Programm Ġdid Tal-​Jum T’Assemblea Speċjali

“Agħmlu Kollox Minħabba L-​Aħbar Tajba” hija t-​tema tal-​programm ġdid tal-​jum t’assemblea speċjali li se jibda f’Settembru. (1 Kor. 9:​23) L-​aħbar tajba tas-​Saltna hija l-​iktar aħbar importanti mismugħa llum. Il-​programm se jgħinna napprezzaw il-​privileġġ uniku li għandna taʼ li nġorru din l-​aħbar meraviljuża. Se jagħmlilna wkoll il-​kuraġġ biex nibqgħu niddikjaraw l-​aħbar tajba bla waqfien.​—Atti 5:42.

Il-programm se jurina kif nutilizzaw bis-​sħiħ it-​taħriġ teokratiku tagħna sabiex inkunu nistgħu nwettqu dak kollu li nistgħu fil-​ministeru. Se nisimgħu mingħand uħud li għamlu xi tibdil biex ikabbru s-​servizz tagħhom, inklużi żgħażagħ li qed jagħmlu ħilithom kollha biex ixerrdu l-​aħbar tajba.​—Qabbel Filippin 2:​22.

It-taħdita prinċipali, li se tingħata minn kelliemi mistieden, se tenfasizzalna l-​bżonn li nibqgħu “nkunu fdati bl-​evanġelju.” (1 Tess. 2:​4, KŻ) Se niġu megħjunin naraw li jekk irridu nżommu l-​privileġġ li naqsmu l-​aħbar tajba m’oħrajn, irridu kontinwament nikkwalifikaw fil-​ħtiġijiet u l-​livelli t’Alla fil-​ħsieb u fil-​kondotta tagħna. Se jiġu enfasizzati wkoll il-​barkiet li nirċievu jekk nagħmlu din ir-​rieda.

Titlifx dan il-​programm vitali. Uħud dedikati ġodda li jixtiequ jitgħammdu fil-​jum t’assemblea speċjali għandhom jinformaw minnufih lill-​indokratur li jippresiedi. Stieden lil kulmin tistudja miegħu biex jattendi. Ejjew inħallu lil Jehovah isaħħaħna biex nagħmlu kollox minħabba l-​aħbar tajba u b’hekk inlestu l-​akbar xogħol li jrid isir qabel Armageddon.