Илүү чадварлаг дэлгэрүүлэх нь—Өрхийн камертай хонх, домофоноор дэлгэрүүлэх

ЯАГААД ЧУХАЛ ВЭ? Техник технологи хөгжиж, гэмт хэрэг ихэссэнээс болоод хүмүүс домофон эсвэл өрхийн камертай хонх ашигладаг болжээ. Бид айлын хүнд харагдаж байгаа ч өөрсдөө тэднийг харж чадахгүй учраас сайн мэдээг тунхаглахад эвгүй санагдаж болох юм. Дараах зааврууд нь камер, домофоноор өөртөө итгэлтэй дэлгэрүүлэхэд тусална.

ЯАХ ХЭРЭГТЭЙ ВЭ?

• Өөдрөг байгаарай. Камер, домофонтой айлуудад бидэнтэй ярилцах хүсэлтэй хүн олон байдаг

• Зарим камер биднийг хонх дархаас өмнө бичлэг хийж эхэлдгийг санаарай. Биднийг хаалга руу нь дөхөнгүүт айлын хүн харж сонсож байж болох юм

• Айлын хүнийг ярьж эхлэхэд түүнтэй нүүр тулан ярьж байгаа мэт камер юм уу домофон руу яриарай. Аятайхан инээмсэглэн дохио зангаа хэвийн маягаар ашиглаарай. Өмнө нь гэртээ бэлдсэн сэдвээр л яриарай. Камер байвал нүүрээ хэтэрхий ойртуулж болохгүй. Айлын хүн хариулаагүй бол дуут мессеж орхихгүй

• Яриа дууссаны дараа айлын хүн биднийг харж сонссон хэвээр байж магадгүй гэдгийг санаарай