Дайны хор уршиг
Хүмүүст дайн шиг их гарз хохирол учруулдаг зүйл гэж бараг үгүй. Цэргүүд болон ард иргэд үүнийг өөрийн биеэр амсдаг.
ЦЭРГҮҮД
«Хаашаа ч харсан алагдсан, шархадсан хүмүүс. Байнгын айдас, түгшүүр»—Гери, Британи.
«Би нуруу, нүүрэндээ сумны шарх авсан. Олон хүн, тэдний дотор хүүхдүүд, настай хүмүүс үхэж байгааг харсан. Дайнд үхэл, зовлон харсаар байгаад дөжирчихдөг»—Вилмар, Колумби.
«Хэн нэгэн буудуулахыг харчихвал тэр дүр зураг ой тойнд хадагдан үлддэг. Хашхирах, гинших дуу нь чихэнд сонсогдсоор л байдаг. Хэзээ ч мартаж чаддаггүй»—Зафира, АНУ.
АРД ИРГЭД
«Дахин хэзээ ч аз жаргалыг мэдрэхгүй юм шиг санагдсан. Өөрөө амиа алдахаас айна, гэхдээ гэр бүлийнхэн, найз нөхдийн минь амь эрсдэхээс бүр ч их айна»—Олександра, Украин.
«Шөнийн 2 цагаас 20 гаруй цаг хүнсэнд дугаарлаж зогсохдоо тэнэсэн суманд өртөхөөс айн сэтгэл түгшинэ»—Далер, Тажикистан.
«Дайнд эцэг эх минь амь үрэгдсэн. Намайг гэх хүнгүй, орь ганцаараа үлдсэн»—Мари, Руанда.
Дээрх хүмүүс дайны хор уршгийг амссан ч одоо амар тайван амьдарч байна. Бас дайн дажин, зэвсэгт мөргөлдөөн удахгүй байхгүй болно гэдэгт итгэдэг. Энэ найдвар яаж биелэхийг уг сэтгүүлд Библид үндэслэн тайлбарласан.