Бурханд дуулгавартай байхад нь хүмүүст тусалъя
1. «Бурхны Хаанчлал ирэх болтугай» сэдэвтэй мужийн чуулганаар ямар товхимлууд гарсан бэ? Эдгээрийг ашигтай багаж гэж үзэхийн учир юу вэ?
1 «Бурхны Хаанчлал ирэх болтугай» сэдэвтэй мужийн чуулганаар «Бурханд дуулгавартай байж мөнх амьдрагтун» гэдэг товхимол, хялбаршуулсан хувилбар нь буюу «Бурханд дуулгавартай байгтун» гэдэг товхимол шинээр гарсан билээ. Бага тайлбартайн ачаар орчуулахад хурдан, амар байсан учир «Бурханд дуулгавартай байж мөнх амьдрагтун» товхимлыг 431 хэлээр нэгэн зэрэг гаргасан.
2. Шинэ товхимлууд ямар хүмүүст тустай вэ?
2 Шинэ товхимлууд ямар хүмүүст илүү тустай вэ? Дараах нөхцөлийг бодож үзье.
• Айлын хүн бичиг үсэгт тайлагдаагүй эсвэл тааруу уншдаг нь анх удаа юм уу давтан уулзахад анзаарагддаг.
• Еховагийн Гэрчүүдийн хэвлэл бараг юм уу огт гараагүй хэлээр ярьдаг хүн тааралддаг. Зарим хэсгийн хүмүүс эх хэлээрээ сайн ярьдаг боловч уншиж сураагүй байх нь бий.
• Сонсголгүй хүмүүст дохионы хэлээр дэлгэрүүлдэг
• Эцэг эхчүүд уншиж сураагүй хүүхдэдээ үнэнийг заахыг хүсдэг
3. «Бурханд дуулгавартай байгтун» товхимол ямар онцлогтой вэ?
3 Хоёр товхимлын онцлог: «Бурханд дуулгавартай байгтун» товхимол нь товч тайлбартай. Өөрөөр хэлбэл, хуудас болгоны доод талд гол санааг ихэнхдээ ганц өгүүлбэрээр энгийн тайлбарлаж, Библийн зүйл тэмдэглэсэн байдаг. Үүний учрыг бодож үзье. Хэрэв танд, таны уншиж чадахгүй хэлээр, бүр үсгийг нь ч мэдэхгүй хэлээр баахан юм бичсэн товхимол өгвөл ямар санагдах вэ? Зургийг нь үзсэн ч тэгтлээ шимтэж сонирхохгүй л байх. Тэгвэл уншиж чаддаггүй хүн их юм бичсэн хэвлэл хараад сүрддэг. Тийм учраас гол санааг бичгээр биш, зургаар тайлбарлахын тулд сайтар бодож зурсан зургийг хуудас болгонд оруулж, зургийн дэс дарааг сумаар заасан.
4. «Бурханд дуулгавартай байж мөнх амьдрагтун» товхимол ямар онцлогтой вэ?
4 «Бурханд дуулгавартай байж мөнх амьдрагтун» товхимлын зураг нь «Бурханд дуулгавартай байгтун» товхимлынхтой адилхан. Энэ товхимлыг бичиг үсгийн боловсрол багатай юм уу уншиж сурч байгаа хүмүүст зориулсан. Бас «Бурханд дуулгавартай байгтун» товхимлоор хичээл заахдаа дэлгэрүүлэгч өөрөө хэрэглэж болно. Тэгш тоотой хуудас бүрийн дээд талд гарчиг юм уу асуулт байгаа. Тухайн хичээлийг үзээд асуултын хариуг мэдэж авна. Бас зургийн тайлбар, Библийн зүйл оруулсан. Түүнчлэн, нэмэлт тайлбар, Библийн зүйлийг тэмдэглэсэн хавсралт олон хуудасны доохно талд бий. Суралцагчийнхаа чадварыг бодож байгаад хавсралтыг ярилцаж болно.
5. Товхимлоо хэзээ, яаж өгч болох вэ?
5 Хоёр товхимлыг хэрэглэх арга: Тохирно гэж үзвэл, тухайн сард тараах хэвлэл биш байсан ч айлаар дэлгэрүүлэхдээ алийг нь ч тарааж болно («Яаж тараах вэ?» хавсралтыг үзнэ үү). Давтан уулзахдаа олон юм нуршилгүй, үзүүлэх юм байна гэж хэлээд товхимлоо өгч болно.
6. Шинэ товхимлуудаар Библийн хичээл яаж заах вэ?
6 «Бурханд дуулгавартай байгтун» товхимол асуултгүй учир «Библийн сургаал» номоор хичээл хийдэг шиг асуулт хариултын журмаар хичээл хийхгүй. Ер нь, хүн сонин сайхан түүх сонсох дуртай байдаг. Библийн түүхийг ярьж өгөхөд энэ товхимлын зураг их тус болно. Зурагт юу дүрсэлснийг тайлбарлаарай. Ингэхдээ сонирхол татахаар яриарай. Зургаас юу ойлгосныг нь суралцагчаараа хэлүүлээрэй. Хуудасны доод талд тэмдэглэсэн Библийн зүйлийг уншиж, гол санааг нь бодуулаарай. Суралцагчдаа асуулт тавивал хичээлээ хэлэлцүүлгийн маягаар хийж, суралцагчийнхаа юу ойлгосныг мэдэж болдог сайн талтай. Харин «Бурханд дуулгавартай байж мөнх амьдрагтун» товхимлоор хичээл хийдэг бол суралцагчдаа тусалж байгаад зураг нэг бүрийн тайлбар, Библийн зүйлийг уншуулж, хэлэлцэн ярилцаарай.
7. Суралцагчаа ахиж дэвшихэд нь яаж туслах вэ?
7 Суралцагчаа ахиж дэвшихэд нь туслах: Товхимолд үндэслэн ярилцахын хэрээр суралцагч тань цаашдаа Еховагийн тухай мэдлэгээ гүнзгийрүүлэхийн тулд уншиж сурахыг хүсэх болов уу (Мат. 5:3; Иох. 17:3). «Бурханд дуулгавартай байгтун» товхимолд үндэслэн ярилцах маягаар хичээл хийж байгаад суралцагч тань хүсвэл аажмаар уншиж сургаад «Бурханд дуулгавартай байж мөнх амьдрагтун» товхимол үзэх нь сайн. Хоёр товхимлын алиныг ч дуустал нь үзсэн, суралцагч баптисм хүртэх шаардлагыг хангаж хараахан чадахгүй учир «Библийн сургаал» ном юм уу Библийн талаар илүү гүнзгий ойлголттой болоход нь туслах өөр хэвлэлээр хичээл хийх хэрэгтэй.
8. Хоёр шинэ багажтай болсондоо талархах хэрэгтэйн учир юу вэ?
8 Орчлонт ертөнцийн хэмжээгүй эрхт Эзэнд дуулгавартай хүн л мөнх амьдарна (Ис. 55:3). Ехова «бүх хүнийг», бичиг үсэгт тайлагдаагүй хүнийг ч өөрт нь дуулгавартай байж сураасай гэж хүсдэг (1 Тим. 2:3, 4). Хүмүүсийг Бурханд дуулгавартай байхад нь туслах зорилгодоо хүрэхэд хэрэгтэй хоёр шинэ багажтай болсондоо үнэхээр талархууштай.
[3-р хуудасны хавсрал]
Яаж тараах вэ?
Товхимлын 2, 3-р хуудсыг үзүүлээд «Та энэ зурагт дүрсэлсэн шиг газар амьдармаар байна уу? [Хариулахыг нь хүлээнэ.] Эртний нэг Сударт [эсвэл, нэгэн ариун номд] Бурхан дэлхийг үзэсгэлэнтэй сайхан, амар тайван газар болгож, бүх хүнийг эрүүл саруул, сэтгэл хангалуун амьдруулна гэж амласныг бичсэн байдаг. Тэгж амьдрахын тулд яах хэрэгтэйг энд бичжээ. [3-р хуудасны дээд талд Исаиа 55:3-ыг иш татаж бичсэнийг уншина.] Бурхан руу «ирж», «сонсох» хэрэгтэй гэж байна. Тэгвэл Бурхныг сонсох гэж юу гэсэн үг вэ?» гэж хэлнэ. Асуултынхаа хариуг 4, 5-р хуудаснаас ярилцана. Ярилцаж байгаа хүн завгүй бол товхимлоо өгөөд, дараа ирж хариуг нь ярилцахаар тохирно.