«Үндэстнүүдийн дунд биеэ зөв авч яв»
1. Удахгүй болох чуулганаар биеэ зөв авч явах нь яагаад чухал вэ?
1 Жил бүр болдог чуулганы үеэр бид олны анхаарлыг татдаг. Тиймд биеэ зөв авч яван Бурхнаа алдаршуулах нь чухал (Лев. 20:26). Эелдэг боловсон байж, хувцас хунар, гадаад байдлаараа Христийн жинхэнэ дагалдагч гэдгээ баталцгаая. Удахгүй болох бүсийн, олон улсын чуулганд очихдоо «биеэ зөв авч яван» тэнгэрийн Эцгээ алдаршуулахын тулд яах хэрэгтэй вэ? (1 Петр 2:12).
2. Чуулганаар христиан зан чанар яаж илэрхийлэх вэ?
2 Христиан зан чанар илэрхийлэх нь: Бие биеэ хайрлаж, «гаднах хүмүүстэй» зөв боловсон харьцдагаараа бид ихэнх хүнээс эрс ялгардаг (Кол. 3:10; 4:5; 2 Тим. 3:1–5). Үл ойлголцох юм уу төвөг учрууллаа ч зочид буудал, зоогийн газрын ажилчдад хүлээцтэй хандаж, найрсаг байгаарай. Үйлчилсэн хүнд цайны мөнгө өгдөг заншилтай бол өгөх нь зүйтэй.
3. Эцэг эхчүүд юуг анхаарах ёстой вэ? Яагаад?
3 Эцэг эхчүүд чуулганы танхимд ч, зоогийн газар болон зочид буудалд ч хүүхдээ хараа хяналтдаа байлгах хэрэгтэй (Сур. 29:15). Нэгэн зочид буудлын рестораны менежер: «Та нарт хайртай шүү. Танайхан бүгд их боловсон. Ажилчид маань бүгдээрээ та нарын тухай ярьдаг юм. Та нар амралтын өдөр бүр ирдэг ч болоосой» гэжээ.
4. Чуулган болох газрын ойр орчимд явахдаа яаж хувцаслах ёстой вэ?
4 Даруу хувцаслах нь: Бид чуулганаар даруу, зохистой хувцаслах ёстой. Хүмүүсийн дунд түгээмэл болсон хэв загварыг дагах учиргүй (1 Тим. 2:9). Зочид буудал дотор явахдаа эсвэл чуулганы өмнө, хойно чөлөөт цагаараа хэтэрхий жирийн, хааш яаш хувцаслахгүй байх хэрэгтэй. Ингэвэл пайзаа нүүр бардам зүүж, дэлгэрүүлэх боломж гарахад ичиж зовохгүй. Удахгүй болох чуулганаар даруу хувцаслаж биеэ зохистой авч явбал үнэнийг хайдаг хүмүүс амь аврах мэдээг анхааран сонсоно. Ехова ч баярлана (Зеф. 3:17).