാണ്‌ പോയത്‌. അവി​ടെ​ച്ചെന്ന്‌ ഭാര്യ​യോ​ടും കൂട്ടു​കാ​രോ​ടും തനിക്കു നേരിട്ട ഈ അപമാ​ന​ത്തെ​പ്പറ്റി പറഞ്ഞു. അവർ ഒരു പദ്ധതി നിർദേ​ശി​ച്ചു: ഒരു കൂറ്റൻ കഴുമരം ഉണ്ടാക്കുക. 50 മുഴം (ഏകദേശം 72 അടി അല്ലെങ്കിൽ 22 മീറ്റർ) പൊക്കം വേണം. എന്നിട്ട്‌, മൊർദെ​ഖാ​യി​യെ അതിൽ തൂക്കി​ക്ക​ള​യാൻ രാജാ​വി​നോട്‌ അനുവാ​ദം വാങ്ങുക! ഇതായി​രു​ന്നു പദ്ധതി. ഹാമാന്‌ അത്‌ നന്നേ ബോധി​ച്ചു, ഉടനെ അതിനുള്ള ഏർപ്പാ​ടും ചെയ്‌തു.—എസ്ഥേ. 5:12-14.

12. രാജ്യ​ത്തി​ന്റെ ഔദ്യോ​ഗിക വൃത്താ​ന്ത​പുസ്‌തകം വായി​ച്ചു​കേൾപ്പി​ക്കാൻ രാജാവ്‌ ആവശ്യ​പ്പെ​ട്ടത്‌ എന്തു​കൊണ്ട്‌, അപ്പോൾ രാജാ​വിന്‌ എന്തു മനസ്സി​ലാ​യി?

¹² അതിനി​ടെ മറ്റൊരു സംഭവ​മു​ണ്ടാ​യി. അഹശ്വേ​രോശ്‌ രാജാ​വിന്‌ അന്നുരാ​ത്രി ഉറങ്ങാൻ കഴിഞ്ഞില്ല! “രാജാ​വി​ന്നു ഉറക്കം വരായ്‌ക​യാൽ” രാജ്യ​ത്തി​ന്റെ വൃത്താ​ന്ത​പുസ്‌തകം വായി​ച്ചു​കേൾപ്പി​ക്കാൻ രാജാവ്‌ ആവശ്യ​പ്പെട്ടു എന്ന്‌ ബൈബിൾ പറയുന്നു. വായി​ച്ചു​കേട്ട ഭാഗത്ത്‌, അഹശ്വേ​രോശ്‌ രാജാ​വി​നെ വധിക്കാ​നുള്ള ഒരു ഗൂഢപ​ദ്ധ​തി​യെ​ക്കു​റിച്ച്‌ രേഖ​പ്പെ​ടു​ത്തി​യി​രു​ന്നു. അദ്ദേഹ​ത്തിന്‌ സംഭവം പെട്ടെന്ന്‌ ഓർമ​വന്നു. രാജാ​വി​നെ വകവരു​ത്താൻ പദ്ധതി​യി​ട്ട​വരെ കണ്ടുപി​ടി​ക്കു​ക​യും കൊന്നു​ക​ള​യു​ക​യും ചെയ്‌തി​രു​ന്നു. ഈ ഗൂഢപ​ദ്ധ​തി​യെ​ക്കു​റിച്ച്‌ അറിവ്‌ നൽകിയ മൊർദെ​ഖാ​യി​യു​ടെ കാര്യ​മോ? പെട്ടെന്ന്‌ ഓർത്തെ​ടു​ത്ത​തു​പോ​ലെ രാജാവ്‌ ചോദി​ച്ചു: ‘ഇതിനു വേണ്ടി മൊർദ്ദെ​ഖാ​യി​ക്കു എന്തു ബഹുമാ​ന​വും പദവി​യും കൊടു​ത്തു?’ “ഒന്നും കൊടു​ത്തി​ട്ടില്ല” എന്ന്‌ ഭൃത്യ​ന്മാർ മറുപടി നൽകി.—എസ്ഥേർ 6:1-3 വായി​ക്കുക.

13, 14. (എ) കാര്യങ്ങൾ ഹാമാന്‌ എതിരെ തിരി​ഞ്ഞു​തു​ട​ങ്ങി​യത്‌ എങ്ങനെ? (ബി) ഹാമാന്റെ ഭാര്യ​യും സുഹൃ​ത്തു​ക്ക​ളും അവനോട്‌ എന്തു പറഞ്ഞു?

¹³ രാജാ​വിന്‌ വ്യസന​മാ​യി! ഈ പിഴവി​നു പരിഹാ​രം ചെയ്യാൻ അദ്ദേഹം തീരു​മാ​നി​ച്ചു. കൊട്ടാര ഉദ്യോ​ഗ​സ്ഥ​ന്മാ​രിൽ ആരാണ്‌ അവി​ടെ​യു​ള്ള​തെന്ന്‌ രാജാവ്‌ ആരാഞ്ഞു. എല്ലാവ​രെ​ക്കാ​ളും മുമ്പേ ഹാമാൻ അവിടെ ഹാജരു​ണ്ടാ​യി​രു​ന്നു! മൊർദെ​ഖാ​യി​യെ വധിക്കാൻ രാജാ​വി​നോട്‌ അനുവാ​ദം വാങ്ങാ​നാ​യി അതികാ​ലത്തേ കൊട്ടാ​ര​ത്തി​ലേക്കു പോന്ന​താ​യി​രി​ക്കാം ഹാമാൻ. ഹാമാന്‌ രാജാ​വി​നോട്‌ എന്തെങ്കി​ലും അപേക്ഷി​ക്കാൻ കഴിയു​ന്ന​തി​നു മുമ്പേ രാജാവ്‌ അങ്ങോട്ടു ചോദി​ച്ചു: ‘രാജാവു ബഹുമാ​നി​പ്പാൻ ഇച്ഛിക്കുന്ന പുരു​ഷന്‌ എന്തെല്ലാ​മാണ്‌ ചെയ്‌തു​കൊ​ടു​ക്കേ​ണ്ടത്‌?’ തന്നെയ​ല്ലാ​തെ വേറെ ആരെയാണ്‌ രാജാവ്‌ ബഹുമാ​നി​ക്കാൻ ആഗ്രഹി​ക്കു​ന്ന​തെന്ന്‌ ധരിച്ചു​പോയ ഹാമാൻ അത്യാ​ഡം​ബ​ര​ത്തോ​ടെ​യുള്ള ഒരു എഴുന്ന​ള്ള​ത്താണ്‌ നിർദേ​ശി​ച്ചത്‌. എഴുന്ന​ള്ള​ത്തി​ന്റെ വിധവും ഹാമാൻ ബോധി​പ്പി​ച്ചു: രാജാവു ബഹുമാ​നി​ക്കാൻ ആഗ്രഹി​ക്കുന്ന പുരു​ഷനെ, രാജവസ്‌ത്രം ധരിപ്പിച്ച്‌ രാജകി​രീ​ട​വും വെച്ച്‌, രാജാവ്‌ കയറുന്ന കുതി​ര​പ്പു​റത്ത്‌ ഇരുത്തി, രാജാ​വി​ന്റെ അതി​ശ്രേഷ്‌ഠ​പ്ര​ഭു​ക്ക​ന്മാ​രിൽ ഒരാളു​ടെ അകമ്പടി​യോ​ടെ ശൂശൻ രാജവീ​ഥി​യി​ലൂ​ടെ എഴുന്ന​ള്ളി​ക്കുക! ആ മനുഷ്യ​ന്റെ നന്മക​ളെ​ല്ലാം സകലരും കേൾക്കെ വിളി​ച്ചു​പ​റ​യു​ക​യും വേണം! ഹാമാൻ പറഞ്ഞു​തീർന്ന​തും, താൻ ബഹുമാ​നി​ക്കാൻ ആഗ്രഹി​ക്കുന്ന പുരുഷൻ ആരാ​ണെന്ന്‌ രാജാവ്‌ വെളി​പ്പെ​ടു​ത്തി: മൊർദെ​ഖാ​യി! അതുകേട്ട ഹാമാന്റെ മുഖം നിങ്ങൾക്കൊന്ന്‌ സങ്കല്‌പി​ക്കാ​മോ? വിളറി​വെ​ളുത്ത്‌, ഇളിഭ്യ​നാ​യി നിൽക്കുന്ന ഹാമാൻ! തീർന്നില്ല, മൊർദെ​ഖാ​യി​യെ പാടി​പ്പു​കഴ്‌ത്താൻ രാജാവ്‌ നിയമി​ച്ച​തോ? ഹാമാ​നെ​ത്തന്നെ!—എസ്ഥേ. 6:4-10.

¹⁴ നീരസ​വും അപമാ​ന​വും നുരഞ്ഞു​പൊ​ന്തുന്ന മനസ്സോ​ടെ ഹാമാൻ രാജാവ്‌ ഏൽപ്പിച്ച ദൗത്യം ഒരുവി​ധ​ത്തിൽ മുഴു​മി​പ്പിച്ച്‌ വീട്ടി​ലേക്ക്‌ പാഞ്ഞു. നിരാ​ശി​ത​നും അപമാ​നി​ത​നും ആയി അവൻ വീട്ടിൽ വന്നുക​യറി. കാര്യങ്ങൾ ഇങ്ങനെ മാറി​മ​റി​ഞ്ഞത്‌ ദുസ്സൂ​ച​ന​യാ​ണെ​ന്നും അവന്റെ തോൽവി ആരംഭി​ച്ചു​ക​ഴി​ഞ്ഞെ​ന്നും ഭാര്യ​യും സുഹൃ​ത്തു​ക്ക​ളും അവനോ​ടു പറഞ്ഞു. ‘മൊർദെ​ഖാ​യി യഹൂദ​വം​ശ​ജ​നാ​ണോ, എങ്കിൽ, നീ അവനോ​ടു ജയിക്ക​യില്ല,’ അവർ തറപ്പി​ച്ചു​പ​റഞ്ഞു.—എസ്ഥേ. 6:12, 13.

15. (എ) എസ്ഥേർ ക്ഷമയോ​ടെ കാത്തി​രു​ന്ന​തു​കൊ​ണ്ടു​ണ്ടായ പ്രയോ​ജനം എന്ത്‌? (ബി) ‘ദൈവ​ത്തി​നാ​യി കാത്തി​രി​ക്കു​ന്ന​താണ്‌’ വിവേകം എന്നു പറയു​ന്നത്‌ എന്തു​കൊണ്ട്‌?

¹⁵ രാജാ​വി​നോട്‌ തന്റെ അപേക്ഷ ബോധി​പ്പി​ക്കാൻ എസ്ഥേർ ഒരു ദിവസം​കൂ​ടി കാത്തി​രി​ക്കു​ക​യാണ്‌. രസകര​മെന്നു പറയട്ടെ, ഹാമാ​നും കിട്ടി ഒരു ദിവസം! ‘സ്വന്തം ശവക്കുഴി തോണ്ടാ​നാ​ണെന്നു മാത്രം!’ യഹോ​വ​ത​ന്നെ​യാ​യി​രി​ക്കി​ല്ലേ രാജാ​വി​ന്റെ ഉറക്കമി​ല്ലായ്‌മ​യു​ടെ പുറകിൽ പ്രവർത്തി​ച്ച​തും? (സദൃ. 21:1) ‘ദൈവ​ത്തി​നാ​യി കാത്തി​രി​ക്കുക’ എന്ന്‌ ദൈവ​വ​ചനം പറയു​ന്നത്‌ വെറു​തെയല്ല! (മീഖാ 7:7 വായി​ക്കുക.) അങ്ങനെ ദൈവം പ്രവർത്തി​ക്കു​ന്ന​തി​നു​വേണ്ടി കാത്തി​രു​ന്നാൽ എന്താണ്‌ നേട്ടം? നമ്മുടെ പ്രശ്‌ന​ങ്ങൾക്ക്‌ നാം തന്നെ കണ്ടെത്തി​യേ​ക്കാ​വുന്ന ഏതൊരു പരിഹാ​ര​ത്തെ​യും നിഷ്‌പ്ര​ഭ​മാ​ക്കു​ന്ന​താ​യി​രി​ക്കും യഹോവ കൊണ്ടു​വ​രുന്ന പോം​വ​ഴി​കൾ!

അവൾ ധൈര്യ​ത്തോ​ടെ കാര്യം അവതരി​പ്പി​ക്കു​ന്നു

16, 17. (എ) എസ്ഥേരി​നു ‘സംസാ​രി​പ്പാ​നുള്ള സമയം’ വന്നത്‌ എപ്പോൾ? (ബി) രാജാ​വി​ന്റെ മുൻഭാ​ര്യ​യായ വസ്ഥിയിൽനിന്ന്‌ എസ്ഥേർ വ്യത്യസ്‌ത​യാ​യി​രു​ന്നത്‌ എങ്ങനെ?

¹⁶ രാജാ​വി​ന്റെ ക്ഷമയെ ഇനിയും പരീക്ഷി​ക്കാൻ എസ്ഥേരി​നു ധൈര്യ​മില്ല. രണ്ടാമത്തെ വിരു​ന്നു​വേ​ള​യാണ്‌ ഇത്‌. എല്ലാം തുറന്ന്‌ പറഞ്ഞേ മതിയാ​കൂ. പക്ഷേ എങ്ങനെ തുടങ്ങും? അധികം വിഷമി​ക്കേ​ണ്ടി​വ​ന്നില്ല, രാജാ​വു​തന്നെ അതിനു തുടക്ക​മി​ട്ടു​കൊ​ടു​ത്തു. തലേദി​വ​സ​ത്തേ​തു​പോ​ലെ അദ്ദേഹം വീണ്ടും ചോദി​ച്ചു: “നിന്റെ അപേക്ഷ എന്ത്‌?” (എസ്ഥേ. 7:2) എസ്ഥേരിന്‌, ‘സംസാ​രി​പ്പാ​നുള്ള സമയം’ വന്നു!

¹⁷ രാജസ​ന്നി​ധി​യിൽ വായ്‌ തുറക്കു​ന്ന​തി​നു മുമ്പ്‌ എസ്ഥേർ ഒരു നിമിഷം യഹോ​വ​യോട്‌ മൗനമാ​യി പ്രാർഥി​ച്ചി​ട്ടു​ണ്ടാ​കും. പിന്നെ അവൾ ഇങ്ങനെ ഉണർത്തി​ച്ചു: “രാജാവേ, എന്നോടു കൃപയു​ണ്ടെ​ങ്കിൽ രാജാ​വി​ന്നു തിരു​വു​ള്ള​മു​ണ്ടെ​ങ്കിൽ എന്റെ അപേക്ഷ കേട്ടു എന്റെ ജീവ​നെ​യും എന്റെ ആഗ്രഹം ഓർത്തു എന്റെ ജനത്തെ​യും എനിക്കു നല്‌കേ​ണമേ.” (എസ്ഥേ. 7:3) ശരി​യെന്നു തോന്നു​ന്ന​തെ​ന്തും ചെയ്യാ​നുള്ള രാജാ​വി​ന്റെ അവകാ​ശത്തെ അവൾ ആദരിച്ചു. അത്‌ രാജാ​വി​നു ബോധ്യം വരുന്ന വിധത്തി​ലു​ള്ള​താ​യി​രു​ന്നു അവളുടെ വാക്കുകൾ. വസ്ഥിയിൽ നിന്ന്‌ എത്രയോ വ്യത്യസ്‌തം! രാജാ​വി​ന്റെ മുൻഭാ​ര്യ​യായ വസ്ഥി, രാജാ​വി​നെ കരുതി​ക്കൂ​ട്ടി അപമാ​നി​ക്കു​ക​യാ​യി​രു​ന്ന​ല്ലോ! (എസ്ഥേ. 1:10-12) എസ്ഥേരി​ന്റെ വിവേകം ദൃശ്യ​മായ മറ്റൊരു വിധം നോക്കുക: ഹാമാനെ കണ്ണുമ​ടച്ചു വിശ്വ​സി​ച്ച​തിൽ രാജാവു കാണിച്ച ഭോഷ​ത്ത​ത്തിന്‌ അദ്ദേഹത്തെ അവൾ തെല്ലും കുറ്റ​പ്പെ​ടു​ത്തി​യില്ല. പകരം, തന്റെ ജീവൻ അപകട​ത്തി​ലാ​ണെ​ന്നും എങ്ങനെ​യെ​ങ്കി​ലും അതിൽനിന്ന്‌ തന്നെ കരകയ​റ്റേ​ണമേ എന്നും രാജാ​വി​നോട്‌ കേണ​പേ​ക്ഷി​ക്കു​ക​യാ​ണു​ണ്ടാ​യത്‌.

18. എസ്ഥേർ, രാജാ​വി​നോട്‌ പ്രശ്‌നം തുറന്ന്‌ പറഞ്ഞത്‌ എങ്ങനെ?

¹⁸ രാജ്ഞി​യു​ടെ ഈ യാചന രാജാ​വി​ന്റെ ഹൃദയ​ത്തിൽ കൊണ്ടു! രാജപത്‌നി​യു​ടെ ജീവൻ വെച്ചു കളിക്കാൻ ധൈര്യ​പ്പെ​ട്ടത്‌ ആരാ​ണെന്ന്‌ അദ്ദേഹം അമ്പരന്നു! എസ്ഥേർ നിറു​ത്തി​യില്ല: ‘ഞങ്ങളെ നശിപ്പി​ച്ചു കൊന്നു​മു​ടി​ക്കേ​ണ്ട​തിന്‌ എന്നെയും എന്റെ ജനത്തെ​യും വിറ്റു​ക​ള​ഞ്ഞി​രി​ക്കു​ന്നു​വ​ല്ലോ; എന്നാൽ ഞങ്ങളെ ദാസീ​ദാ​സ​ന്മാ​രാ​യി വിറ്റി​രു​ന്നു എങ്കിൽ ഞാൻ മിണ്ടാതെ ഇരിക്കു​മാ​യി​രു​ന്നു.’ (എസ്ഥേ. 7:4) അവൾ തുടർന്നു: “ഞങ്ങളുടെ നാശം രാജാ​വിന്‌ നഷ്ടമാ​യി​ത്തീ​ര​രു​ത​ല്ലോ.” (എസ്ഥേ. 7:4ബി പി.ഒ.സി.) അവൾ പ്രശ്‌നം ഒട്ടും മറച്ചു​വെ​ക്കാ​തെ തുറന്ന്‌ പറഞ്ഞു. അവളെ​യും ജനത്തെ​യും അടിമ​ക​ളാ​ക്കുക മാത്ര​മാ​യി​രു​ന്നെ​ങ്കിൽ അവൾ അത്‌ സാരമാ​ക്കു​മാ​യി​രു​ന്നില്ല. എന്നാൽ ഈ വംശഹത്യ രാജാ​വിന്‌ വളരെ ദോഷം ചെയ്യു​ന്ന​താ​യ​തു​കൊണ്ട്‌ മൗനം പാലി​ക്കാൻ അവൾക്ക്‌ കഴിഞ്ഞില്ല.

19. മറ്റുള്ള​വ​രിൽ പ്രേര​ക​ശക്തി ചെലു​ത്താ​നുള്ള എസ്ഥേരി​ന്റെ കഴിവിൽനിന്ന്‌ നമുക്ക്‌ എന്തു പഠിക്കാം?

¹⁹ കാര്യങ്ങൾ പറഞ്ഞ്‌ മനസ്സി​ലാ​ക്കി വേണ്ടതു ചെയ്യാൻ പ്രേരി​പ്പി​ക്കു​ന്നത്‌ ഒരു കലയാണ്‌! എസ്ഥേരിന്‌ അതിനു കഴിഞ്ഞു. ഇണയോ​ടോ കുടും​ബാം​ഗ​ത്തോ​ടോ അധികാ​ര​സ്ഥാ​ന​ത്തുള്ള ഒരാ​ളോ​ടോ ഗൗരവ​മുള്ള ഒരു കാര്യം തുറന്ന്‌ പറയേ​ണ്ട​തു​ള്ള​പ്പോൾ ക്ഷമയോ​ടെ, ആദര​വോ​ടെ, വളച്ചു​കെ​ട്ടി​ല്ലാ​തെ, സത്യസ​ന്ധ​മാ​യി വേണം കാര്യം അവതരി​പ്പി​ക്കാൻ!—സദൃ. 16:21, 23.

20, 21. (എ) എസ്ഥേർ ഹാമാന്റെ തനിനി​റം വെളി​ച്ച​ത്താ​ക്കി​യത്‌ എങ്ങനെ, രാജാ​വി​ന്റെ പ്രതി​ക​രണം എന്തായി​രു​ന്നു? (ബി) തനിനി​റം വെളി​പ്പെ​ട്ട​പ്പോൾ ഹാമാൻ പെരു​മാ​റി​യത്‌ എങ്ങനെ?

²⁰ ഉറച്ച സ്വരത്തിൽ അഹശ്വേ​രോശ്‌ ചോദി​ച്ചു: “അവൻ ആർ? ഇങ്ങനെ ചെയ്‌വാൻ തുനി​ഞ്ഞവൻ എവിടെ?” ഹാമാ​നു​നേരെ വിരൽചൂ​ണ്ടി​ക്കൊണ്ട്‌ “വൈരി​യും ശത്രു​വും ഈ ദുഷ്ടനായ ഹാമാൻ തന്നേ” എന്ന്‌ എസ്ഥേർ പറയു​ന്നത്‌ നിങ്ങൾക്ക്‌ കേൾക്കാ​നാ​കു​ന്നു​ണ്ടോ? ആ ഗുരു​ത​ര​മായ ആരോ​പ​ണ​ത്തി​ന്റെ പ്രത്യാ​ഘാ​തം എന്തായി​രി​ക്കും? ഹാമാൻ ഞെട്ടി​വി​റച്ചു! മുൻകോ​പി​യായ രാജാ​വി​ന്റെ മുഖം ചുവന്നു! താൻ വിശ്വ​സിച്ച്‌ ആക്കി​വെ​ച്ചി​രി​ക്കുന്ന മന്ത്രി​മു​ഖ്യൻ തന്റെ പ്രിയ​പത്‌നി​യെ വകവരു​ത്താ​നുള്ള കല്‌പ​ന​യിൽ തന്നെ​ക്കൊ​ണ്ടു​തന്നെ മുദ്ര​വെ​പ്പി​ച്ചി​രി​ക്കു​ന്നു! ഹാമാന്റെ ആ കുതന്ത്രം തിരി​ച്ച​റിഞ്ഞ രാജാ​വിന്‌ കോപം അടക്കാ​നാ​യില്ല! വിരു​ന്നു​ശാ​ല​യിൽനിന്ന്‌ ഉദ്യാ​ന​ത്തി​ലേക്ക്‌ അദ്ദേഹം ഒരു കൊടു​ങ്കാ​റ്റു​പോ​ലെ പാഞ്ഞു​പോ​യി!—എസ്ഥേ. 7:5-7.

²¹ ഹാമാന്റെ തനിനി​റം വെളി​പ്പെട്ടു! ദ്രോഹി! കുതന്ത്രം മെനഞ്ഞ ഭീരു! ഇനി രക്ഷയി​ല്ലെന്നു കണ്ട ഹാമാൻ രാജ്ഞി​യു​ടെ കാൽക്കൽ കവിണ്ണു​വീ​ണു. ശാന്തത വീണ്ടെ​ടുത്ത്‌ ഉദ്യാ​ന​ത്തിൽനിന്ന്‌ അകത്തേക്ക്‌ തിരി​ച്ചു​വന്ന രാജാവ്‌ കാണു​ന്നത്‌ ഹാമാൻ എസ്ഥേരി​ന്റെ മെത്തമേൽ വീണു കിടക്കുന്ന കാഴ്‌ച​യാണ്‌. രാജാ​വി​ന്റെ കോപം ഇരട്ടിച്ചു. ‘എന്റെ അരമന​യിൽവെച്ച്‌ എന്റെ രാജ്ഞിയെ ബലാത്സം​ഗം ചെയ്യാൻ നീ തുനി​ഞ്ഞി​രി​ക്കു​ന്നു​വോ?’ ആ ചോദ്യം ഹാമാന്റെ മരണമ​ണി​യാ​യി​രു​ന്നു! പരിചാ​രകർ കടന്നു​വന്ന്‌ അവന്റെ മുഖം മൂടി, അവനെ കൊണ്ടു​പോ​യി. മൊർദെ​ഖാ​യി​ക്കു​വേണ്ടി ഹാമാൻ ഒരു കൂറ്റൻ കഴുമരം ഉണ്ടാക്കി​യി​ട്ടുള്ള വിവരം ഉദ്യോ​ഗ​സ്ഥ​ന്മാ​രിൽ ഒരാൾ അപ്പോൾ രാജാ​വി​നെ അറിയി​ച്ചു. ആ കഴുമ​ര​ത്തിൽത്തന്നെ ഹാമാനെ തൂക്കി​ക്ക​ള​യാൻ അഹശ്വേ​രോശ്‌ ഉത്തരവി​ട്ടു! അങ്ങനെ എല്ലാം ഒരു നിമി​ഷം​കൊണ്ട്‌ മാറി​മ​റി​ഞ്ഞു!—എസ്ഥേ. 7:8-10.

22. നിരാ​ശ​പ്പെ​ടാ​തെ, ശുഭ​പ്ര​തീ​ക്ഷ​യോ​ടെ, യഹോ​വ​യിൽ വിശ്വാ​സം അർപ്പിച്ച്‌ മുന്നോ​ട്ടു​പോ​കാൻ എസ്ഥേരി​ന്റെ മാതൃക നമ്മെ സഹായി​ക്കു​ന്നത്‌ എങ്ങനെ?

²² അനീതി നിറഞ്ഞ ഇന്നത്തെ ലോകാ​വ​സ്ഥ​യിൽ ഒരിക്ക​ലും നീതി നടപ്പാ​കാൻ പോകു​ന്നി​ല്ലെന്ന്‌ നമുക്ക്‌ തോന്നി​പ്പോ​യേ​ക്കാം. നിങ്ങൾക്ക്‌ അങ്ങനെ എപ്പോ​ഴെ​ങ്കി​ലും തോന്നി​യി​ട്ടു​ണ്ടോ? എസ്ഥേർ ഒരിക്ക​ലും പ്രതീക്ഷ കൈ​വെ​ടി​ഞ്ഞില്ല, വിശ്വാ​സം നഷ്ടപ്പെ​ടു​ത്തി​യില്ല, ദോഷ​വ​ശങ്ങൾ മാത്രം ചിന്തിച്ച്‌ മനസ്സ്‌ മടുത്ത​തു​മില്ല. സമയം വന്നപ്പോൾ അവൾ ധൈര്യ​ത്തോ​ടെ ശരിയായ കാര്യ​ത്തി​നു​വേണ്ടി സംസാ​രി​ച്ചു. തന്റെ ഭാഗം ഭംഗി​യാ​യി ചെയ്‌ത്‌ ബാക്കി യഹോവ ചെയ്യു​മെന്ന ഉറപ്പിൽ അവനു വിട്ടു. നമുക്കും അതു​പോ​ലെ​തന്നെ ചെയ്യാം. അന്നും ഇന്നും യഹോ​വയ്‌ക്ക്‌ യാതൊ​രു മാറ്റവും ഇല്ല. ഹാമാൻ കുഴിച്ച കുഴി​യിൽ ഹാമാനെ വീഴി​ച്ച​തു​പോ​ലെ ദുഷ്ട​രെ​യും വഞ്ചക​രെ​യും അവരവ​രു​ണ്ടാ​ക്കുന്ന കെണി​യിൽത്തന്നെ വീഴ്‌ത്താൻ യഹോ​വയ്‌ക്ക്‌ എന്തെങ്കി​ലും ബുദ്ധി​മു​ട്ടു​ണ്ടെന്ന്‌ നിങ്ങൾക്കു തോന്നു​ന്നു​ണ്ടോ?—സങ്കീർത്തനം 7:11-16 വായി​ക്കുക.

യഹോ​വയ്‌ക്കും അവന്റെ ജനത്തി​നും വേണ്ടി അവൾ നിസ്വാർഥ​മാ​യി പ്രവർത്തി​ച്ചു

23. (എ) രാജാവ്‌ മൊർദെ​ഖാ​യി​ക്കും എസ്ഥേരി​നും പ്രതി​ഫലം നൽകി​യത്‌ എങ്ങനെ? (ബി) ബെന്യാ​മീ​നെ​ക്കു​റിച്ച്‌ യാക്കോബ്‌ മരണക്കി​ട​ക്ക​യിൽവെച്ച്‌ നടത്തിയ പ്രവചനം സത്യമാ​യി ഭവിച്ചത്‌ എങ്ങനെ? (“സത്യമാ​യി ഭവിച്ച ഒരു പ്രവചനം” എന്ന ചതുരം കാണുക.)

²³ ഒടുവിൽ രാജാ​വിന്‌ മൊർദെ​ഖാ​യി ആരാ​ണെന്നു മനസ്സി​ലാ​യി. വധശ്ര​മ​ത്തിൽനിന്ന്‌ തന്നെ സംരക്ഷി​ച്ച​യാൾ, കൂറുള്ള ഒരു പ്രജ! അദ്ദേഹം എസ്ഥേരി​ന്റെ വളർത്തു​പി​താ​വു​മാണ്‌. ഹാമാന്റെ പ്രധാ​ന​മ​ന്ത്രി​പദം അഹശ്വേ​രോശ്‌ മൊർദെ​ഖാ​യിക്ക്‌ നൽകി. ഹാമാന്റെ വീടും കണക്കി​ല്ലാത്ത വസ്‌തു​വ​ക​ക​ളും രാജാവ്‌ എസ്ഥേരി​നു കൊടു​ത്തു. എസ്ഥേർ മൊർദെ​ഖാ​യി​യെ അതിന്റെ കാര്യ​സ്ഥ​നാ​ക്കി.—എസ്ഥേ. 8:1, 2.

24, 25. (എ) ഹാമാന്റെ പദ്ധതി പൊളി​ച്ച​ശേ​ഷ​വും എസ്ഥേരിന്‌ സ്വസ്ഥയാ​യി ഇരിക്കാൻ കഴിയാ​ഞ്ഞത്‌ എന്തു​കൊണ്ട്‌? (ബി) അവൾ തന്റെ ജീവൻ വീണ്ടും പണയ​പ്പെ​ടു​ത്തി​യത്‌ എങ്ങനെ?

²⁴ എസ്ഥേരും മൊർദെ​ഖാ​യി​യും ഇപ്പോൾ സുരക്ഷി​ത​രാണ്‌. ഇനി എസ്ഥേരിന്‌ സ്വസ്ഥമാ​യി ഇരിക്കാ​മോ? അവൾ സ്വാർഥ​യാ​ണെ​ങ്കിൽ മാത്രമേ അതിനു കഴിയൂ. ഈ സമയത്ത്‌, യഹൂദ​ന്മാ​രെ കൊല്ലാ​നാ​യി ഹാമാൻ അയച്ച കല്‌പന സാമ്രാ​ജ്യ​ത്തി​ന്റെ എല്ലാ മുക്കി​ലും മൂലയി​ലും എത്തുന്നു​ണ്ടാ​യി​രു​ന്നു. മൃഗീ​യ​മായ ഈ നരവേ​ട്ടയ്‌ക്ക്‌ ഹാമാൻ ഒരു സമയം നിശ്ചയി​ച്ചി​രു​ന്നു. ചീട്ടി​ട്ടാണ്‌ അത്‌ തീരു​മാ​നി​ച്ചത്‌. പൂര്‌ എന്നാണ്‌ ഇതിനു പറയു​ന്നത്‌. ഒരുതരം ഭൂതവി​ദ്യ​യാണ്‌ ഇതെന്നു തോന്നു​ന്നു. (എസ്ഥേ. 9:24-26) ആ ദിവസ​ത്തിന്‌ ഇനി മാസങ്ങൾ ബാക്കി​യുണ്ട്‌. പക്ഷേ സമയം അടുത്ത​ടുത്ത്‌ വരുക​യാണ്‌. ഈ കൂട്ടസം​ഹാ​രം എങ്ങനെ ഒഴിഞ്ഞു​പോ​കും?

²⁵ എസ്ഥേർ വീണ്ടും തന്റെ ജീവൻ പണയ​പ്പെ​ടു​ത്തി. ക്ഷണിക്ക​പ്പെ​ടാ​തെ ഒരിക്കൽക്കൂ​ടി രാജാ​വി​ന്റെ മുമ്പിൽ എത്താൻ അവൾ ധൈര്യ​പ്പെട്ടു. അവൾ ഒട്ടും സ്വാർഥ​യ​ല്ലാ​യി​രു​ന്നു! അവൾ രാജാ​വി​ന്റെ കാല്‌ക്കൽ വീണ്‌ തന്റെ ജനത്തി​നു​വേണ്ടി യാചിച്ചു. ഭീകര​മായ ആ രാജകല്‌പന റദ്ദാക്ക​ണ​മെന്ന്‌ ഭർത്താ​വി​നോട്‌ അപേക്ഷി​ച്ചു. എന്നാൽ പേർഷ്യൻ രാജാ​ക്ക​ന്മാർ ഒരിക്കൽ മുദ്ര​യിട്ട്‌ വിളം​ബരം ചെയ്‌ത ഒരു നിയമം പിന്നീട്‌ റദ്ദാക്കാൻ കഴിയി​ല്ലാ​യി​രു​ന്നു. (ദാനീ. 6:12, 15) അതു​കൊണ്ട്‌ പുതി​യൊ​രു നിയമം നടപ്പാ​ക്കാൻ എസ്ഥേരി​നെ​യും മൊർദെ​ഖാ​യി​യെ​യും രാജാവ്‌ അധികാ​ര​പ്പെ​ടു​ത്തി. അങ്ങനെ രണ്ടാമത്‌ ഒരു വിളം​ബരം നാടെ​ങ്ങും മുഴങ്ങി. യഹൂദ​ന്മാർക്ക്‌ സ്വയര​ക്ഷയ്‌ക്കു​വേണ്ടി പോരാ​ടാ​നുള്ള അവകാശം നൽകു​ന്ന​താ​യി​രു​ന്നു ഈ നിയമം. കുതി​ര​ക്കാർ ഈ സന്ദേശ​വു​മാ​യി സാമ്രാ​ജ്യ​ത്തി​ലെ​മ്പാ​ടും പാഞ്ഞു. യഹൂദ​ന്മാ​രു​ടെ മനംകു​ളിർപ്പി​ക്കു​ന്ന​താ​യി​രു​ന്നു ഈ സന്ദേശം. ആ ഹൃദയ​ങ്ങ​ളിൽ പ്രത്യാ​ശ​യു​ടെ തിരി​നാ​ളങ്ങൾ തെളിഞ്ഞു! (എസ്ഥേ. 8:3-16) വിശാ​ല​മായ ആ സാമ്രാ​ജ്യ​ത്തി​ലെ​മ്പാ​ടു​മുള്ള യഹൂദ​ന്മാർ ആയുധങ്ങൾ ശേഖരി​ക്കു​ന്ന​തും പോരാ​ട്ട​ത്തിന്‌ തയ്യാ​റെ​ടു​ക്കു​ന്ന​തും നിങ്ങൾക്ക്‌ ഭാവന​യിൽ കാണാ​നാ​കു​ന്നു​ണ്ടോ? ആ പുതിയ കല്‌പന പുറ​പ്പെ​ടു​വി​ച്ചി​ല്ലാ​യി​രു​ന്നെ​ങ്കിൽ ഇതൊ​ന്നും നടക്കു​മാ​യി​രു​ന്നില്ല. എന്നാൽ, “സൈന്യ​ങ്ങ​ളു​ടെ യഹോവ” തന്റെ ജനത്തിന്റെ കൂടെ​യു​ള്ള​തല്ലേ ഇതി​ലേറെ പ്രധാനം?—1 ശമൂ. 17:45.

26, 27. (എ) തന്റെ ജനത്തിന്‌ യഹോവ നൽകിയ വിജയം എത്ര വലുതാ​യി​രു​ന്നു? (ബി) ഹാമാന്റെ പുത്ര​ന്മാ​രെ കൊന്നു​ക​ള​ഞ്ഞ​തോ​ടെ ഏതു പ്രവച​ന​മാണ്‌ സത്യമാ​യി​ത്തീർന്നത്‌?

²⁶ അങ്ങനെ ഒടുവിൽ ഹാമാൻ കുറി​ച്ചു​വെ​ച്ചി​രുന്ന ആ സംഹാ​ര​ദി​ന​മാ​യി! ദൈവ​ജനം സുസജ്ജ​രാ​യി നിന്നു. യഹൂദ​നായ മൊർദെ​ഖാ​യി പുതിയ പ്രധാ​ന​മ​ന്ത്രി​യായ വാർത്ത ഇതി​നോ​ടകം പ്രചരി​ച്ചി​രു​ന്നു. അതിനാൽ നിരവധി പേർഷ്യൻ ഉദ്യോ​ഗസ്ഥർ യഹൂദ​ന്മാർക്ക്‌ തുണ നിന്നു. യഹോവ അന്ന്‌ തന്റെ ജനത്തിന്‌ വലിയ വിജയം നൽകി! ശത്രുക്കൾ നിലം​പ​രി​ചാ​യെന്ന്‌ യഹോവ ഉറപ്പു​വ​രു​ത്തി. അല്ലാത്ത​പക്ഷം അവർ പ്രതി​കാ​ര​വു​മാ​യി വീണ്ടും ദൈവ​ജ​ന​ത്തി​നെ​തി​രെ തിരി​ഞ്ഞാ​ലോ?a—എസ്ഥേ. 9:1-6.

²⁷ എന്നാൽ ഒരു അപകടം ബാക്കി​യു​ണ്ടാ​യി​രു​ന്നു. ഹാമാന്റെ പത്തു പുത്ര​ന്മാർ അപ്പോ​ഴും ജീവി​ച്ചി​രി​പ്പുണ്ട്‌! ഹാമാന്റെ വീടിന്റെ മേൽനോ​ട്ടം ഇപ്പോൾ മൊർദെ​ഖാ​യി​ക്കാ​യ​തു​കൊണ്ട്‌ അവന്റെ ജീവന്‌ അപകട​സാ​ധ്യത ഏറെയാണ്‌. അതു​കൊണ്ട്‌ അവരെ​യും കൊന്നു​ക​ളഞ്ഞു. (എസ്ഥേ. 9:7-10) അത്‌ സംഭവി​ച്ച​പ്പോൾ ഒരു ബൈബിൾ പ്രവചനം സത്യമാ​യി ഭവിക്കു​ക​യാ​യി​രു​ന്നു. അമാ​ലേ​ക്യ​രെ നിശ്ശേഷം കൊന്നു​മു​ടി​ക്ക​ണ​മെന്ന്‌ യഹോവ പണ്ടുതന്നെ കല്‌പി​ച്ചി​ട്ടു​ണ്ടാ​യി​രു​ന്നു. ദൈവ​ജ​നത്തെ അതി​ക്രൂ​ര​മാ​യി ഉപദ്ര​വി​ച്ച​വ​രാണ്‌ അമാ​ലേ​ക്യർ. (ആവ. 25:17-19) ആ ശപിക്ക​പ്പെട്ട ജനതയി​ലെ അവസാ​ന​യം​ഗ​ങ്ങ​ളാ​യി​രി​ക്കാം ഹാമാന്റെ ഈ പത്തു പുത്ര​ന്മാർ.

28, 29. (എ) എസ്ഥേരും അവളുടെ ജനവും യുദ്ധം ചെയ്യേ​ണ്ടത്‌ ദൈവ​ഹി​ത​മാ​യി​രു​ന്നത്‌ എന്തു​കൊണ്ട്‌? (ബി) എസ്ഥേരി​ന്റെ മാതൃക നമുക്ക്‌ ഒരു അനു​ഗ്ര​ഹ​മാ​യി​രി​ക്കു​ന്നത്‌ എങ്ങനെ?

²⁸ എസ്ഥേരിന്‌ ഈ ചെറു​പ്രാ​യ​ത്തിൽ ഭാരിച്ച ഉത്തരവാ​ദി​ത്വ​ങ്ങ​ളാണ്‌ ഏറ്റെടു​ക്കേ​ണ്ടി​വ​ന്നത്‌. യുദ്ധവും വധനിർവ​ഹ​ണ​വും മറ്റും ഉൾപ്പെട്ട രാജശാ​സ​നങ്ങൾ തയ്യാറാ​ക്കു​ക​യും നടപ്പാ​ക്കു​ക​യും ചെയ്യേണ്ട ചുമതല! അത്‌ അത്ര നിഷ്‌പ്ര​യാ​സം ചെയ്യാൻ കഴിയു​മാ​യി​രു​ന്നില്ല. അവളുടെ ജനം നശിപ്പി​ക്ക​പ്പെ​ടാൻ പാടി​ല്ലാ​യി​രു​ന്നു. കാരണം ആ ജനതയി​ലൂ​ടെ​യാണ്‌ മുഴു​മ​നു​ഷ്യ​വർഗ​ത്തി​ന്റെ​യും ഏകപ്ര​ത്യാ​ശ​യായ വാഗ്‌ദ​ത്ത​മി​ശി​ഹാ വരേണ്ടി​യി​രു​ന്നത്‌. അതു​കൊണ്ട്‌ അവരെ സംരക്ഷി​ക്കേ​ണ്ടത്‌ ദൈവ​ഹി​ത​മാ​യി​രു​ന്നു. (ഉല്‌പ. 22:18) യേശു​വാ​യി​രു​ന്നു ആ വാഗ്‌ദ​ത്ത​മി​ശി​ഹാ. അവന്റെ കാലം​മു​തൽ ദൈവ​ദാ​സ​ന്മാർ അക്ഷരീ​യ​യു​ദ്ധ​ങ്ങ​ളിൽ പങ്കെടു​ക്കു​ന്നില്ല. കാരണം യേശു അത്‌ വിലക്കി. ഇന്നത്തെ ദൈവ​ദാ​സ​ന്മാ​രായ നമ്മൾ അതിൽ എത്ര സന്തോ​ഷി​ക്കു​ന്നു!—മത്താ. 26:52.

²⁹ എന്നിരു​ന്നാ​ലും ക്രിസ്‌ത്യാ​നി​കൾക്ക്‌ ഇന്ന്‌ മറ്റൊ​രു​തരം യുദ്ധമുണ്ട്‌, ഒരു ആത്മീയ​യു​ദ്ധം! ഇവിടെ സാത്താ​നാണ്‌ നമ്മുടെ ശത്രു. യഹോ​വ​യാം ദൈവ​ത്തി​ലുള്ള നമ്മുടെ വിശ്വാ​സം തകർക്കാൻ അവൻ സദാ പോരാ​ടു​ക​യാണ്‌. (2 കൊരി​ന്ത്യർ 10:3, 4 വായി​ക്കുക.) ഒരു മാതൃ​ക​യാ​യി എസ്ഥേർ ഉള്ളത്‌ നമുക്ക്‌ എന്തൊരു അനു​ഗ്ര​ഹ​മാണ്‌! കാര്യങ്ങൾ പറഞ്ഞ്‌ ബോധ്യ​പ്പെ​ടു​ത്തേ​ണ്ട​തു​ള്ള​പ്പോൾ എസ്ഥേരി​നെ​പ്പോ​ലെ വിവേ​ക​ത്തോ​ടെ​യും ക്ഷമയോ​ടെ​യും അങ്ങനെ ചെയ്യാം! അവളെ​പ്പോ​ലെ ധൈര്യ​ത്തോ​ടെ​യും നിസ്വാർഥ​മാ​യും നമുക്ക്‌ ദൈവ​ജ​ന​ത്തി​ന്റെ പക്ഷത്ത്‌ നിൽക്കാം!