TAUM WERER MIT DAI LÜÜR FORTELE
KAPITEL 9
Forstå wat dai mësch bruukt, denkt un fornimt
Ine Bijbel stäit: “Fröögt juuch mit dai wat sich frööge, hüült mit dai wat hüüle.” (Rom 12:15)
Wat hät Jësus måkt?
1. Kijk der VIDEO, urer lees Marcos 6:30 bet 34. Nåheer, dau dai frågen hijr uuner antwoore:
Woweegen wul Jësus un sijn apostels “alaine blijwe”?
Woweegen hät Jësus dat folk inlërt?
Wat lëre wij fon Jësus?
2. Wij wile ni bloosig dai gaure nijges tau dai lüür preege åwer wij wile eer uk mithelpe.
Måk Jësus nå
3. Dau gaud hööre. Låt dat dai mësch sägt wat dai fornimt un denkt. Dau der mësche ni glijk forstööre wen dai fortelt oiwer dat wat dai fornimt, dem sij kopbreeken urer oiwer air dail wat dai ni annimt. Wen’s duu gaud hööre däist, dai mësch süüt dat’s duu dij bekümerst mit dem un mit dat wat dai denkt.
4. Denk an der mësche wat mër waite wil. Wen’s duu andenke däist woo oiwer jij al fortelt häwe, fråg dij:
‘Woweegen bruukt dai mësch dai gaure nijges hööre?’
‘Wosoo kan dem sij leewend nuu un in dai tijd foiruut beeter ware doir dai Bijbel lëre?’
5. Fortel oiwer wat dem mësche helpe kan. Soo rasch as hengiwt, dau wijse wosoo dai Bijbel lëre dem sijn frågen antwoore kan un dem mithelpe kan.