८ येसुले त्यसलाई जवाफ दिनुभयो: “यस्तो लेखिएको छ, ‘तिमीहरूले यहोवा* तिमीहरूका परमेश्‍वरको उपासना गर्नुपर्छ अनि उहाँलाई मात्र पवित्र सेवा चढाउनुपर्छ।’”+

१२ तिनीहरूले बर्णाबासलाई ज्युस देवता तर पावललाई चाहिँ हर्मेस देवता भन्‍न थाले किनकि अघि सरेर बोल्ने तिनी नै थिए। १३ तब सहरको मूलढोकानेर भएको ज्युसको मन्दिरका पुजारीले मूलढोकामा बहरहरू र फूलमाला ल्याए अनि भीडसित मिलेर बलि चढाउने इच्छा गरे।

१४ तर जब प्रेषित बर्णाबास र प्रेषित पावलले यो कुरा सुने, तब तिनीहरूले आफ्नो लुगा च्याते अनि भीडमा हामफालेर यसो भन्दै चिच्याए: १५ “हे मानिसहरू हो, तपाईँहरू किन यस्तो काम गर्नुहुन्छ? हामी पनि त तपाईँहरूजस्तै कमीकमजोरी भएका मानिसहरू हौँ।+ अनि यी निरर्थक कुराहरूबाट फर्केर आकाश, पृथ्वी र समुद्र अनि तिनमा भएका सबै थोक बनाउनुहुने+ जीवित परमेश्‍वरकहाँ आउनुहोस्‌ भनेर तपाईँहरूलाई सुसमाचार सुनाउन आएका हौँ।

१० यो सुनेर म तिनको उपासना गर्न तिनका पाउमा घोप्टो परेँ। तर तिनी मलाई भन्छन्‌: “होसियार! त्यसो नगर!+ किनकि म तिम्रो अनि तिम्रा भाइहरू, जसले येसुको साक्षी दिने काम पाएका छन्‌,+ तिनीहरूको सङ्‌गी दास मात्र हुँ। परमेश्‍वरको उपासना गर!+ किनभने येसुको विषयमा साक्षी दिनु नै भविष्यवाणीहरूको उद्देश्‍य हो।”+

८ म युहन्‍नाले यी कुराहरू सुनिरहेको अनि देखिरहेको थिएँ। जब मैले ती सुनेँ अनि देखेँ, तब यी कुराहरू मलाई देखाउने स्वर्गदूतको उपासना गर्न म तिनका पाउमा घोप्टो परेँ। ९ तर तिनी मलाई भन्छन्‌: “होसियार! त्यसो नगर! किनकि म तिम्रो अनि तिम्रा भाइहरू, जो भविष्यवक्‍ताहरू हुन्‌, तिनीहरूको अनि यस पुस्तकका वचनहरू पालन गर्नेहरूजतिको सङ्‌गी दास मात्र हुँ। परमेश्‍वरको उपासना गर।”+