ဦးဆောင်နေသောကြီးကြပ်မှူးများ—ကင်းမျှော်စင်သင်တန်းမှူး

^၁ ယေဟောဝါ၏နိုင်ငံတော်ကိုကြေညာသည့် ကင်းမျှော်စင်သည် ကျွန်ုပ်တို့အတွက် ‘အချိန်တန်လျှင်’ ဝိညာဉ်အစာကိုစီမံပေးရန် “သစ္စာနှင့်သတိပညာရှိသောကျွန်” ၏အဓိကပြင်ဆင်ပေးမှုဖြစ်သည်။ (မ. ၂၄:၄၅၊ သမ) ကင်းမျှော်စင်သင်တန်းကိုင်သောအကြီးအကဲသည် ခရစ်ယာန်အသက်တာတွင် ပုံသက်သေကောင်းပြသော အရည်အချင်းရှိသွန်သင်ပေးသူတစ်ဦးအနေဖြင့် အရေးပါသောတာဝန်ရှိသည်။—ရော. ၁၂:၇; ယာ. ၃:၁။

^၂ ထိရောက်စွာသင်ကြားနိုင်ရန် ကင်းမျှော်စင်သင်တန်းမှူးသည် ပတ်စဉ်ကြိုတင်ပြင်ဆင်ခြင်းတွင် အမှန်ပင် ကြိုးစားအားထုတ်ရမည်။ သူသည် ယင်းကို ဆုတောင်း၍ အသေအချာပြုလုပ်သည်။ အသင်းတော်တွင် သူ၏ပြင်းပြသောစိတ်ဝင်စားမှုသည် လေ့လာနေသောအကြောင်းအရာကို ကျွန်ုပ်တို့၏နှလုံးသို့ရောက်ရှိရန် အမှန်တကယ်ကြိုးစားခြင်းတွင် ထင်ဟပ်သည်။ သူသည် သင်ခန်းစာ၏အဓိကအချက်များကို အာရုံစိုက်ပြီး ယင်းတို့သည် ဆောင်းပါး၏အဓိကအကြောင်းအရာနှင့် မည်သို့ဆက်နွှယ်သည်ကိုသိမြင်ရန် ကျွန်ုပ်တို့ကိုကူညီပေးသည်။

^၃ သူ၏အပိုင်းမှ စေ့စေ့စပ်စပ်ပြင်ဆင်ခြင်းတွင် ကျမ်းချက်များ၏သက်ဆိုင်ပုံကိုသိရှိရန် ယင်းတို့ကို ကြိုတင်ဖတ်ထားခြင်းပါဝင်သည်။ သူသည် လေ့လာနေစဉ်အတွင်း ကျမ်းစာကို ကောင်းစွာအသုံးပြုရန် အသင်းတော်ကိုအားပေးခြင်းဖြင့် ဘုရားသခင့်နှုတ်ကပါဌ်တော်ကို အဓိကထား၏။ အသင်းတော်မှပေးသည့်အဖြေများတွင် အရေးကြီးသည့်အချက်တစ်ချက်ကို မငုံမိသည့်အခါ သို့မဟုတ် အဓိကကျမ်းချက်၏သက်ဆိုင်ပုံကို သတိမမူမိသည့်အခါ သူသည် အချက်အလက်များကို နှိုက်ထုတ်ရန် သတ်သတ်မှတ်မှတ်ထပ်ဆင့်မေးခွန်းတစ်ခုကို မေးသည်။ ဤနည်းဖြင့် သူသည် မှန်ကန်သောကောက်ချက်များချရန်နှင့် ကျွန်ုပ်တို့သိရှိရာများကို အသက်တာတွင် မည်သို့ကျင့်သုံးရမည်ကိုသိရှိရန် အကူအညီပေးသည်။

^၄ ကင်းမျှော်စင်သင်တန်းမှူးသည် သူ၏သွန်သင်ခြင်းစွမ်းရည်တိုးတက်ရန် အဆင့်ဆင့်ကြိုးစားသည်။ သူသည် စကားများများမပြောဘဲ ကိုယ်ပိုင်စကားဖြင့် တိုတိုတုတ်တုတ်၊ အချက်ကျကျဖြေရန် ကျွန်ုပ်တို့ကိုအားပေးသည်။ သူသည် အခါအားလျော်စွာ အပိုဒ်နှင့်စပ်လျဉ်း၍ ဦးဆုံးပေးသည့်အဖြေသည် တိုတုတ်ပြီး ပုံနှိပ်မေးခွန်း၏တိုက်ရိုက်အဖြေ ဖြစ်သင့်ကြောင်း ကျွန်ုပ်တို့ကိုနှိုးဆော်ပေမည်။ ပရိသတ်မှထပ်ဆင့်ပေးသောအဖြေများသည် ကျမ်းချက်သက်ဆိုင်ပုံ၊ ထောက်ခံသောအချေအတင်ပြောဆိုချက်များ သို့မဟုတ် အကြောင်းအရာကို လက်တွေ့ကျင့်သုံးမှုအပေါ် အာရုံစိုက်ပေမည်။ ကင်းမျှော်စင်သင်တန်းမှူးသည် တစ်ဦးစီနှင့် မိသားစုလိုက်ပြင်ဆင်ခြင်းကို ထောက်ခံအားပေးခြင်းဖြင့် တစ်ဦးစီ၏ပါဝင်လိုသောဆန္ဒကို လှုံ့ဆော်ပေးရန် လုပ်ဆောင်သည်။

^၅ “ယေဟောဝါ၏သွန်သင်တော်မူခြင်းခံရသူများ” အနေနှင့် ကျွန်ုပ်တို့သည် “သွန်သင်ခြင်းအမှု၌ ကြိုးစားအားထုတ်” သည့်ကင်းမျှော်စင်သင်တန်းမှူးများကဲ့သို့သော “လူတို့တွင်ဆုလာဘ်များ” ကိုတန်ဖိုးထားကြပါသည်။—ဟေရှာ. ၅၄:၁၃၊ ကဘ; ဧ. ၄:၈၊ ၁၁၊ ကဘ; ၁ တိ. ၅:၁၇၊ ကဘ။