ကျမ်းစာအသံဖိုင်ကို ကောင်းကောင်း အသုံးပြုနေသလား

ကျမ်းစာအသံဖိုင်ဆိုတာ ဘာလဲ။ ကမ္ဘာသစ်ဘာသာပြန်ကျမ်းကို အသံသွင်းထားတာ ဖြစ်တယ်။ ဘာသာစကားများစွာနဲ့ နားဆင်နိုင်ပါတယ်။ ကျမ်းစာဇာတ်ကောင်တစ်ယောက်စီအတွက် အသံသရုပ်ဆောင်တစ်ယောက်စီကို အသုံးပြုထားတယ်။ ကျမ်းစာသတင်းစကားကို မှန်မှန်ကန်ကန် တင်ဆက်နိုင်ဖို့ သင့်လျော်တဲ့ လေးနက်မှုနဲ့ ခံစားချက်ထည့်ပြီး ဖတ်တယ်။

ကျမ်းစာအသံဖိုင်ကြောင့် ဘယ်လို အကျိုးကျေးဇူး ရရှိနေသလဲ။ ကျမ်းစာကို အသက်ဝင်အောင် ဖတ်ရှုထားလို့ ပုံမှန်နားထောင်သူတွေ သဘောကျကြတယ်။ ကျမ်းစာဇာတ်ကောင်အမျိုးမျိုးအတွက် အသံသရုပ်ဆောင်အမျိုးမျိုးကို အသုံးပြုထားလို့ ကျမ်းစာအဖြစ်အပျက်တွေကို ကောင်းကောင်း မြင်ယောင်လာနိုင်တယ်၊ ကျမ်းစာသားတွေကို ရှင်းရှင်းလင်းလင်း နားလည်လာတယ်။ (ပ ၄:၅) စိုးရိမ်စိတ်တွေများလာတဲ့အခါ ကျမ်းစာအသံဖိုင်ကို နားထောင်ခြင်းကနေ စိတ်ငြိမ်သက်မှု ရရှိကြတယ်။—ဆ ၉၄:၁၉။

ကျမ်းစာကို အသံထွက်ဖတ်ထားတာကို နားထောင်ခြင်းက ကျွန်တော်တို့ရဲ့အသက်တာအပေါ် များစွာ သက်ရောက်မှုရှိနိုင်တယ်။ (၂ရ ၃၄:၁၉-၂၁) သင့်ဘာသာစကားနဲ့ ကျမ်းစာအသံဖိုင် တချို့ဖြစ်စေ၊ အားလုံးဖြစ်စေ ရနိုင်တယ်ဆိုရင် ပုံမှန်နားထောင်တဲ့အလေ့အထ လုပ်နိုင်မလား။

သမ္မာကျမ်းစာကို အသံသွင်းထုတ်လုပ်ပုံ—ကောက်နုတ်ချက် ဗီဒီယိုကိုကြည့်ပြီးနောက် အောက်ပါမေးခွန်းတွေကို ဖြေပါ–

ကျမ်းစာအသံဖိုင် ထုတ်လုပ်တာနဲ့ပတ်သက်ပြီး ဘယ်အချက်ကို သဘောကျသလဲ။