Chindeétáʼan xíʼin na̱ káʼviún xíʼin ña̱ kǒo kutáʼanna xíʼin na̱ kéʼé ña̱ va̱ása va̱ʼa

Tá kúni̱ na̱ káʼviyó xíʼin kutáʼanna xíʼin Jehová, xíniñúʼu viíní ndaka̱xinna ndáana kutáʼanna xíʼin (Sl 15:1, 4). Chi na̱yóʼo kivi chindeétáʼan xíʼinna ña̱ keʼéna ña̱ va̱ʼa (Pr 13:20; lff lección 48).

Tá chíndeétáʼún xíʼin na̱ káʼviún xíʼin ña̱ sandákoona kutáʼanna xíʼin na̱ kéʼé ña̱ va̱ása va̱ʼa, xíniñúʼu kunda̱a̱-iniún xíʼin ña̱ ndóʼona chi sana íxayo̱ʼvi̱ña xíʼinna sandákoona na̱ kítáʼan xíʼinna. Ña̱kán, na̱ʼa̱ ña̱ ndíʼi̱-iniún xa̱ʼa̱na ki̱vi̱ ña̱ va̱ása káʼviún xíʼinna. Kivi ka̱ʼún xíʼinna xíʼin teléfono á chindaʼún mensaje ndaʼa̱na á saátu kivi ku̱ʼún kotoúnna. Ta tá ndákundeéna sákuaʼana xa̱ʼa̱ Jehová, kivi kanaúnna tá ndákutáʼún xíʼin na̱ hermano ña̱ va̱ʼa kutáʼanna xíʼin na̱yóʼo. Tasaá va̱ása ndakava-inina xa̱ʼa̱ ña̱ sándakoona na̱ migona (Mr 10:29, 30). Ta saátu miíún kusi̱íní-iniún tá ná kuniún ndáa ki̱ʼva xáʼnu na̱ ñuu Ndióxi̱.

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉTÁʼANYÓ XÍʼIN NA̱ KÁʼVIYÓ XÍʼIN ÑA̱ KǑO KUTÁʼANNA XÍʼIN NA̱ KÉʼÉ ÑA̱ VA̱ÁSA VA̱ʼA, NDAKUIINNDÓ PREGUNTA YÓʼO:

• ¿Ndáana va̱ása xíniñúʼu kutáʼanyó xíʼin? (1Co 15:33).

• ¿Ndáaña nda̱kanixi̱ní ñá Coral xa̱ʼa̱ na̱ hermano?

• ¿Ndáa ki̱ʼva chi̱ndeétáʼan ñá Rita xíʼin ñá Coral ña̱ nasamañá na̱ kítáʼan xíʼinñá?