Ximomachti kuali titlajtolmoyauas: xijpeualti xikinnojnotsa maseualmej kampa ueli

¿Kenke tlauel moneki? Kema titlajtolmoyauaj kajkalpa, miakej amo tikinpantiaj ininchaj. Ni maseualmej uelis tikinpantisej ojtipa kema paxalouaj, kampa tepajtiaj, kema moseuiaj se kentsi kampa tekitij o kampa momachtiaj. Jehová kineki nochi ma kimatikaj nopa tlamachtili tlen iTlanauatijkayo (1 Tim. 2:3, 4). Yeka tlaj nojkia tijnekij tikinmachtisej, moneki tijpeualtisej tikinnojnotsasej kampa ueli.