2 Pietru

2 Madankollu, kien hemm ukoll profeti foloz fost il-​poplu, bħalma għad ikun hemm ukoll għalliema foloz fostkom.+ Dawn idaħħlu baxx baxx setet qerridin u jiċħdu saħansitra lis-​sid li xtrahom,+ u b’hekk iġibu qerda mgħaġġla fuqhom infushom. 2 Iktar minn hekk, ħafna jimxu warajhom+ fil-​kondotta laxka tagħhom,+ u minħabba fihom it-​triq tal-​verità tiġi mmaqdra.+ 3 Ukoll, imqanqlin mir-​regħba* jisfruttawkom bi kliem qarrieq.+ Imma għalihom, il-​ġudizzju li kien deċiż sa mill-​qedem+ mhux riesaq bil-​mod, u l-​qerda tagħhom mhix rieqda.+

4 Ċertament, jekk Alla ma żammx lura milli jikkastiga lill-​anġli+ li dinbu, imma, billi xeħithom f’Tartaru,*+ tefagħhom f’ħofor taʼ dlam ċappa biex jinżammu għall-​ġudizzju;+ 5 u ma żammx lura milli jikkastiga dinja tal-​qedem,+ imma lil Noè, predikatur tal-​ġustizzja,+ żammu qawwi u sħiħ maʼ sebgħa oħrajn+ meta ġab dilluvju+ fuq dinja taʼ nies bla devozzjoni lejn Alla; 6 u billi għamel irmied il-​bliet taʼ Sodoma u Gomorra, ikkundannahom,+ u b’hekk lill-​bnedmin bla devozzjoni lejn Alla ħallielhom mudell taʼ dak li għandu jiġri;+ 7 u ħeles lil Lot,+ raġel sewwa li kien imnikket ferm bil-​kondotta laxka u bla rażan taʼ nies li kienu jisfidaw il-​liġi+— 8 għax dan ir-​raġel sewwa, b’dak li ra u semaʼ waqt li kien jgħammar fosthom minn jum għal ieħor, kien jitturmenta ruħu minħabba l-​għemejjel tagħhom kontra l-​liġi— 9 Ġeħova jaf kif jeħles mill-​provi+ lil dawk li huma devoti lejh, imma jżomm lil dawk li huma inġusti għall-​qtugħ f’jum il-​ġudizzju,+ 10 u speċjalment dawk li jiġru wara l-​oħrajn bix-​xewqa li jniġġsulhom laħamhom+ u li jmaqdru lil min hu fuqhom.+

Sfidanti, taʼ rashom, ma jibżgħux mill-​glorjużi imma jmaqdruhom,+ 11 filwaqt li l-​anġli, għalkemm huma akbar fis-​saħħa u l-​qawwa, ma jġibux xi akkuża kontrihom bi tmaqdir,+ u dan b’rispett lejn Ġeħova.+ 12 Imma dawn in-​nies, bħal annimali bla raġuni, li min-​natura jitwieldu biex jinqabdu u jinqerdu, fl-​affarijiet li jmaqdru+ għalkemm ma jafux dwarhom, jieħdu wkoll il-​qerda fit-​triq tal-​qerda li qabdu, 13 billi jagħmlu l-​ħsara lilhom infushom+ bħala ħlas għall-​ħażen tagħhom.+

Għalihom hu taʼ pjaċir li bi nhar jgħixu fil-​lussu.+ Huma tbajjaʼ u difetti, u jitgħaxxqu bla rażan bit-​tagħlim qarrieq tagħhom waqt li jiffesteġġaw flimkien magħkom.+ 14 Għajnejhom mimlijin adulterju+ u m’humiex kapaċi jirreżistu d-​dnub,+ u jħajru lil erwieħ li m’humiex sodi. Qalbhom imħarrġa fir-​regħba.+ Huma wlied misħutin.+ 15 Abbandunaw it-​triq id-​dritta u ġew imqarrqin. Imxew fit-​triq taʼ Balgħam,+ bin Begħor, li ħabb il-​premju tal-​ħażen+ 16 u qalaʼ ċanfira talli hu stess ħadha kontra s-​sewwa.+ Bhima tat-​tagħbija bla leħen, li tkellmet b’vuċi taʼ bniedem,+ fixklet lill-​profeta fil-​kondotta miġnuna tiegħu.+

17 Dawn huma għejun bla ilma,+ u ċpar misjuq minn maltempata qawwija, u għalihom hemm merfugħa s-​swidija tad-​dlam.+ 18 Għax huma jlissnu kliem li jneffaħ u bla siwi, u bix-​xewqat tal-​laħam+ u bid-​drawwiet laxki jħajru+ lil dawk li għadhom kif ħarbu+ min-​nies li jgħixu fl-​iżball. 19 Waqt li jwegħduhom il-​libertà,+ huma nfushom ilsiera tal-​korruzzjoni.+ Għax kulmin jintrebaħ minn ħaddieħor jitjassar minnu.+ 20 Ċertament li jekk, wara li jkunu ħarbu mit-​tinġis tad-​dinja+ b’għarfien eżatt dwar il-​Mulej u s-​Salvatur Ġesù Kristu, jerġgħu jinvolvu ruħhom f’dawn l-​istess affarijiet u jintrebħu,+ il-​qagħda finali tagħhom issir agħar minn tal-​bidu.+ 21 Għax kien ikun aħjar għalihom li kieku ma sarux jafu eżatt it-​triq tas-​sewwa milli,+ wara li jsiru jafuha eżatt, jitbiegħdu mill-​kmandament qaddis li ngħatalhom.+ 22 Ġralhom kif jgħid tajjeb il-​proverbju: “Il-​kelb+ reġaʼ lura għall-​vomtu tiegħu, u l-​ħanżira maħsula reġgħet marret titmiegħek fit-​tajn.”+