Kusengerera

Zvicinyi Zvakaizwa ndi Jesu?

VHIDHIYO: Jesu ngo Kusengerera Kese ari Kubesa Hama Yake

1. Wonanyi VHIDHIYO, kana verenganyi Johani 7:3-5 uye 1 VaKorinde 15:3, 4, 7. Mapeja bhuisananyi ngo muvhunjo jinotevera:

1. Hama ja Jesu jaidavirisa kudini masoko aaiparija?

2. Zvicinyi zvinokhombija kuti Jesu aato kuremba kubesa munukuna wake Jakobhe?

Tinojijenyi ngo Zvakaizwa ndi Jesu?

2. Tinodikana kuva vandhu vanosengerera ngo kuti vandhu vamweni vanotora nguva yakareba kuti vadakarire masoko akanaka kupinda zvinoizwa ngo vamweni.

Tevejeranyi Jesu

3. Ejanyi kubhuya masoko ngo njira yakasiana-siyana. Kudai mundhu akatama kutenda jijo yo Bhaibheri musamuvangirija. Kudai zvesiita, mukhombijenyi mavhidhiyo kana musolo jinozomubesa kuti azwisise kuti zvicinyi zvinoizwa pa jijo yo Bhaibheri uye kuti ngenyi zvakanaka kuti iyena ajije.

4. Musaezanisa. Vandhu vakasiyana. Kudai ari wese wo pa mbhuri penyu kana kuti mundhu umweni wamuri kuhwiririra akaramba jijo yo Bhaibheri kana kuti cokwadi ciri mu Bhaibheri, ejanyi kuziva kuti icinyi cinoita kuti iyena adaroko. Kubhuya kuti pano jijiso jokuceci kake jaanotenda kuti jinokosha maningi kaari? Iyena ari kuhwisana no kuvangirijwa ngovo pa mbhuri pake kana vocigarisano? Mupasenyi nguva kuti anase kulangarira zvamunonga mesijija naye no kuona ega kuti zvinobhuiwa ngo Bhaibheri zvinokosha maningi.

5. Itanyi mukumbiro kuti Jehovha abesere mundhu wakhombija kudakarira. Kumbiranyi Jehovha kuti amubesere kuti murambe muno mawonero akanaka uye no nderemejo. Kumbiranyi Jehovha kuti amupe ruzivo rokuzwisisa kuti ndi rini wamunodikana kuyema kuhwiririra ku mundhu wiya anonga asikadakariri.—1 VaK. 9:26.