ပြီးခဲ့တဲ့နှစ်ရဲ့ ပေါ်လွင်ချက်များ

ဝေါဝစ်မှာ အရှိန်အဟုန်နဲ့တိုးတက်နေ

နယူးယောက်၊ ဝေါဝစ်၊ ယေဟောဝါသက်သေတွေရဲ့ အနာဂတ်ကမ္ဘာ့ဌာနချုပ် ဆောက်လုပ်ရေးလုပ်ငန်းခွင်မှာ စိတ်လှုပ်ရှားစရာအများကြီးရှိသလို လုပ်စရာတွေလည်း အများကြီးရှိနေတယ်။ ရာနဲ့ချီတဲ့ ညီအစ်ကိုညီအစ်မတွေဟာ ဒီစီမံကိန်းမှာပါဝင်နိုင်ဖို့ အကြီးအကျယ် ကိုယ်ကျိုးစွန့်ခဲ့ကြတယ်။ ဒါပေမဲ့ “ဒီမှာအလုပ်လုပ်ခွင့်ရတာကို ဘာနဲ့မှမလဲနိုင်ဘူး” လို့ သူတို့ပြောကြတယ်။ ဝေါဝစ်မှာ ဘာတွေဖြစ်နေတယ်ဆိုတာ ကြည့်ရအောင်။

ဝေါဝစ်မှာအလုပ်လုပ်ရတာ ဘယ်လိုခံစားရလဲ

“ဝေါဝစ်မှာ အဆောက်အအုံတွေ ဆောက်ရုံလောက်ပဲ မဟုတ်ဘူး။ ယေဟောဝါက ဆောက်လုပ်ရေးအုပ်စုအမျိုးမျိုးကို တစ်ပေါင်းတစ်စည်းတည်းဖြစ်အောင် စုစည်းနေတယ်။ အဓိကဆောက်လုပ်ရေးစီမံကိန်းတွေကို ဘယ်လိုဒီဇိုင်းဆွဲရမယ်၊ ဘယ်လိုစီစဉ်ရမယ်ဆိုတာကို ပြန်စဉ်းစားဖို့လည်း ကျွန်တော်တို့ကို ကူညီပေးနေတယ်။”—အန်ရီကီ ဖော့ဒ်။

“‘ထာဝရဘုရားသည် အိမ်ကိုဆောက်တော်မမူလျှင် ဆောက်သောသူတို့သည် အချည်းနှီးလုပ်ဆောင်ကြ၏’ လို့ ဆာလံ ၁၂၇:၁ မှာပြောတယ်။ ယေဟောဝါရဲ့ကောင်းချီးကြောင့် ဒီစီမံကိန်းအောင်မြင်မယ်ဆိုတာ အဲဒီစကားတွေက ယုံကြည်စိတ်ချစေတယ်။” —ထရွိုင် ဆနီဒါ။

“ဒီမှာအလုပ်လုပ်ခွင့်ရတာက ကျွန်တော့်ဘဝမှာ ယုံကြည်ခြင်းခိုင်ခံ့စေတဲ့ အကောင်းဆုံးအတွေ့အကြုံပါပဲ။”—ရစ်ချတ် ဒဗင်။