യുദ്ധങ്ങ​ളും പോരാ​ട്ട​ങ്ങ​ളും അവസാ​നി​പ്പി​ക്കാൻ മനുഷ്യർക്കു കഴിയു​മോ?

സാമ്പത്തി​ക​വി​ക​സനം

ലക്ഷ്യം: ആളുക​ളു​ടെ ജീവി​ത​നി​ല​വാ​രം മെച്ച​പ്പെ​ടു​ത്തുക. യുദ്ധങ്ങ​ളു​ടെ ഒരു പ്രധാ​ന​കാ​ര​ണ​മായ സാമ്പത്തിക അസമത്വം കുറയ്‌ക്കാ​നോ ഇല്ലാതാ​ക്കാ​നോ സാമ്പത്തി​ക​വി​ക​സ​ന​ത്തി​ലൂ​ടെ കഴിയും.

തടസ്സം: ഗവൺമെ​ന്റു​കൾ പണം ചെലവാ​ക്കുന്ന രീതി​യാണ്‌ ഒരു തടസ്സം. 2022-ൽ ലോക​മെ​ങ്ങു​മാ​യി ഏകദേശം മൂന്നു ലക്ഷം കോടി രൂപ സമാധാ​നം ഉണ്ടാക്കാ​നും അതു നിലനി​റു​ത്താ​നും ആയി ചെലവ​ഴി​ച്ചെ​ന്നതു ശരിയാണ്‌. എന്നാൽ ആ തുക, സൈനി​ക​സേ​വ​ന​ത്തി​നു​വേണ്ടി അതേ വർഷം​തന്നെ ചെലവ​ഴി​ച്ച​തി​ന്റെ 0.4 ശതമാനം മാത്രമേ ആകുന്നു​ള്ളൂ.

“പോരാ​ട്ടങ്ങൾ തടയാ​നും സമാധാ​നം ഉണ്ടാക്കാ​നും ചെലവാ​ക്കു​ന്ന​തി​നെ​ക്കാൾ കൂടുതൽ പണവും മറ്റു വസ്‌തു​ക്ക​ളും, പോരാ​ട്ടങ്ങൾ കാരണം ഉണ്ടാകുന്ന പ്രശ്‌നങ്ങൾ പരിഹ​രി​ക്കാ​നാ​ണു നമ്മൾ ഉപയോ​ഗി​ക്കു​ന്നത്‌.”—അന്റോ​ണി​യോ ഗുട്ടെ​റസ്‌, യു. എൻ. സെക്ര​ട്ടറി ജനറൽ.

ബൈബിൾ പറയു​ന്നത്‌: ലോക​ത്തി​ലെ ഗവൺമെ​ന്റു​കൾക്കും സ്ഥാപന​ങ്ങൾക്കും പാവ​പ്പെ​ട്ട​വരെ സഹായി​ക്കാൻ കഴിയും. പക്ഷേ ദാരി​ദ്ര്യം പൂർണ​മാ​യും ഇല്ലാതാ​ക്കാൻ അവർക്ക്‌ ഒരിക്ക​ലും കഴിയില്ല.—ആവർത്തനം 15:11; മത്തായി 26:11.

നയതന്ത്രം

ലക്ഷ്യം: തർക്കങ്ങൾ തടയു​ക​യോ പരിഹ​രി​ക്കു​ക​യോ ചെയ്യു​ന്ന​തി​നാ​യി പരസ്‌പരം കൂടി​വന്ന്‌ കാര്യങ്ങൾ ശാന്തമാ​യി ചർച്ച ചെയ്‌ത്‌ ഇരുകൂ​ട്ടർക്കും പ്രയോ​ജനം ചെയ്യുന്ന ഒരു തീരു​മാ​ന​ത്തി​ലെ​ത്തുക.

തടസ്സം: ഒന്നോ അതില​ധി​ക​മോ കക്ഷികൾ, ചർച്ച ചെയ്‌ത്‌ ഒത്തുതീർപ്പി​ലെ​ത്താ​നോ വിട്ടു​വീഴ്‌ച ചെയ്യാ​നോ ഒരു കരാറി​ലെ​ത്താ​നോ തയ്യാറാ​കാ​തി​രു​ന്നേ​ക്കാം. ഇനി, സമാധാ​ന​ത്തി​നാ​യി ഒരു ഉടമ്പടി ഉണ്ടാക്കി​യാ​ലും അത്‌ എല്ലാവ​രും പാലി​ക്ക​ണ​മെ​ന്നില്ല.

“യുദ്ധം അവസാ​നി​പ്പി​ക്കാൻവേണ്ടി രണ്ടു രാജ്യ​ങ്ങ​ളോ പാർട്ടി​ക​ളോ തമ്മിൽ നടത്തുന്ന കരാറു​കൾ എപ്പോ​ഴും വിജയി​ക്ക​ണ​മെ​ന്നില്ല. അതു ചില​പ്പോൾ വലിയ പോരാ​ട്ട​ങ്ങ​ളി​ലേക്കു പിന്നീട്‌ നയി​ച്ചേ​ക്കാം.”—റൈമൻഡ്‌ എഫ്‌. സ്‌മിത്ത്‌, അമേരി​ക്കൻ ഡിപ്ലോ​മസി.

ബൈബിൾ പറയു​ന്നത്‌: ആളുകൾ ‘സമാധാ​നം അന്വേ​ഷി​ക്കണം.’ (സങ്കീർത്തനം 34:14) എന്നാൽ ഇന്നുള്ള പല ആളുക​ളും “വിശ്വ​സി​ക്കാൻ കൊള്ളാ​ത്ത​വ​രും . . . ഒരു കാര്യ​ത്തോ​ടും യോജി​ക്കാ​ത്ത​വ​രും . . . ചതിയ​ന്മാ​രും” ആണ്‌. (2 തിമൊ​ഥെ​യൊസ്‌ 3:1-4) അതു​കൊ​ണ്ടു​തന്നെ, ആത്മാർഥ​ത​യുള്ള രാഷ്ട്രീ​യ​നേ​താ​ക്ക​ന്മാർക്കു​പോ​ലും പോരാ​ട്ട​ങ്ങൾക്കു പരിഹാ​രം കണ്ടെത്താൻ കഴിയു​ന്നില്ല.

നിരാ​യു​ധീ​ക​രണം

ലക്ഷ്യം: ആയുധങ്ങൾ കുറയ്‌ക്കു​ക​യോ ഇല്ലാതാ​ക്കു​ക​യോ ചെയ്യുക, പ്രത്യേ​കി​ച്ചും ആണവ-രാസ-ജൈവ ആയുധങ്ങൾ.

തടസ്സം: രാജ്യങ്ങൾ മിക്ക​പ്പോ​ഴും അവരുടെ ആയുധങ്ങൾ കുറയ്‌ക്കാ​നോ ഇല്ലാതാ​ക്കാ​നോ സമ്മതി​ക്കു​ന്നില്ല. കാരണം, അങ്ങനെ ചെയ്യു​മ്പോൾ തങ്ങളുടെ ശക്തി കുറയു​മെ​ന്നും മറ്റു രാജ്യ​ങ്ങ​ളിൽനിന്ന്‌ ഒരു ആക്രമണം ഉണ്ടായാൽ അതിനെ പ്രതി​രോ​ധി​ക്കാൻ കഴിയി​ല്ലെ​ന്നും അവർ ഭയപ്പെ​ടു​ന്നു. ഇനി, ആയുധങ്ങൾ രാജ്യ​ത്തു​നിന്ന്‌ നീക്കം ചെയ്‌തു എന്നതു​കൊ​ണ്ടു​മാ​ത്രം പോരാ​ട്ട​ത്തി​നുള്ള കാരണങ്ങൾ ഇല്ലാതാ​കു​ന്നില്ല.

“1991-ൽ ശീതയു​ദ്ധം അവസാ​നിച്ച സമയത്ത്‌ പല രാജ്യ​ങ്ങ​ളും തങ്ങളുടെ കൈയി​ലുള്ള ആയുധങ്ങൾ ഇല്ലാതാ​ക്കാ​മെന്നു വാഗ്‌ദാ​നം ചെയ്‌തി​രു​ന്നു. അതു​പോ​ലെ അപകടങ്ങൾ കുറയ്‌ക്കാ​നും രാജ്യങ്ങൾ തമ്മിലുള്ള ഐക്യം ശക്തമാ​ക്കാ​നും വേണ്ട നടപടി​കൾ സ്വീക​രി​ക്കാ​മെ​ന്നും അവർ വാക്കു കൊടു​ത്തു. അങ്ങനെ ലോകം മുഴുവൻ സുരക്ഷി​ത​മാ​ക്കുക എന്നതാ​യി​രു​ന്നു അവരുടെ ലക്ഷ്യം. എന്നാൽ ആ വാഗ്‌ദാ​ന​ങ്ങ​ളൊ​ന്നും അവർ പാലി​ച്ചില്ല.”—“നമ്മുടെ ഭാവി സുരക്ഷി​ത​മാ​ക്കൽ: നിരാ​യു​ധീ​ക​ര​ണ​ത്തി​നുള്ള ഒരു അജണ്ട.” (ഇംഗ്ലീഷ്‌)

ബൈബിൾ പറയു​ന്നത്‌: ആളുകൾ ആയുധങ്ങൾ ഉപേക്ഷി​ക്കു​ക​യും ‘വാളുകൾ കലപ്പക​ളാ​യി അടിച്ചു​തീർക്കു​ക​യും’ വേണം. (യശയ്യ 2:4) എന്നാൽ യുദ്ധം അവസാ​നി​പ്പി​ക്ക​ണ​മെ​ങ്കിൽ അതിലും കൂടുതൽ ചെയ്യണം. കാരണം, അക്രമം ചെയ്യാ​നുള്ള ചിന്ത തുടങ്ങു​ന്നത്‌ ഒരാളു​ടെ ഹൃദയ​ത്തിൽനി​ന്നാണ്‌.—മത്തായി 15:19.

കൂട്ടായ സുരക്ഷ

ലക്ഷ്യം: ശത്രു​ക്കൾക്ക്‌ എതിരെ പോരാ​ടാൻ പരസ്‌പരം സഹായി​ക്കാ​മെന്നു പല രാജ്യ​ങ്ങ​ളും തമ്മിൽ വാക്കു കൊടു​ക്കു​ന്നു. അങ്ങനെ പല രാജ്യങ്ങൾ ഒരുമി​ച്ചു​നിൽക്കു​മ്പോൾ അവരുടെ ശക്തി കണ്ട്‌ എതിരാ​ളി​കൾ അവർക്ക്‌ എതിരെ യുദ്ധം ചെയ്യാൻ മടി​ച്ചേ​ക്കും.

തടസ്സം: ഒന്നിച്ചു​നിന്ന്‌ പോരാ​ടാം എന്ന കരാറിൽ ഏർപ്പെ​ട്ടെന്നു കരുതി സമാധാ​നം ഉണ്ടാക​ണ​മെന്നു നിർബ​ന്ധ​മില്ല. കാരണം കൂട്ടായ സുരക്ഷാ ഉടമ്പടി​യിൽ ഏർപ്പെട്ട രാജ്യങ്ങൾ എപ്പോ​ഴും തങ്ങളുടെ വാക്കു പാലി​ച്ചെ​ന്നു​വ​രില്ല. അതു​പോ​ലെ എപ്പോൾ, എങ്ങനെ എതിരാ​ളി​കളെ പ്രതി​രോ​ധി​ക്ക​ണ​മെന്ന കാര്യ​ത്തിൽ അവർക്ക്‌ അഭി​പ്രാ​യ​വ്യ​ത്യാ​സ​ങ്ങ​ളും ഉണ്ടാ​യേ​ക്കാം.

“രാജ്യങ്ങൾ തമ്മിൽ പരസ്‌പരം സഹകരിച്ച്‌ പ്രവർത്തി​ക്കാൻ വേണ്ട സഹായം സർവരാ​ജ്യ സഖ്യവും ഐക്യ​രാ​ഷ്‌ട്ര സംഘട​ന​യും കൊടു​ത്തെ​ങ്കി​ലും യുദ്ധങ്ങൾ തടയാൻ അതു​കൊ​ണ്ടൊ​ന്നും കഴിഞ്ഞി​ട്ടില്ല.”—“ബ്രിട്ടാ​നിക്ക സർവി​ജ്ഞാ​ന​കോ​ശം.”

ബൈബിൾ പറയു​ന്നത്‌: കൂടുതൽ ആളുകൾ ഒരുമിച്ച്‌ പ്രവർത്തി​ക്കു​ന്നതു പൊതു​വെ നല്ലതാണ്‌. (സഭാ​പ്ര​സം​ഗകൻ 4:12) എങ്കിലും ലോക​ത്തി​ലെ ഗവൺമെ​ന്റു​കൾക്കും സംഘട​ന​കൾക്കും സമാധാ​ന​വും സുരക്ഷി​ത​ത്വ​വും കൊണ്ടു​വ​രാൻ കഴിയില്ല. ബൈബിൾ പറയുന്നു: “സഹായ​ത്തി​നാ​യി നിങ്ങളു​ടെ നേതാ​ക്കളെ ആശ്രയി​ക്ക​രുത്‌. മനുഷ്യ​രെ ആശ്രയി​ക്ക​രുത്‌. എന്തെന്നാൽ മനുഷ്യർക്ക്‌ നിങ്ങളെ രക്ഷിക്കാ​നാ​വില്ല. മനുഷ്യർ മരിക്കു​ക​യും സംസ്‌ക​രി​ക്ക​പ്പെ​ടു​ക​യും ചെയ്യുന്നു. അനന്തരം അവരുടെ സഹായ​പ​ദ്ധ​തി​കൾ നഷ്ടമാ​വു​ക​യും ചെയ്യുന്നു.”—സങ്കീർത്തനം 146:3, 4, ഈസി റ്റു റീഡ്‌ വേർഷൻ.