Lukakatela

Vati Yesu ua Lingile

VIDEO: Yesu a muesa lukakatela mu ku kuasa ntsongo yeni

1. Talenu VIDEO, ni tandenu Yoano 7:3-5; na 1 Kolintu 15:3, 4, 7. Kaha hilulenu ha vihula vi na hatako:

1. Vati ntsongo ya Yesu ha katete ka muesele cizango ku muzimbu ueni?

2. Vukaleho vuka vua muesa ngecize Yesu ka likelele ku tonda vukovelelo vua ku kuasa ntsongo yeni Tiango?

Vi tu Lilongesa Kuli Yesu

2. Tua pande ku muesa ntsintsa muomu ce ku ambata ntsimbu linga vantu va tave muzimbu ua cili.

Tambuluisenu Lungano lua Yesu

3. Esekenu vinjila vikuavo. Nga muntu ka muesele cizango ca ku lilongesa Mbimbiliya mu ntsimbu oyo vene kati mu mu sindiye. Nga citava muesenu vivideo ni vilongesa vi hasa ku kuasa muntu ku mona vati ce kuenda cilongesa ca Mbimbiliya kaha na ku vezika ca ka uanamo.

4. Kati mu Setekese. Nkala muntu ua lifuila. Nga umo kavusoko ni muntu u mua lingi vungendzi vua ku hilukila ali na ku kana-kana mu ku tava ku lilongesa Mbimbiliya ni ku tava cimo cilongesa konkenuho. Vuno kuli vimo via tsiliela via sata cikuma ku mutima? Vuno ue ku pinda na ntsindiye ya vavusoko ni vantu va lihata navo? Mu silenu ntsimbu ya ku puamo a singanieke ha viuma vi mua handeka na ku mona seho ya viuma vi ya longesa Mbimbiliya.

5. Puenu na ku kundika mu vivundilo muntu na muesa cizango. Vundilenu Yehova a mi kuase ku mu mona mu njila ya cili kaha na ku muesa liano. Puenu na ku vundila linga mu nongonone ntsimbu ya ku likela kuendela muntu ka muesele cizango.—1 Kol. 9:26.