Bani mwebaribarene ansugwera elabwela?

BIBLIYA ANAWOGA EGI INA

“Elabo yatene eli mwakopolo mwa mbure.”​—1 João 5:19, Tradução do Novo Mundo.

“Mwaana Mulugu ahoneyela wi agujhule mabasa a Diyabo.”​—1 João 3:8.

NDHANDHA DHINTAPULELADDI MWAWE

Wonelamo ndha dhinere wukavihera . . .

ofwanye otapuleliwa webaribari wa makathamiho a mwilaboni.​—Revelação 12:12.

okalana ebaribari ya wi elabwela emmadha ekale mburo wapama.​—1 João 2:17.

NIFWANELE MWIBARIBARENE NRUMELEGE BIBLIYA ANAWOGEYE?

Ehe, vamwaha miraru:

• Onamathonga wa Sathana onjeha ogujuliwa. Jeova olibihera omariha onamathonga wa Sathana wowasugwedhela athu. Mulugu opaganya ‘omutolosa Diyabo’ ni osasanyedha dhego dhatedhene dhigujuliye.​—Hebreus 2:14.

• Mulugu omusakula Yesu Kristu wi athonge elabo. Yesu dohiyana vanlubale ni namathonga wa peeno wa elabwela, ari abure ni anrima. Mulugu anapaganya ndha va omwene wa Yesu: “Anere omukalela tagaraga muthu aniyeviha ni muliba ohowa . . . Anere wobola dhigumi dhiwa ogoyini ni muubureni.”​—Salmo 72:13, 14.

• Mulugu kanoota. Bibliya annawoga mofwaseya: “Dhiri dhohenyeya wi Mulugu oote.” (Hebreus 6:18) Jeova apaganya werana ethu, enligana ninga oherana! (Isaías 55:10, 11) “Namathonga elabwela anere ovokeriwa ode.”​—João 12:31.