Usizi

Jesu Wakazviitisa Kudini?

VHIDHIYO: Jesu Anozwira Vandhu Usizi

1. Wonanyi VHIDHIYO, kana verenganyi Mako 6:30-34. Mapeja bhuisananyi ngo muvhunjo jinotevera:

1. Ngenyi Jesu no vapostori vake vaida kumbogara kavo “vega”?

2. Zvicinyi zvakaita kuti Jesu ade kujijisa vandhu ava?

Tinojijenyi ngo Zvakaizwa ndi Jesu?

2. Kudai tino usizi, tinokhombija kuti tinoda vandhu haiwa basi ngo masoko edu asi nga zviya zvatinoita.

Tevejeranyi Jesu

3. Nasanyi kuyaeya. Sianyi mundhuwo kuti anase kuvereketa mazwiro ake. Musakasika kumukamisa paanonga esibhuya zvaari kuzwa, zvineso zvaari kusangana nazvo kana zviro zvaasikatenderani nazvo. Ngo kunasa kumuyaeya, munonga mesiwonesa kuti munoda kuziva zvaanolangarira.

4. Langariranyiwo ngo mundhu ari kudakarira. Mesilangarira ngo mabhuyo omakaita naye, jivhujisenyi kudai:

1. ‘Ngenyi iyena anoda kuzwa masoko akanaka?’

2. ‘Kujija Bhaibheri kunozomubesesa kudini mu upenyu wake zvino no mberiyo?’

5. Bhuyanyi zviro zvinobesera mundhuwo. Ngokukasika, mukhombijenyi kuti Bhaibheri rinokona kudavira muvhunjo jake uye rinokona kumubesa mu upenyu wake.