ယေဟောဝါသက်သေများနှင့်ပတ်သက်၍ အမြင်မှားခြင်းကို ဖယ်ရှားခြင်း

သူတို့၏ တစ်အိမ်မှတစ်အိမ် ဟောပြောခြင်းလုပ်ငန်း၌ပါဝင်နေစဉ် ယေဟောဝါသက်သေနှစ်ဦးသည် စိတ်မဝင်စားပါဟု သူတို့အားပြောသော လူတစ်ဦးနှင့်ဆုံတွေ့ကြသည်။ သက်သေခံများက အေးဆေးစွာထွက်ခွာခဲ့ကြသည်၊ သို့သော် စင်္ကြံအတိုင်းလျှောက်သွားကြစဉ် သူတို့နောက်သို့ထိုလူလိုက်လာသည်ကို သူတို့သတိပြုမိသည်။ “ရပ်ပါအုံး” ဟုထိုလူခေါ်သည်။ “ကျွန်တော်တောင်းပန်ချင်လို့ပါ။ သက်သေခံတွေနဲ့ပတ်သက်ပြီး ကျွန်တော်ဘာမှမသိဘူး၊ နောက်ပြီး ခင်ဗျားတို့နဲ့ပတ်သက်ပြီး လူအများဟာ သတင်းမှားပေးခံရတယ်လို့ ကျွန်တော်ယုံတယ်။”

ထို့နောက် ထိုလူကမိမိကိုယ်ကို ကယ်​လီ​ဖိုး​နီး​ယားပြည်နယ် တောင်ဆန်ဖရန်စစ္စကိုမြို့မှ ရော့တရီက​လပ်၏ အစီအစဉ်သဘာပတိ ရီနန်ဒိုမီဂက်စ်အ​ဖြစ် မိတ်​ဆက်သည်။ သူက သက်​သေ​ခံတစ်ဦး ကလပ်သို့လာ၍ ယေ​ဟော​ဝါသက်သေများ၏ ယုံ​ကြည်​ချက်များနှင့် လုပ်ဆောင်မှုများအကြောင်းဟောပြောချက်ပေးနိုင်မည်လောဟု မေးသည်။ အစည်းအဝေးအ​စီ​အ​စဉ်ကို စီစဉ်လိုက်သည်။ သက်​သေ​ခံသည် မိနစ် ၃၀ ဟောပြောရမည်ဖြစ်ပြီး ယင်းနောက် ပရိသတ်ထံမှမေးခွန်းများကို ဖြေကြားပေးရန်ဖြစ်သည်။ ဆန်ဖရန်စ္စကိုဒေသတွင် နှစ်များစွာနေခဲ့သောသက်သေခံ အဲန့်စ်ဂရက်ကို ၁၉၉၅၊ ဩဂုတ် ၁၇ တွင် ရော့တရီကလပ်အားရှင်းလင်းဖော်ပြခြင်းကိုပြုရန် တောင်းဆိုခဲ့ကာ အောက်ပါအတိုင်းဝေမျှခဲ့သည်–

“ကျွန်တော်သည် ဘဏ်လုပ်ငန်းရှင်များ၊ ရှေ့နေများ၊ ဆရာဝန်များကဲ့သို့သော စီးပွားရေးနှင့် လူမှုရေးဆိုင်ရာခေါင်းဆောင်များဖြစ်သည့် ရော့တရီကလပ်အဖွဲ့ဝင်များအားပြောဆိုမည့်အရာများအတွက် စဉ်းစားပြီးဆုတောင်းခဲ့သည်။ ကျွန်တော်သုတေသနအနည်းငယ်ပြုလိုက်ရာ ရော့တရီကလပ်ထုတ်ပြန်ထားသောဦးတည်ချက်မှာ လူ့အသိုင်းအဝိုင်းအား ကြံ့ခိုင်စေရန်ဖြစ်ကြောင်း သိရှိရသည်။ ထို့ကြောင့် ကျွန်တော်သည် ‘သင့်ရပ်ကွက်အတွက် သတင်းကောင်း၏လက်တွေ့တန်ဖိုး’ ဟုအမည်တပ်ထားသော နှစ်ဆယ်ရာစု ယေဟောဝါသက်သေများ ဘရိုရှာစာမျက်နှာ ၂၃ ရှိအကြောင်းအရာကို တင်ဆက်ခဲ့သည်။”a

ကျွန်တော်က ယေဟောဝါသက်သေများသည် ဤဦးတည်ချက်တွင် ဩဇာသက်ရောက်သူများဖြစ်ကြောင်း ရှင်းပြသည်။ ယေဟောဝါသက်သေများသည် တစ်ပတ်လုံး သူတို့ရပ်ကွက်ရှိတံခါးများသို့ သွားရောက်ခေါက်ကြသည်။ သူတို့ဆန္ဒမှာ ခိုင်ခံ့သောမိသားစုရှိရန်နှင့် ခိုင်ခံ့သောမိသားစုတစ်ခုမှ ခိုင်ခံ့သောလူ့အသိုင်းအဝိုင်းတစ်ခုဖြစ်လာရန် သူတို့၏အိမ်နီးနားချင်းများအား ဩဇာသက်ရောက်စေရန်ဖြစ်သည်။ တစ်ဦးချင်းစီနှင့် မိသားစုအများသည် ခရစ်ယာန်မူများအတိုင်းအသက်ရှင်စေရန် ယေဟောဝါသက်သေများကသြဇာ လွှမ်းမိုးနိုင်လေလေ ရပ်ကွက်တွင်မကောင်းမှု၊ အကျင့်ပျက်ပြားမှုနှင့် ရာဇဝတ်မှုတို့ လျော့နည်းလေလေဖြစ်မည်။ ၎င်းသည် ရော့တရီကလပ်၏ ရည်မှန်းချက်နှင့်အညီဖြစ်သဖြင့် ဤအကြောင်းအရာကို အဖွဲ့ဝင်များမှ ကောင်းစွာလက်ခံခဲ့သည်။”

“ခင်ဗျားတို့ဘာကြောင့် နိုင်ငံရေးမှာမပါဝင်တာလဲ”

“အစည်းအဝေးတွင် မေးခွန်းများမေးမြန်းခွင့်ပေးလိုက်သောအခါ ပထမဆုံးမေးခွန်းများမှတစ်ခုမှာ ‘ခင်ဗျားတို့ဘာကြောင့် နိုင်ငံရေးနှင့်အစိုးရမှာ မပါဝင်တာလဲ။’ ထို့နောက် ဤမေးခွန်းကိုမေးသော အမျိုးသားက ဆက်လက်၍ ‘ကျမ်းစာက “ကဲသာဘုရင်၏ဥစ္စာကို ကဲသာဘုရင်အားဆက်ပေးကြလော့” လို့ပြောထားတာခင်ဗျားသိပါတယ်။’ ကျွန်တော်တို့ဟာ အဲဒီထုတ်ဖော်ပြောဆိုချက်နဲ့ အပြည့်အဝသဘောတူညီမှုရှိပြီး ၎င်းကိုလုံးလုံးလျားလျားထောက်ခံပါတယ်လို့ သူ့ကိုကျွန်တော်ပြောပြတယ်။ ကျွန်တော်က လူအများစုသည် ထိုကျမ်းချက်ကိုကိုးကားရာ၌ ၎င်း၏ဒုတိယပိုင်းဖြစ်သည့် “ဘုရားသခင်၏ဥစ္စာကိုကား ဘုရားသခင်အား ဆက်ပေးကြလော့” ဟုပြောထားသည်ကို မည်သည့်အခါမျှမကိုးကားကြကြောင်း ထောက်ပြသည်။ (မဿဲ ၂၂:၂၁) ထို့ကြောင့် ကဲသာနှင့်အရာခပ်သိမ်းမသက်ဆိုင်ကြောင်း ကျွန်ုပ်တို့ ကောက်ချက်ချရမည်။ ဘုရားသခင်ပိုင်ဆိုင်သောအရာတချို့ရှိသည်။ ကျွန်ုပ်တို့သည် ကဲသာပိုင်ဆိုင်ရာများ၊ ဘုရားသခင်ပိုင်ရာများနှင့်ပတ်သက်၍ရှာဖွေရန်ကိစ္စကို ရင်ဆိုင်ရသည်။

“ကျွန်တော်က ‘ကဲသာဘုရင်အား အခွန်ကိုဆက်အပ်သလော၊ မဆက်အပ်သလော’ ဟုယေရှုအမေးခံရစဉ် ကိုယ်တော်သည် ပေးသင့်သည် သို့မဟုတ် မပေးသင့်ဟု မဖြေဆိုခဲ့ကြောင်း သူ့အားပြသခဲ့သည်။ ‘အခွန်ငွေတစ်ပြားကိုပြပါဟု’ မိန့်တော်မူ၏။ ကိုယ်တော်က ‘ဤပုံဤလိပ်စာကား အဘယ်သူ၏ပုံ အဘယ်သူ၏လိပ်စာဖြစ်သနည်း’ ဟုမေးတော်မူ၏။ သူတို့က ‘ကဲသာဘုရင်၏ပုံ၊ လိပ်စာဖြစ်ပါသည်’ ဟုလျှောက်ကြ၏။ ထိုအခါယေရှုက ‘ကဲသာဘုရင်၏ဥစ္စာကို ကဲသာဘုရင်အားဆက်ပေးကြလော့’ ဟုမိန့်တော်မူ၏။ (မဿဲ ၂၂:၁၇-၂၁) တစ်နည်းအားဖြင့်ဆိုလျှင် ကဲသာထံမှထောက်ပံ့မှုအချို့ကို ကျွန်ုပ်တို့ရရှိ၍ ယင်းတို့အတွက် အခွန်အတုတ်များကို ကျွန်ုပ်တို့ပေးရန်သင့်တော်သောကြောင့် ကဲသာအားအခွန်ပေးပါသည်။ ယေဟောဝါသက်သေများသည် အခွန်အတုတ်များကိုပေး၍ အစိုးရအား ၎င်းရထိုက်ရာများနှင့်ပတ်သက်၍ မလိမ်လည်ကြကြောင်း ကျွန်တော်ရှင်းပြခဲ့ပါသည်။

“ထို့နောက် ယေဟောဝါသက်သေများသည် သူတို့၏အသက်အား ကဲသာထံပေးဆက်ရန်တာဝန်ရှိသည်ဟု မယုံကြည်ကြကြောင်း ကျွန်တော်တင်ပြခဲ့သည်။ သူတို့၏ဝတ်ပြုမှုကို ဘုရားသခင်အား ပေးရန်တာဝန်ရှိကြောင်းယုံကြည်ပြီး ယင်းကို သူတို့သည်ကိုယ်တော်အား ထိုက်ထိုက်တန်တန်ပေးဆက်ကြသည်။ ဤသို့သောရပ်တည်မှုကို ကျွန်ုပ်တို့ခံယူထားစဉ် ကဲသာကို မည်သည့်မလေးစားမှုတစ်စုံတစ်ရာကိုမျှ ကျွန်ုပ်တို့မရည်ရွယ်ပါ။ ကျွန်ုပ်တို့သည် ကဲသာ၏ဥပဒေများအားလုံးကို နာခံသည်၊ သို့သော် ဆန့်ကျင်မှုရှိလာလျှင် အုပ်စိုးရှင်အနေနှင့် လူထက်ဘုရားသခင်ကိုနာခံရန် လေးစားစွာကျွန်ုပ်တို့ရွေးချယ်သည်။ ထိုအခါ ဤမေးခွန်းကိုမေးသောသူက အုပ်စုတစ်ခုလုံးရှေ့၌ ‘အဲဒါကို ကျွန်တော်မငြင်းနိုင်ပါဘူး’ ဟုပြောခဲ့သည်။

“ကျွန်ုပ်တို့၏ ဟောပြောခြင်းလုပ်ငန်းများနှင့်ပတ်သက်သည့် မေးခွန်းမြောက်မြားစွာကိုလည်း ဖြေဆိုနိုင်ခဲ့သည်။ အစည်းအဝေးပြီးနောက်တွင် အသင်းဝင်များစွာသည် လာ၍လက်ဆွဲနှုတ်ဆက်ပြီး မိသားစုသည် ကြံ့ခိုင်သည့်လူ့အသိုင်းအဝိုင်း၏အမာခံကျောရိုးဖြစ်သည်ဆိုခြင်း၌ သူတို့သည်ကျွန်ုပ်တို့နှင့် အပြည့်အဝသဘောတူညီကြောင်းပြောခဲ့ကြသည်။ ထိုနောက် ကျွန်ုပ်တို့သည် အသင်းဝင်တစ်ဦးစီအား နှစ်ဆယ်ရာစု ယေဟောဝါသက်သေများ ဘရိုရှာကိုပေးခဲ့သည်။

ဤအစည်းအဝေးပြီးနောက်တွင် အစီအစဉ်သဘာပတိ မစ္စတာ ဒိုမီဂက်စ်က ကျွန်ုပ်တို့၏ယုံကြည်ချက်များနှင့်ပတ်သက်၍ မေးစရာမေးခွန်းများထပ်ရှိသေးသောကြောင့် သူ့ရုံးသို့လာနိုင်မည်လောဟု ကျွန်တော့်ကိုဖုန်းဆက်၍မေးသည်။ ကျမ်းချက်များစွာကို ကျွန်ုပ်တို့ကောင်းစွာဆွေးနွေးခဲ့ကြသည်။ သူသည် အထူးသဖြင့် ကျွန်တော့်အား သွေးနှင့်ပတ်သက်သည့်ကျွန်ုပ်တို့၏ရပ်တည်ချက်ကို ရှင်းပြပေးစေလိုသည်။ သူကိုယ်တိုင်လည်း သွေးသွင်းလိမ့်မည်မဟုတ်ကြောင်းပြောကာ သူ့အားကျွန်တော်ပေးသည့် သွေးသည် သင့်အသက်အားမည်သို့ကယ်တင်နိုင်ပုံ ဘရိုရှာမှအကြောင်းအရာက သူ့ကိုအလွန်တစ်ရာစွဲမှတ်စေသောကြောင့် သွေးနှင့်ပတ်သက်သည့်ကျွန်ုပ်တို့၏ရပ်တည်ချက်ကို ကလပ်အသင်းဝင်များအားပြောဆိုရန် ကျွန်တော့်အားဖိတ်ခေါ်ခဲ့သည်။ ဤအစီအစဉ်၌ ကျွန်တော်နှင့်အတူပါဝင်ရန် အခြားသက်သေခံဖြစ်သည့်ဒန်ဒယ်လ်အား ကျွန်တော်ဖိတ်ခေါ်သည်။ သူသည် သက်သေခံများ ခွဲစိတ်ရန်အတွက်သွားရသည့်အခါများ၌ ဆရာဝန်များနှင့်ဆွေးနွေးရန် ဆေးရုံများသို့သွားသောသူဖြစ်သည်။ ကျွန်ုပ်တို့၏ ဝိညာဉ်ရေးရပ်တည်ချက်ကိုရှင်းပြရန်နှင့် သွေးသွင်းခြင်းမဟုတ်သည့် အောင်မြင်သောအခြားနည်းများကိုကမ်းလှမ်းရန် ဆရာဝန်များ၊ ဆေးရုံအုပ်ချုပ်ရေးမှူးနှင့်အတူ ကျွန်ုပ်တို့မည်သို့လုပ်ဆောင်ကြောင်းကို ကျွန်ုပ်တို့အတူတကွအသေးစိတ်ရှင်းပြခဲ့ကြသည်။”—ဝတ်ပြုရာ ၁၇:၁၀-၁၂; တမန်တော် ၁၅:၁၉-၂၁၊ ၂၈၊ ၂၉။

‘သင့်သားကိုသေစေမည်ဟု သင်ဆိုလိုသလော’

အစည်းအဝေးပြီးနောက်တွင် အမျိုးသားတစ်ဦးသည် လာ၍ ‘တကယ်လို့ ခင်ဗျားသားဟာ မတော်တဆထိခိုက်မှုဖြစ်လို့ အရေးပေါ်အခန်းကိုခေါ်လာပြီး သွေးအများကြီးထွက်နေရင် သူ့ကိုသေစေမယ်လို့ ခင်ဗျားပြောချင်သလား’ လို့ကျွန်တော့်ကိုသီးသန့်မေးသည်။ ကျွန်တော်မှာသားတစ်ယောက်ရှိပြီး ၁၉၈၈ စကော့တလန်၊ လော့ကဘီအထက်မှာလေယာဉ်ပေါက်ကွဲမှုမှာသူ့ကိုဆုံးရှုံးရတဲ့အတွက် သူ့လိုစိုးရိမ်ပူပန်ကြောင်း သူ့ကိုကျွန်တော်စိတ်ချစေခဲ့သည်။ သူ့မေးခွန်းကိုဖြေဆိုရာမှာ ပထမဆုံး ကျွန်တော့်သားကို ကျွန်တော်မသေစေချင်ကြောင်း သူ့ကိုပြောခဲ့သည်။

“ကျွန်တော်တို့ဟာ ဆရာဝန်၊ ဆေးပညာ ဒါမှမဟုတ် ဆေးရုံတွေကို မဆန့်ကျင်ပါဘူး။ ယုံကြည်ခြင်းကုထုံးကုသူတွေကို မယုံကြည်ပါဘူး။ ကျွန်တော်တို့ဟာ ဆေးပညာဆိုင်ရာအတတ်ပညာရှင်တွေရဲ့ အထောက်အပံ့ကို လိုအပ်ကြတယ်။ ကျွန်တော်တို့ဟာ ဘုရားသခင်ကိုယုံကြည်ပြီး သွေးနဲ့ပတ်သက်တဲ့ဒီကိစ္စအပေါ် ကိုယ်တော်ရဲ့ညွှန်ကြားချက်တွေဟာ ကျွန်တော်တို့ရဲ့ထာဝရကောင်းကျိုးအတွက်ဖြစ်တယ်ဆိုတာ ယုံကြည်စိတ်ချကြတယ်။ ဘုရားသခင်ဟာ ကျမ်းစာမှာဖော်ပြထားသလို “သင်၏အကျိုးနှင့်ယှဉ်သောအရာကိုသွန်သင်၍၊ သင်သွားအပ်သောလမ်းဖြင့်ပို့ဆောင်သော သင်၏အရှင်ထာဝရဘုရားဖြစ်၏။” (ဟေရှာယ ၄၈:၁၇) ကိုယ်တော်သည် မိမိ၏သားတော်အား သေခြင်းမှထမြောက်စေနိုင်သည့်အစွမ်းကိုပေးထားသည်။ ယေရှုက ‘ငါသည်ထမြောက်ခြင်းအကြောင်း၊ အသက်ရှင်ခြင်းအကြောင်းဖြစ်၏။ ငါ့ကိုယုံကြည်သောသူသည် သေလွန်သော်လည်းရှင်လိမ့်မည်။ ငါ့ကိုယုံကြည်၍ အသက်ရှင်သောသူရှိသမျှတို့သည်လည်း သေခြင်းနှင့်အစဉ်မပြတ် ကင်းလွတ်ကြလိမ့်မည်။ ငါ့စကားကိုယုံသလော’ ဟုမိန့်တော်မူခဲ့သည်။—ယောဟန် ၁၁:၂၅၊ ၂၆

“ဆရာဝန်များနားလည်ရန် ကျွန်ုပ်တို့တောင်းဆိုလိုသည်မှာ ကျွန်ုပ်တို့ရပ်တည်ချက်သည် ကိုယ်ကိုကိုယ်သိသောစိတ်နှင့်ပတ်သက်သည့်ကိစ္စဖြစ်ပြီး ယင်းကို ညှိနှိုင်းစေ့စပ်၍မရနိုင်ပါ။ ကျွန်ုပ်တို့သည် သူ့မယားပြစ်မှားခြင်းနှင့်ပတ်သက်သည့် ဘုရားသခင့်ပညတ်ကို စေ့စပ်ဆွေးနွေး၍မရသကဲ့သို့ ဤကိစ္စကို စေ့စပ်ဆွေးနွေး၍မရပါ။ ကျွန်တော်တို့ဟာ ‘ဘုရားသခင်၊ ကျွန်တော် သူ့မယားပြစ်မှားနိုင်ဖို့ အခြေအနေတစ်ရပ်ရပ်ရှိနိုင်မလား’ လို့မေးပြီး ဘုရားသခင်နဲ့ စေ့စပ်ဆွေးနွေးလို့မရနိုင်ပါဘူး။ အဲဒီနောက် ကျွန်တော်က အဲဒီလူကို ‘ခင်ဗျားက ကျွန်တော်ဟာ သွေးသွင်းခြင်းကိုငြင်းပယ်ပြီး ကျွန်တော့်သားကို သေစေမလားလို့မေးတယ်နော်။ လေးစားစွာနဲ့ ကျွန်တော်မေးချင်ပါတယ်၊ ခင်ဗျားရဲ့သားကို နိုင်ငံတစ်ခုခုအတွက် စစ်မှုထမ်းရင်းသေစေမလား။’ သူက ချက်ချင်းပဲ ခိုင်မာစွာနဲ့ ‘ဒါပေါ့! ဒါဟာသူ့ရဲ့တာဝန်ပဲ!’ ဆိုပြီးဖြေတယ်။ ကျွန်တော်က ‘ခင်ဗျားယုံကြည်ချက်အကြောင်းကြောင့် ခင်ဗျားရဲ့သားကိုသေဖို့အခွင့်ပေးတယ်’။ ကျွန်တော့်သားနဲ့ပတ်သက်ပြီး အလားတူအခွင့်ထူးအဖြစ် ကျွန်တော့်ကိုခွင့်ပေးပါ။’

“ဤအရာအားလုံးထက်စိတ်ဝင်စားစရာနောက်တစ်ခုမှာ အစီအစဉ်သဘာပတိ မစ္စတာ ဒိုမီဂက်စ်က ကျွန်တော်နှင့်ကျွန်တော့်ဇနီးကို သူနှင့်သူဇနီးနှင့်အတူ ညစာစားရန်ဖိတ်ခေါ်ခဲ့သည်။ သူက သူ၏ဇနီးသည် မှားယွင်းသောသတင်း၏သားကောင်ဖြစ်နေပြီး ယေဟောဝါသက်သေများနှင့်ပတ်သက်၍ အလွဲထင်မြင်ယူဆနေသည်ဟု ထင်မှတ်သည်။ သူမှန်ပါသည်။ သူမ သတင်းမှားပေးခံခဲ့ရသည်။ ကျွန်တော်တို့အတွက် ပျော်စရာညနေခင်းဖြစ်ခဲ့ပြီး သူ၏ဇနီးသည် ကျွန်ုပ်တို့နှင့် ကျွန်ုပ်တို့၏ အလုပ်နှင့်ပတ်သက်သည့် မေးခွန်းများစွာကိုမေးမြန်းကာ အသေးစိတ်အချက်အလက်များကိုဖြေဆိုရန် ကျွန်ုပ်တို့အားခွင့်ပြုခဲ့သည်။ နောက်တစ်နေ့တွင် သူက သူ၏ဇနီးသည် ကျွန်တော်နှင့်ကျွန်တော့်ဇနီးနှင့် တွေ့ဆုံခြင်းကိုလုံးလုံးပျော်ရွှင်ခဲ့ပြီး ကျွန်တော်တို့သည် အလွန်ကောင်းသောသူများဟု ယူဆခဲ့ကြောင်း ဖုန်းဆက်၍ပြောခဲ့သည်။

ကျွန်တော်သည် မစ္စတာ ဒိုမီဂက်စ်ထံ ဆက်၍မှန်မှန်လည်ပတ်ခဲ့ပြီး သူသည် ကျမ်းစာ၌ အလွန်စိတ်ဝင်စားကြောင်း ပြသသည်။ သူက ကျွန်တော့်အားဤသို့ပြောခဲ့သည်– ‘သာပြီးကြီးမားတဲ့ ဆန်ဖရန်စစ္စကိုပင်လယ်အော်ဒေသမှာရှိတဲ့ ရော့တရီကလပ်ရဲ့ အစီအစဉ်သဘာပတိအားလုံးကို ဆက်သွယ်ပြီး ကျွန်တော်တို့ကလပ်ကို ခင်ဗျားပေးတဲ့ဟောပြောချက်နဲ့အလားတူတဲ့ ဟောပြောချက်ကို သူတို့ကလပ်မှာပေးဖို့ကမ်းလှမ်းရန် ခင်ဗျားကိုတိုက်တွန်းဖို့ ကျွန်တော်တွန့်ဆုတ်မှာမဟုတ်ဘူး။ ရည်ညွှန်းချက်အဖြစ် ကျွန်တော့်နာမည်ကို ခင်ဗျားသုံးနိုင်ပြီး ကျွန်တော့်ကိုဆက်သွယ်တဲ့အခါ ခင်ဗျားကိုဧည့်ဟောပြောသူတစ်ယောက်အဖြစ် ဖိတ်ခေါ်ခံရဖို့ ကျွန်တော်ကောင်းကောင်းထောက်ခံချက်ပေးမယ်။’

“ရော့တရီကလပ်များသည် အပြည်ပြည်ဆိုင်ရာဖြစ်သည်။ အမေရိကန်ပြည်ထောင်စုနှင့် ကမ္ဘာတစ်ခုလုံးရှိ အခြားကလပ်များသည် ယေဟောဝါသက်သေများ၏တင်ပြချက်အတွက် သူတို့၏တံခါးများကို ဖွင့်ထားနိုင်ပါမည်လော။”

[အောက်ခြေမှတ်ချက်]

[စာမျက်နှာ ၁၈ ပါ ရုပ်ပုံ]

မစ္စတာ ရီနန် ဒိုမီဂက်စ် ဝဲနှင့် ညီအစ်ကို အဲန့်စ်ဂရက်