४९ “यहोवा परमेश्‍वरले एकदमै टाढाको,+ पृथ्वीको पल्लो छेउको एउटा जातिलाई तिमीहरूविरुद्ध उठाउनुहुनेछ। तिमीहरूले नबुझ्ने भाषा बोल्ने त्यस जातिले+ तिमीहरूलाई चीलले जस्तै झम्टिनेछ।+ ५० त्यो निर्दयी जाति, जसले बूढापाकाको आदर गर्नेछैन र बालबच्चालाई दया देखाउनेछैन।+

१३ हेर, तिमीहरूका शत्रुहरू कालो बादलसरी आउनेछन्‌,

उनीहरूका रथहरू आँधीबेहरीझैँ आउनेछन्‌।+

उनीहरूका घोडाहरू चीलभन्दा तेज छन्‌।+

धिक्कार हामीलाई! किनभने हामी नाश हुने भयौँ।

१९ हामीलाई खेद्‌नेहरू आकाशका चीलहरूभन्दा तेज थिए।+

तिनीहरूले हामीलाई पहाडहरूमा खेदे र एकलास ठाउँमा ढुकेर बसे।

 ६ किनकि हेर, म कल्दियालीहरूलाई खडा गर्नेछु,+

जुन अत्यन्तै उग्र र क्रूर जाति हो।

तिनीहरू पृथ्वीको वल्लो छेउदेखि पल्लो छेउसम्म जान्छन्‌

र अरूको घर कब्जा गर्छन्‌।+

 ८ तिनीहरूका घोडाहरू चितुवाभन्दा छिटो दगुर्छन्‌,

तिनीहरू राती निस्कने ब्वाँसाहरूभन्दा हिंस्रक छन्‌।+

तिनीहरूका युद्धका घोडाहरू सर्पट मार्दै आउँछन्‌।

तिनीहरूका घोडाहरू टाढा-टाढादेखि आउँछन्‌।

सिकार पक्रन चीलले जमिनतिर वेग हानेझैँ तिनीहरू वेग हान्छन्‌।+