‘ဘုရားသခင်၏နာမတော်သည် သန့်ရှင်းမြင့်မြတ်ခြင်း ရှိပါစေ’

၁။ ၂၀၁၂ လုပ်ငန်းတော်နှစ်၊ တိုက်နယ်စည်းဝေးပွဲအစီအစဉ်ရဲ့ အဓိကအကြောင်းအရာက ဘာလဲ။ ဘယ်အရာအပေါ် အခြေပြုထားတာလဲ။

^၁ စကြဝဠာပိုင်သအုပ်စိုးရှင် ယေဟောဝါရဲ့ သက်သေဖြစ်ခွင့်ရတာ အခွင့်ထူးကြီးပါပဲ။ တကယ်တော့ ဘုရားသခင်ကိုယ်တိုင် သူ့ရဲ့နာမည်ကို ခံယူခွင့်ပေးထားတာ ဖြစ်ပါတယ်။ အထူးသဖြင့် ကျွန်ုပ်တို့ဟာ ၁၉၃၁ ခုနှစ်ကတည်းကစပြီး ယေဟောဝါသက်သေတွေအဖြစ် ဘုရားသခင်ရဲ့ ထူးခြားတဲ့နာမည်နဲ့အတူ ခွဲခြားသတ်မှတ်ခံခဲ့ရပါတယ်။ (ဟေရှာ. ၄၃:၁၀) ဘုရားသခင်ရဲ့ တစ်ပါးတည်းသောသားတော် ယေရှုဟာ ဘုရားသခင့်နာမည်ကို အလွန် ရိုသေလေးမြတ်ခဲ့တဲ့အတွက် သူ့ရဲ့နောက်လိုက်တွေကို သင်ပေးခဲ့တဲ့ ဆုတောင်းချက်ထဲမှာ ဘုရားသခင့်နာမည်ကို ရှေ့ဆုံးမှာ ထားခဲ့ပါတယ်။ (မ. ၆:၉) ၂၀၁၂ လုပ်ငန်းတော်နှစ်၊ တိုက်နယ်စည်းဝေးပွဲအစီအစဉ်ရဲ့ အဓိကအကြောင်းအရာက “ဘုရားသခင့်နာမတော် သန့်ရှင်းမြင့်မြတ်ခြင်းရှိပါစေ” ဖြစ်ပြီး ယေရှုရဲ့ ဆုတောင်းစကားအပေါ် အခြေပြုထားပါတယ်။

၂။ ဘာအကြောင်းတွေကို ကျွန်ုပ်တို့ ကြားနာရမလဲ။

^၂ ကြားနာရမယ့်အရာ– “အချိန်ပြည့်အမှုဆောင်တွေအနေနဲ့ ဘုရားသခင့်နာမည်ကို ကြားသိစေပါ” ဆိုတဲ့ စနေနေ့ဟောပြောချက်မှာ အချိန်ပြည့်အမှုဆောင်လုပ်ငန်းက ကျေနပ်မှုရစေတဲ့ ဘဝလမ်းစဉ် ဘာကြောင့်ဖြစ်တယ်ဆိုတာကို ဆွေးနွေးသွားမှာဖြစ်တယ်။ “ယေဟောဝါရဲ့နာမည်ကို ရှုတ်ချစရာမဖြစ်အောင် သတိထားပါ” ဆိုတဲ့ အခန်းဆက်ဟောပြောချက်ကိုလည်း ကြားနာရမှာဖြစ်ပါတယ်။ အဲဒီဟောပြောချက်တွေက ကြုံတွေ့နိုင်တဲ့ ထောင်ချောက်လေးခုကို ရှောင်နိုင်အောင် ကူညီပေးသွားမှာဖြစ်ပါတယ်။ လူတွေ စိတ်ဝင်စားပုံမပြတဲ့ အချိန်တွေမှာ ဇွဲရှိရှိ ဟောပြောဖို့နဲ့ အဓိပ္ပာယ်ရှိရှိ အမှုဆောင်နိုင်ဖို့ ဘာက ကူညီပေးမလဲဆိုတဲ့ မေးခွန်းတွေကို “ဘုရားသခင့်နာမည်ကို ဘာကြောင့် သန့်ရှင်းမြင့်မြတ်စေရ” ဟောပြောချက်မှာ အဖြေပေးပါလိမ့်မယ်။ ကျွန်ုပ်တို့ရဲ့ အတွေးအခေါ်၊ အပြောအဆို၊ ဆုံးဖြတ်ချက်နဲ့ အမူအကျင့်တွေအားဖြင့် ဘုရားသခင့်နာမည်ကို ဘယ်လို သန့်ရှင်းမြင့်မြတ်စေနိုင်တယ်ဆိုတာကို တနင်္ဂနွေနေ့ရဲ့ အပိုင်းလေးပိုင်းပါတဲ့ အခန်းဆက်ဟောပြောချက်မှာ ကြားနာရပါလိမ့်မယ်။ “အာမဂေဒုန်မှာ မိမိရဲ့နာမည်ကို ယေဟောဝါ သန့်ရှင်းမြင့်မြတ်စေမယ်” ဆိုတဲ့ လူထုဟောပြောချက်ကို လူသစ်တွေ အထူးနှစ်သက်ပါလိမ့်မယ်။

၃။ ဘယ်အခွင့်ထူးကို ကျွန်ုပ်တို့ ရရှိထားကြသလဲ။ တိုက်နယ်စည်းဝေးပွဲက ကျွန်ုပ်တို့ကို ဘယ်လိုကူညီပေးမလဲ။

^၃ မကြာခင်မှာ မိမိရဲ့နာမည်ကို သန့်ရှင်းမြင့်မြတ်စေဖို့ ယေဟောဝါ လုပ်ဆောင်ပါတော့မယ်။ (ယေဇ. ၃၆:၂၃) ယေဟောဝါက အကြွင်းမဲ့ပိုင်သအုပ်စိုးရှင်ဖြစ်တယ်၊ မေတ္တာရှင်ဖြစ်တယ်ဆိုတာကို ကျွန်ုပ်တို့ရဲ့အပြုအမူ၊ အပြောအဆိုတွေနဲ့ ထောက်ခံရတဲ့ အခွင့်ထူးကို ဒီအချိန်မှာ ကျွန်ုပ်တို့ ရရှိထားကြပါတယ်။ ဘုရားသခင့်နာမည် ခံယူထားသူတွေအနေနဲ့ ကျွန်ုပ်တို့ရဲ့ ကြီးလေးတဲ့တာဝန်ကို ကျေပွန်အောင် ထမ်းဆောင်နိုင်ဖို့ တစ်ဦးစီကို ဒီတိုက်နယ်စည်းဝေးပွဲက ကူညီပေးမယ်ဆိုတာ ကျွန်ုပ်တို့ ယုံကြည်စိတ်ချကြပါတယ်။