မတ်လ ၂၂ ရက်နေ့မှာ စတင်မယ့် အောက်မေ့ရာပွဲ ဖိတ်စာကင်ပိန်း

ဒီနှစ် အောက်မေ့ရာပွဲ ဖိတ်စာဝေငှတဲ့ကင်ပိန်းကို မတ်လ ၂၂ ရက်နေ့မှာ စတင်မှာဖြစ်တယ်။ အားလုံး အပြည့်အဝပါဝင်ကြပါ။ စနေ၊ တနင်္ဂနွေနေ့တွေမှာ သင့်တော်မယ်ဆိုရင် မဂ္ဂဇင်းတွေကိုလည်း ဝေငှနိုင်ပါတယ်။ ဧပြီလရဲ့ ပထမဆုံး စနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစတင်ဖို့ လုပ်ဆောင်မယ့်အစား ဖိတ်စာဝေငှခြင်းကိုပဲ အလေးပေးလုပ်ဆောင်သွားမှာ ဖြစ်ပါတယ်။ ဒါပေမဲ့ တစ်ယောက်ယောက်က တော်တော်လေးစိတ်ဝင်စားတယ်ဆိုရင်တော့ ကျမ်းစာသင်အံမှုစတင်ဖို့ ကြိုးစားကြည့်နိုင်ပါတယ်။ သင်တို့အသင်းတော်မှာ လူအများရှေ့သက်သေခံခြင်း လုပ်တယ်ဆိုရင် ရပ်ကွက်ကို အချိန်မီပြီးစီးဖို့၊ လူများများဖိတ်စာရနိုင်ဖို့ ဖိတ်စာတွေကို ထားပေးတာက အထောက်အကူပြု၊ မပြုဆိုတာကို လုပ်ငန်းတော်ကြီးကြပ်မှူးက ဆုံးဖြတ်နိုင်ပါတယ်။ ကိုယ်ဖိတ်ချင်တဲ့ ဆွေမျိုးတွေ၊ အလုပ်ဖော်တွေ၊ ကျောင်းနေဖက်တွေ၊ ပြန်လည်ပတ်မှုတွေနဲ့ တခြားအသိမိတ်ဆွေတွေကို ဖိတ်စာပေးဖို့ အခုကတည်းက စာရင်းပြုစုထားပြီး ကင်ပိန်းစတာနဲ့တစ်ပြိုင်နက် သူတို့ကို ဖိတ်စာပေးပါ။ ဘုရားသခင်နဲ့ ယေရှုခရစ်တင်ပြခဲ့တဲ့ အကြီးမြတ်ဆုံးမေတ္တာကို သတိရစေတဲ့ ဒီပွဲကိုကျင်းပတဲ့အခါ လူများစွာလည်း ကျွန်ုပ်တို့နဲ့အတူပါဝင်ဖို့ မျှော်လင့်ပါတယ်။​—ယော. ၃:၁၆; ၁၅:၁၃။