LESON 25
Ta na Mante’edo na God e To Ania Fana Imole ki?
Baebol e sorea maruki lana imole ki e a’i si tekwa, bia kuka fulato’ona afeta’ia ki. (Job 14:1) Sui ufita, nia na mantana God fana imole ki? Masa si do eri a’i la’u mantana God fana imole ki, una’eri ta ana mante’edo na God e to ania fana imole ki? Ufita, mante’edo na God e to ania fana imole ki, kai mamana la’u? La leson ne’e, kuki todaa lu’u la ana soeto’ona la eki.
1. Ta na mante’edo na Jehovah e to ania fana imole ki?
Jehovah e thathamia imole keki to ana marukia na le’a. Si manga na Jehovah e thaungania roo imole totolo na’o, Adam bia Eve, nia ka alu kero’a la te’e si kula na riki lana e le’a, na kera alangia ana Eden. Sui “God ka blessim kero’a ka sorea: ‘Moki to ana wela oro, fa’afungua fafona fanua ne iano, bia muki liosulia.’” (Genesis 1:28) Jehovah thathamia Adam bia Eve keki to ana wela oro, betaa fanua ne iano fasia riki lana ka le’a, bia keki liosulia animal ki. Mante’edo na Jehovah e to ania fana imole ki, nia na keki to ana marukia na le’a bia keki to tathaa.
Mante’edo na Jehovah e to ania fana imole ki e a’i si mamana tara’ena,a sui mena ana si mante’edo eri a’i si tatala. (Isaiah 46:10, 11) Nia e thathamia u bana imole na kera adesuli nia keki to ana marukia na le’a na toto si sui.—Te’emania Revelation 21:3, 4.
2. Ta na kuki ilifania fasia kuka todaa se’ethathala la manga eri?
Jehovah e thaungania imole ki bia si to’omatafana la uria keki thaito’omana bia keki faarabaita an nia. (Te’emania Matthew 5:3-6.) Jehovah e thathamia kuki kwaimani bi nia, “lae sulia biiranga nia ki, liothau an nia,” bia kuka faarabaita an nia “bia ruru’ukalu’a te’efau.” (Deuteronomy 10:12; Psalm 25:14) Si manga na kulu ilifania si do eki, do anta kuka fulato’ona mena afeta’ia, kulu thaito’omana kuki se’ethathala bakalu’a. Bia si manga na kulu faarabaita ana Jehovah kuki fulato’ona se’ethathala la na mamana, sulia kulu ilifania si do Jehovah e thathamia.
TO’OA LA’U TEI SI DO
Kuki to’oa la’u Jehovah e liothau ana imole ki do na adea nia ka thaungania fanua ne iano, bia ta na Baebol e sorea sula’ania mante’edo na Jehovah e to ania fana imole ki.
3. Jehovah e thathamia imole ki keki to ana marukia na le’a
Fatania VIDEO, sui u’unu kalia soeto’ona la.
God e thaungania fanua ne iano uria ta?
Te’emania Ecclesiastes 3:11, sui u’unu kalia soeto’ona la:
Ta na o to’oa la scripture eri sula’ania Jehovah?
4. Mante’edo na Jehovah e to ania fana imole ki e a’i si tatala
Te’emania Psalm 37:11, 29 bia Isaiah 55:11, sui u’unu kalia soeto’ona la:
Uria ta na kuka thaito’omana, mante’edo na Jehovah e to ania fana imole ki e a’i si tatala?
Te’e luma na ta’a, wane thaito’omana kai thaunga’i faalu la’u ania. Uria la’u bo’o fanua ne iano na imole ki kera labatania, God thaito’omana kai thaunga’i faalu la’u ania fana imole na kera adesuli nia
5. Kuki todaa se’ethathala la na mamana si manga na kulu faarabaita ana Jehovah
Si manga na kulu thaito’omana mante’edo na Jehovah e to ania fana imole ki, si do eri adea kuka se’ethathala. Fatania VIDEO, sui u’unu kalia soeto’ona la.
Ta le’a bo’o na Terumi e fulato’ona si manga nia e thaito’omana mante’edo na Jehovah e to ania fana imole ki?
Te’emania Ecclesiastes 12:13, sui u’unu kalia soeto’ona la:
Sulia Jehovah e ilifania si do le’a oro fakalu’a, ta na kuki ilifania fana?
TEI IMOLE KEKI SOETO’ONA: “Ta na mante’edo na God e to ania fana imole ki?”
Ta na oki sorea?
SI DO NA KULU TO’OA
Jehovah e thathamia imole ki keki to ana marukia na le’a na toto si sui fafona fanua ne iano. Si manga na kulu faarabaita ana Jehovah bia ruru’ukalu’a te’efau, kuki todaa se’ethathala la na mamana do anta kuka fulato’ona mena afeta’ia.
Reviu
Ta na mante’edo na Jehovah e to ania fana Adam bia Eve?
Uria ta na kuka thaito’omana mante’edo na Jehovah e to ania fana imole ki e a’i si tatala?
Ta na kuki ilifania fasia kuka todaa se’ethathala la na mamana la marukia kulu?
TEI SI DO KI LA’U
Te’emai sulia si do na fatania Eden nia si kula mamana.
“The Garden of Eden—Myth or Fact?” (The Watchtower, January 1, 2011)
Te’emai sulia uria ta kuka fa’amamanea fanua ne iano kai to tathaa.
Te’emai sulia si do na Baebol e sorea kuki ilifania fasia kuka todaa se’ethathala la na mamana.
Rikia te’e wane na sorea nia e to ana si do le’a oro la marukia nia, sui nia ka riki thaito’omana te’e si do na nia a’i si to u ania.