ÑA̱ KÉʼÉYÓ NA̱ TESTIGO
Ndeéní káchíñuna xa̱ʼa̱yó
Na̱ superintendente ña̱ circuito xíʼin ñá síʼina, ku̱a̱ʼání ña̱ʼa kéʼéna xa̱ʼa̱yó chi kúʼvi̱ní-inina xínina miíyó. Ta nda̱a̱ táki̱ʼva ndóʼo miíyó saá ndóʼo na̱yóʼo, chi sava yichi̱ kúnaána, ndákava-inina á ndíʼi-inina (Snt 5:17). Soo ndiʼi semana ña̱ xáʼa̱nna xítona na̱ hermano ndúkúna ki̱ʼva ña̱ chika̱a̱na ndee̱ xíʼinna. Xa̱ʼa̱ ña̱kán ná ixato̱ʼóníyó na̱ superintendente ña̱ circuito (1Ti 5:17).
Tá nda̱kanixi̱ní ta̱ apóstol Pablo ña̱ ku̱ʼu̱nra kotora ña̱ congregación ña̱ ni̱xi̱yo chí Roma, ña̱ xi̱kuni̱ra kúú ña̱ chika̱a̱ra ndee̱ xíʼin na̱ hermano ta saátu ña̱ ná chika̱a̱na ndee̱ xíʼin miíra (Ro 1:11, 12). ¿Á xa̱a̱ ndákanixi̱níún ndáa ki̱ʼva chika̱ún ndee̱ xíʼin ta̱ superintendente ña̱ circuito xíʼin ñá síʼira?
TÁNDI̱ʼI XI̱TONDÓ VIDEO ÑA̱ NANÍ ÑA̱ KÉʼÉ IIN NA̱ SUPERINTENDENTE ÑA̱ CIRCUITO IIN ÑUU ÑA̱ XÍKANÍ KÍNDO̱O, NDAKUIINNDÓ PREGUNTA YÓʼO:
¿Ndáaña kéʼé ta̱ superintendente ña̱ circuito xíʼin ñá síʼira xa̱ʼa̱ ña̱ kúʼvi̱-inina xínina na̱ congregación?
¿Ndáa ki̱ʼva xa̱a̱ chíndeétáʼanna xíʼún?
¿Ndáaña kivi keʼéyó ña̱ va̱ʼa chika̱a̱yó ndee̱ xíʼinna?