လူတို့ကိုကူညီရန် နည်းလမ်းတစ်ရပ်

စစ်မှန်သောခရစ်ယာန်များသည် သတင်းကောင်းပျံ့နှံ့စေသည့်လူထုရှေ့ဓမ္မအမှုတွင် ပါဝင်ကြသည်။ (ဖိ. ၂:၁၇၊ ကဘ) ယင်းကိုအထမြောက်စေရန်နည်းလမ်းတစ်ရပ်အနေနှင့် အခြေခံကျသော ဘရိုရှာ၊ ဝေစာနှင့် ဆောင်းပါးအချို့ကို ဘာသာစကား၂၀ ဖြင့် အင်တာနက် www.watchtower.org တွင် ဖော်ပြခဲ့ပြီဖြစ်သည်။ ယေဟောဝါသက်သေများထံ နောက်ဆုံးထုတ်စာအုပ်စာပေများဝေငှရန် ဤဝက်ဘ်ဆိုက်ကို စီစဉ်ထားခြင်းမဟုတ်ချေ။ ၎င်း၏ရည်ရွယ်ချက်မှာ ကျမ်းစာကို အခြေပြု၍ ယေဟောဝါသက်သေများ သွန်သင်ပေးသည့်အရာနှင့်စပ်လျဉ်းသည့် တိကျသောအချက်အလက်များ လူအများထုရရှိနိုင်စေရန်ဖြစ်သည်။

မကြာသေးမီကကျွန်ုပ်တို့၏တရားဝင် ဝက်ဘ်ဆိုက်တွင် အရေးပါသောအရာတစ်ခုကို ထပ်ထည့်ခဲ့သည်။ ၎င်းမှာ ဘာသာစကား ၂၂၀ ကျော်ဖြင့် ကျွန်ုပ်တို့ထံမှ ဘုရားသခင် အဘယ်အရာတောင်းဆိုတော်မူသနည်းဘရိုရှာဖြစ်သည်။ ထို့ပြင် ဘာသာစကားအားလုံးဖြင့် ၂၀၀၄၊ ဇန်နဝါရီ ၁ ရက်နှင့် ဇန်နဝါရီ ၈ ရက်ထုတ် ကင်းမျှော်စင်၊ နိုးလော့!မှအစပြု၍ နောက်ကျောစာမျက်နှာတွင် ကျွန်ုပ်တို့၏ဝက်ဘ်ဆိုက်လိပ်စာကို ဖော်ပြခဲ့သည်။

ဤကိရိယာကို သင် မည်သို့အသုံးပြုနိုင်သနည်း။ စိတ်ဝင်စားမှုရှိသော်လည်း အခြားဘာသာစကားတစ်ခုတည်းကိုသာ နားလည်ပုံပေါက်သည့် လူတစ်ဦးနှင့် သင် တွေ့ကောင်းတွေ့ပေမည်။ ထိုသူသည် အင်တာနက်ကို အသုံးပြုနိုင်လျှင် ကင်းမျှော်စင် သို့မဟုတ် နိုးလော့!၏ နောက်ကျောစာမျက်နှာပေါ်ရှိ ဝက်ဘ်ဆိုက်လိပ်စာကို သင် ညွှန်ပြနိုင်သည်။ ဤသို့အားဖြင့် သင်သည် ထိုသူ၏ဘာသာစကား စာအုပ်စာတမ်းများဖြင့် ပြန်မသွားနိုင်မီအထိ ထိုသူသည် သူ၏မိခင်ဘာသာစကားဖြင့် တောင်းဆိုဘရိုရှာကို စူးစမ်းနိုင်ပေမည်။ သို့မဟုတ် သင်သည် သူ၏ဘာသာစကားကိုပြောသည့် အသင်းတော် သို့မဟုတ် အုပ်စုအား သူ့ထံလည်ပတ်ပေးရန် ညွှန်ပေးနိုင်သည်။