७ तब पृथ्वी काँप्न र हल्लिन थाल्यो;+
उहाँ रिसाउनुभएकोले पहाडका जगहरू डगमगाए,
ती यताउता हल्लिन थाले।+
८ उहाँको नाकको पोराबाट धुवाँ निस्कियो,
उहाँको मुखबाट दनदनी बलेको आगो निस्कियो;+
बलिरहेको भुङ्ग्रो उहाँबाट निस्कियो।
९ तल झर्दा उहाँले आकाशलाई निहुराउनुभयो+
अनि उहाँको पैतालामुनि निस्पट्ट अन्धकार थियो।+
१० उहाँ करूबमाथि सवार भएर उड्दै आउनुभयो।+
स्वर्गदूतको पखेटामा हुँइकँदै आउनुभयो।+
११ त्यसपछि उहाँले आफैलाई अन्धकारले ढाक्नुभयो+
र मडारिएको कालो बादललाई+ आफ्नो वरिपरि पालजस्तै फिँजाउनुभयो।
१२ उहाँसामु बिजुली चम्कियो,
असिना र बलिरहेको भुङ्ग्रो बादल चिरेर निस्किए।