¿Á xa̱a̱ íyo tu̱ʼvaún?

Tá ná ta̱an ñuu nu̱ú íyoún á tá ná ndeéní koon sa̱ví, á tá ndeéní ki̱xáʼa xíxi̱ yuku̱ ñuu nu̱ú íyoún, ¿á xa̱a̱ íyo tu̱ʼvaún ña̱ ya̱ʼún nu̱ú ña̱yóʼo? Iin ña̱ sana kivi kundóʼoyó kúú ña̱yóʼo ta ndeéní satíxoʼvi̱ña miíyó. Sava ñuu íyoní ku̱a̱chi nu̱ú kánitáʼanna ta xíʼi̱ ku̱a̱ʼání na̱ yiví, íyoní kue̱ʼe̱ ta ña̱yóʼo iin sana kíxáʼaña kúuña. (Ec 9:11). Kǒo xíniñúʼu ndakanixi̱níyó ña̱ kǒo ña̱yóʼo kuu ñuu nu̱ú íyoyó.

Ndiʼi miíyó xíniñúʼu koo tu̱ʼvayó tá ná kixa̱a̱ iin tu̱ndóʼo yo̱ʼvi̱ nu̱úyó (Pr 22:3). Ni chíndeétáʼanva na̱ ñuu Ndióxi̱ xíʼinyó tá kúu iin tu̱ndóʼo káʼnu, su̱ví ña̱yóʼo kúni̱ kachiña ña̱ kǒo keʼékayó chiñu ña̱ xíniñúʼu keʼéyó (Gál 6:5).

TÁNDI̱ʼI XI̱TONDÓ VIDEO NDÁA ÑA̱ KEʼÉYÓ ÑA̱ VA̱ʼA KOO TU̱ʼVAYÓ TÁ NÁ YA̱ʼAYÓ NU̱Ú IIN TU̱NDÓʼO, NDAKUIINNDÓ PREGUNTA YÓʼO:

• 

  Tá va̱ʼaní kítáʼanyó xíʼin Jehová, ¿ndáa ki̱ʼva va̱ʼaní chindeétáʼan ña̱yóʼo xíʼinyó tá kúu iin tu̱ndóʼo káʼnu?

• 

  ¿Nda̱chun ndáyáʼviní...

  • • ... ña̱ va̱ʼaní ka̱ʼa̱nyó xíʼin na̱ anciano tá íyo iin tu̱ndóʼo, tá xa̱a̱ ni̱ya̱ʼaña, á ni tá kǒoña íyo?

  • • ... taán va̱ʼayó ña̱ kivi kuniñuʼuyó tá ná kuu iin tu̱ndóʼo? (g17.5-S 6).

  • • ... kunda̱a̱-iniyó xa̱ʼa̱ tu̱ndóʼo ña̱ kivi kixi nu̱úyó ta ndáa ki̱ʼva keʼéyó xíʼin iin tá iin ña̱yóʼo?

• 

  ¿Ndáa u̱ni̱ ña̱ʼa kivi keʼéyó ña̱ chindeétáʼanyó xíʼin inkana tá ná kixi iin tu̱ndóʼo?