Ná koo tu̱ʼvaníyó tiempo nu̱ú ndíʼi ña̱ ndóoyó vitin

Xa̱ʼa̱ ña̱ ndóoyó tiempo nu̱ú ndíʼi koo ku̱a̱ʼáníka tu̱ndóʼo nu̱úyó (2Ti 3:1; nwtsty nota ña̱ káʼa̱n xa̱ʼa̱ ña̱ kaʼviyó nu̱ú Mt 24:8). Soo na̱ ñuu Ndióxi̱ káʼa̱nna xíʼinyó ndáaña xíniñúʼu keʼéyó ña̱ koo tu̱ʼvayó tá ná kixi tu̱ndóʼo yóʼo nu̱úyó. Ña̱kán tá viíní xíniso̱ʼoyó ña̱ káʼa̱n na̱ ñuu Ndióxi̱ xíʼinyó ta xa̱a̱ ya̱chi̱ káʼvi kúeeyó Biblia ta xa̱a̱ ya̱chi̱ka táxiva̱ʼayó ndiʼi ña̱ʼa ña̱ kuniñúʼuyó, ña̱yóʼo chindeétáʼanníña xíʼinyó tá ná kixi tu̱ndóʼo nu̱úyó (Lu 16:10).

• Ya̱chi̱ka ná kaʼviyó tu̱ʼun Ndióxi̱. Ndiʼi ki̱vi̱ ná kaʼviyó Biblia ta ná ndakundeéyó sákuaʼakayó xa̱ʼa̱ Ndióxi̱. Ná chika̱a̱yó ndee̱ ña̱ xa̱a̱ síín síín natúʼunyó xíʼin na̱ yiví xa̱ʼa̱ Ndióxi̱. Ná va̱ása yi̱ʼvíyó tá va̱ása kívika kutáʼan yatinyó xíʼin na̱ hermano tá kúu iin tu̱ndóʼo (Is 30:15). Ta ná ndakaʼányó chi Jehová xíʼin ta̱ Jesús íyo yatinna xíʼinyó (od-S 175, 176 párr. 15-17).

• Xa̱a̱ ya̱chi̱ka ná koo tu̱ʼva ndiʼi ña̱ʼa ña̱ kuniñúʼuyó. Ná koo tu̱ʼva mochila ixaayó ta ná kuñuʼu ña̱ʼa iniña, ná koo tu̱ʼva ña̱ʼa ña̱ kuxuyó, ti̱kui̱í koʼoyó, ta̱tán xíʼin inkaka ña̱ʼa ña̱ va̱ʼa chindeétáʼan xíʼin na̱ veʼeyó tá ku̱a̱ʼá tiempo ná ndasiyó ti̱xin veʼeyó (Pr 22:3; g17.5-S 4, 6).

TÁNDI̱ʼI XI̱TONDÓ VIDEO ÑA̱ NANÍ NDÁA ÑA̱ KEʼÉYÓ ÑA̱ VA̱ʼA KOO TU̱ʼVAYÓ TÁ NÁ YA̱ʼAYÓ NU̱Ú IIN TU̱NDÓʼO, NDAKUIINNDÓ PREGUNTA YÓʼO:

• 

  ¿Ndáa ki̱ʼva xíniñúʼu sákuaʼa kúeeyó xa̱ʼa̱ Ndióxi̱ tá kúma̱níka kixaa̱ iin tu̱ndóʼo?

• 

  ¿Nda̱chun ndáyáʼviní...

  • ... ña̱ kǒo ndakooyó ña̱ ka̱ʼa̱nyó xíʼin na̱ anciano?

  • ... ña̱ ya̱chi̱ka ná koo tu̱ʼva ña̱ʼa ña̱ kuniñúʼuyó?

  • ... ña̱ ya̱chi̱ka ka̱ʼa̱nyó xa̱ʼa̱ iin tá iin tu̱ndóʼo ña̱ kivi kixi nu̱úyó ta ndáaña keʼéyó xíʼin iin tá iin ña̱yóʼo?

• 

  ¿Ndáa u̱ni̱ ña̱ʼa xíniñúʼu keʼéyó ña̱ va̱ʼa chindeétáʼanyó xíʼin inkana tá kúu iin tu̱ndóʼo?

NDAKANIXI̱NÍ XA̱ʼA̱ ÑA̱YÓʼO: “¿Ndáaña sánáʼa̱ kue̱ʼe̱ ña̱ coronavirus yóʼo yi̱ʼi̱ xa̱ʼa̱ ña̱ xíniñúʼu koo tu̱ʼvai̱?”.