ဓမ္မအမှုဆောင်များအနေနှင့် ကျွန်ုပ်တို့ထိရောက်မှုကို တိုးတက်စေ

^၁ နိုင်ငံတော်ရေးရာများကို ကျွန်ုပ်တို့ဦးစားပေးရမည်ဖြစ်ရာ ကျွန်ုပ်တို့ရွေးချယ်ထားသည့် ဓမ္မအမှုကို အကောင်းဆုံးဆောင်ရွက်ပေးရန် စေ့ဆော်ခံသင့်သည်။ (မာ၊ ၁၃:၁၀) ဟောပြောခြင်းလုပ်ငန်း၌ မည်မျှပင်ကြာရှည်ပါဝင်ခဲ့ဦးတော့ ဓမ္မအမှုဆောင်များအနေနှင့် ကျွန်ုပ်တို့၏ထိရောက်မှုကို ဆက်တိုးတက်စေရမည်။

^၂ ပညာသည်အလုပ်နှင့် အသက်မွေး၍ အောင်မြင်သူများစွာတို့သည် သူတို့ပညာနှင့် စွမ်းရည်ကိုအမြဲဖြည့်စွက်တိုးတက်စေကြသည်။ သူတို့အသက်မွေးဝမ်းကြောင်းအတွက် ဤသို့ပြုရန်လိုသည်။ တာဝန်သိတတ်သော ဓမ္မအမှုဆောင်များအနေနှင့် တပည့်ဖြစ်စေရန် စွမ်းရေ၊ ဘုရားသခင့်နိုင်ငံတော်အကြောင်း သွန်သင်ပေးခြင်းကို တိုးတက်စေရန်လည်းလိုအပ်သည်။

စိန်ခေါ်ချက် ရင်ဆိုင်

^၃ သိုးကဲ့သို့သောသူများကို ယခုအလျင်စလိုစုသိမ်းနေပြီဖြစ်ရာ ကျွန်ုပ်တို့အများစုသည် ကိုယ်နှင့်စပ်ဆိုင်သူများထံ ပို၍ သွားရောက်နေကြသည်။ ကြေညာသူ နှင့် ရှေ့ဆောင်များစွာ တိုး၍သက်သေခံထွက်နေကြရာ ကမ္ဘာ့လယ်ကွင်းလုပ်ငန်း တက်တက်ကြွကြွရှိနေပါသည်။ ကျွန်ုပ်တို့ တိုး၍ပါဝင်နေသောလုပ်ငန်းကြောင့် တစ်ချိန်က ထိရောက်ခဲ့သော ကျွန်ုပ်တို့ဟောပြောချက်များကို အိမ်ရှင်များ စိတ်ဝင်စားကြတော့မည်မဟုတ်။ ထိုကြောင့် ကျွန်ုပ်တို့၏ ဓမ္မအမှုဆောင်ခြင်းအရည်အသွေးကို တိုးတက်ရန်လိုအပ်ပေမည်။

^၄ ကျွန်ုပ်တို့လုပ်ငန်းတွင် ကျွမ်းကျင်ရန် အပြုသဘောနှင့် ဆက်ဟောပြောဖို့လိုသည်။ ၁၉၈၉ ဇူလိုင် ၁၅ ရက် ထုတ်ကင်းမျှော်စင်ပါ လက်တွေ့ကျအကြံပေးချက်များကို အသုံးပြုခြင်းဖြင့် များစွာအကူအညီဖြစ်မည်။ ဥပမာ၊ စာမျက်နှာ ၁၆ အပိုဒ် ၆ တွင် အသင် ပတ်စဉ်ပြန်လည်ပတ်နေရသော ရပ်ကွက်၌ ပြူပြူငှာငှာ မည်သို့နှူတ်ဆက်စကားပြောနိုင်ကြောင်း ပါသည်။ ယခင်အပတ်က သင့်အား “ကိုယ့်အသင်းတော်နဲ့ဘဲအလုပ်များနေတယ်။ ဝိညာဉ်ရေးလိုအပ်ရာများကိုလည်း အသင်းတော်က ဖြည့်စွက်ပေးပါတယ်” ဟုပြောခဲ့သူနှင့် မည်သို့စကားစနိုင်မည်အကြောင်း စာမျက်နှာ ၁၆၊ အပိုဒ် ၅ တွင်ပါသည်။

^၅ အခမဲ့ အိမ်တွင်းကျမ်းစာသင်အံမှု ကမ်းလှမ်း၍ သင့်ရပ်ကွက်တွင် သက်သေခံဖူးပါသလော။ အသင်းတော်နယ်အတွင်းရှိ စီးပွားရေးရပ်ကွက်တွင် အမှုဆောင်ပါသလော။ သင့်လျော်သည့်အချိန်တွင် လမ်းပေါ်လုပ်ငန်းပြုလုပ်နိုင်မည်လော။ ၁၉၈၉ ဇူလိုင် ၁၅ ရက်ထုတ် ကင်းမျှော်စင်ပါ အကြံပေးချက်ကောင်းများကို မပျက်မကွက်ပြန်သုံးသပ်ပါ။ ဤအကြံပေးချက်များကို ကျင့်သုံးခြင်းအားဖြင့် ဓမ္မအမှုဆောင်များအဖြစ် ကျွန်ုပ်တို့၏ထိရောက်မှုကို တိုးတက်စေရန် အကူအညီဖြစ်မည်။

^၆ ထိရောက်ခြင်းငှာ စေ့ငှဖို့လည်းလိုအပ်သည်။ (ဧ၊ ၆:၁၃) အိမ်တစ်အိမ်အတွင်း အိမ်ထောင်တစ်ဦးထက်မကရှိမရှိ ဂရုပြုပါ။ အချို့သူများ အောက်ထပ်အခန်း၊ ကားဂိုထောင်အပေါ်ခန်း၊ သို့မဟုတ် အိမ်ရှေ့တံခါးမှ မရောက်နိုင်သည့် အခန်းများတွင် နေထိုင်တတ်ကြသည်။ တံခါးလာဖွင့်ပေးလေ့မရှိသော သက်ကြီးရွယ်အို၊ အလုပ်သွားနေ၍ တွေ့ဆုံလေ့မရှိသော အိမ်သားများ၊ အစရှိသည့် လူအသီးသီးနှင့် တွေ့ဆုံရန်ကြိုးစားပါ။ အခြားအချိန်နာရီတွင် သွား၍ မိသားစုရှိ အခြားသူများနှင့် တွေ့ဆုံကောင်းတွေ့ဆုံပါမည်။ ညနေပိုင်းတွင် သက်သေခံထွက်ခြင်းအားဖြင့် ဤအခွင့်အရေးရကောင်းရမည်။

ကျွန်ုပ်တို့ပန်းတိုင် ဖြစ်ပါလေစေ

^၇ ဓမ္မအမှုတွင် တိုး၍ထိရောက်လာရန် ကျွန်ုပ်တို့အများ ပန်းတိုင်ထားနိုင်ကြသည်။ လှိုက်လှဲစွာဆုတောင်း၍ ကြိုတင်ပြင်ဆင်မှုရှိရန်လိုအပ်ပါသည်။ လယ်ကွင်းတွင် ကျွန်ုပ်တို့တိုး၍ထိရောက်လာသော် အခြားသူတစ်ဦးကိုလည်း ထပ်တူတိုးတက်ရန် အကူအညီပေးနိုင်ပေမည်။​—ဂလ၊ ၆:၆။

^၈ “ကြီးစွာသောဒုက္ခ” တွင် ကျွန်ုပ်တို့၏သွန်သင်ပေးခြင်းလုပ်ငန်း ရပ်စဲမည်မဟုတ်ကြောင်း သတိရပါ။ (မ၊ ၂၄:၂၁) ရှင်ပြန်ထမြောက်လာသူများ ယေဟောဝါ၏နည်းလမ်းတော်များ သိနားလည်လာရန် နှစ်ပေါင်းများစွာကူညီပေးရဦးမည်။ ကျွန်ုပ်တို့သင်ပြပေးသူများ ခရစ်တော်၏အုပ်ချုပ်မှုကို သစ္စာရှိရှိလက်အောက်ခံကြသည့်အခါ အနှစ်တစ်ထောင်ကာလတွင် ကျွန်ုပ်တို့ရွှင်လန်းမှု တိုးများလာပေမည်။ ဟောပြော၊ သွန်သင်ခြင်းလုပ်ငန်းတွင် ကျွန်ုပ်တို့၏ထိရောက်မှုကို တိုးတက်စေခြင်းအားဖြင့် ဓမ္မအမှု၌ များစွာအောင်မြင်မှုရရှိနိုင်မည်။ ထိုအခါ ယေဟောဝါဘုန်းတန်ခိုးတော် ချီးမွမ်းခြင်းဖြစ်မည်တကား။