နမူနာတင်ဆက်နည်းများ
စက်တင်ဘာလရဲ့ ပထမဆုံး စနေ ဒါမှမဟုတ် တနင်္ဂနွေမှာ ကျမ်းစာသင်အံမှုစဖို့ အခုလိုပြောနိုင်တယ်
“မင်္ဂလာပါ။ အိမ်ထောင်ရေး သာယာနိုင်ဖို့ ယုံကြည်စိတ်ချရတဲ့ အကြံပြုချက်ကောင်းတွေကို ပြောပြဖို့ ကျွန်တော်တို့ ရောက်လာတာပါ။ အိမ်ထောင်သာယာဖို့ အကြီးမားဆုံး အခက်အခဲက ဘာဖြစ်မလဲလို့ မိတ်ဆွေ ထင်သလဲ။” [တုံ့ပြန်မှုကိုစောင့်ပါ။] စက်တင်ဘာ ၁ ရက်ထုတ် ကင်းမျှော်စင်ရဲ့ နောက်ကျော အဖုံးကို ပြပါ။ ပထမဆုံးမေးခွန်းရဲ့ အောက်က အကြောင်းအရာနဲ့ အနည်းဆုံး ညွှန်းထားတဲ့ကျမ်းချက်တစ်ချက်ကို အတူတူ သုံးသပ်ပါ။ မဂ္ဂဇင်းကို ဝေငှပြီး နောက်မေးခွန်းတစ်ခု ဆွေးနွေးနိုင်အောင် ပြန်လည်ပတ်ဖို့ စီစဉ်ပါ။
ကင်းမျှော်စင် စက်တင်ဘာ
“ဆင်းရဲဒုက္ခတွေကို ဘုရားသခင် ဘာကြောင့် ဒီလောက်တောင် ဖြစ်ခွင့်ပြုထားတာလဲဆိုတာ လူတွေ သိချင်ကြတယ်။ မိတ်ဆွေကော မသိချင်ဘူးလား။ [တုံ့ပြန်မှုကို စောင့်ပါ။] မကြာခင်မှာ ဝမ်းနည်းကြေကွဲမှုတွေနဲ့ နာကျင်မှုတွေ ပျောက်ကွယ်သွားတော့မယ်လို့ ကျမ်းစာမှာ ကတိပြုထားတာရှိတယ်။ [ဗျာဒိတ် ၂၁:၄ ကိုဖတ်ပါ။] ဆင်းရဲဒုက္ခတွေ ဘာကြောင့် ဒီလောက်များနေရသလဲဆိုတဲ့ အကြောင်းရင်းငါးချက်ကို ဒီမဂ္ဂဇင်းမှာ ဖော်ပြထားပါတယ်။ ဒါ့အပြင် ဆင်းရဲဒုက္ခတွေ ပပျောက်အောင် ဘုရားသခင် ဘယ်လိုလုပ်ပေးမလဲဆိုတာကိုလည်း ဖော်ပြထားတယ်။”
နိုးလော့! စက်တင်ဘာ
“ဇနီးမောင်နှံအများစုဟာ အချင်းချင်း ခွင့်လွှတ်ဖို့ အခက်တွေ့နေတာ ဘာကြောင့်ဖြစ်မလဲလို့ မိတ်ဆွေထင်သလဲ။ [တုံ့ပြန်မှုကို စောင့်ပါ။] ခွင့်လွှတ်မှုရဲ့ အကျိုးကျေးဇူးကို လေ့လာကြည့်ပါ။ [ကောလောသဲ ၃:၁၃ ကိုဖတ်ပါ။] ဇနီးမောင်နှံတွေ အချင်းချင်း ခွင့်လွှတ်ဖို့ ဘာလုပ်ရမလဲဆိုတဲ့ အချက်တွေကို ဒီမဂ္ဂဇင်းမှာ ဖော်ပြပေးထားပါတယ်။”