Laqgħat tas-Servizz għal Ġunju
Ġimgħa li Tibda 1 taʼ Ġunju
8 min: Avviżi lokali. Avviżi magħżulin minn Il-Ministeru tas-Saltna. Aħbarijiet Teokratiċi.
15 min: “‘Imħejjijin għal kull Ħidma Tajba.’” Mistoqsijiet u tweġibiet. Agħmel kummenti qosra fuq il-Watchtower tal-15 taʼ Frar, 1989, paġni 22-4.
22 min: “Nagħtu Xiehda lill-‘Bnedmin Kollha.’” Anzjan jispjega li għalkemm l-offerta għal Ġunju hija L-Aqwa Bniedem ikun tajjeb ukoll jekk isir sforz biex inneħħu l-Magħqudin Fil-Qima li hemm ħafna minnhom maħżunin. Anzjan u pénil taʼ pubblikaturi t’esperjenza jiddiskutu l-preżentazzjonijiet issuġġeriti. Fil-qosor irrevedi liema reliġjonijiet niltaqgħu magħhom lokalment, u spjega għala għandu jkollna xi ħaġa f’moħħna biex nibdew konversazzjoni f’kull każ. Ħejji turija jew tnejn qosra.
Għanja 112 u talba taʼ l-għeluq.
Ġimgħa li Tibda 8 taʼ Ġunju
10 min: Avviżi lokali. Rapport tal-kontijiet.
15 min: “Jieħdu Ħsieb taʼ l-Affarijiet li s-Sid Jippossiedi.” Taħdita minn anzjan, li tkopri l-informazzjoni fl-insert.
20 min: “Kulħadd Huwa Meħtieġ biex ix-Xogħol Isir.” Mistoqsijiet u tweġibiet. Spjega għala l-anzjani jiddependu fuq ħafna volontieri b’rieda tajba biex jintgħamlu xi affarijiet bżonnjużi. Irrevedi l-bżonnijiet lokali, bħalma huma t-tindif u l-manutenzjoni tas-Sala tas-Saltna, l-għajnuna lill-morda u x-xjuħ, u li jiġi kopert it-territorju. Stieden lill-anzjani biex jikkummentaw fuq kif huma japprezzaw l-għajnuna li ħafna jagħtu minn jeddhom. Enfasizza kif l-isforz taʼ kull wieħed huwa meħtieġ ħafna.
Għanja 153 u talba taʼ l-għeluq.
Ġimgħa li Tibda 15 taʼ Ġunju
10 min: Avviżi lokali.
20 min: “Tħabtu b’Mod Vigoruż.” Taħdita bbażata fuq it-Torri taʼ l-Għassa tal-15 t’April, 1986, paġni 7-11. Iddiskuti l-importanza tas-servizz taʼ pijunier regulari, billi tinkuraġġixxi li wieħed japplika sa l-1 taʼ Settembru.
15 min: “Nagħtu Xiehda b’Kondotta Tajba.” Mistoqsijiet u tweġibiet. Intervista lil xi żgħażagħ eżemplari. Jgħidu kif oħrajn kienu impressjonati favorevolment bil-kondotta Kristjana tagħhom. Irrakkonta esperjenza jew tnejn mill-Watchtower taʼ l-1 taʼ Jannar, 1995, paġni 24-5.
Għanja 170 u talba taʼ l-għeluq.
Ġimgħa li Tibda 22 taʼ Ġunju
10 min: Avviżi lokali. Għid meta l-awditjar tal-kontijiet tal-kongregazzjoni ġie komplut.
15 min: Kif Tibda Rotta bir-Rivisti. Spjega x’inhu meħtieġ: ħu nota taʼ dak kollu li tqassam, erġaʼ mur fi żmien ġimagħtejn, ippreżenta ideat ġodda minn rivisti kurrenti biex iżżomm l-interess ħaj. Issuġġerixxi li jiġu inklużi l-ġirien, sħabna fuq ix-xogħol, kaxxiera fil-ħwienet, dawk li jieħdu ħsieb il-pompi tal-petrol, eċċetra. Offri abbonamenti għal sitt xhur lil dawk li juru interess kontinwu. Stieden pubblikatur jew tnejn biex jirrakkontaw esperjenza tajba dwar ir-rotot bir-rivisti.
20 min: Pijunieri Jgħinu lil Oħrajn. Taħdita mill-indokratur tas-servizz li jirrevedi l-arranġament li l-pijunieri personalment jiġu mqabbdin jgħinu lil oħrajn. Spjega kif programmi t’għajnuna ġew introdotti fil-passat. (jv 100; km 7/79 1, 3) Dawk il-miljun u fuqhom taʼ wħud ġodda li tgħammdu fl-aħħar tliet snin għandhom bżonn it-taħriġ. Il-programm “Pijunieri Jgħinu lil Oħrajn” jutilizza l-esperjenza u t-taħriġ taʼ pijunieri regulari u speċjali li attendew għall-Iskola tas-Servizz taʼ Pijunier. L-għan huwa għal kull pijunier biex jgħin żewġ pubblikaturi fis-sena biex isiru iktar tas-sengħa fil-ministeru u biex jirsistu għal sehem akbar. Dawk li jingħataw l-għajnuna m’għandhomx għalfejn jibżgħu; l-enfasi hi fuq li jingħata inkuraġġiment bl-imħabba, u b’qalb tajba. Dan il-programm ġdid jipprovdi potenzjal għal mijiet t’eluf biex isiru ministri iktar effettivi.
Għanja 207 u talba taʼ l-għeluq.
Ġimgħa li Tibda 29 taʼ Ġunju
10 min: Avviżi. Fakkar lil kulħadd biex jitfaʼ r-rapport tas-servizz taʼ l-għalqa għal Ġunju. Iddiskuti l-offerta tal-letteratura għal Lulju.
15 min: Bżonnijiet lokali jew Battejt Jien? Taħdita minn anzjan ibbażata fuq It-Torri taʼ l-Għassa tal-15 taʼ Diċembru, 1987 paġni 18-19, paragrafi 14-16. Inkuraġġixxi lil dawk li ilhom attivi għal diversi snin biex jirriflettu fuq il-kwalità u l-kwantità tas-servizz sagru tagħhom.
20 min: Ilkoll Kemm Aħna Nistgħu Nagħtu Xiehda Informalment. Taħdita u diskussjoni maʼ l-udjenza bbażata fuq It-Torri taʼ l-Għassa tal-15 taʼ Jannar, 1988, paġni 15-20. Uri kif dawk li l-ħin tagħhom huwa okkupat b’responsabbiltajiet sekulari, tal-familja, jew persunali jistgħu jsibu ħafna opportunitajiet kull jum biex jaqsmu l-aħbar tajba m’oħrajn. Inkludi xi esperjenzi lokali.
Għanja 76 u talba taʼ l-għeluq.