ကျမ်းစာသင်အံမှု စတင်နိုင်အောင် အထောက်အကူပြုတဲ့ ဗီဒီယိုအသစ်

jw.org မှာတင်ထားတဲ့ သမ္မာကျမ်းစာကို ဘာကြောင့်လေ့လာသင့်သလဲ ဆိုတဲ့ ဗီဒီယိုအတိုလေးကို လူအတော်များများ ကြည့်နေကြပြီ။ စိတ်ဝင်စားသူတွေကို ကျမ်းစာသင်အံမှု လက်ခံဖို့ ဒီဗီဒီယိုက ထောက်ကူပေးမှာဖြစ်တယ်။ ဒီဗီဒီယိုကို jw.org ဝက်ဆိုက်၊ ပင်မစာမျက်နှာ အောက်မှာရှိတဲ့ “ကျမ်းစာလေ့လာဖို့ တောင်းခံခြင်း” ကို နှိပ်ပြီး ကြည့်လို့ရသလို ဝေစာအသစ်တွေရဲ့ နောက်ကျောရှိ QR သင်္ကေတaကို scan ဆွဲပြီး ကြည့်နိုင်ပါတယ်။ ဒီဗီဒီယိုကို ကောင်းကောင်းအသုံးပြုနိုင်မယ့် အကြုံပြုချက်တွေကို ဖော်ပြပေးထားပါတယ်။

• ပြန်လည်ပတ်မှုသွားတဲ့အခါ အိမ်ရှင်ကို ဒီလိုပြောကြည့်ပါ– “သမ္မာကျမ်းစာကို လူတွေ ဘာကြောင့်လေ့လာကြသလဲဆိုတာကို ရှင်းပြပေးတဲ့ ဗီဒီယိုအတိုလေးတစ်ခုလောက် ပြပေးလို့ရမလား။” အိမ်ရှင်လက်ခံတယ်ဆိုရင် သင့်ရဲ့ဖုန်း၊ တက်ဘလက် ဒါမှမဟုတ် အိမ်ရှင်ရဲ့ ကွန်ပျူတာနဲ့ ဗီဒီယိုကို ပြပေးပါ။

• အလွတ်သဘောသက်သေခံတဲ့အခါ၊ လူအများရှေ့သက်သေခံတဲ့အခါ ဝေစာအသစ်တွေရဲ့နောက်ကျောရှိ QR သင်္ကေတကိုပြပြီး သူတို့ရဲ့ဖုန်း၊ တက်ဘလက်နဲ့ scan ဆွဲဖို့ ပြောပါ။ ဘာသာစကား များစွာမှာတော့ QR သင်္ကေတကို scan ဆွဲလိုက်မယ်ဆိုရင် jw ဝက်ဆိုက်မှာတင်ထားတဲ့ ဗီဒီယိုဆီ တိုက်ရိုက်ရောက်သွားမှာ ဖြစ်တယ်။ ကျွန်ုပ် တို့ရဲ့ ဖုန်း၊ တက်ဘလက်နဲ့လည်း ဗီဒီယိုကို ပြပေးနိုင်ပါတယ်။

• အလုပ်ဖော်၊ ကျောင်းနေဖက်၊ ဆွေမျိုးနဲ့ တခြားမိတ်ဆွေတွေကို ဒီဗီဒီယိုအကြောင်းကိုပြောပြပြီး ကြည့်ချင်သလားလို့ မေးနိုင်တယ်။ ဒီဗီဒီယိုကို သူ့ဘာသာသူကြည့်နိုင်ဖို့ ဝက်ဘ်ဆိုက်လိပ်စာကို အီးမေးနဲ့ ပို့ပေးပါ။

ဒီပြင်ဆင်ပေးချက်အသစ်ကို အသုံးပြုပြီး ကျမ်းစာသင်အံမှုတွေ စနိုင်မယ့်အပြင် ‘ထာဝရအသက် လိုလားသူ’ တွေကို ဘုရားသခင်အကြောင်း ပိုသိလာအောင် ကူညီပေးနိုင်မှာဖြစ်တယ်။—တ. ၁၃:၄၈။