နိုင်ငံတော်သတင်း နံပါတ် ၃၅ ကိုနှံ့နှံ့စပ်စပ်ဖြန့်ချိပါ

၁ အောက်တိုဘာနှင့်နိုဝင်ဘာသည် ကျွန်ုပ်တို့အားလုံးအတွက် အလုပ်များသောလများဖြစ်မည်။ အောက်တိုဘာလ၏ပထမပိုင်း ၁၁ ရက်တာကာလအတွင်း ကင်းမျှော်စင်နှင့် နိုးလော့!တစ်စောင်ချင်းစီကို ကျွန်ုပ်တို့ဝေငှကြမည်။ ထို့နောက် အောက်တိုဘာ ၁၂ ရက်၊ တနင်္ဂနွေနေ့မှ နိုဝင်ဘာ ၁၆ ရက်၊ တနင်္ဂနွေနေ့အထိ နိုင်ငံတော်သတင်း နံပါတ် ၃၅ ကိုကမ္ဘာအနှံ့ဖြန့်ချိရာတွင် ကျွန်ုပ်တို့ပါဝင်ကြမည်။ ကျွန်ုပ်တို့ဒေသရှိလူအားလုံးထံ အရေးကြီးသည့်သတင်းတစ်ခုကို ယူဆောင်သွားရခြင်းသည် ကျွန်ုပ်တို့အတွက် အခွင့်ထူးဖြစ်ပေမည်။ ၎င်းသတင်းသည် “လူခပ်သိမ်းတို့ တစ်ဦးကိုတစ်ဦးချစ်ခင်မည့်အချိန် ရောက်ပါဦးမည်လော” ဟူသည့်မေးခွန်း၏အဖြေဖြစ်သည်။ ဤအထူးကင်ပိန်းအတွင်း တနင်္လာမှ သောကြာနေ့များတွင် နိုင်ငံတော်သတင်း နံပါတ် ၃၅ ကိုဖြန့်ချိကြမည်။ သတ္တပတ်အဆုံးနေ့များတွင်မူ နိုင်ငံတော်သတင်း ကိုဝေငှသည့်အပြင် နောက်ဆုံးထုတ်မဂ္ဂဇင်းများကိုပါ ဝေငှကြမည်ဖြစ်သည်။

^၂ မည်သူတို့ပါဝင်ကြမည်နည်း။ ထုံးစံရှိသည်အတိုင်း အကြီးအကဲများသည် ဤလုပ်ငန်းတွင်ရှေ့တန်းမှပါဝင်ကြမည်ဖြစ်သည်။ ယောက်တိုင်းသည် နိုင်ငံတော်သတင်း ဖြန့်ချိရခြင်းကိုပျော်ကြပြီး ကြေညာသူများစွာတို့သည် ဤကင်ပိန်းအတွင်း တစ်လ သို့မဟုတ် နှစ်လစလုံးတွင် အရန်ရှေ့ဆောင်များအဖြစ်စာရင်းသွင်းကြမည်မှာ ယုံမှားဖွယ်မရှိချေ။ အခြားကြေညာသူများမူ ဓမ္မအမှုတွင် လုပ်ရိုးလုပ်စဉ်ထက် အချိန်ကိုပိုမိုအသုံးပြုလိုကြပေမည်။

^၃ သင့်တွင် အသိပညာစာအုပ်ဖြင့်လေ့လာ၍ပြီးခါနီးဖြစ်ပြီး မကြာမီ လယ်ကွင်းလုပ်ငန်းတွင်ပါဝင်ရန်အရည်အချင်းပြည့်မီမည့် ကျမ်းစာသင်သားတစ်ဦးရှိပါသလော။ သူသည် အချိန်မီပင် နိုင်ငံတော်သတင်းကင်ပိန်းတွင်ပါဝင်ရန် နှစ်ခြင်းမခံရသေးသောကြေညာသူတစ်ဦးဖြစ်လာနိုင်သည်။ ဝေစာဝေငှရန် ရိုးရိုးကလေးတင်ဆက်ဖို့သာလိုသည်။ ဥပမာ၊ ဤသို့ပြောနိုင်သည်– “ဒီသတင်းဟာ ဘယ်လောက်အရေးကြီးသလဲဆိုရင် ဘာသာစကား ၁၆၉ နဲ့ကမ္ဘာတစ်ဝန်းမှာ ဒီလဖြန့်ချိကြပါတယ်။ မိတ်ဆွေကို တစ်စောင်လောက်ယူထားစေချင်ပါတယ်။” ငယ်ရွယ်သောကလေးများပင် ဤစိတ်အားတက်စရာလုပ်ငန်းတွင် တစ်တပ်တစ်အားပါဝင်နိုင်သည်။

^၄ စာအုပ်ကြီးသင်တန်းမှူးများသည် မိမိတို့၏အုပ်စုတွင်တက်ရောက်သူတိုင်းကို နိုင်ငံတော်သတင်း နံပါတ် ၃၅ ကိုဖြန့်ချိရာတွင် အပြည့်အဝပါဝင်ကြရန် အားပေးသင့်သည်။ လုပ်ငန်းတော်တွင် မလှုပ်မရှားဖြစ်ခဲ့သော်လည်း လိုအပ်သည့်အားပေးတိုက်တွန်းမှုကို ရရှိပါက လုပ်ငန်းတော်တွင် ပြန်လည်လှုပ်ရှားလာမည့်ကြေညာသူများလည်းရှိပေမည်။ ဤဓမ္မအမှု၏ကဏ္ဍတွင်အတွေ့အကြုံရှိသောကြေညာသူများနှင့်အတူတွဲကာ သူတို့အား မည်သို့ကူညီပေးနိုင်မည်ကိုသိရှိရန် ဤကင်ပိန်းမတိုင်မီ အကြီးအကဲများသည် ၎င်းတို့တစ်ဦးစီထံ သွားရောက်လည်ပတ်သင့်သည်။

^၅ လုပ်ငန်းတော်အတွက် မည်သည့်အချိန်တွင်စည်းဝေးကြမည်နည်း။ ဤလုပ်ငန်းစဉ်အားလုံးက အဆင်ပြေပြီးလက်တွေ့ကျသည့် အုပ်စုလိုက်သက်သေခံခြင်းအစီအစဉ်များပြုလုပ်ဖို့ လိုအပ်စေသည်။ ဖြစ်နိုင်မည့်အခါတိုင်း လုပ်ငန်းအတွက်တွေ့ဆုံမှုများကို နေ့တိုင်းနှင့် ညနေပိုင်းများတွင် စီစဉ်သင့်သည်။ ကြေညာသူနှင့်ရှေ့ဆောင်များသည် သက်သေခံချိန်ကို အပြည့်အဝအသုံးချနိုင်မည့်အချိန်များတွင် ယင်းတို့ကိုကျင်းပသင့်သည်။ ကျောင်းသူကျောင်းသားများ၊ အဆိုင်းနှင့်လုပ်သောအလုပ်သမားများနှင့် အခြားသူများ၏အကျိုးအတွက် မွန်းလွဲနှောင်းပိုင်းအချိန်များတွင်လည်း တွေ့ဆုံရန်အစီအစဉ်များ ပြုလုပ်နိုင်သည်။ လုပ်ငန်းတော်ကြီးကြပ်မှူးသည် လုပ်ငန်းတွင် ယောက်တိုင်းအပြည့်အဝပါဝင်နိုင်စေရန် တစ်အိမ်မှတစ်အိမ်နှင့် စီးပွားရေးရပ်ကွက်အလုံအလောက်ရှိစေရန် သေချာသင့်သည်။ နယ်မြေတစ်ခုတွင် ကြေညာသူများစွာရှိသောအခါ ပေးထားသည့်ရပ်ကွက်၏အပိုင်းတစ်ခုတွင် ဘယ်နှစ်ယောက်လုပ်ရမည်ကို ချင့်ချိန်တိုင်းဆသင့်သည်။

^၆ လူမရှိသည့်အိမ်များနှင့်ပတ်သက်၍ကော အသို့နည်း။ သူတို့သည် နိုင်ငံတော်သတင်း နံပါတ် ၃၅ ကိုအဘယ်ကြောင့်ဖတ်သင့်ကြောင်း ရှင်းပြရန် အိမ်ရှင်များနိုင်သလောက်များများကို ကျွန်ုပ်တို့ကိုယ်တိုင်ကိုယ်ကျစကားပြောလိုကြသည်။ ထို့ကြောင့် သင်သွားသောအခါ အိမ်တွင် မည်သူမျှမရှိပါက လိပ်စာကိုရေးမှတ်ထားပြီး အခြားအချိန်တစ်ချိန်တွင် ပြန်သွားပါ။ ကင်ပိန်း၏နောက်ဆုံးအပတ်အထိ ဤအိမ်ရှင်များနှင့်တွေ့ရန်သင့်ကြိုးစားအားထုတ်မှုသည် မအောင်မြင်ဘဲရှိနေသေးပါက လမ်းသွားလမ်းလာများမမြင်ရမည့်နေရာတစ်နေရာ တံခါးဝ၌ နိုင်ငံတော်သတင်း တစ်စောင်ကိုထားခဲ့မည်။ လူနေရပ်ကွက်များတွင် လမ်းသွားလမ်းလာများကို နိုင်ငံတော်သတင်း ဝေငှရန် နိုးကြားပါ။ ကျေးလက်ဒေသများတွင်လုပ်ဆောင်သောအခါနှင့် ကင်ပိန်းအတွင်း ပြီးနိုင်သည်ထက် ရပ်ကွက်များနေသောအခါ ပထမဆုံးသွားရောက်ချိန်တွင် လူမရှိသည့်အိမ်များ၌ နိုင်ငံတော်သတင်း တစ်စောင်ကိုထားခဲ့ပေမည်။

^၇ ကျွန်ုပ်တို့၏ဦးတည်ချက်ကားအဘယ်နည်း။ အသင်းတော်များသည် နိုဝင်ဘာ ၁၆ ရက်တွင် ကင်ပိန်းမပြီးဆုံးမီ မိမိတို့၏ရပ်ကွက်အားလုံးကိုပြီးရန် နိုင်ငံတော်သတင်း စောင်ရေအားလုံးကိုအသုံးပြုရန်ကြိုးစားသင့်သည်။ သင့်အသင်းတော်လုပ်ဆောင်ရမည့်ရပ်ကွက်သည် အတော်ကြီးမားမည်၊ အဖော်နှင့်လုပ်မည့်အစား သင်တစ်ဦးတည်းလုပ်ရန် လုံခြုံမှုရှိမည်ဆိုပါက ထိုသို့လုပ်ဆောင်ခြင်းသည် လက်တွေ့ကျကြောင်း သင်တွေ့ရပေမည်။ ယင်းက သတင်းကောင်းကို ထိုက်တန်သူများများထံ ရောက်နိုင်စေမည်ဖြစ်သည်။ (မ. ၁၀:၁၁) လက်ဆွဲအိတ်ကိုသုံးမည့်အစား သင့်လက်ထဲတွင် ဝေစာအနည်းငယ်ကိုကိုင်ထားပြီး ကျမ်းစာအုပ်ကို သင့်အိတ်ကပ် သို့မဟုတ် ပိုက်ဆံအိတ်ထဲတွင် ထည့်ထားခြင်းက အကျိုးဖြစ်ထွန်းစေမည်ဖြစ်သည်။ စိတ်ဝင်စားမှုတွေ့ရသောအခါ မှတ်တမ်းကောင်းကောင်းထားဖို့သေချာစေပါ။

^၈ စတင်လုပ်ဆောင်ရန် သင်အသင့်ရှိပြီလော။ အသင်းတော်သည် မဂ္ဂဇင်းမည်မျှထပ်လိုမည်ကို အကြီးအကဲများ ကြိုတင်တွက်ဆထားသင့်ပြီး လိုအပ်သလောက်မှာယူသင့်သည်။ နိုင်ငံတော်သတင်း နံပါတ် ၃၅ ကိုမူ အသင်းတော်တိုင်းထံ ပို့ထားပြီဖြစ်သောကြောင့် မှာယူရန်မလိုပါ။ အထူး၊ မှန်မှန်နှင့် အရန်ရှေ့ဆောင်များသည် ဖြန့်ချိရန် တစ်ဦးလျှင် ၂၅၀ စီရရှိမည်ဖြစ်ပြီး အသင်းတော်ကြေညာသူများမူ တစ်ဦးလျှင် ၅၀ စီခွဲတမ်းရရှိမည်ဖြစ်သည်။ ကျွန်ုပ်တို့အတွက် လုပ်ငန်းကို စီမံခန့်ခွဲထားပြီဖြစ်သည်။ သင်သည် အလွန်အားရဖွယ်ဤလုပ်ငန်းတွင် ပါဝင်လိုစိတ်ပြင်းပြသလော။ သင် ထိုသို့ဖြစ်မည်မှာသေချာသည်။ နိုင်ငံတော်သတင်း နံပါတ် ၃၅ တွင်ပါသည့် အရေးပါသောကျမ်းစာအခြေပြုသတင်းတရားကို အနှံ့စပ်ဆုံးဖြန့်ချိကြစို့။