အိမ်ထောင်ဖက် ဖောက်ပြန်သွားတဲ့ အခါ
အိမ်ထောင်ရေး ဖောက်ပြန်မှုဟာ စိတ်ပျက်စရာပါပဲ။ တချို့က နောင်တရတဲ့ အိမ်ထောင်ဖက်ကို ခွင့်လွှတ်ပြီး ဆက်ပေါင်းကြတာတွေ ရှိတာ မှန်ပါတယ်။a ဒါပေမဲ့ ဆက်ပေါင်းသည်ဖြစ်စေ၊ ကွဲသွားသည်ဖြစ်စေ အိမ်ထောင်ရေး ဖောက်ပြန်မှုကြောင့် နာကျင်ခံစားရတာပါပဲ။ ဒီခံစားချက်ကို ဘယ်လို ကိုင်တွယ်ဖြေရှင်းနိုင်မလဲ။
အကူအညီဖြစ်စေမယ့် ကျမ်းပိုဒ်များ
အပြစ်မဲ့ အိမ်ထောင်ဖက်တွေဟာ ဝမ်းနည်းကြေကွဲကြပေမဲ့ ကျမ်းစာကနေ နှစ်သိမ့်မှု ရကြတယ်။ သူတို့ရဲ့ မျက်ရည်တွေ၊ နာကျင်မှုတွေကို ဘုရားသခင် သိမြင်တယ်၊ စာနာတယ်ဆိုတာ သိလာကြတယ်။—မာလခိ ၂:၁၃-၁၆။
“စိုးရိမ်စိတ်တွေ သိပ်များနေတဲ့အခါ ကိုယ်တော် နှစ်သိမ့်ပေးပြီး စိတ်သက်သာရာ ရစေတယ်။”—ဆာလံ ၉၄:၁၉။
“အဲဒီကျမ်းချက်ကို ဖတ်တဲ့အခါ သနားစာနာတတ်တဲ့ ဖခင်လို ယေဟောဝါက ကျွန်တော့်ကို ကြင်နာစွာ နှစ်သိမ့်ပေးနေသလို ခံစားရတယ်” လို့ ဘီလ် ပြောတယ်။
“သစ္စာစောင့်သိသူကို ကိုယ်တော်ကလည်း သစ္စာစောင့်သိတယ်။”—ဆာလံ ၁၈:၂၅။
ခင်ပွန်းသည် ဖောက်ပြန်သွားတဲ့ ကာမန် ဒီလိုပြောတယ်– “ကျွန်မခင်ပွန်း သစ္စာမရှိပေမဲ့ ယေဟောဝါကတော့ သစ္စာစောင့်သိမယ်ဆိုတာ ယုံကြည်တယ်။ ဘုရားက ကျွန်မကို ဘယ်တော့မှ စိတ်ပျက်အောင်လုပ်မှာ မဟုတ်ဘူး။”
“ဘာမှ မစိုးရိမ်ဘဲ အရာရာမှာ . . . ဆုတောင်းကြပါ၊ တိုးလျှိုးအသနားခံကြပါ၊ ဘုရားသခင်ဆီ အသနားခံကြပါ။ ဒါဆိုရင် လူ့ဉာဏ်နဲ့မမီနိုင်တဲ့ ဘုရားသခင့်ငြိမ်သက်ခြင်းက . . . ခင်ဗျားတို့ရဲ့ စိတ်နှလုံးနဲ့ ဉာဏ်ရည်ဉာဏ်စွမ်းကို စောင့်ရှောက်ပေးပါလိမ့်မယ်။”—ဖိလိပ္ပိ ၄:၆၊ ၇။
“ဒီကျမ်းချက်ကို အကြိမ်ကြိမ် ဖတ်တယ်။ ဘုရားဆီ ဆုတောင်းလေ စိတ်ငြိမ်သက်မှု ခံစားရလေပဲ” လို့ ဆာရှာ ပြောတယ်။
အထက်မှာ ဖော်ပြခဲ့သူအားလုံးဟာ လက်လျှော့အရှုံးပေးလိုက်ချင်စိတ် ပေါ်ခဲ့ကြတယ်။ ဒါပေမဲ့ ယေဟောဝါဘုရားကို ယုံကြည်ကိုးစားပြီး ကျမ်းစာကနေ ခွန်အားရယူခဲ့ကြတယ်။ ဘီလ် ဒီလိုပြောတယ်– “အရာရာ ပြိုလဲပျက်စီးသွားပုံရပေမဲ့ ယုံကြည်ခြင်းကြောင့် ဘဝအဓိပ္ပာယ် ပြန်ရှိလာတယ်။ ‘မှောင်မိုက်တဲ့ ချိုင့်ဝှမ်းထဲ’ လျှောက်ရချိန်တွေမှာ ကျွန်တော်နဲ့အတူ ဘုရား ရှိခဲ့တယ်။”—ဆာလံ ၂၃:၄။
a အိမ်ထောင်ဖက်ကို ခွင့်လွှတ်ခြင်း၊ မလွှတ်ခြင်းနဲ့ပတ်သက်ပြီး ၂၀၀၁၊ ဩဂုတ် ၈ ရက်ထုတ် နိုးလော့! “အိမ်ထောင်ဖက်တစ်ဦး ဖောက်ပြန်သောအခါ” ဆောင်းပါးမှာ ကြည့်ပါ။