देवाशी नातं मजबूत करण्यासाठी प्रार्थना करा

कोणीतरी आपल्याला जीवनात योग्य मार्ग दाखवावा असं तुम्हाला वाटतं का? तुम्ही काही महत्त्वाच्या प्रश्‍नांची उत्तरं शोधत आहात का? तुम्हाला दिलासा हवा आहे का? तुम्हाला यहोवाशी जवळचं नातं जोडायचंय का? या सर्व बाबतींत प्रार्थनेमुळे तुम्हाला मदत मिळेल. पण प्रार्थना करायची योग्य पद्धत कोणती? देव सगळ्यांच्याच प्रार्थना ऐकतो का? त्याने तुमच्या  प्रार्थना ऐकाव्यात म्हणून तुम्ही काय केलं पाहिजे? चला पाहू या.

१. प्रार्थना कोणाला केली पाहिजे आणि आपण कशाबद्दल प्रार्थना करू शकतो?

येशूने शिकवलं की आपण फक्‍त यहोवालाच प्रार्थना केली पाहिजे आणि येशूसुद्धा यहोवालाच प्रार्थना करायचा. तो म्हणाला: “अशा प्रकारे प्रार्थना करा: ‘हे आमच्या स्वर्गातल्या पित्या . . . ’” (मत्तय ६:९) आपण यहोवाला प्रार्थना करतो तेव्हा त्याच्यासोबतची आपली मैत्री दिवसेंदिवस घट्ट होते.

आपण कशासाठीही प्रार्थना करू शकतो, पण प्रार्थनेचं उत्तर मिळण्यासाठी आपल्या प्रार्थना देवाच्या इच्छेप्रमाणे असल्या पाहिजेत. बायबल म्हणतं: “[देवाच्या] इच्छेप्रमाणे असलेलं काहीही आपण मागितलं तरी तो आपलं ऐकतो.” (१ योहान ५:१४) आपण कोणकोणत्या गोष्टींसाठी प्रार्थना करू शकतो, याची काही उदाहरणं येशूने सांगितली होती. (मत्तय ६:९-१३ वाचा.) गरजेच्या गोष्टींबद्दल प्रार्थना करण्यासोबतच, देवाने आपल्यासाठी जे काही केलंय त्याबद्दल आपण आभारही मानले पाहिजेत. तसंच आपण इतरांसाठीही प्रार्थना केली पाहिजे.

२. आपण प्रार्थना कशी केली पाहिजे?

बायबल सांगतं की आपण “[देवासमोर] आपलं मन मोकळं” केलं पाहिजे. (स्तोत्र ६२:८) म्हणून आपल्या प्रार्थना नेहमी मनापासून असल्या पाहिजेत. आपण मोठ्याने किंवा मनातल्या मनातही प्रार्थना करू शकतो. आपण एखाद्या खास पद्धतीने, म्हणजे गुडघे टेकून किंवा उभं राहून प्रार्थना करावी अशी यहोवा अपेक्षा करत नाही. पण आपण आदराने प्रार्थना केली पाहिजे. आपण केव्हाही आणि कुठेही प्रार्थना करू शकतो.

३. देव आपल्या प्रार्थनांचं उत्तर कसं देतो?

देव वेगवेगळ्या मार्गांनी प्रार्थनांचं उत्तर देतो. एक म्हणजे त्याचं वचन, बायबल. बायबल वाचल्यामुळे आपल्याला बऱ्‍याच प्रश्‍नांची उत्तरं मिळतात. स्तोत्र १९:७ मध्ये म्हटल्याप्रमाणे बायबलमध्ये सांगितलेल्या गोष्टी “अनुभव नसलेल्यांना बुद्धिमान बनवतात.” (याकोब १:५ वाचा.) तसंच, कठीण परिस्थितीचा सामना करताना देव आपल्याला मनाची शांती देतो. शिवाय आपल्याला मदतीची गरज असते, तेव्हा कधीकधी तो त्याच्या इतर सेवकांना आपल्याला मदत करायला प्रवृत्त करतो.

थोडक्यात

मनापासून केलेल्या प्रार्थनांमुळे देवासोबत आपलं नातं मजबूत होतं, आपल्याला मनाची शांती मिळते आणि यहोवाच्या इच्छेप्रमाणे वागायचं बळ मिळतं.

उजळणी

• आपण कोणाला प्रार्थना केली पाहिजे?

• प्रार्थना कशी केली पाहिजे?

• प्रार्थना केल्यामुळे आपल्याला कोणते फायदे होतात?

हेसुद्धा पाहा

प्रार्थनेबद्दल सहसा विचारल्या जाणाऱ्‍या प्रश्‍नांची उत्तरं जाणून घ्या.

“प्रार्थना के बारे में 7 सवाल” (ऑनलाईन लेख)

प्रार्थना का करावी आणि ती आणखी चांगल्या प्रकारे कशी करता येईल हे पाहा.

“प्रार्थना केल्यामुळे काही फायदा होतो का?” (वेबसाईटवरचा लेख)

आपण कोणाला प्रार्थना केली पाहिजे? बायबलचं उत्तर जाणून घ्या.

“आपण संतांना प्रार्थना केली पाहिजे का?” (वेबसाईटवरचा लेख)

आपण कुठेही आणि केव्हाही प्रार्थना केली तरी यहोवा ती ऐकतो हे या गाण्यात पाहा.

कधीही प्रार्थना करा  (१:२२)