Omwene wa Mulugu ddi?

BIBILIYA ANAWOGA EGIHINA

“Mulugu oodhulu onere otikitera Omwene ohunadha ogujhuliwa.”​—Daniel 2:44, Bibiliya a Elabo Exa.

“Nihivahiwa mwanamulobwana; Ni Omwene avahiwe oliyeene.” — Isaías 9:6.

MWAHAYA BWADDI SAPAMA ONONA WODHELA MPAGANYO OLA?

We onere ohagalala onona wi . . .

• ohukalawo Omwene wowoogowa onukavihere.​—Isaías 48:17, 18.

• mwilaboni exa onere okanna egumi yologomana ni yohagalasa.​—Apocalipse 21:3, 4.

NEREGE NNOFWANELELA ORUMEDHA NDHE DHINAWOGA BIBILIYA?

Hee, mwaha wa dhithu biili:

• Yesu ahoniha dhithu dhinerena Omwene wa Mulugu. Yesu ahahudhiha anamaharaye wi elobelege elobaga Omwene wa Mulugu ni efunelo ya Mulugu yereye velaboni yavati. (Matewuji 6:​9, 10) Oliye ahoniha makalelo malobelo ala enakuliwiwa.

  Agali velaboni yavati, Yesu ahajhiha aliba dala, ahavulumusa aredda ni ahavenyiha anookwa! (Matewuji 15:29-38; João 11:38-44) Ajhehaga othonga Mumweneni mwa Mulugu, Yesu ahoniha dhego dhapama Omwenoyo onafuniwa wawerela ale enathongiwe nuuliye.​—Apocalipse 11:15.

• Makathamiho eelabwela enowoneyiha wi Omwene wa Mulugu uhaddamela. Yesu ohuwoga wi waahalaga mudhidhi vang’ono wihina Omwene wa Mulugu odhena murenddele velaboni yavati, mwilaboni munodha mukale koddo, dala ni oddiginyeya weelabo.​—Matewuji 24:3, 7.

  Peeno nnowona dhego ndha dhereyaga. Vano nnororomela wi mohilegela Omwene wa Mulugu onere wamariha makathamiho amatene.