Ximomachti kuali titlajtolmoyauas: Xikinnojnotsa maseualmej, kiampa uelis titlajtolmoyauas

Jesús amo nima tlajtolmoyajki, achtoui kiiljuik nopa siuatl seyok tlamantli uan kiampa uelki kimachtik. ¿Tlake uelis tijchiuasej tlaj tijnekij tikinnojnotsasej katli amo tikinixmatij?

• Xikinnojnotsa ika tlatlepanitakayotl nochi katli tikinpantis. ¿Tlake kichijki Jesús uan kiampa tlajtolmoyajki maske siajtoya? Ya achtoui tlajtlanki atl. Yeka, tlaj tijpantis se akajya achtoui uelis tijtlajpalos, tikiljuis tlake panotok ipan noticias o seyok tlamantli. Xikilnamiki ya nojkia moneki kamatis, yeka tlen tikijtos moneki kipaktis uan kiampa mitsnankilijtias. Tlaj amo kuali mitsnankilis amo ximokueso, seyok xijnojnotsa. Nojkia xikiljui Jehová ma mitspaleui amo timajmauis (Ne 2:4; Hch 4:29).

• Moneki tikitas kema uelis tijpeualtis titlajtolmoyauas, amo nimantsi xijchiua. Tlaj nima tijpeualtis, uelis nopa maseuali ayokmo kinekis xijnojnotsa uan amo mitstlakakilis, yeka ika yolik xijchiua. Amo ximokueso tlaj amo uelis titlajtolmoyauas. Tlaj timajmaui titlajtolmoyauas kampa ueli, san xikinnojnotsa maseualmej, maske amo titlajtolmoyauas. [Xikinnextili nopa video 1 uan teipa sansejko xikixtomakaj tlake techmachtia].

• Kema timonojnotsas iuaya se akajya uelis tikijtos se tlamantli tlen tijneltokaj, kiampa nopa maseuali nojua kinekis kimatis uan tlatsintokas. Nopa siuatl pejki tlatsintoka pampa Jesús kej nopa kichijki. Jesús san kinankilijtiajki tlen nopa siuatl kinekiyaya kimatis, kema kiiljuik tlen toTeotsij iTlanauatijkayo. [Xikinnextili nopa video 2 uan teipa sansejko xikixtomakaj tlake techmachtia. Nojkia kiampa xijchiua ika nopa video 3].