¿Á xa̱a̱ íyo tu̱ʼvaún ni nda̱a̱ ndáaka ña̱ ná kixi nu̱ún?

Nani kúyatin ki̱vi̱ ña̱ ndiʼi-xa̱ʼa̱ ndiʼi ña̱ʼa ña̱ va̱ása va̱ʼa íyo nu̱ú ñuʼú yóʼo, kooníka tu̱ndóʼo ta kooní ku̱a̱chi (Ap 6:4). Ña̱kán, ¿ndáaña xíniñúʼu keʼéyó tá kúni̱yó koo tu̱ʼvayó ya̱ʼayó nu̱ú ña̱yóʼo?

• Xa̱a̱ ya̱chi̱ka kaʼviún tu̱ʼun Ndióxi̱. Ndakanixi̱ní xa̱ʼa̱ consejo ta saátu relato ña̱ va̱xi nu̱úña ña̱ kivi chindeétáʼan xíʼún ña̱ kandíxaníkaún Jehová xíʼin na̱ ñuura, ta saátu ña̱ nda̱kúní koo iniún xíʼinra (Pr 12:5; jr-S 125, 126 párrs. 23, 24). Ta tiempo vitin kúú ña̱ xíniñúʼu chika̱a̱níyó ndee̱ ña̱ viíní kutáʼanyó xíʼin na̱ hermanoyó (1Pe 4:7, 8).

• Xa̱a̱ ya̱chi̱ka ná koo tu̱ʼva ña̱ kuniñúʼún. Tá ná kindo̱ún veʼún ta kǒo kivika kitaún, xa̱a̱ ya̱chi̱ka ndakanixi̱níún ndáaña keʼún ta saátu ná koo tu̱ʼva ña̱ kuxún ku̱a̱ʼá ki̱vi̱. Ta saátu xa̱a̱ ya̱chi̱ka ndakanixi̱níún mií kivi ku̱ʼún tá ná kuu iin tu̱ndóʼo. Koto ini mochilaún á ñúʼu ndiʼi ña̱ kuniñúʼún, ta saátu chika̱a̱ loʼo xu̱ʼún ña̱ kuniñúʼún. Kivitu taáún ña̱ʼa ña̱ kundasi yuʼún, guante xíʼin inkakaña. Koto á xa̱a̱ kúúmiíún número na̱ anciano ta saátu á xa̱a̱ kúúmiína númeroún (Is 32:2; g17.5-S 3-7).

Tá xa̱a̱ kúu tu̱ndóʼo, va̱ása nandósóún xa̱ʼa̱ chiñu ña̱ kéʼún nu̱ú Ndióxi̱ (Flp 1:10). Tá xíniñúʼu kitaún ku̱ʼún inka lugar, ná kooña xa̱ʼa̱ iin ña̱ʼa ña̱ ndixa ndáyáʼvi (Mt 10:16). Taxi ña̱ kúúmiíún ndaʼa̱ inkana (Ro 12:13).

TÁNDI̱ʼI XI̱TONDÓ VIDEO ÑA̱ NANÍ ¿Á XA̱A̱ ÍYO TU̱ʼVAÚN TÁ NÁ KUU IIN TU̱NDÓʼO?, NDAKUIINNDÓ PREGUNTA YÓʼO:

• ¿Ndáa ki̱ʼva chindeétáʼan Jehová xíʼinyó tá ná kuu iin tu̱ndóʼo?

• ¿Ndáaña xíniñúʼu keʼéyó ña̱ koo tu̱ʼvayó?

• ¿Ndáa ki̱ʼva chindeétáʼanyó xíʼin inkana?