9-р сард Библийн хичээл эхлэх тусгай аянтай

9-р сард бид уулзсан хүн болгондоо «Үүрд жаргалтай амьдраарай!» товхимлоор Библийн хичээл санал болгохыг зорино. Дэлгэрүүлэгчид 30 цагийн нормтой туслах эхлэгчээр үйлчлэх боломжтой. Энэ тусгай аяныг яаж явуулах вэ?

• Анхны уулзалтаар: Товхимлын арын хуудсыг ашиглан хүмүүсийн сонирхлыг татаж, Библийн хичээлийг яаж хийдгийг үзүүлээрэй. Өмнө нь сонирхож байсан, давтан уулзаж байсан хүндээ Библийн хичээл санал болгохыг бодоорой. Урьд нь тэдэнд хичээл санал болгоход татгалзаж байсан байж болох юм. Гэхдээ шинэ аргаар, шинэ товхимлоор хичээл хийе гэвэл дуртай байх биз ээ. Товхимлыг эзгүй айлд үлдээх юм уу өмнө нь сонирхож байгаагүй хүнд захидлын хамт илгээж болохгүй. Хурлын үйлчлэлийн хороо тус сард дэлгэрүүлэх ажлын цуглааныг нэмж явуулахаар шийдэж болно.

• Бусад үед: Танай хурал нийтэд дэлгэрүүлдэг бол «Үүрд жаргалтай амьдраарай!» товхимлыг гаргаж тавиарай. Сонирхоод энэ товхимлыг авсан хүнд Библийн хичээл санал болгоорой. Тэгээд хичээлийг яаж хийдгийг үзүүлэх юм уу дараа үзүүлэхээр тохироорой. Бас үйлчлэл хариуцагч албан газраар явж Библийн хичээл санал болгох ажлыг зохион байгуулж болно. Энэ ажилд шаардлага хангасан дэлгэрүүлэгчид оролцоно. Мөн хамт ажиллаж байгаа хүндээ эсвэл албан бусаар дэлгэрүүлсэн хүнд Библийн хичээл санал болгож болно.

Есүс: «[Хүмүүсийг] шавь болго[ж], ... тэдэнд заа» гэж тушаасан (Мт 28:19, 20). Энэ даалгаврыг биелүүлэхэд маань «Үүрд жаргалтай амьдраарай!» товхимлыг ашиглан Библийн хичээл эхлэх аян тус болно гэж бид найдаж байна.