Xikiljui tlen ya kineki kimatis

Tlen Jesús kichijki

VIDEO: Jesús kamanalti iuaya se siuatl ipan ameli

1. Xikita nopa VIDEO o xijpoua Juan 4:6-9. Teipa xijnankili ni tlajtlanili:

1. a. ¿Tlake kiitak Jesús kema ayamo kinojnotsayaya nopa siuatl?

2. e. Jesús kiiljuik: “Xinechmaka kentsi atl”. ¿Kenke ika tlen kiiljuik kipaleuik ma kamanalti iuaya?

¿Tlake techmachtia tlen Jesús kichijki?

2. Se maseuali kuali techtlakakilis tlaj tikiljuisej se tlamantli tlen ya kineki kimatis.

Xijchiua kej Jesús

3. Xijpatla tlen ika timokualchijchijki. Amo nochipa xijpeualti xitenojnotsa ika tlen ta mitspaktia. Xijnojnotsa se akajya ika tlen ya kineki kimatis, yeka xijpatla tlen tikijtoskia uan ximotlatsintoki:

1. a. “¿Tlake kiijtouaj ipan noticias?”.

2. e. “¿Tlake mokamanaljuiaj nokalnechkauaj, katli ininuaya nitekiti o katli ininuaya nimomachtia?”.

4. Kuali xitlajtlachia. Ximotlatsintoki:

1. a. “¿Tlake kichijtok nopa maseuali? ¿Ipan tlake monejneuilijtok?”.

2. e. “¿Nima nesi tlake kineltoka o kanke uala kema nikita kej moyoyontia, kej moyejyekchiua uan ichaj?”.

3. i. “¿Uelis amantsi nikamanaltis iuaya nopa maseuali, o uelis teipa?”.

5. Kuali xijtlakakili.

1. a. Amo tlauel xikamanalti.

2. e. Xijkaua nopa maseuali ma kiijto tlen kiyolmati. Uan kema monekis, xijchiuili se keski tlajtlanili.