နမူနာတင်ဆက်နည်းများ

အောက်မေ့ရာပွဲဖိတ်စာကင်ပိန်း

“အရေးကြီးတဲ့ပွဲနေ့ကို တက်ရောက်ဖို့ ဒီဖိတ်စာကို လာပေးတာပါ။ ဧပြီ ၃ ရက်နေ့မှာ ကမ္ဘာတစ်ဝန်းက သန်းနဲ့ချီတဲ့သူတွေဟာ ယေရှုခရစ်ရဲ့ သေခြင်း အောက်မေ့ရာပွဲကို ကျင်းပဖို့ စုဆုံကြပါလိမ့်မယ်။ ဒီပွဲမှာ ယေရှုရဲ့သေခြင်းကနေ ကျွန်တော်တို့ ဘယ်လိုအကျိုးရနိုင်သလဲဆိုတဲ့ ဟောပြောချက်ကို အခမဲ့ကြားနာရမှာဖြစ်တယ်။ ကျင်းပမယ့် အချိန်နဲ့နေရာကို ဒီဖိတ်စာမှာ ဖော်ပြပေးထားတယ်။

ကင်းမျှော်စင် မတ် ၁

“ယေရှုခရစ်ရဲ့သေခြင်း နှစ်ပတ်လည်နေ့ဟာ ဧပြီ ၃ ရက်မှာ ကျရောက်မှာဖြစ်တယ်။ လူတချို့ဟာ အဲဒီနေ့မှာ အောက်မေ့ရာပွဲကို ကျင်းပဖို့ စုဆုံကြပါလိမ့်မယ်။ ဒါပေမဲ့ တချို့ကတော့ ယေရှုရဲ့သေခြင်းက အရေးမပါဘူးလို့ ယူဆနေကြတယ်။ မိတ်ဆွေကော ဘယ်လိုထင်သလဲ။ ယေရှုရဲ့သေခြင်းနဲ့ အသက်ပြန်ရှင်လာခြင်းက ကျွန်တော်တို့အတွက် အကျိုးရှိသလား။ [အဖြေကိုစောင့်ပါ။] ဒီအကြောင်းနဲ့ပတ်သက်ပြီး ကျမ်းစာမှာ ခုလိုပြောထားပါတယ်။ [၁ ကောရိန္သု ၁၅:၂၂၊ ၂၆ ကိုဖတ်ပါ။] ယေရှု ပေးဆက်သွားတဲ့အရာကြောင့် ကျွန်တော်တို့ သေရတော့မှာမဟုတ်ဘူးဆိုတဲ့အကြောင်း ဒီမဂ္ဂဇင်းမှာ ဖော်ပြပေးထားပါတယ်။”

နိုးလော့!

“နောက်ဆုံးထုတ် နိုးလော့!မဂ္ဂဇင်းတစ်စောင်ပေးဖို့ မိတ်ဆွေဆီ လာတာပါ။ [မျက်နှာဖုံးကိုပြပါ။] ‘ဘုရားသခင်ရှိသလား’ ဆိုတဲ့ ပထမဆုံးမေးခွန်းနဲ့ပတ်သက်ပြီး လူတိုင်းမှာ အမြင်အမျိုးမျိုး ရှိကြတယ်။ အနာဂတ်နဲ့ပတ်သက်ပြီး အကောင်းမြင်သဘောထားရှိတဲ့သူတွေက ဘယ်သူတွေဖြစ်မယ်လို့ မိတ်ဆွေထင်သလဲ။ ဘုရားသခင်ရှိတယ်လို့ ယုံကြည်တဲ့သူလား၊ မရှိဘူးလို့ ယုံကြည်တဲ့သူလား။ [အဖြေကိုစောင့်ပါ။] လူအများမျှော်လင့်နေတဲ့ ဘုရားပေးကတိကို ခုလိုဖတ်ရတယ်။ [ဆာလံ ၃၇:၁၀၊ ၁၁ ကိုဖတ်ပါ။] ဘုရားသခင် တကယ်ရှိ၊ မရှိ ဆန်းစစ်နိုင်ဖို့ ဥပမာလေးခုကို ဒီမဂ္ဂဇင်းမှာ ဖော်ပြပေးထားတယ်။”