Anokwa eneere ohogoloseliwa okalawo?

BIBILIYA ANAWOGA EGIHINA

“Winodha wikale ovenyihiwa waathu ekwile.”​—Atos 24:15, Bibiliya a Elabo Exa.

MWAHAYA BWADDI SAPMA ONONA WI ANOKWA ENEERE OVENYIHIWA?

Mpaganyo ola oneere . . .

wukurumusa wakweliwa muthu onamudhivelewe. — 2 Coríntios 1:3, 4.

wukavihera ohova okwa. — Hebreus 2:15.

wuvaha ejhehedhelo yogumana ni athu onadhiveliwe ekwile.​—João 5:28, 29.

NEEREGE NNOFWANELELA ORUMEDHA NDHE DHINAWOGA BIBILIYA?

Ehe, mwaha wa dhithu thaaru:

• Mulugu di Namapaddusa eegumi. Bibliya annawoga wi Yehova Mulugu di “nedduddu eegumi.” (Salmo 36:9; Atos 17:24, 25) Ole avahile egumi dhopaddusiwa dhatedhene dhiliwo, mwebaribarene anowedha omuhogolosela egumi muthu akwile.

• Mulugu ahavenyiha athu mundduli. Bibiliya anowawoga athu atanu nathaaru, alobwana ni ahiyana a yaka dhohiyanahiyana, yavenyihiwe wi ehogolowele okalawo mwilaboni yavati. Amodha nuukwa kuwavinre mudhidhi wowinjhiva, mbwenye mmodha wa aliwa ahimala malabo mannayi agaali mmahame! — João 11:39-44.

• Mulugu ohukanna efunelo yowavenyiha athu ekwile. Yehova anowiidda okwa; wa oliye okwa mwiddani. (1 Coríntios 15:26) Oliye ohukanna efunelo yomutolosa mwiddani ola ni anaamugonjhihe mwiddani ola wodhela wavenyiha anookwa. Oliye ohukanna “munukwela” wowahogolosela egumiwa ale eli mmubuwelelo mwaye wi awonege ekalagawo dila bili mwilaboni yavati.​— Jó 14:14, 15.