“လွတ်လပ်မှု ချစ်မြတ်နိုးသူများ”—ခရိုင်စည်းဝေးပွဲကို တက်ရောက်ကြလေ

ကျမ်းစာသွန်သင်ချက်ရရှိနိုင်မည့် အကျိုးပေးသည့်သုံးရက် သင့်အတွက်စောင့်နေသည်။ တေးသံသာဖြင့် စည်းဝေးပွဲစတင်သည့် သောကြာနေ့နံနက် ၈:၂၀ အချိန်တွင်ရောက်ရှိနေပါ။ နိဒါန်းဟောပြောချက် “လွတ်လပ်စေသော စုံလင်သည့်ပညတ်၌ အဘယ်ကြောင့်စေ့စေ့ကြည့်သင့်” နှင့်နံနက်ပိုင်းအစီစဉ်၏နိဂုံးချုပ်ပိုင်း အဓိကဟောပြောချက် “ကျွန်ုပ်တို့ ဘုရားပေးလွတ်လပ်ခြင်း၏ရည်ရွယ်ချက်နှင့် အသုံးချပုံ” ကိုနားဆင်ပါ။

သောကြာနေ့မွန်းလွဲပိုင်းတွင် ဘုရားသခင့်ဓမ္မအမှုဆောင်များအနေနှင့် မိမိတို့တာဝန်ကို ခရစ်ယာန်များထမ်းဆောင်ကြရန် ဩဝါဒပေးမည်။ “အလုပ်များနေ—အလုပ်သေများတွင်လော၊ ယေဟောဝါ၏လုပ်ငန်းတွင်လော” နှင့် “လွတ်လပ်သောလူမျိုးဖြစ်သော်လည်း စာရင်းရှင်းရန်ရှိ” အဓိကခေါင်းစဉ်ပါ ဟောပြောချက်နှစ်ခုတွင် ယင်းကိုအသေးစိတ်တင်ပြပြောဆိုမည်။ မိမိလွတ်လပ်ခွင့်ကို ယေဟောဝါအမှုတော်ထမ်းရေးအတွက်အသုံးပြုရန်အားပေးချက်ကို ဝတ်စုံအပြည့်အစုံနှင့်ပြဇာတ်တွင် တွေ့ရှိကြားနာရမည်။ ဘုရားသခင်၏ဗိမာန်တော်ကိုမွမ်းမံတင့်တယ်စေရန် ဘီစီအီး ၄၆၈ ခုနှစ်တွင် ဗာဗုလုန်မှယေရုရှလင်သို့ပြန်သွားခဲ့သော ဧဇရနှင့်သူ၏အပေါင်းအပါများအတွေ့အကြုံများမှ ထုတ်ယူသရုပ်ဆောင်မည်။

စနေနေ့နံနက်ပိုင်းအစီအစဉ်တွင် သုံးခန်းဆက်ဟောပြောချက် “မိသားစုအသိုင်းအဝိုင်းတွင် တာဝန်ဝတ္တရားနှင့်အတူလွတ်လပ်ခြင်း” ကိုကြားနာရကြမည်။ “ယေဟောဝါအမှုတော်ထမ်းရွက်ရန် သင့်ကိုယ်ကိုလွတ်လပ်စေခြင်း” ဟူသည့် ကိုယ်ကိုယ်ကိုသုံးသပ်စေသည့်ဟောပြောချက်ကြားပြီးနောက် ခရစ်ယာန်ဆက်ကပ်အပ်နှံနှစ်ခြင်းအကြောင်းဟောပြောမည်။ မွန်းလွဲပိုင်းတွင် “အိမ်ထောင်မင်္ဂလာသည် ပျော်ရွှင်ရာသို့သော့ချက်လော” အကြောင်းကို လူအများကြားနာရန် စောင့်မျှော်နေကြလိမ့်မည်။ လွတ်လပ်ခွင့်ကိုမြတ်နိုးသူများ အမှန်ပင်ဝမ်းသာအားရဖြစ်မည့် ပေါ်လွင်ချက်တစ်ခုဖြင့် ထိုနေ့အစီစဉ်နိဂုံးချုပ်လိမ့်မည်။

သုံးခန်းဆက်ဟောပြောချက် “လူကိုဖမ်းသောတံငါများအဖြစ် ထမ်းဆောင်ခြင်း” ကိုကြားနာရရန် တနင်္ဂနွေနေ့နံနက်တွင် သင်ရှိနေလိုပေမည်။ ယင်းကား ယေရှု၏ပိုက်ကွန်နှင့်ငါးပုံဥပမာကိုဆွေးနွေးတင်ပြလိမ့်မည်။ ယင်း၏ပြည့်စုံချက်တွင် ကျွန်ုပ်တို့မည်သို့ပါဝင်နိုင်ကြောင်း သုံးသပ်နိုင်ကြပေမည်။ အရေးကြီးဟောပြောချက်များဖြစ်သည့် “‘နောက်ဆုံးကာလ’ တွင်နိုးကြားလျက်နေခြင်း” နှင့် “‘ဒုက္ခကာလ’ ကိုမည်သူလွတ်မြောက်မည်နည်း” တို့ဖြင့် နံနက်အစီအစဉ်နိဂုံးချုပ်ပါလိမ့်မည်။ ထိုနောက် မွန်းလွဲပိုင်းတွင် လူထုဟောပြောချက် “လွတ်လပ်သောဘုရားသခင့်ကမ္ဘာသစ်ကိုကြွေးကြော်ခြင်း” ကိုမကြားနာမိဘဲမဖြစ်စေပါနှင့်။ စိတ်လှုပ်ရှားဖွယ်ဟောပြောချက်တစ်ခုမတိုင်မီ ထိုအပတ်အတွက်ကင်းမျှော်စင် သင်တန်းကို ဆွေးနွေးတင်ပြပါလိမ့်မည်။ လေ့လာမည့်မဂ္ဂဇင်းကို ယူဆောင်လာခဲ့ကြပါ။

အောက်တိုဘာ၊ နိုဝင်ဘာ၊ ဒီဇင်ဘာလများတွင် စည်းဝေးပွဲကြီးကျင်းပရန်စီစဉ်ထားပါသည်။ သင်နှင့်အနီးဆုံးနေရာတွင်ကျင်းပမည့်စည်းဝေးပွဲ ကျင်းပရာအရပ်နှင့်အချိန်ကိုသိရှိရန် ဒေသခံယေဟောဝါသက်သေများထံ စုံစမ်းပါ။