We onamubuwelamowiddi Bibliya?
Mmubuwelelo mwawo, oliye . . .
livuru na thotho dhathu?
livuru na dhiroromelo dhawota ni dhathalako dhakale?
Madhu a Mulugu?
BIBLIYA ANAWOGA EGI INA
“Dholebela dhatedhene dhinadha wa Mulugu.”—2 Timóteo 3:16, Tradução do Novo Mundo.
NDHANDHA DHINTAPULELADDI MWAWEBibliya annavaha . . .
dhowakula dhohagalasa dha makoho ofuneya avegumini.—Provérbios 2:1-5.
malagano ororomeleya a egumi ya nlabo ni nlabo.—Salmo 119:105.
njhehedho noliba na osongolo.—Romanos 15:4.
NIFWANELE MWIBARIBARENE NRUMELEGE BIBLIYA ANAWOGEYE?
Ehe, vamwaha miraru:
Wiwananeya wotikiniha. Dhahivira yaka 1.600 Bibliya alebiwaga. Oliye alebiwe ni athu owakwana 40. Anamwinji mwaliwa kiyanonane. Naari dhigarive ndala, dhubuwelo dha mBibliyani kadhiviriganihiwe. Bibliya anna musolo mmodha!
Dhowoga dhororomeleya. Anamaleba dhitale eelabo enavita opithiwa wa athu ewa. Mbwenye anamaleba a Bibliya yahileba mororomeleya dhovirigana dhewa ni dha mulogwiwa.—2 Crónicas 36:15, 16; Salmo 51:1-4.
Dhopadduwa dhororomeleya. Miyaka 200 sidadi yo Babiloniya akale ahinagudjuliwe, Bibliya ahisoriha wera dhinowereya. (Isaías 13:17-22) Bibliya awaddela magudjuliwelo a Babiloniya ni ndina na muthu amugudjule!—Isaías 45:1-3.
Dhopadduwa dhimodha dhawadda dha mBibliyani dhahakwanelihiwa ninga mommo dhasoriheliwewa. Kahiyo dhendha nadjeherehu wa Madhu a Mulugu?—2 Pedro 1:21.
KUBUWELA NDHA
Madhu a Mulugu enawomihedhe mowiddi egumawo?
Bibliya annakula yokoha yela va ISAÍAS 48:17, 18 ni 2 TIMÓTEO 3:16, 17.