യഹോ​വ​യു​ടെ പേര്‌ യേശു​വിന്‌ എത്ര പ്രധാ​ന​മാണ്‌?

1-2. (എ) മരിക്കു​ന്ന​തി​ന്റെ തലേരാ​ത്രി യേശു എന്തു ചെയ്‌തു? (ബി) ഈ ലേഖന​ത്തിൽ ഏതെല്ലാം ചോദ്യ​ങ്ങൾക്കുള്ള ഉത്തരങ്ങൾ ചിന്തി​ക്കും?

എ.ഡി. 33 നീസാൻ 14, വ്യാഴാഴ്‌ച വൈകു​ന്നേരം. യേശു തന്റെ വിശ്വ​സ്‌ത​രായ അപ്പോ​സ്‌ത​ല​ന്മാ​രോ​ടൊ​പ്പം കർത്താ​വി​ന്റെ അത്താഴം ആചരിച്ചു. ഉടനെ യൂദാസ്‌ തന്നെ ഒറ്റി​ക്കൊ​ടു​ക്കു​മെ​ന്നും ശത്രുക്കൾ തന്നെ ഉപദ്ര​വി​ക്കു​ക​യും കൊല്ലു​ക​യും ചെയ്യു​മെ​ന്നും യേശു​വിന്‌ അറിയാം. അതു​കൊണ്ട്‌ അത്താഴ​ത്തി​നു ശേഷം, അപ്പോ​സ്‌ത​ല​ന്മാ​രെ പ്രോ​ത്സാ​ഹി​പ്പി​ക്കുന്ന പല കാര്യ​ങ്ങ​ളും യേശു പങ്കു​വെച്ചു. ആ മുറി വിട്ട്‌ പോകു​ന്ന​തി​നു മുമ്പ്‌ യേശു അർഥവ​ത്തായ ഒരു പ്രാർഥ​ന​യും നടത്തി. യോഹ​ന്നാൻ 17-ാം അധ്യാ​യ​ത്തിൽ ആ പ്രാർഥന നമുക്ക്‌ കാണാം.

² മരിക്കു​ന്ന​തി​നു തൊട്ടു​മുമ്പ്‌ യേശു​വി​ന്റെ ഉത്‌കണ്‌ഠ എന്തി​നെ​ക്കു​റി​ച്ചാ​യി​രു​ന്നു എന്നാണ്‌ യേശു​വി​ന്റെ പ്രാർഥന വ്യക്തമാ​ക്കു​ന്നത്‌? ഭൂമി​യി​ലാ​യി​രു​ന്ന​പ്പോൾ താൻ ഏറ്റവും പ്രധാ​ന​മാ​യി കണ്ടത്‌ എന്താ​ണെ​ന്നാണ്‌ ഈ പ്രാർഥന കാണി​ക്കു​ന്നത്‌? ഈ ചോദ്യ​ങ്ങൾക്കുള്ള ഉത്തരം നമ്മൾ നോക്കും.

“ഞാൻ അങ്ങയുടെ പേര്‌ ഇവരെ അറിയി​ച്ചി​രി​ക്കു​ന്നു”

3. യഹോ​വ​യു​ടെ പേരി​നെ​ക്കു​റിച്ച്‌ യേശു എന്താണ്‌ പറഞ്ഞത്‌, എന്താണ്‌ അതു​കൊണ്ട്‌ ഉദ്ദേശി​ച്ചത്‌? (യോഹ​ന്നാൻ 17:6, 26)

³ യേശു തന്റെ പ്രാർഥ​ന​യിൽ, “ഞാൻ അങ്ങയുടെ പേര്‌ ഇവരെ അറിയി​ച്ചി​രി​ക്കു​ന്നു” എന്നു പറഞ്ഞു. ശരിക്കും പറഞ്ഞാൽ, യഹോ​വ​യു​ടെ പേര്‌ ശിഷ്യ​ന്മാ​രെ അറിയി​ച്ചെന്ന്‌ യേശു രണ്ടു തവണ പറഞ്ഞു. (യോഹ​ന്നാൻ 17:6, 26 വായി​ക്കുക.) എന്താണു യേശു ഉദ്ദേശി​ച്ചത്‌? അവർക്ക്‌ അറിയി​ല്ലാത്ത ഒരു പേര്‌ യേശു വെളി​പ്പെ​ടു​ത്തി​ക്കൊ​ടു​ത്തു എന്നാണോ? അല്ല. കാരണം യേശു​വി​ന്റെ ശിഷ്യ​ന്മാർ ജൂതന്മാ​രാ​യി​രു​ന്ന​തു​കൊണ്ട്‌ അവർക്ക്‌ യഹോവ എന്ന പേര്‌ അറിയാ​മാ​യി​രു​ന്നു. എബ്രാ​യ​തി​രു​വെ​ഴു​ത്തു​ക​ളിൽ ആയിര​ക്ക​ണ​ക്കി​നു പ്രാവ​ശ്യം ആ പേര്‌ ഉപയോ​ഗി​ച്ചി​ട്ടുണ്ട്‌. അതു​കൊണ്ട്‌ ദൈവ​ത്തി​ന്റെ വ്യക്തി​പ​ര​മായ പേരല്ല, പകരം ആ പേരിനു പിന്നിലെ വ്യക്തി​യെ​ക്കു​റിച്ച്‌ പഠിപ്പി​ച്ചെ​ന്നാ​ണു യേശു ഉദ്ദേശി​ച്ചത്‌. അതായത്‌ യഹോ​വ​യു​ടെ ഉദ്ദേശ്യ​ങ്ങ​ളെ​ക്കു​റി​ച്ചും ഗുണങ്ങ​ളെ​ക്കു​റി​ച്ചും യഹോവ കാര്യങ്ങൾ ചെയ്യുന്ന രീതി​യെ​ക്കു​റി​ച്ചും യേശു അവരെ പഠിപ്പി​ച്ചു. മറ്റാ​രെ​ക്കാ​ളും നന്നായി യഹോ​വ​യെ​ക്കു​റിച്ച്‌ പഠിപ്പി​ക്കാൻ കഴിയു​ന്നത്‌ യേശു​വി​നാണ്‌.

4-5. (എ) ഒരു വ്യക്തി​യു​ടെ പേരിന്‌ കൂടുതൽ അർഥം കൈവ​രു​ന്നത്‌ എങ്ങനെ​യെന്ന്‌ ഒരു ഉദാഹ​ര​ണ​ത്തി​ലൂ​ടെ വിശദീ​ക​രി​ക്കുക. (ബി) യേശു​വി​ന്റെ ശിഷ്യ​ന്മാർ യഹോ​വയെ ഏറ്റവും നന്നായി മനസ്സി​ലാ​ക്കി​യത്‌ എങ്ങനെ?

⁴ ഇതു മനസ്സി​ലാ​ക്കാൻ ഒരു ഉദാഹ​രണം നോക്കാം. നിങ്ങളു​ടെ സഭയിൽ ഡേവിഡ്‌ എന്നു പേരുള്ള ഒരു മൂപ്പനു​ണ്ടെന്നു വിചാ​രി​ക്കുക. അദ്ദേഹം ഒരു ഡോക്ട​റു​മാണ്‌; വർഷങ്ങ​ളാ​യി നിങ്ങൾക്ക്‌ ആ സഹോ​ദ​രനെ അറിയാം. ഒരു ദിവസം നിങ്ങൾക്ക്‌ ഒരു അപകടം ഉണ്ടാകു​ന്നു. ആ സഹോ​ദരൻ ജോലി ചെയ്യുന്ന ആശുപ​ത്രി​യി​ലേക്കു നിങ്ങളെ പെട്ടെന്ന്‌ കൊണ്ടു​പോ​കു​ന്നു. അദ്ദേഹം നിങ്ങളെ ചികി​ത്സി​ക്കു​ക​യും നിങ്ങളു​ടെ ജീവൻ രക്ഷിക്കു​ക​യും ചെയ്യുന്നു. മുമ്പ്‌ ഡേവിഡ്‌ എന്ന പേര്‌ കേൾക്കു​മ്പോൾ നിങ്ങളു​ടെ മനസ്സി​ലേക്കു വന്നിരു​ന്നത്‌ അദ്ദേഹം ഒരു മൂപ്പനാണ്‌ എന്നതു മാത്ര​മാ​യി​രി​ക്കും. എന്നാൽ ഇപ്പോൾ ആ പേര്‌ കേൾക്കു​മ്പോ​ഴോ? ഡേവിഡ്‌ സഹോ​ദരൻ ഒരു നല്ല ഡോക്ട​റാ​ണെ​ന്നും നിങ്ങളു​ടെ ജീവൻ രക്ഷിച്ച​യാ​ളാ​ണെ​ന്നും കൂടെ നിങ്ങൾ ഓർക്കും. അതെ, ഇപ്പോൾ ആ വ്യക്തി​യു​ടെ പേരിന്‌ കൂടുതൽ അർഥം കൈവന്നു.

⁵ ഈ ഉദാഹ​ര​ണ​ത്തി​ലേ​തു​പോ​ലെ, യേശു​വി​ന്റെ ശിഷ്യ​ന്മാർക്ക്‌ യഹോ​വ​യു​ടെ പേര്‌ അറിയാ​മാ​യി​രു​ന്നു. എന്നാൽ തന്റെ ശുശ്രൂ​ഷ​യി​ലൂ​ടെ ആ പേരിന്‌ പിന്നി​ലുള്ള വ്യക്തിയെ നന്നായി മനസ്സി​ലാ​ക്കാൻ യേശു സഹായി​ച്ചു. വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും യേശു യഹോ​വ​യു​ടെ വ്യക്തി​ത്വം പ്രതി​ഫ​ലി​പ്പി​ച്ചു. നമുക്ക്‌ അത്‌ എങ്ങനെ പറയാൻ പറ്റും? യേശു പഠിപ്പിച്ച വിധം ശ്രദ്ധി​ച്ച​തി​ലൂ​ടെ​യും യേശു ആളുക​ളോട്‌ ഇടപെട്ട രീതി നിരീ​ക്ഷി​ച്ച​തി​ലൂ​ടെ​യും ശിഷ്യ​ന്മാർക്ക്‌ യഹോ​വ​യു​ടെ വ്യക്തി​ത്വം ശരിക്കും മനസ്സി​ലാ​ക്കാ​നാ​യി.—യോഹ. 14:9; 17:3.

“അങ്ങ്‌ എനിക്കു തന്നിരി​ക്കുന്ന അങ്ങയുടെ പേര്‌”

6. ഏത്‌ അർഥത്തി​ലാണ്‌ യഹോ​വ​യു​ടെ പേര്‌ യേശു​വി​നു കൊടു​ത്തി​രി​ക്കു​ന്നത്‌? (യോഹ​ന്നാൻ 17:11, 12)

⁶ യേശു തന്റെ ശിഷ്യ​ന്മാർക്കു​വേണ്ടി ഇങ്ങനെ പ്രാർഥി​ച്ചു: “അങ്ങ്‌ എനിക്കു തന്നിരി​ക്കുന്ന അങ്ങയുടെ പേര്‌ ഓർത്ത്‌ അവരെ കാത്തു​കൊ​ള്ളേ​ണമേ.” (യോഹ​ന്നാൻ 17:11, 12 വായി​ക്കുക.) അതിന്‌ അർഥം യേശു ഇനിമു​തൽ യഹോവ എന്നു വിളി​ക്ക​പ്പെ​ടും എന്നാണോ? അല്ല. യേശു ആ പ്രാർഥ​ന​യിൽ “അങ്ങയുടെ പേര്‌” എന്നു പറഞ്ഞത്‌ നിങ്ങൾ ശ്രദ്ധി​ച്ചോ? അതു കാണി​ക്കു​ന്നത്‌ യഹോവ എന്നത്‌ യേശു​വി​ന്റെ വ്യക്തി​പ​ര​മായ പേരായി മാറി​യില്ല എന്നാണ്‌. അങ്ങനെ​യെ​ങ്കിൽ ‘അങ്ങയുടെ പേര്‌ തന്നു’ എന്നതിന്റെ അർഥം എന്താണ്‌? ഒരു കാര്യം, യേശു യഹോ​വയെ പ്രതി​നി​ധീ​ക​രി​ക്കു​ക​യും യഹോ​വ​യു​ടെ നാമത്തിൽ സംസാ​രി​ക്കു​ക​യും ചെയ്‌തു. ആ നാമത്തി​ലാണ്‌ യേശു അത്ഭുതങ്ങൾ ചെയ്‌തത്‌. (യോഹ. 5:43; 10:25) അതു​പോ​ലെ യേശു എന്ന പേരിന്റെ അർഥം​തന്നെ “യഹോവ രക്ഷയാണ്‌” എന്നാണ്‌. അതെ, യഹോവ എന്ന പേര്‌ യേശു​വി​ന്റെ പേരു​മാ​യി അടുത്ത്‌ ബന്ധപ്പെ​ട്ടി​രി​ക്കു​ന്നു.

7. യേശു യഹോ​വ​യു​ടെ നാമത്തിൽ സംസാ​രി​ച്ചു എന്നത്‌ മനസ്സി​ലാ​ക്കാൻ സഹായി​ക്കുന്ന ഒരു ഉദാഹ​രണം പറയുക.

⁷ യേശു യഹോ​വ​യു​ടെ നാമത്തിൽ സംസാ​രി​ച്ചു എന്നു പറയു​ന്നത്‌ മനസ്സി​ലാ​ക്കാൻ നമുക്ക്‌ ഒരു ഉദാഹ​രണം നോക്കാം. ഒരു രാജ്യ​ത്തി​ന്റെ ഭരണാ​ധി​കാ​രി തനിക്കു​വേണ്ടി സംസാ​രി​ക്കാൻ ഒരു വ്യക്തിയെ നിയമി​ച്ചേ​ക്കാം. നിയമി​ത​നായ ആ വ്യക്തി സംസാ​രി​ക്കു​മ്പോൾ അത്‌ ആ ഭരണാ​ധി​കാ​രി സംസാ​രി​ക്കു​ന്ന​തു​പോ​ലെ​യാണ്‌. സമാന​മാ​യി യഹോ​വ​യ്‌ക്കു​വേണ്ടി സംസാ​രി​ക്കാൻ യേശു​വിന്‌ അധികാ​ര​മു​ണ്ടാ​യി​രു​ന്നു. കാരണം യഹോ​വ​യാണ്‌ യേശു​വി​നെ അയച്ചത്‌.—മത്താ. 21:9; ലൂക്കോ. 13:35.

8. ഭൂമി​യിൽ വരുന്ന​തി​നു മുമ്പും യഹോ​വ​യു​ടെ നാമം യേശു​വിൽ ഉണ്ടായി​രു​ന്നെന്നു പറയാ​നാ​കു​ന്നത്‌ എന്തു​കൊണ്ട്‌? (പുറപ്പാട്‌ 23:20, 21)

⁸ ബൈബി​ളിൽ യേശു​വി​നെ വചനം എന്നു വിളി​ച്ചി​ട്ടുണ്ട്‌. കാരണം ദൂതന്മാർക്കും മനുഷ്യർക്കും ദൈവ​ത്തിൽനി​ന്നുള്ള നിർദേ​ശ​ങ്ങ​ളും വിവര​ങ്ങ​ളും നൽകാൻ യഹോവ യേശു​വി​നെ​യാണ്‌ ഉപയോ​ഗി​ച്ചത്‌. (യോഹ. 1:1-3) ഇസ്രാ​യേ​ല്യ​രെ ഈജി​പ്‌തിൽനിന്ന്‌ വിടു​വിച്ച സമയത്ത്‌ ആ ജനത്തി​നു​വേണ്ടി കരുതാൻ യഹോവ അയച്ച ദൂതനും യേശു ആയിരി​ക്കാ​നാ​ണു സാധ്യത. ആ ദൂതനെ അനുസ​രി​ക്കാൻ ഇസ്രാ​യേ​ല്യ​രോ​ടു പറഞ്ഞ​പ്പോൾ “എന്റെ പേര്‌ അവനി​ലുണ്ട്‌” എന്ന്‌ യഹോവ പറഞ്ഞു.a (പുറപ്പാട്‌ 23:20, 21 വായി​ക്കുക.) അതെ, യഹോ​വ​യു​ടെ നാമം യേശു​വിൽ ഉണ്ടായി​രു​ന്നു. കാരണം യേശു യഹോ​വ​യ്‌ക്കു​വേണ്ടി സംസാ​രി​ച്ചു. യഹോവ കാര്യങ്ങൾ ചെയ്യുന്ന വിധം ശരിയാ​ണെന്ന്‌ തെളി​യി​ക്കു​ന്ന​തി​ലും യഹോ​വ​യു​ടെ പേര്‌ വിശു​ദ്ധീ​ക​രി​ക്കു​ന്ന​തി​ലും യേശു പ്രധാന പങ്കു വഹിച്ചു.

“പിതാവേ, അങ്ങയുടെ പേര്‌ മഹത്ത്വ​പ്പെ​ടു​ത്തേ​ണമേ”

9. യഹോ​വ​യു​ടെ പേര്‌ യേശു​വിന്‌ എത്ര പ്രധാ​ന​മാ​യി​രു​ന്നു? വിശദീ​ക​രി​ക്കുക.

⁹ നമ്മൾ കണ്ടതു​പോ​ലെ ഭൂമി​യിൽ വരുന്ന​തി​നു മുമ്പു​തന്നെ യേശു​വിന്‌ യഹോ​വ​യു​ടെ നാമം വളരെ പ്രധാ​ന​പ്പെ​ട്ട​താ​യി​രു​ന്നു. അപ്പോൾപ്പി​ന്നെ യേശു ഭൂമി​യി​ലാ​യി​രു​ന്ന​പ്പോ​ഴും ആ രീതി​യിൽ പ്രവർത്തി​ച്ച​തിൽ അതിശ​യി​ക്കാ​നി​ല്ല​ല്ലോ. ശുശ്രൂ​ഷ​യു​ടെ അവസാ​ന​മാ​യ​പ്പോ​ഴേ​ക്കും യേശു തന്റെ പിതാ​വി​നോട്‌ ഇങ്ങനെ അപേക്ഷി​ച്ചു: “പിതാവേ, അങ്ങയുടെ പേര്‌ മഹത്ത്വ​പ്പെ​ടു​ത്തേ​ണമേ.” അപ്പോൾ സ്വർഗ​ത്തിൽനിന്ന്‌ യഹോവ ഇങ്ങനെ പറഞ്ഞു: “ഞാൻ അതു മഹത്ത്വ​പ്പെ​ടു​ത്തി​യി​രി​ക്കു​ന്നു. ഇനിയും മഹത്ത്വ​പ്പെ​ടു​ത്തും.”—യോഹ. 12:28.

10-11. (എ) യേശു യഹോ​വ​യു​ടെ പേര്‌ മഹത്ത്വ​പ്പെ​ടു​ത്തി​യത്‌ എങ്ങനെ​യാണ്‌? (ചിത്ര​വും കാണുക.) (ബി) യഹോ​വ​യു​ടെ നാമത്തി​നേറ്റ നിന്ദ നീക്കേ​ണ്ട​തും ആ നാമം വിശു​ദ്ധീ​ക​രി​ക്കേ​ണ്ട​തും എന്തു​കൊ​ണ്ടാണ്‌?

¹⁰ യേശു​വും ആ പേര്‌ മഹത്ത്വ​പ്പെ​ടു​ത്തി. എങ്ങനെ? ഒരു വിധം, യഹോ​വ​യു​ടെ മനോ​ഹ​ര​മായ ഗുണങ്ങ​ളും യഹോവ കാര്യങ്ങൾ ചെയ്യുന്ന രീതി​യും മറ്റുള്ള​വർക്കു പറഞ്ഞു​കൊ​ടു​ത്തു​കൊ​ണ്ടാണ്‌. എന്നാൽ അതു മാത്രമല്ല, പിതാ​വി​ന്റെ പേരി​നു​മേൽ വന്ന നിന്ദ നീക്കു​ന്ന​തും അത്‌ വിശു​ദ്ധീ​ക​രി​ക്കു​ന്ന​തും അഥവാ പരിശു​ദ്ധ​മാ​ക്കു​ന്ന​തും അതിൽ ഉൾപ്പെ​ട്ടി​രു​ന്നു.b യേശു ശിഷ്യ​ന്മാ​രെ പഠിപ്പിച്ച മാതൃ​കാ​പ്രാർഥ​ന​യി​ലൂ​ടെ അത്‌ എത്ര പ്രധാ​ന​മാ​ണെന്ന്‌ കാണിച്ചു. യേശു ഇങ്ങനെ പറഞ്ഞു: “സ്വർഗ​സ്ഥ​നായ ഞങ്ങളുടെ പിതാവേ, അങ്ങയുടെ പേര്‌ പരിശു​ദ്ധ​മാ​യി​രി​ക്കേ​ണമേ.”—മത്താ. 6:9.

¹¹ യഹോ​വ​യു​ടെ നാമത്തി​നേറ്റ നിന്ദ നീക്കേ​ണ്ട​തും ആ നാമം വിശു​ദ്ധീ​ക​രി​ക്കേ​ണ്ട​തും എന്തു​കൊ​ണ്ടാണ്‌? ഏദെനിൽ നടന്ന സംഭവം നമുക്കു നോക്കാം. അവി​ടെ​വെച്ച്‌ സാത്താൻ ദൈവ​മായ യഹോ​വ​യെ​ക്കു​റിച്ച്‌ നുണകൾ പറഞ്ഞു. ആദാമി​നും ഹവ്വയ്‌ക്കും കിട്ടേണ്ട നന്മകൾ ദൈവം പിടി​ച്ചു​വെ​ക്കു​ന്നെ​ന്നും ദൈവം ഒരു നുണയ​നാ​ണെ​ന്നും സാത്താൻ ആരോ​പി​ച്ചു. (ഉൽപ. 3:1-5) യഹോവ ഭരിക്കുന്ന വിധം ശരിയ​ല്ലെ​ന്നാ​ണു സാത്താൻ അതിലൂ​ടെ പറഞ്ഞത്‌. സാത്താൻ യഹോ​വ​യു​ടെ നാമത്തെ നിന്ദിച്ചു. പിന്നീട്‌ ഇയ്യോ​ബി​ന്റെ നാളു​ക​ളിൽ മനുഷ്യർ സ്വാർഥ​മായ നേട്ടങ്ങൾക്കു​വേ​ണ്ടി​യാ​ണു ദൈവത്തെ സേവി​ക്കു​ന്നത്‌ എന്നും സാത്താൻ പറഞ്ഞു. മനുഷ്യർക്ക്‌ യഹോ​വ​യോ​ടു സ്‌നേ​ഹ​മി​ല്ലെ​ന്നും അതു​കൊ​ണ്ടു​തന്നെ പ്രശ്‌ന​ങ്ങ​ളു​ണ്ടാ​യാൽ അവർ ദൈവത്തെ സേവി​ക്കു​ന്നത്‌ നിറു​ത്തു​മെ​ന്നും സാത്താൻ വാദിച്ചു. (ഇയ്യോ. 1:9-11; 2:4) ദൈവ​ത്തി​ന്റെ ഭാഗത്താ​ണോ സാത്താന്റെ ഭാഗത്താ​ണോ ശരി എന്നു തെളി​യി​ക്കാൻ സമയം ആവശ്യ​മാ​യി​രു​ന്നു.

‘ഞാൻ എന്റെ ജീവൻ കൊടു​ക്കു​ന്നു’

12. യഹോ​വ​യു​ടെ നാമ​ത്തോ​ടുള്ള സ്‌നേഹം കാരണം എന്തു ചെയ്യാൻ യേശു തയ്യാറാ​യി​രു​ന്നു?

¹² യഹോ​വ​യോ​ടുള്ള സ്‌നേഹം കാരണം യഹോ​വ​യു​ടെ നാമം വിശു​ദ്ധീ​ക​രി​ക്കാ​നും അതിനേറ്റ നിന്ദ നീക്കാ​നും ഏത്‌ അറ്റംവ​രെ​യും പോകാൻ യേശു തയ്യാറാ​യി​രു​ന്നു. അതു​കൊ​ണ്ടാണ്‌ യേശു, ‘ഞാൻ എന്റെ ജീവൻ കൊടു​ക്കു​ന്നു’ എന്നു പറഞ്ഞത്‌. (യോഹ. 10:17, 18) അതെ, യഹോ​വ​യു​ടെ നാമത്തി​നു​വേണ്ടി മരിക്കാൻപോ​ലും യേശു തയ്യാറാ​യി.c പൂർണ​മ​നു​ഷ്യ​രാ​യി​രുന്ന ആദാമും ഹവ്വയും സാത്താന്റെ കൂടെ​ച്ചേർന്നു​കൊണ്ട്‌ യഹോ​വ​യ്‌ക്ക്‌ എതിരെ പ്രവർത്തി​ച്ചു. എന്നാൽ യേശു, ഭൂമി​യി​ലേക്കു വരാനും യഹോ​വ​യോ​ടുള്ള സ്‌നേഹം തെളി​യി​ക്കാ​നും മനസ്സു​കാ​ണി​ച്ചു. വാക്കി​ലൂ​ടെ​യും പ്രവൃ​ത്തി​യി​ലൂ​ടെ​യും യഹോ​വ​യോ​ടുള്ള അനുസ​രണം തെളി​യി​ച്ചു​കൊ​ണ്ടാ​ണു യേശു അതു ചെയ്‌തത്‌. (എബ്രാ. 4:15; 5:7-10) യേശു തന്റെ ജീവി​ത​ത്തിൽ ഉടനീളം, ദണ്ഡനസ്‌തം​ഭ​ത്തി​ലെ മരണ​ത്തോ​ളം, വിശ്വ​സ്‌ത​നാ​യി​നി​ന്നു. (എബ്രാ. 12:2) അങ്ങനെ യഹോ​വ​യോ​ടും യഹോ​വ​യു​ടെ പേരി​നോ​ടും ഉള്ള സ്‌നേഹം തെളി​യി​ച്ചു.

13. സാത്താൻ നുണയ​നാ​ണെന്നു തെളി​യി​ക്കാൻ പറ്റിയ സ്ഥാനത്താ​യി​രു​ന്നു യേശു എന്നു പറയാ​നാ​കു​ന്നത്‌ എന്തു​കൊണ്ട്‌? (ചിത്ര​വും കാണുക.)

¹³ യേശു തന്റെ ജീവി​ത​ത്തി​ലൂ​ടെ യഹോ​വയല്ല, സാത്താ​നാണ്‌ നുണയ​നെന്നു നിസ്സം​ശയം തെളി​യി​ച്ചു. (യോഹ. 8:44) മറ്റാ​രെ​ക്കാ​ളും നന്നായി യഹോ​വയെ അറിയാ​വു​ന്നത്‌ യേശു​വി​നാണ്‌. യഹോ​വ​യ്‌ക്ക്‌ എതിരെ സാത്താൻ നടത്തിയ ആരോ​പ​ണ​ങ്ങ​ളിൽ അൽപ്പ​മെ​ങ്കി​ലും വസ്‌തു​ത​യു​ണ്ടാ​യി​രു​ന്നെ​ങ്കിൽ യേശു അത്‌ അറിയാ​തെ പോകു​മാ​യി​രു​ന്നില്ല. യേശു യഹോ​വ​യു​ടെ നാമത്തി​നു​വേണ്ടി ഉറച്ചു​നി​ന്നു. യഹോവ തന്നെ ഉപേക്ഷി​ച്ചെന്നു തോന്നാൻ സാധ്യ​ത​യു​ണ്ടാ​യി​രുന്ന സാഹച​ര്യ​ത്തിൽപ്പോ​ലും തന്റെ പിതാ​വിന്‌ നേരെ പുറം​തി​രി​യു​ന്ന​തി​നെ​ക്കു​റിച്ച്‌ യേശു ഒരു നിമി​ഷം​പോ​ലും ചിന്തി​ച്ചില്ല. പകരം ദൈവ​നാ​മ​ത്തി​നു​വേണ്ടി മരിക്കാൻപോ​ലും യേശു തയ്യാറാ​യി.—മത്താ. 27:46.d

‘അങ്ങ്‌ ഏൽപ്പിച്ച ജോലി ഞാൻ ചെയ്‌തു​തീർത്തു’

14. യേശു​വി​ന്റെ വിശ്വ​സ്‌ത​ത​യ്‌ക്ക്‌ യഹോവ എങ്ങനെ​യാണ്‌ പ്രതി​ഫലം കൊടു​ത്തത്‌?

¹⁴ മരണത്തി​ന്റെ തലേരാ​ത്രി പ്രാർഥി​ച്ച​പ്പോൾ ‘അങ്ങ്‌ ഏൽപ്പിച്ച ജോലി ഞാൻ ചെയ്‌തു​തീർത്തു’ എന്ന്‌ യേശു​വി​നു പറയാൻ കഴിഞ്ഞു. തന്റെ ആ വിശ്വ​സ്‌ത​ത​യ്‌ക്ക്‌ യഹോവ പ്രതി​ഫലം തരും എന്ന കാര്യ​ത്തിൽ യേശു​വിന്‌ ഉറപ്പു​ണ്ടാ​യി​രു​ന്നു. (യോഹ. 17:4, 5) ആ ഉറപ്പ്‌ വെറു​തേ​യാ​യില്ല. മരിച്ച​പ്പോൾ യേശു ശവക്കു​ഴി​യിൽത്തന്നെ തുടരാൻ യഹോവ അനുവ​ദി​ച്ചില്ല. (പ്രവൃ. 2:23, 24) പകരം യഹോവ യേശു​വി​നെ പുനരു​ത്ഥാ​ന​പ്പെ​ടു​ത്തു​ക​യും മുമ്പ​ത്തെ​ക്കാൾ ഉന്നതമായ ഒരു സ്ഥാന​ത്തേക്ക്‌ ഉയർത്തു​ക​യും ചെയ്‌തു. (ഫിലി. 2:8, 9) പിന്നീട്‌ യേശു ദൈവ​രാ​ജ്യ​ത്തി​ന്റെ രാജാ​വാ​യി ഭരണം തുടങ്ങി. ആ രാജ്യ​ത്തി​ലൂ​ടെ എന്തായി​രി​ക്കും നടക്കാൻ പോകു​ന്നത്‌? മാതൃ​കാ​പ്രാർഥ​ന​യു​ടെ രണ്ടാം ഭാഗം ഇങ്ങനെ പറയുന്നു: “അങ്ങയുടെ രാജ്യം വരേണമേ. അങ്ങയുടെ (യഹോ​വ​യു​ടെ) ഇഷ്ടം സ്വർഗ​ത്തി​ലെ​പ്പോ​ലെ ഭൂമി​യി​ലും നടക്കേ​ണമേ.”—മത്താ. 6:10.

15. യേശു എന്തെല്ലാം കാര്യങ്ങൾ ചെയ്യും?

¹⁵ ഭാവി​യിൽ യേശു അർമ​ഗെ​ദോൻ യുദ്ധത്തിൽ തന്റെ ശത്രു​ക്കൾക്ക്‌ എതിരെ പോരാ​ടും, അവരെ​യെ​ല്ലാം നശിപ്പി​ക്കും. (വെളി. 16:14, 16; 19:11-16) അതിനു ശേഷം സാത്താനെ “അഗാധ​ത്തി​ലേക്ക്‌,” അതായത്‌ ഒന്നും ചെയ്യാൻ പറ്റാത്ത അവസ്ഥയി​ലേക്ക്‌ തള്ളിയി​ടും. (വെളി. 20:1-3) പിന്നീട്‌ യേശു 1,000 വർഷം ഭൂമിയെ ഭരിക്കും. അന്ന്‌ മനുഷ്യർക്കു നഷ്ടപ്പെ​ട്ടു​പോയ സമാധാ​ന​വും പൂർണ​ത​യും എല്ലാം തിരികെ കിട്ടും. മരിച്ചു​പോ​യ​വരെ യേശു പുനരു​ത്ഥാ​ന​പ്പെ​ടു​ത്തും. മുഴു​ഭൂ​മി​യും യേശു ഒരു പറുദീ​സ​യാ​ക്കി മാറ്റും. അങ്ങനെ യഹോ​വ​യു​ടെ ഉദ്ദേശ്യം പൂവണി​യും!—വെളി. 21:1-4.

16. 1,000 വർഷ ഭരണത്തി​ന്റെ അവസാനം ജീവിതം എങ്ങനെ​യാ​യി​രി​ക്കും?

¹⁶ 1,000 വർഷ ഭരണത്തി​ന്റെ അവസാനം നടക്കാൻപോ​കുന്ന കാര്യ​ങ്ങ​ളെ​ക്കു​റിച്ച്‌ നിങ്ങൾ ചിന്തി​ച്ചി​ട്ടു​ണ്ടോ? ഇതെല്ലാം ഒന്നു ഭാവന​യിൽ കാണുക: പാപവും അപൂർണ​ത​യും പൊയ്‌പോ​യി​രി​ക്കും. മോച​ന​വി​ല​യു​ടെ അടിസ്ഥാ​ന​ത്തിൽ പാപങ്ങൾക്കാ​യി ക്ഷമ യാചി​ക്കേ​ണ്ടി​വ​രി​ല്ലാത്ത ഒരു കാലം. യഹോ​വ​യു​മാ​യുള്ള നമ്മുടെ ബന്ധത്തിന്‌ ഒരു മധ്യസ്ഥ​ന്റെ​യോ പുരോ​ഹി​ത​ന്മാ​രു​ടെ​യോ ആവശ്യം ഇനിയില്ല. “അവസാ​നത്തെ ശത്രു​വാ​യി മരണ​ത്തെ​യും നീക്കം ചെയ്യും.” മരിച്ചവർ പുനരു​ത്ഥാ​ന​പ്പെ​ട്ടി​ട്ടു​ണ്ടാ​യി​രി​ക്കും. അന്ന്‌ ഭൂമി​യി​ലുള്ള എല്ലാവ​രും പൂർണ​രാ​യി​രി​ക്കും!—1 കൊരി. 15:25, 26.

17-18. (എ) 1,000 വർഷ ഭരണത്തി​ന്റെ അവസാ​ന​ത്തിൽ എന്തു സംഭവി​ക്കും? (ബി) തന്റെ ഭരണം അവസാ​നി​ക്കു​മ്പോൾ യേശു എന്തു ചെയ്യും? (1 കൊരി​ന്ത്യർ 15:24, 28) (ചിത്ര​വും കാണുക.)

¹⁷ 1,000 വർഷ ഭരണത്തി​ന്റെ അവസാനം ഇനിയും എന്തെല്ലാം നടക്കും? അന്ന്‌ വളരെ പ്രധാ​ന​പ്പെട്ട ഒരു കാര്യം സംഭവി​ക്കും. യഹോ​വ​യു​ടെ നാമം ഉൾപ്പെട്ട വിവാ​ദ​വി​ഷ​യ​ത്തിന്‌ അന്ന്‌ ഒരു ഉത്തരം കിട്ടും. യഹോവ ഒരു നല്ല ദൈവ​മാ​ണോ എന്നും യഹോ​വ​യു​ടെ ഭരണവി​ധം നീതി​യു​ള്ള​താ​ണോ എന്നും ഉള്ള ചോദ്യം പിന്നീട്‌ ഒരിക്ക​ലും ഉയരില്ല. അത്‌ എങ്ങനെ? ഏദെൻതോ​ട്ട​ത്തിൽ നടന്നത്‌ എന്താ​ണെന്നു ചിന്തി​ക്കുക. സാത്താൻ അന്ന്‌ പറഞ്ഞത്‌ യഹോവ ഒരു നുണയ​നാ​ണെ​ന്നും മനുഷ്യ​രെ യഹോവ ഭരിക്കു​ന്നത്‌ സ്‌നേ​ഹം​കൊ​ണ്ട​ല്ലെ​ന്നും ആണ്‌. എന്നാൽ അന്നുമു​തൽ ഇന്നോളം യഹോ​വയെ വിശ്വ​സ്‌ത​മാ​യി സേവി​ക്കുന്ന ഓരോ​രു​ത്ത​രും യഹോ​വ​യു​ടെ ഭരണവി​ധ​മാണ്‌ ശരി​യെന്ന്‌ ആവർത്തി​ച്ചാ​വർത്തിച്ച്‌ തെളി​യി​ച്ചി​രി​ക്കു​ക​യാണ്‌. 1,000 വർഷ ഭരണത്തി​ന്റെ ഒടുവിൽ യഹോ​വ​യു​ടെ പേരി​നേറ്റ നിന്ദ പൂർണ​മാ​യും നീങ്ങും. അതെ, യഹോവ സ്‌നേ​ഹ​വാ​നായ സ്വർഗീ​യ​പി​താ​വാ​ണെന്ന്‌ എല്ലാ അർഥത്തി​ലും തെളി​യും.

¹⁸ 1,000 വർഷ ഭരണത്തി​ന്റെ അവസാ​ന​ത്തിൽ സാത്താന്റെ വാദങ്ങ​ളെ​ല്ലാം നുണയാ​ണെന്നു പൂർണ​മാ​യും തെളി​യും. തന്റെ ഭരണത്തി​ന്റെ അവസാനം യേശു എന്തു ചെയ്യും? യേശു ഒരിക്ക​ലും സാത്താ​നെ​പ്പോ​ലെ യഹോ​വ​യ്‌ക്ക്‌ എതിരെ തിരി​യില്ല. (1 കൊരി​ന്ത്യർ 15:24, 28 വായി​ക്കുക.) പകരം ദൈവ​രാ​ജ്യ​ത്തി​ന്റെ ഭരണം യഹോ​വയെ തിരികെ ഏൽപ്പി​ക്കും. എന്നിട്ട്‌ ദൈവ​ത്തി​ന്റെ ഭരണത്തി​നു പൂർണ​മാ​യും കീഴ്‌പെ​ടും. യഹോ​വയെ ഒരുപാട്‌ സ്‌നേ​ഹി​ക്കു​ന്ന​തു​കൊണ്ട്‌ യേശു എന്തും വിട്ടു​കൊ​ടു​ക്കാൻ തയ്യാറാണ്‌.

19. യഹോ​വ​യു​ടെ പേര്‌ യേശു​വിന്‌ എത്ര പ്രധാ​ന​മാണ്‌?

¹⁹ യഹോവ തന്റെ പേര്‌ യേശു​വി​നു കൊടു​ത്ത​തിൽ അതിശ​യി​ക്കാ​നില്ല. തന്റെ പിതാവ്‌ എങ്ങനെ​യുള്ള ഒരു വ്യക്തി​യാ​ണെന്ന്‌ യേശു ഏറ്റവും നന്നായി കാണി​ച്ചു​കൊ​ടു​ത്തു. യഹോ​വ​യു​ടെ പേര്‌ യേശു​വിന്‌ എല്ലാ​മെ​ല്ലാ​മാണ്‌. ആ പേരി​നു​വേണ്ടി മരിക്കാൻപോ​ലും യേശു മനസ്സു​കാ​ണി​ച്ചു. ഇനി 1,000 വർഷത്തി​നൊ​ടു​വിൽ, എല്ലാം തന്റെ പിതാ​വിന്‌ തിരികെ കൊടു​ക്കാ​നും യേശു തയ്യാറാ​കും. യഹോ​വ​യു​ടെ പേരിനെ ഇത്രയ​ധി​കം സ്‌നേ​ഹിച്ച യേശു​വി​നെ നമുക്ക്‌ എങ്ങനെ അനുക​രി​ക്കാം? അതിന്റെ ഉത്തരം അടുത്ത ലേഖന​ത്തിൽ നമ്മൾ കാണും.