Goyi enodha emale?

BIBLIYA ANAWOGA EGI INA

‘Mulugu anere wavuda mitoridhiwa dhatedhene mwintonimwiwa, kavindha vikala okwa, kutho, wibulela naari widdela.’​—Revelação 21:3, 4, Tradução do Novo Mundo.

NDHANDHA DHINTAPULELADDI MWAWE

Onona ndha dhinere wukavihera . . .

ororomela wi Mulugu kahiyo aneriha makathamiho ehu.​—Tiago 1:13.

wukurumusa onona wi Mulugu anonikubanyera ni goyi nikalehuna.​—Zacarias 2:8.

okalana njhehedho wi goyi yatene enere omala.​—Salmo 37:9-11.

NIFWANELE MWIBARIBARENE NRUMELEGE BIBLIYA ANAWOGEYE?

Ehe, vamwaha minli:

• Mulugu anniddana ni goyi ni ohiroromeleya. Kubuwela mommo Jeova Mulugu akubanyereye vanvo athu aye yonihiwewa goyi mudhidhi Bibliya alebiweye. Bibliya anawoga wi oliye ahisimwela ni mwaha ‘waale yatukumesa.’​—Juízes 2:18.

  Mulugu anniddana ni athu enawoniha akwiwa goyi. Moliganiha, Bibliya anawoga wi oliye ananyakavaleliwa “mada enavuviha sangri nathu ohikanna muladdu.”​—Provérbios 6:16, 17.

• Mulugu annanipwatha kadda muthu wa iyo. Kahiyo iyeneve nnona ‘mahoso ehu ni widdela wehu;’ nahuna Jeova oliye oonona!​—2 Crônicas 6:29, 30.

  Modhela Omwene waye, Jeova mohilegela anere omariha goyi ya kadda muthu. (Mateus 6:9, 10) Mudhidhi ola, oliye anowakurumusa ale enamusayela ni murimiwa wamutene.​—Atos 17:27; 2 Coríntios 1:3, 4.