နမူနာတင်ဆက်နည်းများ

အောက်မေ့ရာပွဲဖိတ်စာ ကင်ပိန်းအတွက်

“အရမ်းအရေးကြီးတဲ့ပွဲတစ်ခုအတွက် ကျွန်တော်တို့ ဖိတ်စာဝေနေပါတယ်။ ဧပြီ ၁၄ ရက်နေ့မှာ ကမ္ဘာတစ်ဝန်းက သန်းနဲ့ချီတဲ့သူတွေဟာ ယေရှုခရစ်ရဲ့သေခြင်းကို သတိရအောက်မေ့ဖို့ စုဝေးကြမှာဖြစ်တယ်။ အဲဒီမှာ ယေရှုရဲ့သေခြင်းကနေ ကျွန်တော်တို့ ဘာအကျိုးခံစားရသလဲဆိုတာ ကျမ်းစာကို အခြေခံတဲ့ဟောပြောချက်တစ်ခု ကြားရမှာဖြစ်တယ်။ ဒီဖိတ်စာမှာ ကျင်းပမယ့်နေရာနဲ့ အချိန်ကို ဖော်ပြထားပါတယ်။”

ကင်းမျှော်စင် ဧပြီ ၁

“လူတွေလုပ်နေကျအရာတစ်ခုအကြောင်း အတိုချုပ်ဆွေးနွေးဖို့ ကျွန်တော်တို့ရောက်လာတာပါ။ ဘယ်ဘာသာဝင်ပဲဖြစ်ပါစေဟာ လူတိုင်းလိုလို ဆုတောင်းကြတယ်။ ဆုတောင်းချက်တွေကို ဘုရား အဖြေပေးတယ်လို့ မိတ်ဆွေထင်သလား၊ ဒါမှမဟုတ် လူတွေက စိတ်သက်သာရာရဖို့အတွက်ပဲ ဆုတောင်းတာလား။ [အဖြေကိုနားထောင်ပါ။] ဆုတောင်းတာနဲ့ပတ်သက်ပြီး ကျမ်းစာမှာဒီလိုပြောထားတယ်။ [၁ ယောဟန် ၅:၁၄ ကိုဖတ်ပါ။] ဆုတောင်းခြင်းကနေ ဘာအကျိုးတွေခံစားရတယ်ဆိုတာ ဒီမဂ္ဂဇင်းမှာ ဖော်ပြထားတယ်။”

နိုးလော့! ဧပြီ

“လူတွေကြုံတွေ့နေရတဲ့ပြဿနာတစ်ခုအတွက် အကူအညီရှိတယ်ဆိုတာကို ကျွန်တော်တို့ လိုက်ပြောပြနေတာပါ။ တချို့သူတွေက သူတို့ဘဝမှာ ပြဿနာတွေများလွန်းလို့ ကိုယ့်ကိုယ်ကို သေကြောင်းကြံဖို့စဉ်းစားကြတယ်။ လူတစ်ယောက် အခက်အခဲဒုက္ခတွေ ခံစားရတဲ့အခါ သူတကယ်သေချင်တာလား ဒါမှမဟုတ် သူခံစားရတဲ့ အခက်အခဲဒုက္ခတွေကို ပြေလည်သွားစေချင်တာလား၊ မိတ်ဆွေ ဘယ်လိုထင်သလဲ။ [အဖြေကိုနားထောင်ပါ။] အကောင်းမြင်စိတ်ဓာတ်ရှိအောင် လူများစွာကို ကူညီပေးခဲ့တဲ့ ကျမ်းစာကတိတစ်ခုရှိတယ်။ [ဗျာဒိတ် ၂၁:၃၊ ၄ ကိုဖတ်ပါ။] လူတစ်ယောက် ကြုံတွေ့နေရတဲ့ပြဿနာတွေကြားမှာ ဆက်အသက်ရှင်နေထိုင်နိုင်ဖို့ ကူညီပေးတဲ့ အကြောင်းကောင်းသုံးခုကို ဒီမဂ္ဂဇင်းမှာ ဖော်ပြထားတယ်။”